1 Rois 19

¹ וַיַּגֵּ֤ד אַחְאָב֙ לְאִיזֶ֔בֶל אֵ֛ת כָּל־אֲשֶׁ֥ר עָשָׂ֖ה אֵלִיָּ֑הוּ וְאֵ֨ת כָּל־אֲשֶׁ֥ר הָרַ֛ג אֶת־כָּל־הַנְּבִיאִ֖ים בֶּחָֽרֶב׃ wayaged ʾaḥeʾav leʾiyzevel ʾet kal־ʾasher ʿasah ʾeliyahu weʾet kal־ʾasher harag ʾet־kal־haneviyʾiym beḥarev׃

² וַתִּשְׁלַ֤ח אִיזֶ֙בֶל֙ מַלְאָ֔ךְ אֶל־אֵלִיָּ֖הוּ לֵאמֹ֑ר כֹּֽה־יַעֲשׂ֤וּן אֱלֹהִים֙ וְכֹ֣ה יֹוסִפ֔וּן כִּֽי־כָעֵ֤ת מָחָר֙ אָשִׂ֣ים אֶֽת־נַפְשְׁךָ֔ כְּנֶ֖פֶשׁ אַחַ֥ד מֵהֶֽם׃ watishelaḥ ʾiyzevel maleʾakhe ʾel־ʾeliyahu leʾmor koh־yaʿasun ʾelohiym wekhoh yowsifun kiy־khaʿet maḥar ʾasiym ʾet־nafeshekha kenefesh ʾaḥad mehem׃

³ וַיַּ֗רְא וַיָּ֙קָם֙ וַיֵּ֣לֶךְ אֶל־נַפְשֹׁ֔ו וַיָּבֹ֕א בְּאֵ֥ר שֶׁ֖בַע אֲשֶׁ֣ר לִֽיהוּדָ֑ה וַיַּנַּ֥ח אֶֽת־נַעֲרֹ֖ו שָֽׁם׃ wayareʾ wayaqam wayelekhe ʾel־nafeshow wayavoʾ beʾer shevaʿ ʾasher liyhudah wayanaḥ ʾet־naʿarow sham׃

⁴ וְהֽוּא־הָלַ֤ךְ בַּמִּדְבָּר֙ דֶּ֣רֶךְ יֹ֔ום וַיָּבֹ֕א וַיֵּ֕שֶׁב תַּ֖חַת רֹ֣תֶם [אֶחָת כ] (אֶחָ֑ד ק) וַיִּשְׁאַ֤ל אֶת־נַפְשֹׁו֙ לָמ֔וּת וַיֹּ֣אמֶר ׀ רַ֗ב עַתָּ֤ה יְהוָה֙ קַ֣ח נַפְשִׁ֔י כִּֽי־לֹא־טֹ֥וב אָנֹכִ֖י מֵאֲבֹתָֽי׃ wehuʾ־halakhe bamidebar derekhe yowm wayavoʾ wayeshev taḥat rotem [ʾeḥat kh] (ʾeḥad q) wayisheʾal ʾet־nafeshow lamut wayoʾmer ׀ rav ʿatah yehwah qaḥ nafeshiy kiy־loʾ־ṭowv ʾanokhiy meʾavotay׃

⁵ וַיִּשְׁכַּב֙ וַיִּישַׁ֔ן תַּ֖חַת רֹ֣תֶם אֶחָ֑ד וְהִנֵּֽה־זֶ֤ה מַלְאָךְ֙ נֹגֵ֣עַ בֹּ֔ו וַיֹּ֥אמֶר לֹ֖ו ק֥וּם אֱכֹֽול׃ wayishekav wayiyshan taḥat rotem ʾeḥad wehineh־zeh maleʾakhe nogeaʿ bow wayoʾmer low qum ʾekhowl׃

⁶ וַיַּבֵּ֕ט וְהִנֵּ֧ה מְרַאֲשֹׁתָ֛יו עֻגַ֥ת רְצָפִ֖ים וְצַפַּ֣חַת מָ֑יִם וַיֹּ֣אכַל וַיֵּ֔שְׁתְּ וַיָּ֖שָׁב וַיִּשְׁכָּֽב׃ wayabeṭ wehineh meraʾashotayw ʿugat retsafiym wetsapaḥat mayim wayoʾkhal wayeshete wayashav wayishekav׃

