Psaumes 79

¹ מִזְמֹ֗ור לְאָ֫סָ֥ף אֱ‍ֽלֹהִ֡ים בָּ֤אוּ גֹויִ֨ם ׀ בְּֽנַחֲלָתֶ֗ךָ טִ֭מְּאוּ אֶת־הֵיכַ֣ל קָדְשֶׁ֑ךָ שָׂ֖מוּ אֶת־יְרוּשָׁלִַ֣ם לְעִיִּֽים׃ mizemowr leʾasaf א‍lohiym baʾu gowyim ׀ benaḥalatekha ṭimeʾu ʾet־heykhal qadeshekha samu ʾet־yerushalim leʿiyiym׃

² נָֽתְנ֡וּ אֶת־נִבְלַ֬ת עֲבָדֶ֗יךָ מַ֭אֲכָל לְעֹ֣וף הַשָּׁמָ֑יִם בְּשַׂ֥ר חֲ֝סִידֶ֗יךָ לְחַיְתֹו־אָֽרֶץ׃ natenu ʾet־nivelat ʿavadeykha maʾakhal leʿowf hashamayim besar ḥasiydeykha leḥayetow־ʾarets׃

³ שָׁפְכ֬וּ דָמָ֨ם ׀ כַּמַּ֗יִם סְֽבִ֘יבֹ֤ות יְֽרוּשָׁלִָ֗ם וְאֵ֣ין קֹובֵֽר׃ shafekhu damam ׀ kamayim seviyvowt yerushalim weʾeyn qowver׃

⁴ הָיִ֣ינוּ חֶ֭רְפָּה לִשְׁכֵנֵ֑ינוּ לַ֥עַג וָ֝קֶ֗לֶס לִסְבִיבֹותֵֽינוּ׃ hayiynu ḥerepah lishekheneynu laʿag waqeles liseviyvowteynu׃

⁵ עַד־מָ֣ה יְ֭הוָה תֶּאֱנַ֣ף לָנֶ֑צַח תִּבְעַ֥ר כְּמֹו־אֵ֝֗שׁ קִנְאָתֶֽךָ׃ ʿad־mah yehwah teʾenaf lanetsaḥ tiveʿar kemow־ʾesh qineʾatekha׃

⁶ שְׁפֹ֤ךְ חֲמָתְךָ֨ אֶֽל־הַגֹּויִם֮ אֲשֶׁ֪ר לֹא־יְדָ֫ע֥וּךָ וְעַ֥ל מַמְלָכֹ֑ות אֲשֶׁ֥ר בְּ֝שִׁמְךָ֗ לֹ֣א קָרָֽאוּ׃ shefokhe ḥamatekha ʾel־hagowyim ʾasher loʾ־yedaʿukha weʿal mamelakhowt ʾasher beshimekha loʾ qaraʾu׃

⁷ כִּ֭י אָכַ֣ל אֶֽת־יַעֲקֹ֑ב וְֽאֶת־נָוֵ֥הוּ הֵשַֽׁמּוּ׃ kiy ʾakhal ʾet־yaʿaqov weʾet־nawehu heshamu׃

⁸ אַֽל־תִּזְכָּר־לָנוּ֮ עֲוֹנֹ֪ת רִאשֹׁ֫נִ֥ים מַ֭הֵר יְקַדְּמ֣וּנוּ רַחֲמֶ֑יךָ כִּ֖י דַלֹּ֣ונוּ מְאֹֽד׃ ʾal־tizekar־lanu ʿaonot riʾshoniym maher yeqademunu raḥameykha kiy dalownu meʾod׃

⁹ עָזְרֵ֤נוּ ׀ אֱלֹ֘הֵ֤י יִשְׁעֵ֗נוּ עַל־דְּבַ֥ר כְּבֹֽוד־שְׁמֶ֑ךָ וְהַצִּילֵ֥נוּ וְכַפֵּ֥ר עַל־חַ֝טֹּאתֵ֗ינוּ לְמַ֣עַן שְׁמֶֽךָ׃ ʿazerenu ׀ ʾelohey yisheʿenu ʿal־devar kevowd־shemekha wehatsiylenu wekhaper ʿal־ḥaṭoʾteynu lemaʿan shemekha׃

¹⁰ לָ֤מָּה ׀ יֹאמְר֣וּ הַגֹּויִם֮ אַיֵּ֪ה אֱ‍ֽלֹהֵ֫יהֶ֥ם יִוָּדַ֣ע [בַּגִּיִּים כ] (בַּגֹּויִ֣ם ק) לְעֵינֵ֑ינוּ נִ֝קְמַ֗ת דַּֽם־עֲבָדֶ֥יךָ הַשָּׁפֽוּךְ׃ lamah ׀ yoʾmeru hagowyim ʾayeh א‍loheyhem yiuadaʿ [bagiyiym kh] (bagowyim q) leʿeyneynu niqemat dam־ʿavadeykha hashafukhe׃

¹¹ תָּ֤בֹ֣וא לְפָנֶיךָ֮ אֶנְקַ֪ת אָ֫סִ֥יר כְּגֹ֥דֶל זְרֹועֲךָ֑ הֹ֝ותֵ֗ר בְּנֵ֣י תְמוּתָֽה׃ tavowʾ lefaneykha ʾeneqat ʾasiyr kegodel zerowʿakha howter beney temutah׃

¹² וְהָ֘שֵׁ֤ב לִשְׁכֵנֵ֣ינוּ בְעָתַיִם אֶל־חֵיקָ֑ם חֶרְפָּ֘תָ֤ם אֲשֶׁ֖ר חֵרְפ֣וּךָ אֲדֹנָֽי׃ wehashev lishekheneynu veʿatayim ʾel־ḥeyqam ḥerepatam ʾasher ḥerefukha ʾadonay׃

¹³ וַאֲנַ֤חְנוּ עַמְּךָ֨ ׀ וְצֹ֥אן מַרְעִיתֶךָ֮ נֹ֤ודֶ֥ה לְּךָ֗ לְעֹ֫ולָ֥ם לְדֹ֥ר וָדֹ֑ר נְ֝סַפֵּ֗ר תְּהִלָּתֶֽךָ׃ waʾanaḥenu ʿamekha ׀ wetsoʾn mareʿiytekha nowdeh lekha leʿowlam ledor wador nesaper tehilatekha׃