Psaumes 109

¹ לַ֭מְנַצֵּחַ לְדָוִ֣ד מִזְמֹ֑ור אֱלֹהֵ֥י תְ֝הִלָּתִ֗י אַֽל־תֶּחֱרַֽשׁ׃ lamenatseaḥ ledawid mizemowr ʾelohey tehilatiy ʾal־teḥerash׃

² כִּ֤י פִ֪י רָשָׁ֡ע וּֽפִי־מִ֭רְמָה עָלַ֣י פָּתָ֑חוּ דִּבְּר֥וּ אִ֝תִּ֗י לְשֹׁ֣ון שָֽׁקֶר׃ kiy fiy rashaʿ ufiy־miremah ʿalay pataḥu diberu ʾitiy leshown shaqer׃

³ וְדִבְרֵ֣י שִׂנְאָ֣ה סְבָב֑וּנִי וַיִּֽלָּחֲמ֥וּנִי חִנָּֽם׃ wediverey sineʾah sevavuniy wayilaḥamuniy ḥinam׃

⁴ תַּֽחַת־אַהֲבָתִ֥י יִשְׂטְנ֗וּנִי וַאֲנִ֥י תְפִלָּֽה׃ taḥat־ʾahavatiy yiseṭenuniy waʾaniy tefilah׃

⁵ וַיָּ֘שִׂ֤ימוּ עָלַ֣י רָ֭עָה תַּ֣חַת טֹובָ֑ה וְ֝שִׂנְאָ֗ה תַּ֣חַת אַהֲבָתִֽי׃ wayasiymu ʿalay raʿah taḥat ṭowvah wesineʾah taḥat ʾahavatiy׃

⁶ הַפְקֵ֣ד עָלָ֣יו רָשָׁ֑ע וְ֝שָׂטָ֗ן יַעֲמֹ֥ד עַל־יְמִינֹֽו׃ hafeqed ʿalayw rashaʿ wesaṭan yaʿamod ʿal־yemiynow׃

⁷ בְּ֭הִשָּׁ֣פְטֹו יֵצֵ֣א רָשָׁ֑ע וּ֝תְפִלָּתֹ֗ו תִּהְיֶ֥ה לַֽחֲטָאָֽה׃ behishafeṭow yetseʾ rashaʿ utefilatow tiheyeh laḥaṭaʾah׃

⁸ יִֽהְיֽוּ־יָמָ֥יו מְעַטִּ֑ים פְּ֝קֻדָּתֹ֗ו יִקַּ֥ח אַחֵֽר׃ yiheyu־yamayw meʿaṭiym pequdatow yiqaḥ ʾaḥer׃

⁹ יִֽהְיוּ־בָנָ֥יו יְתֹומִ֑ים וְ֝אִשְׁתֹּו אַלְמָנָֽה׃ yiheyu־vanayw yetowmiym weʾishetow ʾalemanah׃

¹⁰ וְנֹ֤ועַ יָנ֣וּעוּ בָנָ֣יו וְשִׁאֵ֑לוּ וְ֝דָרְשׁ֗וּ מֵחָרְבֹותֵיהֶֽם׃ wenowʿa yanuʿu vanayw weshiʾelu wedareshu meḥarevowteyhem׃

¹¹ יְנַקֵּ֣שׁ נֹ֭ושֶׁה לְכָל־אֲשֶׁר־לֹ֑ו וְיָבֹ֖זּוּ זָרִ֣ים יְגִיעֹֽו׃ yenaqesh nowsheh lekhal־ʾasher־low weyavozu zariym yegiyʿow׃

¹² אַל־יְהִי־לֹ֖ו מֹשֵׁ֣ךְ חָ֑סֶד וְֽאַל־יְהִ֥י חֹ֝ונֵ֗ן לִיתֹומָֽיו׃ ʾal־yehiy־low moshekhe ḥased weʾal־yehiy ḥownen liytowmayw׃

¹³ יְהִֽי־אַחֲרִיתֹ֥ו לְהַכְרִ֑ית בְּדֹ֥ור אַ֝חֵ֗ר יִמַּ֥ח שְׁמָֽם׃ yehiy־ʾaḥariytow lehakheriyt bedowr ʾaḥer yimaḥ shemam׃

¹⁴ יִזָּכֵ֤ר ׀ עֲוֹ֣ן אֲ֭בֹתָיו אֶל־יְהוָ֑ה וְחַטַּ֥את אִ֝מֹּ֗ו אַל־תִּמָּֽח׃ yizakher ׀ ʿaon ʾavotayw ʾel־yehwah weḥaṭaʾt ʾimow ʾal־timaḥ׃

¹⁵ יִהְי֣וּ נֶֽגֶד־יְהוָ֣ה תָּמִ֑יד וְיַכְרֵ֖ת מֵאֶ֣רֶץ זִכְרָֽם׃ yiheyu neged־yehwah tamiyd weyakheret meʾerets zikheram׃

¹⁶ יַ֗עַן אֲשֶׁ֤ר ׀ לֹ֥א זָכַר֮ עֲשֹׂ֪ות חָ֥סֶד וַיִּרְדֹּ֡ף אִישׁ־עָנִ֣י וְ֭אֶבְיֹון וְנִכְאֵ֨ה לֵבָ֬ב לְמֹותֵֽת׃ yaʿan ʾasher ׀ loʾ zakhar ʿasowt ḥased wayiredof ʾiysh־ʿaniy weʾeveyown wenikheʾeh levav lemowtet׃

