2 Samuel 7

¹ וַיְהִ֕י כִּי־יָשַׁ֥ב הַמֶּ֖לֶךְ בְּבֵיתֹ֑ו וַיהוָ֛ה הֵנִֽיחַ־לֹ֥ו מִסָּבִ֖יב מִכָּל־אֹיְבָֽיו׃ wayehiy kiy־yashav hamelekhe beveytow wayhwah heniyḥa־low misaviyv mikal־ʾoyevayw׃

² וַיֹּ֤אמֶר הַמֶּ֙לֶךְ֙ אֶל־נָתָ֣ן הַנָּבִ֔יא רְאֵ֣ה נָ֔א אָנֹכִ֥י יֹושֵׁ֖ב בְּבֵ֣ית אֲרָזִ֑ים וַֽאֲרֹון֙ הָֽאֱלֹהִ֔ים יֹשֵׁ֖ב בְּתֹ֥וךְ הַיְרִיעָֽה׃ wayoʾmer hamelekhe ʾel־natan hanaviyʾ reʾeh naʾ ʾanokhiy yowshev beveyt ʾaraziym waʾarown haʾelohiym yoshev betowkhe hayeriyʿah׃

³ וַיֹּ֤אמֶר נָתָן֙ אֶל־הַמֶּ֔לֶךְ כֹּ֛ל אֲשֶׁ֥ר בִּֽלְבָבְךָ֖ לֵ֣ךְ עֲשֵׂ֑ה כִּ֥י יְהוָ֖ה עִמָּֽךְ׃ ס wayoʾmer natan ʾel־hamelekhe kol ʾasher bilevavekha lekhe ʿaseh kiy yehwah ʿimakhe׃ s

⁴ וַיְהִ֖י בַּלַּ֣יְלָה הַה֑וּא וַֽיְהִי֙ דְּבַר־יְהוָ֔ה אֶל־נָתָ֖ן לֵאמֹֽר׃ wayehiy balayelah hahuʾ wayehiy devar־yehwah ʾel־natan leʾmor׃

⁵ לֵ֤ךְ וְאָֽמַרְתָּ֙ אֶל־עַבְדִּ֣י אֶל־דָּוִ֔ד כֹּ֖ה אָמַ֣ר יְהוָ֑ה הַאַתָּ֛ה תִּבְנֶה־לִּ֥י בַ֖יִת לְשִׁבְתִּֽי׃ lekhe weʾamareta ʾel־ʿavediy ʾel־dawid koh ʾamar yehwah haʾatah tiveneh־liy vayit leshivetiy׃

⁶ כִּ֣י לֹ֤א יָשַׁ֙בְתִּי֙ בְּבַ֔יִת לְ֠מִיֹּום הַעֲלֹתִ֞י אֶת־בְּנֵ֤י יִשְׂרָאֵל֙ מִמִּצְרַ֔יִם וְעַ֖ד הַיֹּ֣ום הַזֶּ֑ה וָאֶֽהְיֶה֙ מִתְהַלֵּ֔ךְ בְּאֹ֖הֶל וּבְמִשְׁכָּֽן׃ kiy loʾ yashavetiy bevayit lemiyowm haʿalotiy ʾet־beney yiseraʾel mimitserayim weʿad hayowm hazeh waʾeheyeh mitehalekhe beʾohel uvemishekan׃

⁷ בְּכֹ֥ל אֲשֶֽׁר־הִתְהַלַּכְתִּי֮ בְּכָל־בְּנֵ֣י יִשְׂרָאֵל֒ הֲדָבָ֣ר דִּבַּ֗רְתִּי אֶת־אַחַד֙ שִׁבְטֵ֣י יִשְׂרָאֵ֔ל אֲשֶׁ֣ר צִוִּ֗יתִי לִרְעֹ֛ות אֶת־עַמִּ֥י אֶת־יִשְׂרָאֵ֖ל לֵאמֹ֑ר לָ֛מָּה לֹֽא־בְנִיתֶ֥ם לִ֖י בֵּ֥ית אֲרָזִֽים׃ bekhol ʾasher־hitehalakhetiy bekhal־beney yiseraʾel hadavar dibaretiy ʾet־ʾaḥad shiveṭey yiseraʾel ʾasher tsiuiytiy lireʿowt ʾet־ʿamiy ʾet־yiseraʾel leʾmor lamah loʾ־veniytem liy beyt ʾaraziym׃

