1 וַיְהִ֕י כַּאֲשֶׁ֛ר יָשַׁ֥ב דָּוִ֖יד בְּבֵיתֹ֑ו וַיֹּ֨אמֶר דָּוִ֜יד אֶל־נָתָ֣ן הַנָּבִ֗יא הִנֵּ֨ה אָנֹכִ֤י יֹושֵׁב֙ בְּבֵ֣ית הָֽאֲרָזִ֔ים וַאֲרֹ֥ון בְּרִית־יְהוָ֖ה תַּ֥חַת יְרִיעֹֽות׃ wayehiy kaʾasher yashav dawiyd beveytow wayoʾmer dawiyd ʾel־natan hanaviyʾ hineh ʾanokhiy yowshev beveyt haʾaraziym waʾarown beriyt־yehwah taḥat yeriyʿowt׃
2 וַיֹּ֤אמֶר נָתָן֙ אֶל־דָּוִ֔יד כֹּ֛ל אֲשֶׁ֥ר בִּֽלְבָבְךָ֖ עֲשֵׂ֑ה כִּ֥י הָאֱלֹהִ֖ים עִמָּֽךְ׃ ס wayoʾmer natan ʾel־dawiyd kol ʾasher bilevavekha ʿaseh kiy haʾelohiym ʿimakhe׃ s
3 וַֽיְהִ֖י בַּלַּ֣יְלָה הַה֑וּא וַיְהִי֙ דְּבַר־אֱלֹהִ֔ים אֶל־נָתָ֖ן לֵאמֹֽר׃ wayehiy balayelah hahuʾ wayehiy devar־ʾelohiym ʾel־natan leʾmor׃
4 לֵ֤ךְ וְאָמַרְתָּ֙ אֶל־דָּוִ֣יד עַבְדִּ֔י כֹּ֖ה אָמַ֣ר יְהוָ֑ה לֹ֥א אַתָּ֛ה תִּבְנֶה־לִּ֥י הַבַּ֖יִת לָשָֽׁבֶת׃ lekhe weʾamareta ʾel־dawiyd ʿavediy koh ʾamar yehwah loʾ ʾatah tiveneh־liy habayit lashavet׃
5 כִּ֣י לֹ֤א יָשַׁ֙בְתִּי֙ בְּבַ֔יִת מִן־הַיֹּ֗ום אֲשֶׁ֤ר הֶעֱלֵ֙יתִי֙ אֶת־יִשְׂרָאֵ֔ל עַ֖ד הַיֹּ֣ום הַזֶּ֑ה וָֽאֶהְיֶ֛ה מֵאֹ֥הֶל אֶל־אֹ֖הֶל וּמִמִּשְׁכָּֽן׃ kiy loʾ yashavetiy bevayit min־hayowm ʾasher heʿeleytiy ʾet־yiseraʾel ʿad hayowm hazeh waʾeheyeh meʾohel ʾel־ʾohel umimishekan׃
6 בְּכֹ֥ל אֲשֶֽׁר־הִתְהַלַּכְתִּי֮ בְּכָל־יִשְׂרָאֵל֒ הֲדָבָ֣ר דִּבַּ֗רְתִּי אֶת־אַחַד֙ שֹׁפְטֵ֣י יִשְׂרָאֵ֔ל אֲשֶׁ֥ר צִוִּ֛יתִי לִרְעֹ֥ות אֶת־עַמִּ֖י לֵאמֹ֑ר לָ֛מָּה לֹא־בְנִיתֶ֥ם לִ֖י בֵּ֥ית אֲרָזִֽים׃ bekhol ʾasher־hitehalakhetiy bekhal־yiseraʾel hadavar dibaretiy ʾet־ʾaḥad shofeṭey yiseraʾel ʾasher tsiuiytiy lireʿowt ʾet־ʿamiy leʾmor lamah loʾ־veniytem liy beyt ʾaraziym׃
7 וְ֠עַתָּה כֹּֽה־תֹאמַ֞ר לְעַבְדִּ֣י לְדָוִ֗יד ס כֹּ֤ה אָמַר֙ יְהוָ֣ה צְבָאֹ֔ות אֲנִ֤י לְקַחְתִּ֙יךָ֙ מִן־הַנָּוֶ֔ה מִֽן־אַחֲרֵ֖י הַצֹּ֑אן לִהְיֹ֣ות נָגִ֔יד עַ֖ל עַמִּ֥י יִשְׂרָאֵֽל׃ weʿatah koh־toʾmar leʿavediy ledawiyd s koh ʾamar yehwah tsevaʾowt ʾaniy leqaḥetiykha min־hanaweh min־ʾaḥarey hatsoʾn liheyowt nagiyd ʿal ʿamiy yiseraʾel׃