¹⁷ וַיֶּאֱהַ֣ב קְ֭לָלָה וַתְּבֹואֵ֑הוּ וְֽלֹא־חָפֵ֥ץ בִּ֝בְרָכָ֗ה וַתִּרְחַ֥ק מִמֶּֽנּוּ׃ wayeʾehav qelalah watevowʾehu weloʾ־ḥafets biverakhah watireḥaq mimenu׃

¹⁸ וַיִּלְבַּ֥שׁ קְלָלָ֗ה כְּמַ֫דֹּ֥ו וַתָּבֹ֣א כַמַּ֣יִם בְּקִרְבֹּ֑ו וְ֝כַשֶּׁ֗מֶן בְּעַצְמֹותָֽיו׃ wayilebash qelalah kemadow watavoʾ khamayim beqirebow wekhashemen beʿatsemowtayw׃

¹⁹ תְּהִי־לֹ֖ו כְּבֶ֣גֶד יַעְטֶ֑ה וּ֝לְמֵ֗זַח תָּמִ֥יד יַחְגְּרֶֽהָ׃ tehiy־low keveged yaʿeṭeh ulemezaḥ tamiyd yaḥegereah׃

²⁰ זֹ֤את פְּעֻלַּ֣ת טְנַי מֵאֵ֣ת יְהוָ֑ה וְהַדֹּבְרִ֥ים רָ֝֗ע עַל־נַפְשִֽׁי׃ zoʾt peʿulat ṭenay meʾet yehwah wehadoveriym raʿ ʿal־nafeshiy׃

²¹ וְאַתָּ֤ה ׀ יְה֘וִ֤ה אֲדֹנָ֗י עֲ‍ֽשֵׂה־אִ֭תִּי לְמַ֣עַן שְׁמֶ֑ךָ כִּי־טֹ֥וב חַ֝סְדְּךָ֗ הַצִּילֵֽנִי׃ weʾatah ׀ yehwih ʾadonay ע‍seh־ʾitiy lemaʿan shemekha kiy־ṭowv ḥasedekha hatsiyleniy׃

²² כִּֽי־עָנִ֣י וְאֶבְיֹ֣ון אָנֹ֑כִי וְ֝לִבִּ֗י חָלַ֥ל בְּקִרְבִּֽי׃ kiy־ʿaniy weʾeveyown ʾanokhiy welibiy ḥalal beqirebiy׃

²³ כְּצֵל־כִּנְטֹותֹ֥ו נֶהֱלָ֑כְתִּי נִ֝נְעַ֗רְתִּי כָּֽאַרְבֶּֽה׃ ketsel־kineṭowtow nehelakhetiy nineʿaretiy kaʾarebeh׃

²⁴ בִּ֭רְכַּי כָּשְׁל֣וּ מִצֹּ֑ום וּ֝בְשָׂרִ֗י כָּחַ֥שׁ מִשָּֽׁמֶן׃ birekay kashelu mitsowm uvesariy kaḥash mishamen׃

²⁵ וַאֲנִ֤י ׀ הָיִ֣יתִי חֶרְפָּ֣ה לָהֶ֑ם יִ֝רְא֗וּנִי יְנִיע֥וּן רֹאשָֽׁם׃ waʾaniy ׀ hayiytiy ḥerepah lahem yireʾuniy yeniyʿun roʾsham׃

²⁶ עָ֭זְרֵנִי יְהוָ֣ה אֱלֹהָ֑י הֹ֭ושִׁיעֵ֣נִי כְחַסְדֶּֽךָ׃ ʿazereniy yehwah ʾelohay howshiyʿeniy kheḥasedekha׃

²⁷ וְֽ֭יֵדְעוּ כִּי־יָ֣דְךָ זֹּ֑את אַתָּ֖ה יְהוָ֣ה עֲשִׂיתָֽהּ׃ weyedeʿu kiy־yadekha zoʾt ʾatah yehwah ʿasiytah׃

²⁸ יְקַֽלְלוּ־הֵמָּה֮ וְאַתָּ֪ה תְבָ֫רֵ֥ךְ קָ֤מוּ ׀ וַיֵּבֹ֗שׁוּ וְֽעַבְדְּךָ֥ יִשְׂמָֽח׃ yeqalelu־hemah weʾatah tevarekhe qamu ׀ wayevoshu weʿavedekha yisemaḥ׃

²⁹ יִלְבְּשׁ֣וּ שֹׂוטְנַ֣י כְּלִמָּ֑ה וְיַעֲט֖וּ כַמְעִ֣יל בָּשְׁתָּֽם׃ yilebeshu sowṭenay kelimah weyaʿaṭu khameʿiyl bashetam׃

³⁰ אֹ֘ודֶ֤ה יְהוָ֣ה מְאֹ֣ד בְּפִ֑י וּבְתֹ֖וךְ רַבִּ֣ים אֲהַֽלְלֶֽנּוּ׃ ʾowdeh yehwah meʾod befiy uvetowkhe rabiym ʾahalelenu׃

³¹ כִּֽי־יַ֭עֲמֹד לִימִ֣ין אֶבְיֹ֑ון לְ֝הֹושִׁ֗יעַ מִשֹּׁפְטֵ֥י נַפְשֹֽׁו׃ kiy־yaʿamod liymiyn ʾeveyown lehowshiyʿa mishofeṭey nafeshow׃