Psaumes 9

¹ לַ֭מְנַצֵּחַ עַלְמ֥וּת לַבֵּ֗ן מִזְמֹ֥ור לְדָוִֽד׃ lamenatseaḥ ʿalemut laben mizemowr ledawid׃

² אֹודֶ֣ה יְ֭הוָה בְּכָל־לִבִּ֑י אֲ֝סַפְּרָ֗ה כָּל־נִפְלְאֹותֶֽיךָ׃ ʾowdeh yehwah bekhal־libiy ʾasaperah kal־nifeleʾowteykha׃

³ אֶשְׂמְחָ֣ה וְאֶעֶלְצָ֣ה בָ֑ךְ אֲזַמְּרָ֖ה שִׁמְךָ֣ עֶלְיֹֽון׃ ʾesemeḥah weʾeʿeletsah vakhe ʾazamerah shimekha ʿeleyown׃

⁴ בְּשׁוּב־אֹויְבַ֥י אָחֹ֑ור יִכָּשְׁל֥וּ וְ֝יֹאבְד֗וּ מִפָּנֶֽיךָ׃ beshuv־ʾowyevay ʾaḥowr yikashelu weyoʾvedu mipaneykha׃

⁵ כִּֽי־עָ֭שִׂיתָ מִשְׁפָּטִ֣י וְדִינִ֑י יָשַׁ֥בְתָּ לְ֝כִסֵּ֗א שֹׁופֵ֥ט צֶֽדֶק׃ kiy־ʿasiyta mishepaṭiy wediyniy yashaveta lekhiseʾ showfeṭ tsedeq׃

⁶ גָּעַ֣רְתָּ גֹ֭ויִם אִבַּ֣דְתָּ רָשָׁ֑ע שְׁמָ֥ם מָ֝חִ֗יתָ לְעֹולָ֥ם וָעֶֽד׃ gaʿareta gowyim ʾibadeta rashaʿ shemam maḥiyta leʿowlam waʿed׃

⁷ הָֽאֹויֵ֨ב ׀ תַּ֥מּוּ חֳרָבֹ֗ות לָ֫נֶ֥צַח וְעָרִ֥ים נָתַ֑שְׁתָּ אָבַ֖ד זִכְרָ֣ם הֵֽמָּה׃ haʾowyev ׀ tamu ḥoravowt lanetsaḥ weʿariym natasheta ʾavad zikheram hemah׃

⁸ וַֽ֭יהוָה לְעֹולָ֣ם יֵשֵׁ֑ב כֹּונֵ֖ן לַמִּשְׁפָּ֣ט כִּסְאֹֽו׃ wayhwah leʿowlam yeshev kownen lamishepaṭ kiseʾow׃

⁹ וְה֗וּא יִשְׁפֹּֽט־תֵּבֵ֥ל בְּצֶ֑דֶק יָדִ֥ין לְ֝אֻמִּ֗ים בְּמֵישָׁרִֽים׃ wehuʾ yishepoṭ־tevel betsedeq yadiyn leʾumiym bemeyshariym׃

¹⁰ וִ֘יהִ֤י יְהוָ֣ה מִשְׂגָּ֣ב לַדָּ֑ךְ מִ֝שְׂגָּ֗ב לְעִתֹּ֥ות בַּצָּרָֽה׃ wiyhiy yehwah misegav ladakhe misegav leʿitowt batsarah׃

¹¹ וְיִבְטְח֣וּ בְ֭ךָ יֹודְעֵ֣י שְׁמֶ֑ךָ כִּ֤י לֹֽא־עָזַ֖בְתָּ דֹרְשֶׁ֣יךָ יְהוָֽה׃ weyiveṭeḥu vekha yowdeʿey shemekha kiy loʾ־ʿazaveta doresheykha yehwah׃

¹² זַמְּר֗וּ לַ֭יהוָה יֹשֵׁ֣ב צִיֹּ֑ון הַגִּ֥ידוּ בָ֝עַמִּ֗ים עֲלִֽילֹותָֽיו׃ zameru layhwah yoshev tsiyown hagiydu vaʿamiym ʿaliylowtayw׃

