1 הַדָּבָר֙ אֲשֶׁ֣ר הָיָ֣ה אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽר׃ hadavar ʾasher hayah ʾel־yiremeyahu meʾet yehwah leʾmor׃
2 כֹּֽה־אָמַ֧ר יְהוָ֛ה אֱלֹהֵ֥י יִשְׂרָאֵ֖ל לֵאמֹ֑ר כְּתָב־לְךָ֗ אֵ֧ת כָּל־הַדְּבָרִ֛ים אֲשֶׁר־דִּבַּ֥רְתִּי אֵלֶ֖יךָ אֶל־סֵֽפֶר׃ koh־ʾamar yehwah ʾelohey yiseraʾel leʾmor ketav־lekha ʾet kal־hadevariym ʾasher־dibaretiy ʾeleykha ʾel־sefer׃
3 כִּ֠י הִנֵּ֨ה יָמִ֤ים בָּאִים֙ נְאֻם־יְהוָ֔ה וְ֠שַׁבְתִּי אֶת־שְׁב֨וּת עַמִּ֧י יִשְׂרָאֵ֛ל וִֽיהוּדָ֖ה אָמַ֣ר יְהוָ֑ה וַהֲשִׁבֹתִ֗ים אֶל־הָאָ֛רֶץ אֲשֶׁר־נָתַ֥תִּי לַאֲבֹותָ֖ם וִֽירֵשֽׁוּהָ׃ פ kiy hineh yamiym baʾiym neʾum־yehwah weshavetiy ʾet־shevut ʿamiy yiseraʾel wiyhudah ʾamar yehwah wahashivotiym ʾel־haʾarets ʾasher־natatiy laʾavowtam wiyreshuah׃ f
4 וְאֵ֣לֶּה הַדְּבָרִ֗ים אֲשֶׁ֨ר דִּבֶּ֧ר יְהוָ֛ה אֶל־יִשְׂרָאֵ֖ל וְאֶל־יְהוּדָֽה׃ weʾeleh hadevariym ʾasher diber yehwah ʾel־yiseraʾel weʾel־yehudah׃
5 כִּי־כֹה֙ אָמַ֣ר יְהוָ֔ה קֹ֥ול חֲרָדָ֖ה שָׁמָ֑עְנוּ פַּ֖חַד וְאֵ֥ין שָׁלֹֽום׃ kiy־khoh ʾamar yehwah qowl ḥaradah shamaʿenu paḥad weʾeyn shalowm׃
6 שַׁאֲלוּ־נָ֣א וּרְא֔וּ אִם־יֹלֵ֖ד זָכָ֑ר מַדּוּעַ֩ רָאִ֨יתִי כָל־גֶּ֜בֶר יָדָ֤יו עַל־חֲלָצָיו֙ כַּיֹּ֣ולֵדָ֔ה וְנֶהֶפְכ֥וּ כָל־פָּנִ֖ים לְיֵרָקֹֽון׃ shaʾalu־naʾ ureʾu ʾim־yoled zakhar maduaʿ raʾiytiy khal־gever yadayw ʿal־ḥalatsayw kayowledah wenehefekhu khal־paniym leyeraqown׃
7 הֹ֗וי כִּ֥י גָדֹ֛ול הַיֹּ֥ום הַה֖וּא מֵאַ֣יִן כָּמֹ֑הוּ וְעֵֽת־צָרָ֥ה הִיא֙ לְיַֽעֲקֹ֔ב וּמִמֶּ֖נָּה יִוָּשֵֽׁעַ׃ howy kiy gadowl hayowm hahuʾ meʾayin kamohu weʿet־tsarah hiyʾ leyaʿaqov umimenah yiuasheaʿ׃
8 וְהָיָה֩ בַיֹּ֨ום הַה֜וּא נְאֻ֣ם ׀ יְהוָ֣ה צְבָאֹ֗ות אֶשְׁבֹּ֤ר עֻלֹּו֙ מֵעַ֣ל צַוָּארֶ֔ךָ וּמֹוסְרֹותֶ֖יךָ אֲנַתֵּ֑ק וְלֹא־יַעַבְדוּ־בֹ֥ו עֹ֖וד זָרִֽים׃ wehayah vayowm hahuʾ neʾum ׀ yehwah tsevaʾowt ʾeshebor ʿulow meʿal tsauaʾrekha umowserowteykha ʾanateq weloʾ־yaʿavedu־vow ʿowd zariym׃
9 וְעָ֣בְד֔וּ אֵ֖ת יְהוָ֣ה אֱלֹֽהֵיהֶ֑ם וְאֵת֙ דָּוִ֣ד מַלְכָּ֔ם אֲשֶׁ֥ר אָקִ֖ים לָהֶֽם׃ ס weʿavedu ʾet yehwah ʾeloheyhem weʾet dawid malekam ʾasher ʾaqiym lahem׃ s
