Psaumes 44

¹ לַמְנַצֵּ֬חַ לִבְנֵי־קֹ֬רַח מַשְׂכִּֽיל׃ lamenatseaḥ liveney־qoraḥ masekiyl׃

² אֱלֹהִ֤ים ׀ בְּאָזְנֵ֬ינוּ שָׁמַ֗עְנוּ אֲבֹותֵ֥ינוּ סִפְּרוּ־לָ֑נוּ פֹּ֥עַל פָּעַ֥לְתָּ בִֽ֝ימֵיהֶ֗ם בִּ֣ימֵי קֶֽדֶם׃ ʾelohiym ׀ beʾazeneynu shamaʿenu ʾavowteynu siperu־lanu poʿal paʿaleta viymeyhem biymey qedem׃

³ אַתָּ֤ה ׀ יָדְךָ֡ גֹּויִ֣ם הֹ֭ורַשְׁתָּ וַתִּטָּעֵ֑ם תָּרַ֥ע לְ֝אֻמִּ֗ים וַֽתְּשַׁלְּחֵֽם׃ ʾatah ׀ yadekha gowyim howrasheta watiṭaʿem taraʿ leʾumiym wateshaleḥem׃

⁴ כִּ֤י לֹ֪א בְחַרְבָּ֡ם יָ֥רְשׁוּ אָ֗רֶץ וּזְרֹועָם֮ לֹא־הֹושִׁ֪יעָ֫ה לָּ֥מֹו כִּֽי־יְמִֽינְךָ֣ וּ֭זְרֹועֲךָ וְאֹ֥ור פָּנֶ֗יךָ כִּ֣י רְצִיתָֽם׃ kiy loʾ veḥarebam yareshu ʾarets uzerowʿam loʾ־howshiyʿah lamow kiy־yemiynekha uzerowʿakha weʾowr paneykha kiy retsiytam׃

⁵ אַתָּה־ה֣וּא מַלְכִּ֣י אֱלֹהִ֑ים צַ֝וֵּ֗ה יְשׁוּעֹ֥ות יַעֲקֹֽב׃ ʾatah־huʾ malekiy ʾelohiym tsaueh yeshuʿowt yaʿaqov׃

⁶ בְּ֭ךָ צָרֵ֣ינוּ נְנַגֵּ֑חַ בְּ֝שִׁמְךָ֗ נָב֥וּס קָמֵֽינוּ׃ bekha tsareynu nenageaḥ beshimekha navus qameynu׃

⁷ כִּ֤י לֹ֣א בְקַשְׁתִּ֣י אֶבְטָ֑ח וְ֝חַרְבִּ֗י לֹ֣א תֹושִׁיעֵֽנִי׃ kiy loʾ veqashetiy ʾeveṭaḥ weḥarebiy loʾ towshiyʿeniy׃

⁸ כִּ֣י הֹ֭ושַׁעְתָּנוּ מִצָּרֵ֑ינוּ וּמְשַׂנְאֵ֥ינוּ הֱבִישֹֽׁותָ׃ kiy howshaʿetanu mitsareynu umesaneʾeynu heviyshowta׃

⁹ בֵּֽ֭אלֹהִים הִלַּלְ֣נוּ כָל־הַיֹּ֑ום וְשִׁמְךָ֓ ׀ לְעֹולָ֖ם נֹודֶ֣ה סֶֽלָה׃ beʾlohiym hilalenu khal־hayowm weshimekha ׀ leʿowlam nowdeh selah׃

¹⁰ אַף־זָ֭נַחְתָּ וַתַּכְלִימֵ֑נוּ וְלֹא־תֵ֝צֵ֗א בְּצִבְאֹותֵֽינוּ׃ ʾaf־zanaḥeta watakheliymenu weloʾ־tetseʾ betsiveʾowteynu׃

¹¹ תְּשִׁיבֵ֣נוּ אָ֭חֹור מִנִּי־צָ֑ר וּ֝מְשַׂנְאֵ֗ינוּ שָׁ֣סוּ לָֽמֹו׃ teshiyvenu ʾaḥowr miniy־tsar umesaneʾeynu shasu lamow׃

¹² תִּ֭תְּנֵנוּ כְּצֹ֣אן מַאֲכָ֑ל וּ֝בַגֹּויִ֗ם זֵרִיתָֽנוּ׃ titenenu ketsoʾn maʾakhal uvagowyim zeriytanu׃

¹³ תִּמְכֹּֽר־עַמְּךָ֥ בְלֹא־הֹ֑ון וְלֹ֥א־רִ֝בִּ֗יתָ בִּמְחִירֵיהֶֽם׃ timekor־ʿamekha veloʾ־hown weloʾ־ribiyta bimeḥiyreyhem׃