8 וָֽאֶהְיֶ֣ה עִמְּךָ֗ בְּכֹל֙ אֲשֶׁ֣ר הָלַ֔כְתָּ וָאַכְרִ֥ית אֶת־כָּל־אֹויְבֶ֖יךָ מִפָּנֶ֑יךָ וְעָשִׂ֤יתִֽי לְךָ֙ שֵׁ֔ם כְּשֵׁ֥ם הַגְּדֹולִ֖ים אֲשֶׁ֥ר בָּאָֽרֶץ׃ waʾeheyeh ʿimekha bekhol ʾasher halakheta waʾakheriyt ʾet־kal־ʾowyeveykha mipaneykha weʿasiytiy lekha shem keshem hagedowliym ʾasher baʾarets׃
9 וְשַׂמְתִּ֣י מָ֠קֹום לְעַמִּ֨י יִשְׂרָאֵ֤ל וּנְטַעְתִּ֙יהוּ֙ וְשָׁכַ֣ן תַּחְתָּ֔יו וְלֹ֥א יִרְגַּ֖ז עֹ֑וד וְלֹא־יֹוסִ֤יפוּ בְנֵי־עַוְלָה֙ לְבַלֹּתֹ֔ו כַּאֲשֶׁ֖ר בָּרִאשֹׁונָֽה׃ wesametiy maqowm leʿamiy yiseraʾel uneṭaʿetiyhu weshakhan taḥetayw weloʾ yiregaz ʿowd weloʾ־yowsiyfu veney־ʿawelah levalotow kaʾasher bariʾshownah׃
10 וּלְמִיָּמִ֗ים אֲשֶׁ֨ר צִוִּ֤יתִי שֹֽׁפְטִים֙ עַל־עַמִּ֣י יִשְׂרָאֵ֔ל וְהִכְנַ֖עְתִּי אֶת־כָּל־אֹויְבֶ֑יךָ וָאַגִּ֣ד לָ֔ךְ וּבַ֖יִת יִֽבְנֶה־לְּךָ֥ יְהוָֽה׃ ulemiyamiym ʾasher tsiuiytiy shofeṭiym ʿal־ʿamiy yiseraʾel wehikhenaʿetiy ʾet־kal־ʾowyeveykha waʾagid lakhe uvayit yiveneh־lekha yehwah׃
11 וְהָיָ֗ה כִּֽי־מָלְא֤וּ יָמֶ֙יךָ֙ לָלֶ֣כֶת עִם־אֲבֹתֶ֔יךָ וַהֲקִֽימֹותִ֤י אֶֽת־זַרְעֲךָ֙ אַחֲרֶ֔יךָ אֲשֶׁ֥ר יִהְיֶ֖ה מִבָּנֶ֑יךָ וַהֲכִינֹותִ֖י אֶת־מַלְכוּתֹֽו׃ wehayah kiy־maleʾu yameykha lalekhet ʿim־ʾavoteykha wahaqiymowtiy ʾet־zareʿakha ʾaḥareykha ʾasher yiheyeh mibaneykha wahakhiynowtiy ʾet־malekhutow׃
12 ה֥וּא יִבְנֶה־לִּ֖י בָּ֑יִת וְכֹנַנְתִּ֥י אֶת־כִּסְאֹ֖ו עַד־עֹולָֽם׃ huʾ yiveneh־liy bayit wekhonanetiy ʾet־kiseʾow ʿad־ʿowlam׃
13 אֲנִי֙ אֶֽהְיֶה־לֹּ֣ו לְאָ֔ב וְה֖וּא יִֽהְיֶה־לִּ֣י לְבֵ֑ן וְחַסְדִּי֙ לֹא־אָסִ֣יר מֵֽעִמֹּ֔ו כַּאֲשֶׁ֣ר הֲסִירֹ֔ותִי מֵאֲשֶׁ֥ר הָיָ֖ה לְפָנֶֽיךָ׃ ʾaniy ʾeheyeh־low leʾav wehuʾ yiheyeh־liy leven weḥasediy loʾ־ʾasiyr meʿimow kaʾasher hasiyrowtiy meʾasher hayah lefaneykha׃