⁸ וְ֠עַתָּה כֹּֽה־תֹאמַ֞ר לְעַבְדִּ֣י לְדָוִ֗ד כֹּ֤ה אָמַר֙ יְהוָ֣ה צְבָאֹ֔ות אֲנִ֤י לְקַחְתִּ֙יךָ֙ מִן־הַנָּוֶ֔ה מֵאַחַ֖ר הַצֹּ֑אן לִֽהְיֹ֣ות נָגִ֔יד עַל־עַמִּ֖י עַל־יִשְׂרָאֵֽל׃ weʿatah koh־toʾmar leʿavediy ledawid koh ʾamar yehwah tsevaʾowt ʾaniy leqaḥetiykha min־hanaweh meʾaḥar hatsoʾn liheyowt nagiyd ʿal־ʿamiy ʿal־yiseraʾel׃

⁹ וָאֶהְיֶ֣ה עִמְּךָ֗ בְּכֹל֙ אֲשֶׁ֣ר הָלַ֔כְתָּ וָאַכְרִ֥תָה אֶת־כָּל־אֹיְבֶ֖יךָ מִפָּנֶ֑יךָ וְעָשִׂ֤תִֽי לְךָ֙ שֵׁ֣ם גָּדֹ֔ול כְּשֵׁ֥ם הַגְּדֹלִ֖ים אֲשֶׁ֥ר בָּאָֽרֶץ׃ waʾeheyeh ʿimekha bekhol ʾasher halakheta waʾakheritah ʾet־kal־ʾoyeveykha mipaneykha weʿasitiy lekha shem gadowl keshem hagedoliym ʾasher baʾarets׃

¹⁰ וְשַׂמְתִּ֣י מָ֠קֹום לְעַמִּ֨י לְיִשְׂרָאֵ֤ל וּנְטַעְתִּיו֙ וְשָׁכַ֣ן תַּחְתָּ֔יו וְלֹ֥א יִרְגַּ֖ז עֹ֑וד וְלֹֽא־יֹסִ֤יפוּ בְנֵֽי־עַוְלָה֙ לְעַנֹּותֹ֔ו כַּאֲשֶׁ֖ר בָּרִאשֹׁונָֽה׃ wesametiy maqowm leʿamiy leyiseraʾel uneṭaʿetiyw weshakhan taḥetayw weloʾ yiregaz ʿowd weloʾ־yosiyfu veney־ʿawelah leʿanowtow kaʾasher bariʾshownah׃

¹¹ וּלְמִן־הַיֹּ֗ום אֲשֶׁ֨ר צִוִּ֤יתִי שֹֽׁפְטִים֙ עַל־עַמִּ֣י יִשְׂרָאֵ֔ל וַהֲנִיחֹ֥תִי לְךָ֖ מִכָּל־אֹיְבֶ֑יךָ וְהִגִּ֤יד לְךָ֙ יְהוָ֔ה כִּי־בַ֖יִת יַעֲשֶׂה־לְּךָ֥ יְהוָֽה׃ ulemin־hayowm ʾasher tsiuiytiy shofeṭiym ʿal־ʿamiy yiseraʾel wahaniyḥotiy lekha mikal־ʾoyeveykha wehigiyd lekha yehwah kiy־vayit yaʿaseh־lekha yehwah׃

