Exode 22

¹ אִם־בַּמַּחְתֶּ֛רֶת יִמָּצֵ֥א הַגַּנָּ֖ב וְהֻכָּ֣ה וָמֵ֑ת אֵ֥ין לֹ֖ו דָּמִֽים׃ ʾim־bamaḥeteret yimatseʾ haganav wehukah wamet ʾeyn low damiym׃

² אִם־זָרְחָ֥ה הַשֶּׁ֛מֶשׁ עָלָ֖יו דָּמִ֣ים לֹ֑ו שַׁלֵּ֣ם יְשַׁלֵּ֔ם אִם־אֵ֣ין לֹ֔ו וְנִמְכַּ֖ר בִּגְנֵבָתֹֽו׃ ʾim־zareḥah hashemesh ʿalayw damiym low shalem yeshalem ʾim־ʾeyn low wenimekar bigenevatow׃

³ אִֽם־הִמָּצֵא֩ תִמָּצֵ֨א בְיָדֹ֜ו הַגְּנֵבָ֗ה מִשֹּׁ֧ור עַד־חֲמֹ֛ור עַד־שֶׂ֖ה חַיִּ֑ים שְׁנַ֖יִם יְשַׁלֵּֽם׃ ס ʾim־himatseʾ timatseʾ veyadow hagenevah mishowr ʿad־ḥamowr ʿad־seh ḥayiym shenayim yeshalem׃ s

⁴ כִּ֤י יַבְעֶר־אִישׁ֙ שָׂדֶ֣ה אֹו־כֶ֔רֶם וְשִׁלַּח֙ אֶת־ [בְּעִירָה כ] (בְּעִירֹ֔ו ק) וּבִעֵ֖ר בִּשְׂדֵ֣ה אַחֵ֑ר מֵיטַ֥ב שָׂדֵ֛הוּ וּמֵיטַ֥ב כַּרְמֹ֖ו יְשַׁלֵּֽם׃ ס kiy yaveʿer־ʾiysh sadeh ʾow־kherem weshilaḥ ʾet־ [beʿiyrah kh] (beʿiyrow q) uviʿer bisedeh ʾaḥer meyṭav sadehu umeyṭav karemow yeshalem׃ s

⁵ כִּֽי־תֵצֵ֨א אֵ֜שׁ וּמָצְאָ֤ה קֹצִים֙ וְנֶאֱכַ֣ל גָּדִ֔ישׁ אֹ֥ו הַקָּמָ֖ה אֹ֣ו הַשָּׂדֶ֑ה שַׁלֵּ֣ם יְשַׁלֵּ֔ם הַמַּבְעִ֖ר אֶת־הַבְּעֵרָֽה׃ ס kiy־tetseʾ ʾesh umatseʾah qotsiym weneʾekhal gadiysh ʾow haqamah ʾow hasadeh shalem yeshalem hamaveʿir ʾet־habeʿerah׃ s

⁶ כִּֽי־יִתֵּן֩ אִ֨ישׁ אֶל־רֵעֵ֜הוּ כֶּ֤סֶף אֹֽו־כֵלִים֙ לִשְׁמֹ֔ר וְגֻנַּ֖ב מִבֵּ֣ית הָאִ֑ישׁ אִם־יִמָּצֵ֥א הַגַּנָּ֖ב יְשַׁלֵּ֥ם שְׁנָֽיִם׃ kiy־yiten ʾiysh ʾel־reʿehu kesef ʾow־kheliym lishemor wegunav mibeyt haʾiysh ʾim־yimatseʾ haganav yeshalem shenayim׃

⁷ אִם־לֹ֤א יִמָּצֵא֙ הַגַּנָּ֔ב וְנִקְרַ֥ב בַּֽעַל־הַבַּ֖יִת אֶל־הָֽאֱלֹהִ֑ים אִם־לֹ֥א שָׁלַ֛ח יָדֹ֖ו בִּמְלֶ֥אכֶת רֵעֵֽהוּ׃ ʾim־loʾ yimatseʾ haganav weniqerav baʿal־habayit ʾel־haʾelohiym ʾim־loʾ shalaḥ yadow bimeleʾkhet reʿehu׃

⁸ עַֽל־כָּל־דְּבַר־פֶּ֡שַׁע עַל־שֹׁ֡ור עַל־חֲ֠מֹור עַל־שֶׂ֨ה עַל־שַׂלְמָ֜ה עַל־כָּל־אֲבֵדָ֗ה אֲשֶׁ֤ר יֹאמַר֙ כִּי־ה֣וּא זֶ֔ה עַ֚ד הָֽאֱלֹהִ֔ים יָבֹ֖א דְּבַר־שְׁנֵיהֶ֑ם אֲשֶׁ֤ר יַרְשִׁיעֻן֙ אֱלֹהִ֔ים יְשַׁלֵּ֥ם שְׁנַ֖יִם לְרֵעֵֽהוּ׃ ס ʿal־kal־devar־peshaʿ ʿal־showr ʿal־ḥamowr ʿal־seh ʿal־salemah ʿal־kal־ʾavedah ʾasher yoʾmar kiy־huʾ zeh ʿad haʾelohiym yavoʾ devar־sheneyhem ʾasher yareshiyʿun ʾelohiym yeshalem shenayim lereʿehu׃ s