10 וְאַתָּ֡ה אַל־תִּירָא֩ עַבְדִּ֨י יַעֲקֹ֤ב נְאֻם־יְהֹוָה֙ וְאַל־תֵּחַ֣ת יִשְׂרָאֵ֔ל כִּ֠י הִנְנִ֤י מֹושִֽׁיעֲךָ֙ מֵֽרָחֹ֔וק וְאֶֽת־זַרְעֲךָ֖ מֵאֶ֣רֶץ שִׁבְיָ֑ם וְשָׁ֧ב יַעֲקֹ֛ב וְשָׁקַ֥ט וְשַׁאֲנַ֖ן וְאֵ֥ין מַחֲרִֽיד׃ weʾatah ʾal־tiyraʾ ʿavediy yaʿaqov neʾum־yehowah weʾal־teḥat yiseraʾel kiy hineniy mowshiyʿakha meraḥowq weʾet־zareʿakha meʾerets shiveyam weshav yaʿaqov weshaqaṭ weshaʾanan weʾeyn maḥariyd׃
11 כִּֽי־אִתְּךָ֥ אֲנִ֛י נְאֻם־יְהוָ֖ה לְהֹֽושִׁיעֶ֑ךָ כִּי֩ אֶעֱשֶׂ֨ה כָלָ֜ה בְּכָֽל־הַגֹּויִ֣ם ׀ אֲשֶׁ֧ר הֲפִצֹותִ֣יךָ שָּׁ֗ם אַ֤ךְ אֹֽתְךָ֙ לֹֽא־אֶעֱשֶׂ֣ה כָלָ֔ה וְיִסַּרְתִּ֙יךָ֙ לַמִּשְׁפָּ֔ט וְנַקֵּ֖ה לֹ֥א אֲנַקֶּֽךָּ׃ פ kiy־ʾitekha ʾaniy neʾum־yehwah lehowshiyʿekha kiy ʾeʿeseh khalah bekhal־hagowyim ׀ ʾasher hafitsowtiykha sham ʾakhe ʾotekha loʾ־ʾeʿeseh khalah weyisaretiykha lamishepaṭ wenaqeh loʾ ʾanaqeka׃ f
12 כִּ֣י כֹ֥ה אָמַ֛ר יְהוָ֖ה אָנ֣וּשׁ לְשִׁבְרֵ֑ךְ נַחְלָ֖ה מַכָּתֵֽךְ׃ kiy khoh ʾamar yehwah ʾanush leshiverekhe naḥelah makatekhe׃
13 אֵֽין־דָּ֥ן דִּינֵ֖ךְ לְמָזֹ֑ור רְפֻאֹ֥ות תְּעָלָ֖ה אֵ֥ין לָֽךְ׃ ʾeyn־dan diynekhe lemazowr refuʾowt teʿalah ʾeyn lakhe׃
14 כָּל־מְאַהֲבַ֣יִךְ שְׁכֵח֔וּךְ אֹותָ֖ךְ לֹ֣א יִדְרֹ֑שׁוּ כִּי֩ מַכַּ֨ת אֹויֵ֤ב הִכִּיתִיךְ֙ מוּסַ֣ר אַכְזָרִ֔י עַ֚ל רֹ֣ב עֲוֹנֵ֔ךְ עָצְמ֖וּ חַטֹּאתָֽיִךְ׃ kal־meʾahavayikhe shekheḥukhe ʾowtakhe loʾ yideroshu kiy makat ʾowyev hikiytiykhe musar ʾakhezariy ʿal rov ʿaonekhe ʿatsemu ḥaṭoʾtayikhe׃
15 מַה־תִּזְעַק֙ עַל־שִׁבְרֵ֔ךְ אָנ֖וּשׁ מַכְאֹבֵ֑ךְ עַ֣ל ׀ רֹ֣ב עֲוֹנֵ֗ךְ עָֽצְמוּ֙ חַטֹּאתַ֔יִךְ עָשִׂ֥יתִי אֵ֖לֶּה לָֽךְ׃ mah־tizeʿaq ʿal־shiverekhe ʾanush makheʾovekhe ʿal ׀ rov ʿaonekhe ʿatsemu ḥaṭoʾtayikhe ʿasiytiy ʾeleh lakhe׃
16 לָכֵ֞ן כָּל־אֹכְלַ֙יִךְ֙ יֵאָכֵ֔לוּ וְכָל־צָרַ֥יִךְ כֻּלָּ֖ם בַּשְּׁבִ֣י יֵלֵ֑כוּ וְהָי֤וּ שֹׁאסַ֙יִךְ֙ לִמְשִׁסָּ֔ה וְכָל־בֹּזְזַ֖יִךְ אֶתֵּ֥ן לָבַֽז׃ lakhen kal־ʾokhelayikhe yeʾakhelu wekhal־tsarayikhe kulam basheviy yelekhu wehayu shoʾsayikhe limeshisah wekhal־bozezayikhe ʾeten lavaz׃