⁷ וַיָּשָׁב֩ מַלְאַ֨ךְ יְהוָ֤ה ׀ שֵׁנִית֙ וַיִּגַּע־בֹּ֔ו וַיֹּ֖אמֶר ק֣וּם אֱכֹ֑ל כִּ֛י רַ֥ב מִמְּךָ֖ הַדָּֽרֶךְ׃ wayashav maleʾakhe yehwah ׀ sheniyt wayigaʿ־bow wayoʾmer qum ʾekhol kiy rav mimekha hadarekhe׃

⁸ וַיָּ֖קָם וַיֹּ֣אכַל וַיִּשְׁתֶּ֑ה וַיֵּ֜לֶךְ בְּכֹ֣חַ ׀ הָאֲכִילָ֣ה הַהִ֗יא אַרְבָּעִ֥ים יֹום֙ וְאַרְבָּעִ֣ים לַ֔יְלָה עַ֛ד הַ֥ר הָאֱלֹהִ֖ים חֹרֵֽב׃ wayaqam wayoʾkhal wayisheteh wayelekhe bekhoaḥ ׀ haʾakhiylah hahiyʾ ʾarebaʿiym yowm weʾarebaʿiym layelah ʿad har haʾelohiym ḥorev׃

⁹ וַיָּבֹא־שָׁ֥ם אֶל־הַמְּעָרָ֖ה וַיָּ֣לֶן שָׁ֑ם וְהִנֵּ֤ה דְבַר־יְהוָה֙ אֵלָ֔יו וַיֹּ֣אמֶר לֹ֔ו מַה־לְּךָ֥ פֹ֖ה אֵלִיָּֽהוּ׃ wayavoʾ־sham ʾel־hameʿarah wayalen sham wehineh devar־yehwah ʾelayw wayoʾmer low mah־lekha foh ʾeliyahu׃

¹⁰ וַיֹּאמֶר֩ קַנֹּ֨א קִנֵּ֜אתִי לַיהוָ֣ה ׀ אֱלֹהֵ֣י צְבָאֹ֗ות כִּֽי־עָזְב֤וּ בְרִֽיתְךָ֙ בְּנֵ֣י יִשְׂרָאֵ֔ל אֶת־מִזְבְּחֹתֶ֣יךָ הָרָ֔סוּ וְאֶת־נְבִיאֶ֖יךָ הָרְג֣וּ בֶחָ֑רֶב וָֽאִוָּתֵ֤ר אֲנִי֙ לְבַדִּ֔י וַיְבַקְשׁ֥וּ אֶת־נַפְשִׁ֖י לְקַחְתָּֽהּ׃ wayoʾmer qanoʾ qineʾtiy layhwah ׀ ʾelohey tsevaʾowt kiy־ʿazevu veriytekha beney yiseraʾel ʾet־mizebeḥoteykha harasu weʾet־neviyʾeykha haregu veḥarev waʾiuater ʾaniy levadiy wayevaqeshu ʾet־nafeshiy leqaḥetah׃

¹¹ וַיֹּ֗אמֶר צֵ֣א וְעָמַדְתָּ֣ בָהָר֮ לִפְנֵ֣י יְהוָה֒ וְהִנֵּ֧ה יְהוָ֣ה עֹבֵ֗ר וְר֣וּחַ גְּדֹולָ֡ה וְחָזָ֞ק מְפָרֵק֩ הָרִ֨ים וּמְשַׁבֵּ֤ר סְלָעִים֙ לִפְנֵ֣י יְהוָ֔ה לֹ֥א בָר֖וּחַ יְהוָ֑ה וְאַחַ֤ר הָר֨וּחַ רַ֔עַשׁ לֹ֥א בָרַ֖עַשׁ יְהוָֽה׃ wayoʾmer tseʾ weʿamadeta vahar lifeney yehwah wehineh yehwah ʿover weruaḥ gedowlah weḥazaq mefareq hariym umeshaber selaʿiym lifeney yehwah loʾ varuaḥ yehwah weʾaḥar haruaḥ raʿash loʾ varaʿash yehwah׃

