1 לַמְנַצֵּ֥ח בִּנְגִינֹ֗ת מִזְמֹ֥ור שִֽׁיר׃ lamenatseḥ binegiynot mizemowr shiyr׃
2 אֱלֹהִ֗ים יְחָנֵּ֥נוּ וִֽיבָרְכֵ֑נוּ יָ֤אֵ֥ר פָּנָ֖יו אִתָּ֣נוּ סֶֽלָה׃ ʾelohiym yeḥanenu wiyvarekhenu yaʾer panayw ʾitanu selah׃
3 לָדַ֣עַת בָּאָ֣רֶץ דַּרְכֶּ֑ךָ בְּכָל־גֹּ֝ויִ֗ם יְשׁוּעָתֶֽךָ׃ ladaʿat baʾarets darekekha bekhal־gowyim yeshuʿatekha׃
4 יֹוד֖וּךָ עַמִּ֥ים ׀ אֱלֹהִ֑ים יֹ֝וד֗וּךָ עַמִּ֥ים כֻּלָּֽם׃ yowdukha ʿamiym ׀ ʾelohiym yowdukha ʿamiym kulam׃
5 יִֽשְׂמְח֥וּ וִֽירַנְּנ֗וּ לְאֻ֫מִּ֥ים כִּֽי־תִשְׁפֹּ֣ט עַמִּ֣ים מִישֹׁ֑ור וּלְאֻמִּ֓ים ׀ בָּאָ֖רֶץ תַּנְחֵ֣ם סֶֽלָה׃ yisemeḥu wiyranenu leʾumiym kiy־tishepoṭ ʿamiym miyshowr uleʾumiym ׀ baʾarets taneḥem selah׃
6 יֹוד֖וּךָ עַמִּ֥ים ׀ אֱלֹהִ֑ים יֹ֝וד֗וּךָ עַמִּ֥ים כֻּלָּֽם׃ yowdukha ʿamiym ׀ ʾelohiym yowdukha ʿamiym kulam׃
7 אֶ֭רֶץ נָתְנָ֣ה יְבוּלָ֑הּ יְ֝בָרְכֵ֗נוּ אֱלֹהִ֥ים אֱלֹהֵֽינוּ׃ ʾerets natenah yevulah yevarekhenu ʾelohiym ʾeloheynu׃
8 יְבָרְכֵ֥נוּ אֱלֹהִ֑ים וְיִֽירְא֥וּ אֹ֝תֹ֗ו כָּל־אַפְסֵי־אָֽרֶץ׃ yevarekhenu ʾelohiym weyiyreʾu ʾotow kal־ʾafesey־ʾarets׃