14 וְהַֽעֲמַדְתִּ֛יהוּ בְּבֵיתִ֥י וּבְמַלְכוּתִ֖י עַד־הָעֹולָ֑ם וְכִסְאֹ֕ו יִהְיֶ֥ה נָכֹ֖ון עַד־עֹולָֽם׃ wehaʿamadetiyhu beveytiy uvemalekhutiy ʿad־haʿowlam wekhiseʾow yiheyeh nakhown ʿad־ʿowlam׃
15 כְּכֹל֙ הַדְּבָרִ֣ים הָאֵ֔לֶּה וּכְכֹ֖ל הֶחָזֹ֣ון הַזֶּ֑ה כֵּ֛ן דִּבֶּ֥ר נָתָ֖ן אֶל־דָּוִֽיד׃ פ kekhol hadevariym haʾeleh ukhekhol heḥazown hazeh ken diber natan ʾel־dawiyd׃ f
16 וַיָּבֹא֙ הַמֶּ֣לֶךְ דָּוִ֔יד וַיֵּ֖שֶׁב לִפְנֵ֣י יְהוָ֑ה וַיֹּ֗אמֶר מִֽי־אֲנִ֞י יְהוָ֤ה אֱלֹהִים֙ וּמִ֣י בֵיתִ֔י כִּ֥י הֲבִיאֹתַ֖נִי עַד־הֲלֹֽם׃ wayavoʾ hamelekhe dawiyd wayeshev lifeney yehwah wayoʾmer miy־ʾaniy yehwah ʾelohiym umiy veytiy kiy haviyʾotaniy ʿad־halom׃
17 וַתִּקְטַ֨ן זֹ֤את בְּעֵינֶ֙יךָ֙ אֱלֹהִ֔ים וַתְּדַבֵּ֥ר עַל־בֵּֽית־עַבְדְּךָ֖ לְמֵרָחֹ֑וק וּרְאִיתַ֗נִי כְּתֹ֧ור הָאָדָ֛ם הַֽמַּעֲלָ֖ה יְהוָ֥ה אֱלֹהִֽים׃ watiqeṭan zoʾt beʿeyneykha ʾelohiym watedaber ʿal־beyt־ʿavedekha lemeraḥowq ureʾiytaniy ketowr haʾadam hamaʿalah yehwah ʾelohiym׃
18 מַה־יֹּוסִ֨יף עֹ֥וד דָּוִ֛יד אֵלֶ֖יךָ לְכָבֹ֣וד אֶת־עַבְדֶּ֑ךָ וְאַתָּ֖ה אֶֽת־עַבְדְּךָ֥ יָדָֽעְתָּ׃ mah־yowsiyf ʿowd dawiyd ʾeleykha lekhavowd ʾet־ʿavedekha weʾatah ʾet־ʿavedekha yadaʿeta׃
19 יְהוָ֕ה בַּעֲב֤וּר עַבְדְּךָ֙ וּֽכְלִבְּךָ֔ עָשִׂ֕יתָ אֵ֥ת כָּל־הַגְּדוּלָּ֖ה הַזֹּ֑את לְהֹדִ֖יעַ אֶת־כָּל־הַגְּדֻלֹּֽות׃ yehwah baʿavur ʿavedekha ukhelibekha ʿasiyta ʾet kal־hagedulah hazoʾt lehodiyʿa ʾet־kal־hagedulowt׃
20 יְהוָה֙ אֵ֣ין כָּמֹ֔וךָ וְאֵ֥ין אֱלֹהִ֖ים זוּלָתֶ֑ךָ בְּכֹ֥ל אֲשֶׁר־שָׁמַ֖עְנוּ בְּאָזְנֵֽינוּ׃ yehwah ʾeyn kamowkha weʾeyn ʾelohiym zulatekha bekhol ʾasher־shamaʿenu beʾazeneynu׃