¹² וְאַחַ֤ר הָרַ֙עַשׁ֙ אֵ֔שׁ לֹ֥א בָאֵ֖שׁ יְהוָ֑ה וְאַחַ֣ר הָאֵ֔שׁ קֹ֖ול דְּמָמָ֥ה דַקָּֽה׃ weʾaḥar haraʿash ʾesh loʾ vaʾesh yehwah weʾaḥar haʾesh qowl demamah daqah׃

¹³ וַיְהִ֣י ׀ כִּשְׁמֹ֣עַ אֵלִיָּ֗הוּ וַיָּ֤לֶט פָּנָיו֙ בְּאַדַּרְתֹּ֔ו וַיֵּצֵ֕א וַֽיַּעֲמֹ֖ד פֶּ֣תַח הַמְּעָרָ֑ה וְהִנֵּ֤ה אֵלָיו֙ קֹ֔ול וַיֹּ֕אמֶר מַה־לְּךָ֥ פֹ֖ה אֵלִיָּֽהוּ׃ wayehiy ׀ kishemoaʿ ʾeliyahu wayaleṭ panayw beʾadaretow wayetseʾ wayaʿamod petaḥ hameʿarah wehineh ʾelayw qowl wayoʾmer mah־lekha foh ʾeliyahu׃

¹⁴ וַיֹּאמֶר֩ קַנֹּ֨א קִנֵּ֜אתִי לַיהוָ֣ה ׀ אֱלֹהֵ֣י צְבָאֹ֗ות כִּֽי־עָזְב֤וּ בְרִֽיתְךָ֙ בְּנֵ֣י יִשְׂרָאֵ֔ל אֶת־מִזְבְּחֹתֶ֣יךָ הָרָ֔סוּ וְאֶת־נְבִיאֶ֖יךָ הָרְג֣וּ בֶחָ֑רֶב וָאִוָּתֵ֤ר אֲנִי֙ לְבַדִּ֔י וַיְבַקְשׁ֥וּ אֶת־נַפְשִׁ֖י לְקַחְתָּֽהּ׃ ס wayoʾmer qanoʾ qineʾtiy layhwah ׀ ʾelohey tsevaʾowt kiy־ʿazevu veriytekha beney yiseraʾel ʾet־mizebeḥoteykha harasu weʾet־neviyʾeykha haregu veḥarev waʾiuater ʾaniy levadiy wayevaqeshu ʾet־nafeshiy leqaḥetah׃ s

¹⁵ וַיֹּ֤אמֶר יְהוָה֙ אֵלָ֔יו לֵ֛ךְ שׁ֥וּב לְדַרְכְּךָ֖ מִדְבַּ֣רָה דַמָּ֑שֶׂק וּבָ֗אתָ וּמָשַׁחְתָּ֧ אֶת־חֲזָאֵ֛ל לְמֶ֖לֶךְ עַל־אֲרָֽם׃ wayoʾmer yehwah ʾelayw lekhe shuv ledarekekha midebarah damaseq uvaʾta umashaḥeta ʾet־ḥazaʾel lemelekhe ʿal־ʾaram׃

¹⁶ וְאֵת֙ יֵה֣וּא בֶן־נִמְשִׁ֔י תִּמְשַׁ֥ח לְמֶ֖לֶךְ עַל־יִשְׂרָאֵ֑ל וְאֶת־אֱלִישָׁ֤ע בֶּן־שָׁפָט֙ מֵאָבֵ֣ל מְחֹולָ֔ה תִּמְשַׁ֥ח לְנָבִ֖יא תַּחְתֶּֽיךָ׃ weʾet yehuʾ ven־nimeshiy timeshaḥ lemelekhe ʿal־yiseraʾel weʾet־ʾeliyshaʿ ben־shafaṭ meʾavel meḥowlah timeshaḥ lenaviyʾ taḥeteykha׃