¹² כִּ֣י ׀ יִמְלְא֣וּ יָמֶ֗יךָ וְשָֽׁכַבְתָּ֙ אֶת־אֲבֹתֶ֔יךָ וַהֲקִימֹתִ֤י אֶֽת־זַרְעֲךָ֙ אַחֲרֶ֔יךָ אֲשֶׁ֥ר יֵצֵ֖א מִמֵּעֶ֑יךָ וַהֲכִינֹתִ֖י אֶת־מַמְלַכְתֹּֽו׃ kiy ׀ yimeleʾu yameykha weshakhaveta ʾet־ʾavoteykha wahaqiymotiy ʾet־zareʿakha ʾaḥareykha ʾasher yetseʾ mimeʿeykha wahakhiynotiy ʾet־mamelakhetow׃

¹³ ה֥וּא יִבְנֶה־בַּ֖יִת לִשְׁמִ֑י וְכֹנַנְתִּ֛י אֶת־כִּסֵּ֥א מַמְלַכְתֹּ֖ו עַד־עֹולָֽם׃ huʾ yiveneh־bayit lishemiy wekhonanetiy ʾet־kiseʾ mamelakhetow ʿad־ʿowlam׃

¹⁴ אֲנִי֙ אֶהְיֶה־לֹּ֣ו לְאָ֔ב וְה֖וּא יִהְיֶה־לִּ֣י לְבֵ֑ן אֲשֶׁר֙ בְּהַ֣עֲוֹתֹ֔ו וְהֹֽכַחְתִּיו֙ בְּשֵׁ֣בֶט אֲנָשִׁ֔ים וּבְנִגְעֵ֖י בְּנֵ֥י אָדָֽם׃ ʾaniy ʾeheyeh־low leʾav wehuʾ yiheyeh־liy leven ʾasher behaʿaotow wehokhaḥetiyw besheveṭ ʾanashiym uvenigeʿey beney ʾadam׃

¹⁵ וְחַסְדִּ֖י לֹא־יָס֣וּר מִמֶּ֑נּוּ כַּאֲשֶׁ֤ר הֲסִרֹ֙תִי֙ מֵעִ֣ם שָׁא֔וּל אֲשֶׁ֥ר הֲסִרֹ֖תִי מִלְּפָנֶֽיךָ׃ weḥasediy loʾ־yasur mimenu kaʾasher hasirotiy meʿim shaʾul ʾasher hasirotiy milefaneykha׃

¹⁶ וְנֶאְמַ֨ן בֵּיתְךָ֧ וּמַֽמְלַכְתְּךָ֛ עַד־עֹולָ֖ם לְפָנֶ֑יךָ כִּֽסְאֲךָ֔ יִהְיֶ֥ה נָכֹ֖ון עַד־עֹולָֽם׃ weneʾeman beytekha umamelakhetekha ʿad־ʿowlam lefaneykha kiseʾakha yiheyeh nakhown ʿad־ʿowlam׃

¹⁷ כְּכֹל֙ הַדְּבָרִ֣ים הָאֵ֔לֶּה וּכְכֹ֖ל הַחִזָּיֹ֣ון הַזֶּ֑ה כֵּ֛ן דִּבֶּ֥ר נָתָ֖ן אֶל־דָּוִֽד׃ ס kekhol hadevariym haʾeleh ukhekhol haḥizayown hazeh ken diber natan ʾel־dawid׃ s

¹⁸ וַיָּבֹא֙ הַמֶּ֣לֶךְ דָּוִ֔ד וַיֵּ֖שֶׁב לִפְנֵ֣י יְהוָ֑ה וַיֹּ֗אמֶר מִ֣י אָנֹכִ֞י אֲדֹנָ֤י יְהוִה֙ וּמִ֣י בֵיתִ֔י כִּ֥י הֲבִיאֹתַ֖נִי עַד־הֲלֹֽם׃ wayavoʾ hamelekhe dawid wayeshev lifeney yehwah wayoʾmer miy ʾanokhiy ʾadonay yehwih umiy veytiy kiy haviyʾotaniy ʿad־halom׃

