Josué 16

¹ וַיֵּצֵ֨א הַגֹּורָ֜ל לִבְנֵ֤י יֹוסֵף֙ מִיַּרְדֵּ֣ן יְרִיחֹ֔ו לְמֵ֥י יְרִיחֹ֖ו מִזְרָ֑חָה הַמִּדְבָּ֗ר עֹלֶ֧ה מִירִיחֹ֛ו בָּהָ֖ר בֵּֽית־אֵֽל׃ wayetseʾ hagowral liveney yowsef miyareden yeriyḥow lemey yeriyḥow mizeraḥah hamidebar ʿoleh miyriyḥow bahar beyt־ʾel׃

² וְיָצָ֥א מִבֵּֽית־אֵ֖ל ל֑וּזָה וְעָבַ֛ר אֶל־גְּב֥וּל הָאַרְכִּ֖י עֲטָרֹֽות׃ weyatsaʾ mibeyt־ʾel luzah weʿavar ʾel־gevul haʾarekiy ʿaṭarowt׃

³ וְיָֽרַד־יָ֜מָּה אֶל־גְּב֣וּל הַיַּפְלֵטִ֗י עַ֣ד גְּב֧וּל בֵּית־חֹורֹ֛ן תַּחְתֹּ֖ון וְעַד־גָּ֑זֶר וְהָי֥וּ [תֹצְאֹתֹו כ] (תֹצְאֹתָ֖יו ק) יָֽמָּה׃ weyarad־yamah ʾel־gevul hayafeleṭiy ʿad gevul beyt־ḥowron taḥetown weʿad־gazer wehayu [totseʾotow kh] (totseʾotayw q) yamah׃

⁴ וַיִּנְחֲל֥וּ בְנֵי־יֹוסֵ֖ף מְנַשֶּׁ֥ה וְאֶפְרָֽיִם׃ wayineḥalu veney־yowsef menasheh weʾeferayim׃

⁵ וַיְהִ֛י גְּב֥וּל בְּנֵֽי־אֶפְרַ֖יִם לְמִשְׁפְּחֹתָ֑ם וַיְהִ֞י גְּב֤וּל נַחֲלָתָם֙ מִזְרָ֔חָה עַטְרֹ֣ות אַדָּ֔ר עַד־בֵּ֥ית חֹורֹ֖ן עֶלְיֹֽון׃ wayehiy gevul beney־ʾeferayim lemishepeḥotam wayehiy gevul naḥalatam mizeraḥah ʿaṭerowt ʾadar ʿad־beyt ḥowron ʿeleyown׃

⁶ וְיָצָ֨א הַגְּב֜וּל הַיָּ֗מָּה הַֽמִּכְמְתָת֙ מִצָּפֹ֔ון וְנָסַ֧ב הַגְּב֛וּל מִזְרָ֖חָה תַּאֲנַ֣ת שִׁלֹ֑ה וְעָבַ֣ר אֹותֹ֔ו מִמִּזְרַ֖ח יָנֹֽוחָה׃ weyatsaʾ hagevul hayamah hamikhemetat mitsafown wenasav hagevul mizeraḥah taʾanat shiloh weʿavar ʾowtow mimizeraḥ yanowḥah׃

⁷ וְיָרַ֥ד מִיָּנֹ֖וחָה עֲטָרֹ֣ות וְנַעֲרָ֑תָה וּפָגַע֙ בִּֽירִיחֹ֔ו וְיָצָ֖א הַיַּרְדֵּֽן׃ weyarad miyanowḥah ʿaṭarowt wenaʿaratah ufagaʿ biyriyḥow weyatsaʾ hayareden׃

⁸ מִתַּפּ֜וּחַ יֵלֵ֨ךְ הַגְּב֥וּל יָ֙מָּה֙ נַ֣חַל קָנָ֔ה וְהָי֥וּ תֹצְאֹתָ֖יו הַיָּ֑מָּה זֹ֗את נַחֲלַ֛ת מַטֵּ֥ה בְנֵי־אֶפְרַ֖יִם לְמִשְׁפְּחֹתָֽם׃ mitapuaḥ yelekhe hagevul yamah naḥal qanah wehayu totseʾotayw hayamah zoʾt naḥalat maṭeh veney־ʾeferayim lemishepeḥotam׃

⁹ וְהֶעָרִ֗ים הַמִּבְדָּלֹות֙ לִבְנֵ֣י אֶפְרַ֔יִם בְּתֹ֖וךְ נַחֲלַ֣ת בְּנֵֽי־מְנַשֶּׁ֑ה כָּֽל־הֶעָרִ֖ים וְחַצְרֵיהֶֽן׃ weheʿariym hamivedalowt liveney ʾeferayim betowkhe naḥalat beney־menasheh kal־heʿariym weḥatsereyhen׃

¹⁰ וְלֹ֣א הֹורִ֔ישׁוּ אֶת־הַֽכְּנַעֲנִ֖י הַיֹּושֵׁ֣ב בְּגָ֑זֶר וַיֵּ֨שֶׁב הַֽכְּנַעֲנִ֜י בְּקֶ֤רֶב אֶפְרַ֙יִם֙ עַד־הַיֹּ֣ום הַזֶּ֔ה וַיְהִ֖י לְמַס־עֹבֵֽד׃ פ weloʾ howriyshu ʾet־hakenaʿaniy hayowshev begazer wayeshev hakenaʿaniy beqerev ʾeferayim ʿad־hayowm hazeh wayehiy lemas־ʿoved׃ f