1 בַּיֹּ֣ום הַה֗וּא יִֽהְיֶה֙ מָקֹ֣ור נִפְתָּ֔ח לְבֵ֥ית דָּוִ֖יד וּלְיֹשְׁבֵ֣י יְרֽוּשָׁלִָ֑ם לְחַטַּ֖את וּלְנִדָּֽה׃ bayowm hahuʾ yiheyeh maqowr nifetaḥ leveyt dawiyd uleyoshevey yerushalim leḥaṭaʾt ulenidah׃

2 וְהָיָה֩ בַיֹּ֨ום הַה֜וּא נְאֻ֣ם ׀ יְהוָ֣ה צְבָאֹ֗ות אַכְרִ֞ית אֶת־שְׁמֹ֤ות הָֽעֲצַבִּים֙ מִן־הָאָ֔רֶץ וְלֹ֥א יִזָּכְר֖וּ עֹ֑וד וְגַ֧ם אֶת־הַנְּבִיאִ֛ים וְאֶת־ר֥וּחַ הַטֻּמְאָ֖ה אַעֲבִ֥יר מִן־הָאָֽרֶץ׃ wehayah vayowm hahuʾ neʾum ׀ yehwah tsevaʾowt ʾakheriyt ʾet־shemowt haʿatsabiym min־haʾarets weloʾ yizakheru ʿowd wegam ʾet־haneviyʾiym weʾet־ruaḥ haṭumeʾah ʾaʿaviyr min־haʾarets׃

3 וְהָיָ֗ה כִּֽי־יִנָּבֵ֣א אִישׁ֮ עֹוד֒ וְאָמְר֣וּ אֵ֠לָיו אָבִ֨יו וְאִמֹּ֤ו יֹֽלְדָיו֙ לֹ֣א תִֽחְיֶ֔ה כִּ֛י שֶׁ֥קֶר דִּבַּ֖רְתָּ בְּשֵׁ֣ם יְהוָ֑ה וּדְקָרֻ֜הוּ אָבִ֧יהוּ וְאִמֹּ֛ו יֹלְדָ֖יו בְּהִנָּבְאֹֽו׃ wehayah kiy־yinaveʾ ʾiysh ʿowd weʾameru ʾelayw ʾaviyw weʾimow yoledayw loʾ tiḥeyeh kiy sheqer dibareta beshem yehwah udeqaruhu ʾaviyhu weʾimow yoledayw behinaveʾow׃

4 וְהָיָ֣ה ׀ בַּיֹּ֣ום הַה֗וּא יֵבֹ֧שׁוּ הַנְּבִיאִ֛ים אִ֥ישׁ מֵחֶזְיֹנֹ֖ו בְּהִנָּֽבְאֹתֹ֑ו וְלֹ֧א יִלְבְּשׁ֛וּ אַדֶּ֥רֶת שֵׂעָ֖ר לְמַ֥עַן כַּחֵֽשׁ׃ wehayah ׀ bayowm hahuʾ yevoshu haneviyʾiym ʾiysh meḥezeyonow behinaveʾotow weloʾ yilebeshu ʾaderet seʿar lemaʿan kaḥesh׃

5 וְאָמַ֕ר לֹ֥א נָבִ֖יא אָנֹ֑כִי אִישׁ־עֹבֵ֤ד אֲדָמָה֙ אָנֹ֔כִי כִּ֥י אָדָ֖ם הִקְנַ֥נִי מִנְּעוּרָֽי׃ weʾamar loʾ naviyʾ ʾanokhiy ʾiysh־ʿoved ʾadamah ʾanokhiy kiy ʾadam hiqenaniy mineʿuray׃

6 וְאָמַ֣ר אֵלָ֔יו מָ֧ה הַמַּכֹּ֛ות הָאֵ֖לֶּה בֵּ֣ין יָדֶ֑יךָ וְאָמַ֕ר אֲשֶׁ֥ר הֻכֵּ֖יתִי בֵּ֥ית מְאַהֲבָֽי׃ ס weʾamar ʾelayw mah hamakowt haʾeleh beyn yadeykha weʾamar ʾasher hukeytiy beyt meʾahavay׃ s

7 חֶ֗רֶב עוּרִ֤י עַל־רֹעִי֙ וְעַל־גֶּ֣בֶר עֲמִיתִ֔י נְאֻ֖ם יְהוָ֣ה צְבָאֹ֑ות הַ֤ךְ אֶת־הָֽרֹעֶה֙ וּתְפוּצֶ֣יןָ הַצֹּ֔אן וַהֲשִׁבֹתִ֥י יָדִ֖י עַל־הַצֹּעֲרִֽים׃ ḥerev ʿuriy ʿal־roʿiy weʿal־gever ʿamiytiy neʾum yehwah tsevaʾowt hakhe ʾet־haroʿeh utefutseyna hatsoʾn wahashivotiy yadiy ʿal־hatsoʿariym׃

8 וְהָיָ֤ה בְכָל־הָאָ֙רֶץ֙ נְאֻם־יְהוָ֔ה פִּֽי־שְׁנַ֣יִם בָּ֔הּ יִכָּרְת֖וּ יִגְוָ֑עוּ וְהַשְּׁלִשִׁ֖ית יִוָּ֥תֶר בָּֽהּ׃ wehayah vekhal־haʾarets neʾum־yehwah piy־shenayim bah yikaretu yigewaʿu wehashelishiyt yiuater bah׃

9 וְהֵבֵאתִ֤י אֶת־הַשְּׁלִשִׁית֙ בָּאֵ֔שׁ וּצְרַפְתִּים֙ כִּצְרֹ֣ף אֶת־הַכֶּ֔סֶף וּבְחַנְתִּ֖ים כִּבְחֹ֣ן אֶת־הַזָּהָ֑ב ה֣וּא ׀ יִקְרָ֣א בִשְׁמִ֗י וַֽאֲנִי אֶעֱנֶ֣ה אֹתֹ֔ו אָמַ֙רְתִּי֙ עַמִּ֣י ה֔וּא וְה֥וּא יֹאמַ֖ר יְהוָ֥ה אֱלֹהָֽי׃ ס weheveʾtiy ʾet־hashelishiyt baʾesh utserafetiym kitserof ʾet־hakesef uveḥanetiym kiveḥon ʾet־hazahav huʾ ׀ yiqeraʾ vishemiy waʾaniy ʾeʿeneh ʾotow ʾamaretiy ʿamiy huʾ wehuʾ yoʾmar yehwah ʾelohay׃ s