¹³ כִּֽי־דֹרֵ֣שׁ דָּ֭מִים אֹותָ֣ם זָכָ֑ר לֹֽאשָׁ֝־כַ֗ח צַעֲקַ֥ת [עֲנִיִּים כ] (עֲנָוִֽים׃ ק) kiy־doresh damiym ʾowtam zakhar loʾsha־khaḥ tsaʿaqat [ʿaniyiym kh] (ʿanawiym׃ q)

¹⁴ חָֽנְנֵ֬נִי יְהוָ֗ה רְאֵ֣ה עָ֭נְיִי מִשֹּׂנְאָ֑י מְ֝רֹומְמִ֗י מִשַּׁ֥עֲרֵי מָֽוֶת׃ ḥaneneniy yehwah reʾeh ʿaneyiy misoneʾay merowmemiy mishaʿarey mawet׃

¹⁵ לְמַ֥עַן אֲסַפְּרָ֗ה כָּֽל־תְּהִלָּ֫תֶ֥יךָ בְּשַֽׁעֲרֵ֥י בַת־צִיֹּ֑ון אָ֝גִ֗ילָה בִּישׁוּעָתֶֽךָ׃ lemaʿan ʾasaperah kal־tehilateykha beshaʿarey vat־tsiyown ʾagiylah biyshuʿatekha׃

¹⁶ טָבְע֣וּ גֹ֭ויִם בְּשַׁ֣חַת עָשׂ֑וּ בְּרֶֽשֶׁת־ז֥וּ טָ֝מָ֗נוּ נִלְכְּדָ֥ה רַגְלָֽם׃ ṭaveʿu gowyim beshaḥat ʿasu bereshet־zu ṭamanu nilekedah ragelam׃

¹⁷ נֹ֤ודַ֨ע ׀ יְהוָה֮ מִשְׁפָּ֪ט עָ֫שָׂ֥ה בְּפֹ֣עַל כַּ֭פָּיו נֹוקֵ֣שׁ רָשָׁ֑ע הִגָּיֹ֥ון סֶֽלָה׃ nowdaʿ ׀ yehwah mishepaṭ ʿasah befoʿal kapayw nowqesh rashaʿ higayown selah׃

¹⁸ יָשׁ֣וּבוּ רְשָׁעִ֣ים לִשְׁאֹ֑ולָה כָּל־גֹּ֝ויִ֗ם שְׁכֵחֵ֥י אֱלֹהִֽים׃ yashuvu reshaʿiym lisheʾowlah kal־gowyim shekheḥey ʾelohiym׃

¹⁹ כִּ֤י לֹ֣א לָ֭נֶצַח יִשָּׁכַ֣ח אֶבְיֹ֑ון תִּקְוַ֥ת [עֲנָוִים כ] (עֲ֝נִיִּ֗ים ק) תֹּאבַ֥ד לָעַֽד׃ kiy loʾ lanetsaḥ yishakhaḥ ʾeveyown tiqewat [ʿanawiym kh] (ʿaniyiym q) toʾvad laʿad׃

²⁰ קוּמָ֣ה יְ֭הוָה אַל־יָעֹ֣ז אֱנֹ֑ושׁ יִשָּׁפְט֥וּ גֹ֝ויִ֗ם עַל־פָּנֶֽיךָ׃ qumah yehwah ʾal־yaʿoz ʾenowsh yishafeṭu gowyim ʿal־paneykha׃

²¹ שִׁ֘יתָ֤ה יְהוָ֨ה ׀ מֹורָ֗ה לָ֫הֶ֥ם יֵדְע֥וּ גֹויִ֑ם אֱנֹ֖ושׁ הֵ֣מָּה סֶּֽלָה׃ shiytah yehwah ׀ mowrah lahem yedeʿu gowyim ʾenowsh hemah selah׃