Job 13

¹ הֶן־כֹּ֖ל רָאֲתָ֣ה עֵינִ֑י שָֽׁמְעָ֥ה אָ֝זְנִ֗י וַתָּ֥בֶן לָֽהּ׃ hen־kol raʾatah ʿeyniy shameʿah ʾazeniy wataven lah׃

² כְּֽ֭דַעְתְּכֶם יָדַ֣עְתִּי גַם־אָ֑נִי לֹא־נֹפֵ֖ל אָנֹכִ֣י מִכֶּֽם׃ kedaʿetekhem yadaʿetiy gam־ʾaniy loʾ־nofel ʾanokhiy mikem׃

³ אוּלָ֗ם אֲ֭נִי אֶל־שַׁדַּ֣י אֲדַבֵּ֑ר וְהֹוכֵ֖חַ אֶל־אֵ֣ל אֶחְפָּֽץ׃ ʾulam ʾaniy ʾel־shaday ʾadaber wehowkheaḥ ʾel־ʾel ʾeḥepats׃

⁴ וְֽאוּלָ֗ם אַתֶּ֥ם טֹֽפְלֵי־שָׁ֑קֶר רֹפְאֵ֖י אֱלִ֣ל כֻּלְּכֶֽם׃ weʾulam ʾatem ṭofeley־shaqer rofeʾey ʾelil kulekhem׃

⁵ מִֽי־יִ֭תֵּן הַחֲרֵ֣שׁ תַּחֲרִישׁ֑וּן וּתְהִ֖י לָכֶ֣ם לְחָכְמָֽה׃ miy־yiten haḥaresh taḥariyshun utehiy lakhem leḥakhemah׃

⁶ שִׁמְעוּ־נָ֥א תֹוכַחְתִּ֑י וְרִבֹ֖ות שְׂפָתַ֣י הַקְשִֽׁיבוּ׃ shimeʿu־naʾ towkhaḥetiy werivowt sefatay haqeshiyvu׃

⁷ הַ֭לְאֵל תְּדַבְּר֣וּ עַוְלָ֑ה וְ֝לֹ֗ו תְּֽדַבְּר֥וּ רְמִיָּֽה׃ haleʾel tedaberu ʿawelah welow tedaberu remiyah׃

⁸ הֲפָנָ֥יו תִּשָּׂא֑וּן אִם־לָאֵ֥ל תְּרִיבֽוּן׃ hafanayw tisaʾun ʾim־laʾel teriyvun׃

⁹ הֲ֭טֹוב כִּֽי־יַחְקֹ֣ר אֶתְכֶ֑ם אִם־כְּהָתֵ֥ל בֶּ֝אֱנֹ֗ושׁ תְּהָתֵ֥לּוּ בֹֽו׃ haṭowv kiy־yaḥeqor ʾetekhem ʾim־kehatel beʾenowsh tehatelu vow׃

¹⁰ הֹוכֵ֣חַ יֹוכִ֣יחַ אֶתְכֶ֑ם אִם־בַּ֝סֵּ֗תֶר פָּנִ֥ים תִּשָּׂאֽוּן׃ howkheaḥ yowkhiyḥa ʾetekhem ʾim־baseter paniym tisaʾun׃

¹¹ הֲלֹ֣א אֵתֹו תְּבַעֵ֣ת אֶתְכֶ֑ם וּ֝פַחְדֹּ֗ו יִפֹּ֥ל עֲלֵיכֶֽם׃ haloʾ ʾetow tevaʿet ʾetekhem ufaḥedow yipol ʿaleykhem׃

¹² זִֽ֭כְרֹנֵיכֶם מִשְׁלֵי־אֵ֑פֶר לְגַבֵּי־חֹ֝֗מֶר גַּבֵּיכֶֽם׃ zikheroneykhem misheley־ʾefer legabey־ḥomer gabeykhem׃

¹³ הַחֲרִ֣ישׁוּ מִ֭מֶּנִּי וַאֲדַבְּרָה־אָ֑נִי וְיַעֲבֹ֖ר עָלַ֣י מָֽה׃ haḥariyshu mimeniy waʾadaberah־ʾaniy weyaʿavor ʿalay mah׃

¹⁴ עַל־מָ֤ה ׀ אֶשָּׂ֣א בְשָׂרִ֣י בְשִׁנָּ֑י וְ֝נַפְשִׁ֗י אָשִׂ֥ים בְּכַפִּֽי׃ ʿal־mah ׀ ʾesaʾ vesariy veshinay wenafeshiy ʾasiym bekhapiy׃