¹⁹ וַתִּקְטַן֩ עֹ֨וד זֹ֤את בְּעֵינֶ֙יךָ֙ אֲדֹנָ֣י יְהוִ֔ה וַתְּדַבֵּ֛ר גַּ֥ם אֶל־בֵּֽית־עַבְדְּךָ֖ לְמֵֽרָחֹ֑וק וְזֹ֛את תֹּורַ֥ת הָאָדָ֖ם אֲדֹנָ֥י יְהוִֽה׃ watiqeṭan ʿowd zoʾt beʿeyneykha ʾadonay yehwih watedaber gam ʾel־beyt־ʿavedekha lemeraḥowq wezoʾt towrat haʾadam ʾadonay yehwih׃

²⁰ וּמַה־יֹּוסִ֥יף דָּוִ֛ד עֹ֖וד לְדַבֵּ֣ר אֵלֶ֑יךָ וְאַתָּ֛ה יָדַ֥עְתָּ אֶֽת־עַבְדְּךָ֖ אֲדֹנָ֥י יְהוִֽה׃ umah־yowsiyf dawid ʿowd ledaber ʾeleykha weʾatah yadaʿeta ʾet־ʿavedekha ʾadonay yehwih׃

²¹ בַּעֲב֤וּר דְּבָֽרְךָ֙ וּֽכְלִבְּךָ֔ עָשִׂ֕יתָ אֵ֥ת כָּל־הַגְּדוּלָּ֖ה הַזֹּ֑את לְהֹודִ֖יעַ אֶת־עַבְדֶּֽךָ׃ baʿavur devarekha ukhelibekha ʿasiyta ʾet kal־hagedulah hazoʾt lehowdiyʿa ʾet־ʿavedekha׃

²² עַל־כֵּ֥ן גָּדַ֖לְתָּ אֲדֹנָ֣י יְהוִ֑ה כִּֽי־אֵ֣ין כָּמֹ֗וךָ וְאֵ֤ין אֱלֹהִים֙ זֽוּלָתֶ֔ךָ בְּכֹ֥ל אֲשֶׁר־שָׁמַ֖עְנוּ בְּאָזְנֵֽינוּ׃ ʿal־ken gadaleta ʾadonay yehwih kiy־ʾeyn kamowkha weʾeyn ʾelohiym zulatekha bekhol ʾasher־shamaʿenu beʾazeneynu׃

²³ וּמִ֤י כְעַמְּךָ֙ כְּיִשְׂרָאֵ֔ל גֹּ֥וי אֶחָ֖ד בָּאָ֑רֶץ אֲשֶׁ֣ר הָלְכֽוּ־אֱ֠לֹהִים לִפְדֹּֽות־לֹ֨ו לְעָ֜ם וְלָשׂ֧וּם לֹ֣ו שֵׁ֗ם וְלַעֲשֹׂ֨ות לָכֶ֜ם הַגְּדוּלָּ֤ה וְנֹֽרָאֹות֙ לְאַרְצֶ֔ךָ מִפְּנֵ֣י עַמְּךָ֗ אֲשֶׁ֨ר פָּדִ֤יתָ לְּךָ֙ מִמִּצְרַ֔יִם גֹּויִ֖ם וֵאלֹהָֽיו׃ umiy kheʿamekha keyiseraʾel gowy ʾeḥad baʾarets ʾasher halekhu־ʾelohiym lifedowt־low leʿam welasum low shem welaʿasowt lakhem hagedulah wenoraʾowt leʾaretsekha mipeney ʿamekha ʾasher padiyta lekha mimitserayim gowyim weʾlohayw׃

²⁴ וַתְּכֹ֣ונֵֽן לְ֠ךָ אֶת־עַמְּךָ֙ יִשְׂרָאֵ֧ל ׀ לְךָ֛ לְעָ֖ם עַד־עֹולָ֑ם וְאַתָּ֣ה יְהוָ֔ה הָיִ֥יתָ לָהֶ֖ם לֵאלֹהִֽים׃ ס watekhownen lekha ʾet־ʿamekha yiseraʾel ׀ lekha leʿam ʿad־ʿowlam weʾatah yehwah hayiyta lahem leʾlohiym׃ s