¹⁷ וְהָיָ֗ה הַנִּמְלָ֛ט מֵחֶ֥רֶב חֲזָאֵ֖ל יָמִ֣ית יֵה֑וּא וְהַנִּמְלָ֛ט מֵחֶ֥רֶב יֵה֖וּא יָמִ֥ית אֱלִישָֽׁע׃ wehayah hanimelaṭ meḥerev ḥazaʾel yamiyt yehuʾ wehanimelaṭ meḥerev yehuʾ yamiyt ʾeliyshaʿ׃

¹⁸ וְהִשְׁאַרְתִּ֥י בְיִשְׂרָאֵ֖ל שִׁבְעַ֣ת אֲלָפִ֑ים כָּל־הַבִּרְכַּ֗יִם אֲשֶׁ֤ר לֹֽא־כָֽרְעוּ֙ לַבַּ֔עַל וְכָ֨ל־הַפֶּ֔ה אֲשֶׁ֥ר לֹֽא־נָשַׁ֖ק לֹֽו׃ wehisheʾaretiy veyiseraʾel shiveʿat ʾalafiym kal־habirekayim ʾasher loʾ־khareʿu labaʿal wekhal־hapeh ʾasher loʾ־nashaq low׃

¹⁹ וַיֵּ֣לֶךְ מִ֠שָּׁם וַיִּמְצָ֞א אֶת־אֱלִישָׁ֤ע בֶּן־שָׁפָט֙ וְה֣וּא חֹרֵ֔שׁ שְׁנֵים־עָשָׂ֤ר צְמָדִים֙ לְפָנָ֔יו וְה֖וּא בִּשְׁנֵ֣ים הֶעָשָׂ֑ר וַיַּעֲבֹ֤ר אֵלִיָּ֙הוּ֙ אֵלָ֔יו וַיַּשְׁלֵ֥ךְ אַדַּרְתֹּ֖ו אֵלָֽיו׃ wayelekhe misham wayimetsaʾ ʾet־ʾeliyshaʿ ben־shafaṭ wehuʾ ḥoresh sheneym־ʿasar tsemadiym lefanayw wehuʾ bisheneym heʿasar wayaʿavor ʾeliyahu ʾelayw wayashelekhe ʾadaretow ʾelayw׃

²⁰ וַיַּעֲזֹ֣ב אֶת־הַבָּקָ֗ר וַיָּ֙רָץ֙ אַחֲרֵ֣י אֵֽלִיָּ֔הוּ וַיֹּ֗אמֶר אֶשְּׁקָה־נָּא֙ לְאָבִ֣י וּלְאִמִּ֔י וְאֵלְכָ֖ה אַחֲרֶ֑יךָ וַיֹּ֤אמֶר לֹו֙ לֵ֣ךְ שׁ֔וּב כִּ֥י מֶה־עָשִׂ֖יתִי לָֽךְ׃ wayaʿazov ʾet־habaqar wayarats ʾaḥarey ʾeliyahu wayoʾmer ʾesheqah־naʾ leʾaviy uleʾimiy weʾelekhah ʾaḥareykha wayoʾmer low lekhe shuv kiy meh־ʿasiytiy lakhe׃

²¹ וַיָּ֨שָׁב מֵאַחֲרָ֜יו וַיִּקַּ֣ח אֶת־צֶ֧מֶד הַבָּקָ֣ר וַיִּזְבָּחֵ֗הוּ וּבִכְלִ֤י הַבָּקָר֙ בִּשְּׁלָ֣ם הַבָּשָׂ֔ר וַיִּתֵּ֥ן לָעָ֖ם וַיֹּאכֵ֑לוּ וַיָּ֗קָם וַיֵּ֛לֶךְ אַחֲרֵ֥י אֵלִיָּ֖הוּ וַיְשָׁרְתֵֽהוּ׃ פ wayashav meʾaḥarayw wayiqaḥ ʾet־tsemed habaqar wayizebaḥehu uvikheliy habaqar bishelam habasar wayiten laʿam wayoʾkhelu wayaqam wayelekhe ʾaḥarey ʾeliyahu wayesharetehu׃ f