17 כִּי֩ אַעֲלֶ֨ה אֲרֻכָ֥ה לָ֛ךְ וּמִמַּכֹּותַ֥יִךְ אֶרְפָּאֵ֖ךְ נְאֻם־יְהוָ֑ה כִּ֤י נִדָּחָה֙ קָ֣רְאוּ לָ֔ךְ צִיֹּ֣ון הִ֔יא דֹּרֵ֖שׁ אֵ֥ין לָֽהּ׃ ס kiy ʾaʿaleh ʾarukhah lakhe umimakowtayikhe ʾerepaʾekhe neʾum־yehwah kiy nidaḥah qareʾu lakhe tsiyown hiyʾ doresh ʾeyn lah׃ s
18 כֹּ֣ה ׀ אָמַ֣ר יְהוָ֗ה הִנְנִי־שָׁב֙ שְׁבוּת֙ אָהֳלֵ֣י יַֽעֲקֹ֔וב וּמִשְׁכְּנֹתָ֖יו אֲרַחֵ֑ם וְנִבְנְתָ֥ה עִיר֙ עַל־תִּלָּ֔הּ וְאַרְמֹ֖ון עַל־מִשְׁפָּטֹ֥ו יֵשֵֽׁב׃ koh ׀ ʾamar yehwah hineniy־shav shevut ʾaholey yaʿaqowv umishekenotayw ʾaraḥem wenivenetah ʿiyr ʿal־tilah weʾaremown ʿal־mishepaṭow yeshev׃
19 וְיָצָ֥א מֵהֶ֛ם תֹּודָ֖ה וְקֹ֣ול מְשַׂחֲקִ֑ים וְהִרְבִּתִים֙ וְלֹ֣א יִמְעָ֔טוּ וְהִכְבַּדְתִּ֖ים וְלֹ֥א יִצְעָֽרוּ׃ weyatsaʾ mehem towdah weqowl mesaḥaqiym wehirebitiym weloʾ yimeʿaṭu wehikhebadetiym weloʾ yitseʿaru׃
20 וְהָי֤וּ בָנָיו֙ כְּקֶ֔דֶם וַעֲדָתֹ֖ו לְפָנַ֣י תִּכֹּ֑ון וּפָ֣קַדְתִּ֔י עַ֖ל כָּל־לֹחֲצָֽיו׃ wehayu vanayw keqedem waʿadatow lefanay tikown ufaqadetiy ʿal kal־loḥatsayw׃
21 וְהָיָ֨ה אַדִּירֹ֜ו מִמֶּ֗נּוּ וּמֹֽשְׁלֹו֙ מִקִּרְבֹּ֣ו יֵצֵ֔א וְהִקְרַבְתִּ֖יו וְנִגַּ֣שׁ אֵלָ֑י כִּי֩ מִ֨י הוּא־זֶ֜ה עָרַ֧ב אֶת־לִבֹּ֛ו לָגֶ֥שֶׁת אֵלַ֖י נְאֻם־יְהוָֽה׃ wehayah ʾadiyrow mimenu umoshelow miqirebow yetseʾ wehiqeravetiyw wenigash ʾelay kiy miy huʾ־zeh ʿarav ʾet־libow lageshet ʾelay neʾum־yehwah׃
22 וִהְיִ֥יתֶם לִ֖י לְעָ֑ם וְאָ֣נֹכִ֔י אֶהְיֶ֥ה לָכֶ֖ם לֵאלֹהִֽים׃ ס wiheyiytem liy leʿam weʾanokhiy ʾeheyeh lakhem leʾlohiym׃ s
23 הִנֵּ֣ה ׀ סַעֲרַ֣ת יְהוָ֗ה חֵמָה֙ יָֽצְאָ֔ה סַ֖עַר מִתְגֹּורֵ֑ר עַ֛ל רֹ֥אשׁ רְשָׁעִ֖ים יָחֽוּל׃ hineh ׀ saʿarat yehwah ḥemah yatseʾah saʿar mitegowrer ʿal roʾsh reshaʿiym yaḥul׃
24 לֹ֣א יָשׁ֗וּב חֲרֹון֙ אַף־יְהוָ֔ה עַד־עֲשֹׂתֹ֥ו וְעַד־הֲקִימֹ֖ו מְזִמֹּ֣ות לִבֹּ֑ו בְּאַחֲרִ֥ית הַיָּמִ֖ים תִּתְבֹּ֥ונְנוּ בָֽהּ׃ loʾ yashuv ḥarown ʾaf־yehwah ʿad־ʿasotow weʿad־haqiymow mezimowt libow beʾaḥariyt hayamiym titebownenu vah׃