21 וּמִי֙ כְּעַמְּךָ֣ יִשְׂרָאֵ֔ל גֹּ֥וי אֶחָ֖ד בָּאָ֑רֶץ אֲשֶׁר֩ הָלַ֨ךְ הָאֱלֹהִ֜ים לִפְדֹּ֧ות לֹ֣ו עָ֗ם לָשׂ֤וּם לְךָ֙ ם גְּדֻלֹּ֣ות וְנֹרָאֹ֔ות לְגָרֵ֗שׁ מִפְּנֵ֧י עַמְּךָ֛ אֲשֶׁר־פָּדִ֥יתָ מִמִּצְרַ֖יִם גֹּויִֽם׃ umiy keʿamekha yiseraʾel gowy ʾeḥad baʾarets ʾasher halakhe haʾelohiym lifedowt low ʿam lasum lekha m gedulowt wenoraʾowt legaresh mipeney ʿamekha ʾasher־padiyta mimitserayim gowyim׃
22 וַ֠תִּתֵּן אֶת־עַמְּךָ֙ יִשְׂרָאֵ֧ל ׀ לְךָ֛ לְעָ֖ם עַד־עֹולָ֑ם וְאַתָּ֣ה יְהוָ֔ה הָיִ֥יתָ לָהֶ֖ם לֵאלֹהִֽים׃ watiten ʾet־ʿamekha yiseraʾel ׀ lekha leʿam ʿad־ʿowlam weʾatah yehwah hayiyta lahem leʾlohiym׃
23 וְעַתָּ֣ה יְהוָ֔ה הַדָּבָ֗ר אֲשֶׁ֨ר דִּבַּ֤רְתָּ עַֽל־עַבְדְּךָ֙ וְעַל־בֵּיתֹ֔ו יֵאָמֵ֖ן עַד־עֹולָ֑ם וַעֲשֵׂ֖ה כַּאֲשֶׁ֥ר דִּבַּֽרְתָּ׃ weʿatah yehwah hadavar ʾasher dibareta ʿal־ʿavedekha weʿal־beytow yeʾamen ʿad־ʿowlam waʿaseh kaʾasher dibareta׃
24 וְ֠יֵֽאָמֵן וְיִגְדַּ֨ל שִׁמְךָ֤ עַד־עֹולָם֙ לֵאמֹ֔ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל אֱלֹהִ֖ים לְיִשְׂרָאֵ֑ל וּבֵית־דָּוִ֥יד עַבְדְּךָ֖ נָכֹ֥ון לְפָנֶֽיךָ׃ weyeʾamen weyigedal shimekha ʿad־ʿowlam leʾmor yehwah tsevaʾowt ʾelohey yiseraʾel ʾelohiym leyiseraʾel uveyt־dawiyd ʿavedekha nakhown lefaneykha׃
25 כִּ֣י ׀ אַתָּ֣ה אֱלֹהַ֗י גָּלִ֙יתָ֙ אֶת־אֹ֣זֶן עַבְדְּךָ֔ לִבְנֹ֥ות לֹ֖ו בָּ֑יִת עַל־כֵּן֙ מָצָ֣א עַבְדְּךָ֔ לְהִתְפַּלֵּ֖ל לְפָנֶֽיךָ׃ kiy ׀ ʾatah ʾelohay galiyta ʾet־ʾozen ʿavedekha livenowt low bayit ʿal־ken matsaʾ ʿavedekha lehitepalel lefaneykha׃
26 וְעַתָּ֣ה יְהוָ֔ה אַתָּה־ה֖וּא הָאֱלֹהִ֑ים וַתְּדַבֵּר֙ עַֽל־עַבְדְּךָ֔ הַטֹּובָ֖ה הַזֹּֽאת׃ weʿatah yehwah ʾatah־huʾ haʾelohiym watedaber ʿal־ʿavedekha haṭowvah hazoʾt׃
27 וְעַתָּ֗ה הֹואַ֙לְתָּ֙ לְבָרֵךְ֙ אֶת־בֵּ֣ית עַבְדְּךָ֔ לִהְיֹ֥ות לְעֹולָ֖ם לְפָנֶ֑יךָ כִּֽי־אַתָּ֤ה יְהוָה֙ בֵּרַ֔כְתָּ וּמְבֹרָ֖ךְ לְעֹולָֽם׃ פ weʿatah howʾaleta levarekhe ʾet־beyt ʿavedekha liheyowt leʿowlam lefaneykha kiy־ʾatah yehwah berakheta umevorakhe leʿowlam׃ f