⁹ כִּֽי־יִתֵּן֩ אִ֨ישׁ אֶל־רֵעֵ֜הוּ חֲמֹ֨ור אֹו־שֹׁ֥ור אֹו־שֶׂ֛ה וְכָל־בְּהֵמָ֖ה לִשְׁמֹ֑ר וּמֵ֛ת אֹו־נִשְׁבַּ֥ר אֹו־נִשְׁבָּ֖ה אֵ֥ין רֹאֶֽה׃ kiy־yiten ʾiysh ʾel־reʿehu ḥamowr ʾow־showr ʾow־seh wekhal־behemah lishemor umet ʾow־nishebar ʾow־nishebah ʾeyn roʾeh׃

¹⁰ שְׁבֻעַ֣ת יְהוָ֗ה תִּהְיֶה֙ בֵּ֣ין שְׁנֵיהֶ֔ם אִם־לֹ֥א שָׁלַ֛ח יָדֹ֖ו בִּמְלֶ֣אכֶת רֵעֵ֑הוּ וְלָקַ֥ח בְּעָלָ֖יו וְלֹ֥א יְשַׁלֵּֽם׃ shevuʿat yehwah tiheyeh beyn sheneyhem ʾim־loʾ shalaḥ yadow bimeleʾkhet reʿehu welaqaḥ beʿalayw weloʾ yeshalem׃

¹¹ וְאִם־גָּנֹ֥ב יִגָּנֵ֖ב מֵעִמֹּ֑ו יְשַׁלֵּ֖ם לִבְעָלָֽיו׃ weʾim־ganov yiganev meʿimow yeshalem liveʿalayw׃

¹² אִם־טָרֹ֥ף יִטָּרֵ֖ף יְבִאֵ֣הוּ עֵ֑ד הַטְּרֵפָ֖ה לֹ֥א יְשַׁלֵּֽם׃ פ ʾim־ṭarof yiṭaref yeviʾehu ʿed haṭerefah loʾ yeshalem׃ f

¹³ וְכִֽי־יִשְׁאַ֥ל אִ֛ישׁ מֵעִ֥ם רֵעֵ֖הוּ וְנִשְׁבַּ֣ר אֹו־מֵ֑ת בְּעָלָ֥יו אֵין־עִמֹּ֖ו שַׁלֵּ֥ם יְשַׁלֵּֽם׃ wekhiy־yisheʾal ʾiysh meʿim reʿehu wenishebar ʾow־met beʿalayw ʾeyn־ʿimow shalem yeshalem׃

¹⁴ אִם־בְּעָלָ֥יו עִמֹּ֖ו לֹ֣א יְשַׁלֵּ֑ם אִם־שָׂכִ֣יר ה֔וּא בָּ֖א בִּשְׂכָרֹֽו׃ ס ʾim־beʿalayw ʿimow loʾ yeshalem ʾim־sakhiyr huʾ baʾ bisekharow׃ s

¹⁵ וְכִֽי־יְפַתֶּ֣ה אִ֗ישׁ בְּתוּלָ֛ה אֲשֶׁ֥ר לֹא־אֹרָ֖שָׂה וְשָׁכַ֣ב עִמָּ֑הּ מָהֹ֛ר יִמְהָרֶ֥נָּה לֹּ֖ו לְאִשָּֽׁה׃ wekhiy־yefateh ʾiysh betulah ʾasher loʾ־ʾorasah weshakhav ʿimah mahor yimeharenah low leʾishah׃

¹⁶ אִם־מָאֵ֧ן יְמָאֵ֛ן אָבִ֖יהָ לְתִתָּ֣הּ לֹ֑ו כֶּ֣סֶף יִשְׁקֹ֔ל כְּמֹ֖הַר הַבְּתוּלֹֽת׃ ס ʾim־maʾen yemaʾen ʾaviyha letitah low kesef yisheqol kemohar habetulot׃ s

¹⁷ מְכַשֵּׁפָ֖ה לֹ֥א תְחַיֶּֽה׃ ס mekhashefah loʾ teḥayeh׃ s

¹⁸ כָּל־שֹׁכֵ֥ב עִם־בְּהֵמָ֖ה מֹ֥ות יוּמָֽת׃ ס kal־shokhev ʿim־behemah mowt yumat׃ s

¹⁹ זֹבֵ֥חַ לָאֱלֹהִ֖ים יָֽחֳרָ֑ם בִּלְתִּ֥י לַיהוָ֖ה לְבַדֹּֽו׃ zoveaḥ laʾelohiym yaḥoram biletiy layhwah levadow׃