²⁵ וְעַתָּה֙ יְהוָ֣ה אֱלֹהִ֔ים הַדָּבָ֗ר אֲשֶׁ֨ר דִּבַּ֤רְתָּ עַֽל־עַבְדְּךָ֙ וְעַל־בֵּיתֹ֔ו הָקֵ֖ם עַד־עֹולָ֑ם וַעֲשֵׂ֖ה כַּאֲשֶׁ֥ר דִּבַּֽרְתָּ׃ weʿatah yehwah ʾelohiym hadavar ʾasher dibareta ʿal־ʿavedekha weʿal־beytow haqem ʿad־ʿowlam waʿaseh kaʾasher dibareta׃

²⁶ וְיִגְדַּ֨ל שִׁמְךָ֤ עַד־עֹולָם֙ לֵאמֹ֔ר יְהוָ֣ה צְבָאֹ֔ות אֱלֹהִ֖ים עַל־יִשְׂרָאֵ֑ל וּבֵית֙ עַבְדְּךָ֣ דָוִ֔ד יִהְיֶ֥ה נָכֹ֖ון לְפָנֶֽיךָ׃ weyigedal shimekha ʿad־ʿowlam leʾmor yehwah tsevaʾowt ʾelohiym ʿal־yiseraʾel uveyt ʿavedekha dawid yiheyeh nakhown lefaneykha׃

²⁷ כִּֽי־אַתָּה֩ יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל גָּלִ֜יתָה אֶת־אֹ֤זֶן עַבְדְּךָ֙ לֵאמֹ֔ר בַּ֖יִת אֶבְנֶה־לָּ֑ךְ עַל־כֵּ֗ן מָצָ֤א עַבְדְּךָ֙ אֶת־לִבֹּ֔ו לְהִתְפַּלֵּ֣ל אֵלֶ֔יךָ אֶת־הַתְּפִלָּ֖ה הַזֹּֽאת׃ kiy־ʾatah yehwah tsevaʾowt ʾelohey yiseraʾel galiytah ʾet־ʾozen ʿavedekha leʾmor bayit ʾeveneh־lakhe ʿal־ken matsaʾ ʿavedekha ʾet־libow lehitepalel ʾeleykha ʾet־hatefilah hazoʾt׃

²⁸ וְעַתָּ֣ה ׀ אֲדֹנָ֣י יְהוִ֗ה אַתָּה־הוּא֙ הָֽאֱלֹהִ֔ים וּדְבָרֶ֖יךָ יִהְי֣וּ אֱמֶ֑ת וַתְּדַבֵּר֙ אֶֽל־עַבְדְּךָ֔ אֶת־הַטֹּובָ֖ה הַזֹּֽאת׃ weʿatah ׀ ʾadonay yehwih ʾatah־huʾ haʾelohiym udevareykha yiheyu ʾemet watedaber ʾel־ʿavedekha ʾet־haṭowvah hazoʾt׃

²⁹ וְעַתָּ֗ה הֹואֵל֙ וּבָרֵךְ֙ אֶת־בֵּ֣ית עַבְדְּךָ֔ לִהְיֹ֥ות לְעֹולָ֖ם לְפָנֶ֑יךָ כִּֽי־אַתָּ֞ה אֲדֹנָ֤י יְהוִה֙ דִּבַּ֔רְתָּ וּמִבִּרְכָ֣תְךָ֔ יְבֹרַ֥ךְ בֵּֽית־עַבְדְּךָ֖ לְעֹולָֽם׃ פ weʿatah howʾel uvarekhe ʾet־beyt ʿavedekha liheyowt leʿowlam lefaneykha kiy־ʾatah ʾadonay yehwih dibareta umibirekhatekha yevorakhe beyt־ʿavedekha leʿowlam׃ f