¹⁴ תְּשִׂימֵ֣נוּ חֶ֭רְפָּה לִשְׁכֵנֵ֑ינוּ לַ֥עַג וָ֝קֶ֗לֶס לִסְבִיבֹותֵֽינוּ׃ tesiymenu ḥerepah lishekheneynu laʿag waqeles liseviyvowteynu׃

¹⁵ תְּשִׂימֵ֣נוּ מָ֭שָׁל בַּגֹּויִ֑ם מְנֹֽוד־רֹ֝֗אשׁ בַּל־אֻמִּֽים׃ tesiymenu mashal bagowyim menowd־roʾsh bal־ʾumiym׃

¹⁶ כָּל־הַ֭יֹּום כְּלִמָּתִ֣י נֶגְדִּ֑י וּבֹ֖שֶׁת פָּנַ֣י כִּסָּֽתְנִי׃ kal־hayowm kelimatiy negediy uvoshet panay kisateniy׃

¹⁷ מִ֭קֹּול מְחָרֵ֣ף וּמְגַדֵּ֑ף מִפְּנֵ֥י אֹ֝ויֵ֗ב וּמִתְנַקֵּֽם׃ miqowl meḥaref umegadef mipeney ʾowyev umitenaqem׃

¹⁸ כָּל־זֹ֣את בָּ֭אַתְנוּ וְלֹ֣א שְׁכַחֲנ֑וּךָ וְלֹֽאשִׁ֝־קַּ֗רְנוּ בִּבְרִיתֶֽךָ׃ kal־zoʾt baʾatenu weloʾ shekhaḥanukha weloʾshi־qarenu biveriytekha׃

¹⁹ לֹא־נָסֹ֣וג אָחֹ֣ור לִבֵּ֑נוּ וַתֵּ֥ט אֲשֻׁרֵ֗ינוּ מִנִּ֥י אָרְחֶֽךָ׃ loʾ־nasowg ʾaḥowr libenu wateṭ ʾashureynu miniy ʾareḥekha׃

²⁰ כִּ֣י דִ֭כִּיתָנוּ בִּמְקֹ֣ום תַּנִּ֑ים וַתְּכַ֖ס עָלֵ֣ינוּ בְצַלְמָֽוֶת׃ kiy dikiytanu bimeqowm taniym watekhas ʿaleynu vetsalemawet׃

²¹ אִםשָׁ֭־כַחְנוּ שֵׁ֣ם אֱלֹהֵ֑ינוּ וַנִּפְרֹ֥שׂ כַּ֝פֵּ֗ינוּ לְאֵ֣ל זָֽר׃ ʾimsha־khaḥenu shem ʾeloheynu waniferos kapeynu leʾel zar׃

²² הֲלֹ֣א אֱ֭לֹהִים יַֽחֲקָר־זֹ֑את כִּֽי־ה֥וּא יֹ֝דֵ֗עַ תַּעֲלֻמֹ֥ות לֵֽב׃ haloʾ ʾelohiym yaḥaqar־zoʾt kiy־huʾ yodeaʿ taʿalumowt lev׃

²³ כִּֽי־עָ֭לֶיךָ הֹרַ֣גְנוּ כָל־הַיֹּ֑ום נֶ֝חְשַׁ֗בְנוּ כְּצֹ֣אן טִבְחָֽה׃ kiy־ʿaleykha horagenu khal־hayowm neḥeshavenu ketsoʾn ṭiveḥah׃

²⁴ ע֤וּרָה ׀ לָ֖מָּה תִישַׁ֥ן ׀ אֲדֹנָ֑י הָ֝קִ֗יצָה אַל־תִּזְנַ֥ח לָנֶֽצַח׃ ʿurah ׀ lamah tiyshan ׀ ʾadonay haqiytsah ʾal־tizenaḥ lanetsaḥ׃

²⁵ לָֽמָּה־פָנֶ֥יךָ תַסְתִּ֑יר תִּשְׁכַּ֖ח עָנְיֵ֣נוּ וְֽלַחֲצֵֽנוּ׃ lamah־faneykha tasetiyr tishekaḥ ʿaneyenu welaḥatsenu׃

²⁶ כִּ֤י שָׁ֣חָה לֶעָפָ֣ר נַפְשֵׁ֑נוּ דָּבְקָ֖ה לָאָ֣רֶץ בִּטְנֵֽנוּ׃ kiy shaḥah leʿafar nafeshenu daveqah laʾarets biṭenenu׃

²⁷ ק֭וּמָֽה עֶזְרָ֣תָה לָּ֑נוּ וּ֝פְדֵ֗נוּ לְמַ֣עַן חַסְדֶּֽךָ׃ qumah ʿezeratah lanu ufedenu lemaʿan ḥasedekha׃