²⁰ וְגֵ֥ר לֹא־תֹונֶ֖ה וְלֹ֣א תִלְחָצֶ֑נּוּ כִּֽי־גֵרִ֥ים הֱיִיתֶ֖ם בְּאֶ֥רֶץ מִצְרָֽיִם׃ weger loʾ־towneh weloʾ tileḥatsenu kiy־geriym heyiytem beʾerets mitserayim׃

²¹ כָּל־אַלְמָנָ֥ה וְיָתֹ֖ום לֹ֥א תְעַנּֽוּן׃ kal־ʾalemanah weyatowm loʾ teʿanun׃

²² אִם־עַנֵּ֥ה תְעַנֶּ֖ה אֹתֹ֑ו כִּ֣י אִם־צָעֹ֤ק יִצְעַק֙ אֵלַ֔י שָׁמֹ֥עַ אֶשְׁמַ֖ע צַעֲקָתֹֽו׃ ʾim־ʿaneh teʿaneh ʾotow kiy ʾim־tsaʿoq yitseʿaq ʾelay shamoaʿ ʾeshemaʿ tsaʿaqatow׃

²³ וְחָרָ֣ה אַפִּ֔י וְהָרַגְתִּ֥י אֶתְכֶ֖ם בֶּחָ֑רֶב וְהָי֤וּ נְשֵׁיכֶם֙ אַלְמָנֹ֔ות וּבְנֵיכֶ֖ם יְתֹמִֽים׃ פ weḥarah ʾapiy weharagetiy ʾetekhem beḥarev wehayu nesheykhem ʾalemanowt uveneykhem yetomiym׃ f

²⁴ אִם־כֶּ֣סֶף ׀ תַּלְוֶ֣ה אֶת־עַמִּ֗י אֶת־הֶֽעָנִי֙ עִמָּ֔ךְ לֹא־תִהְיֶ֥ה לֹ֖ו כְּנֹשֶׁ֑ה לֹֽא־תְשִׂימ֥וּן עָלָ֖יו נֶֽשֶׁךְ׃ ʾim־kesef ׀ taleweh ʾet־ʿamiy ʾet־heʿaniy ʿimakhe loʾ־tiheyeh low kenosheh loʾ־tesiymun ʿalayw neshekhe׃

²⁵ אִם־חָבֹ֥ל תַּחְבֹּ֖ל שַׂלְמַ֣ת רֵעֶ֑ךָ עַד־בֹּ֥א הַשֶּׁ֖מֶשׁ תְּשִׁיבֶ֥נּוּ לֹֽו׃ ʾim־ḥavol taḥebol salemat reʿekha ʿad־boʾ hashemesh teshiyvenu low׃

²⁶ כִּ֣י הִ֤וא [כְסוּתָה כ] (כְסוּתֹו֙ ק) לְבַדָּ֔הּ הִ֥וא שִׂמְלָתֹ֖ו לְעֹרֹ֑ו בַּמֶּ֣ה יִשְׁכָּ֔ב וְהָיָה֙ כִּֽי־יִצְעַ֣ק אֵלַ֔י וְשָׁמַעְתִּ֖י כִּֽי־חַנּ֥וּן אָֽנִי׃ ס kiy hiwʾ [khesutah kh] (khesutow q) levadah hiwʾ simelatow leʿorow bameh yishekav wehayah kiy־yitseʿaq ʾelay weshamaʿetiy kiy־ḥanun ʾaniy׃ s

²⁷ אֱלֹהִ֖ים לֹ֣א תְקַלֵּ֑ל וְנָשִׂ֥יא בְעַמְּךָ֖ לֹ֥א תָאֹֽר׃ ʾelohiym loʾ teqalel wenasiyʾ veʿamekha loʾ taʾor׃

²⁸ מְלֵאָתְךָ֥ וְדִמְעֲךָ֖ לֹ֣א תְאַחֵ֑ר בְּכֹ֥ור בָּנֶ֖יךָ תִּתֶּן־לִּֽי ׃ meleʾatekha wedimeʿakha loʾ teʾaḥer bekhowr baneykha titen־liy ׃

²⁹ כֵּֽן־תַּעֲשֶׂ֥ה לְשֹׁרְךָ֖ לְצֹאנֶ֑ךָ שִׁבְעַ֤ת יָמִים֙ יִהְיֶ֣ה עִם־אִמֹּ֔ו בַּיֹּ֥ום הַשְּׁמִינִ֖י תִּתְּנֹו־לִֽי׃ ken־taʿaseh leshorekha letsoʾnekha shiveʿat yamiym yiheyeh ʿim־ʾimow bayowm hashemiyniy titenow־liy׃

³⁰ וְאַנְשֵׁי־קֹ֖דֶשׁ תִּהְי֣וּן לִ֑י וּבָשָׂ֨ר בַּשָּׂדֶ֤ה טְרֵפָה֙ לֹ֣א תֹאכֵ֔לוּ לַכֶּ֖לֶב תַּשְׁלִכ֥וּן אֹתֹֽו׃ ס weʾaneshey־qodesh tiheyun liy uvasar basadeh ṭerefah loʾ toʾkhelu lakelev tashelikhun ʾotow׃ s