¹⁵ הֵ֣ן יִ֭קְטְלֵנִי [לֹא כ] (לֹ֣ו ק) אֲיַחֵ֑ל אַךְ־דְּ֝רָכַ֗י אֶל־פָּנָ֥יו אֹוכִֽיחַ׃ hen yiqeṭeleniy [loʾ kh] (low q) ʾayaḥel ʾakhe־derakhay ʾel־panayw ʾowkhiyḥa׃

¹⁶ גַּם־הוּא־לִ֥י לִֽישׁוּעָ֑ה כִּי־לֹ֥א לְ֝פָנָ֗יו חָנֵ֥ף יָבֹֽוא׃ gam־huʾ־liy liyshuʿah kiy־loʾ lefanayw ḥanef yavowʾ׃

¹⁷ שִׁמְע֣וּ מֹועַ מִלָּתִ֑י וְ֝אַֽחֲוָתִ֗י בְּאָזְנֵיכֶֽם׃ shimeʿu mowʿa milatiy weʾaḥawatiy beʾazeneykhem׃

¹⁸ הִנֵּה־נָ֭א עָרַ֣כְתִּי מִשְׁפָּ֑ט יָ֝דַ֗עְתִּי כִּֽי־אֲנִ֥י אֶצְדָּֽק׃ hineh־naʾ ʿarakhetiy mishepaṭ yadaʿetiy kiy־ʾaniy ʾetsedaq׃

¹⁹ מִי־ה֭וּא יָרִ֣יב עִמָּדִ֑י כִּֽי־עַתָּ֖ה אַחֲרִ֣ישׁ וְאֶגְוָֽע׃ miy־huʾ yariyv ʿimadiy kiy־ʿatah ʾaḥariysh weʾegewaʿ׃

²⁰ אַךשְְׁ֭־תַּיִם אַל־תַּ֣עַשׂ עִמָּדִ֑י אָ֥ז מִ֝פָּנֶ֗יךָ לֹ֣א אֶסָּתֵֽר׃ ʾakhshe־tayim ʾal־taʿas ʿimadiy ʾaz mipaneykha loʾ ʾesater׃

²¹ כַּ֭פְּךָ מֵעָלַ֣י הַרְחַ֑ק וְ֝אֵ֥מָתְךָ֗ אַֽל־תְּבַעֲתַֽנִּי׃ kapekha meʿalay hareḥaq weʾematekha ʾal־tevaʿataniy׃

²² וּ֭קְרָא וְאָנֹכִ֣י אֶֽעֱנֶ֑ה אֹֽו־אֲ֝דַבֵּ֗ר וַהֲשִׁיבֵֽנִי׃ uqeraʾ weʾanokhiy ʾeʿeneh ʾow־ʾadaber wahashiyveniy׃

²³ כַּמָּ֣ה לִ֭י עֲוֹנֹ֣ות וְחַטָּאֹ֑ות פִּֽשְׁעִ֥י וְ֝חַטָּאתִ֗י הֹדִיעֵֽנִי ׃ kamah liy ʿaonowt weḥaṭaʾowt pisheʿiy weḥaṭaʾtiy hodiyʿeniy ׃

²⁴ לָֽמָּה־פָנֶ֥יךָ תַסְתִּ֑יר וְתַחְשְׁבֵ֖נִי לְאֹויֵ֣ב לָֽךְ׃ lamah־faneykha tasetiyr wetaḥesheveniy leʾowyev lakhe׃

²⁵ הֶעָלֶ֣ה נִדָּ֣ף תַּעֲרֹ֑וץ וְאֶת־קַ֖שׁ יָבֵ֣שׁ תִּרְדֹּֽף׃ heʿaleh nidaf taʿarowts weʾet־qash yavesh tiredof׃

²⁶ כִּֽי־תִכְתֹּ֣ב עָלַ֣י מְרֹרֹ֑ות וְ֝תֹורִישֵׁ֗נִי עֲוֹנֹ֥ות נְעוּרָֽי׃ kiy־tikhetov ʿalay merorowt wetowriysheniy ʿaonowt neʿuray׃

²⁷ וְתָ֘שֵׂ֤ם בַּסַּ֨ד ׀ רַגְלַ֗י וְתִשְׁמֹ֥ור כָּל־אָרְחֹותָ֑י עַל־שָׁרְשֵׁ֥י רַ֝גְלַ֗י תִּתְחַקֶּֽה׃ wetasem basad ׀ ragelay wetishemowr kal־ʾareḥowtay ʿal־shareshey ragelay titeḥaqeh׃

²⁸ וְ֭הוּא כְּרָקָ֣ב יִבְלֶ֑ה כְּ֝בֶ֗גֶד אֲכָ֣לֹו עָֽשׁ׃ wehuʾ keraqav yiveleh keveged ʾakhalow ʿash׃