Jérémie 10

¹ שִׁמְע֣וּ אֶת־הַדָּבָ֗ר אֲשֶׁ֨ר דִּבֶּ֧ר יְהוָ֛ה עֲלֵיכֶ֖ם בֵּ֥ית יִשְׂרָאֵֽל׃ shimeʿu ʾet־hadavar ʾasher diber yehwah ʿaleykhem beyt yiseraʾel׃

² כֹּ֣ה ׀ אָמַ֣ר יְהוָ֗ה אֶל־דֶּ֤רֶךְ הַגֹּויִם֙ אַל־תִּלְמָ֔דוּ וּמֵאֹתֹ֥ות הַשָּׁמַ֖יִם אַל־תֵּחָ֑תּוּ כִּֽי־יֵחַ֥תּוּ הַגֹּויִ֖ם מֵהֵֽמָּה׃ koh ׀ ʾamar yehwah ʾel־derekhe hagowyim ʾal־tilemadu umeʾotowt hashamayim ʾal־teḥatu kiy־yeḥatu hagowyim mehemah׃

³ כִּֽי־חֻקֹּ֥ות הָֽעַמִּ֖ים הֶ֣בֶל ה֑וּא כִּֽי־עֵץ֙ מִיַּ֣עַר כְּרָתֹ֔ו מַעֲשֵׂ֥ה יְדֵ֥י־חָרָ֖שׁ בַּֽמַּעֲצָֽד׃ kiy־ḥuqowt haʿamiym hevel huʾ kiy־ʿets miyaʿar keratow maʿaseh yedey־ḥarash bamaʿatsad׃

⁴ בְּכֶ֥סֶף וּבְזָהָ֖ב יְיַפֵּ֑הוּ בְּמַסְמְרֹ֧ות וּבְמַקָּבֹ֛ות יְחַזְּק֖וּם וְלֹ֥וא יָפִֽיק׃ bekhesef uvezahav yeyapehu bemasemerowt uvemaqavowt yeḥazequm welowʾ yafiyq׃

⁵ כְּתֹ֨מֶר מִקְשָׁ֥ה הֵ֙מָּה֙ וְלֹ֣א יְדַבֵּ֔רוּ נָשֹׂ֥וא יִנָּשׂ֖וּא כִּ֣י לֹ֣א יִצְעָ֑דוּ אַל־תִּֽירְא֤וּ מֵהֶם֙ כִּי־לֹ֣א יָרֵ֔עוּ וְגַם־הֵיטֵ֖יב אֵ֥ין אֹותָֽם׃ ס ketomer miqeshah hemah weloʾ yedaberu nasowʾ yinasuʾ kiy loʾ yitseʿadu ʾal־tiyreʾu mehem kiy־loʾ yareʿu wegam־heyṭeyv ʾeyn ʾowtam׃ s

⁶ מֵאֵ֥ין כָּמֹ֖וךָ יְהוָ֑ה גָּדֹ֥ול אַתָּ֛ה וְגָדֹ֥ול שִׁמְךָ֖ בִּגְבוּרָֽה׃ meʾeyn kamowkha yehwah gadowl ʾatah wegadowl shimekha bigevurah׃

⁷ מִ֣י לֹ֤א יִֽרָאֲךָ֙ מֶ֣לֶךְ הַגֹּויִ֔ם כִּ֥י לְךָ֖ יָאָ֑תָה כִּ֣י בְכָל־חַכְמֵ֧י הַגֹּויִ֛ם וּבְכָל־מַלְכוּתָ֖ם מֵאֵ֥ין כָּמֹֽוךָ׃ miy loʾ yiraʾakha melekhe hagowyim kiy lekha yaʾatah kiy vekhal־ḥakhemey hagowyim uvekhal־malekhutam meʾeyn kamowkha׃

⁸ וּבְאַחַ֖ת יִבְעֲר֣וּ וְיִכְסָ֑לוּ מוּסַ֥ר הֲבָלִ֖ים עֵ֥ץ הֽוּא׃ uveʾaḥat yiveʿaru weyikhesalu musar havaliym ʿets huʾ׃

⁹ כֶּ֣סֶף מְרֻקָּ֞ע מִתַּרְשִׁ֣ישׁ יוּבָ֗א וְזָהָב֙ מֵֽאוּפָ֔ז מַעֲשֵׂ֥ה חָרָ֖שׁ וִידֵ֣י צֹורֵ֑ף תְּכֵ֤לֶת וְאַרְגָּמָן֙ לְבוּשָׁ֔ם מַעֲשֵׂ֥ה חֲכָמִ֖ים כֻּלָּֽם׃ kesef meruqaʿ mitareshiysh yuvaʾ wezahav meʾufaz maʿaseh ḥarash wiydey tsowref tekhelet weʾaregaman levusham maʿaseh ḥakhamiym kulam׃

¹⁰ וַֽיהוָ֤ה אֱלֹהִים֙ אֱמֶ֔ת הֽוּא־אֱלֹהִ֥ים חַיִּ֖ים וּמֶ֣לֶךְ עֹולָ֑ם מִקִּצְפֹּו֙ תִּרְעַ֣שׁ הָאָ֔רֶץ וְלֹֽא־יָכִ֥לוּ גֹויִ֖ם זַעְמֹֽו׃ ס wayhwah ʾelohiym ʾemet huʾ־ʾelohiym ḥayiym umelekhe ʿowlam miqitsepow tireʿash haʾarets weloʾ־yakhilu gowyim zaʿemow׃ s

¹¹ כִּדְנָה֙ תֵּאמְר֣וּן לְהֹ֔ום אֱלָ֣הַיָּ֔א דִּֽי־שְׁמַיָּ֥א וְאַרְקָ֖א לָ֣א עֲבַ֑דוּ יֵאבַ֧דוּ מֵֽאַרְעָ֛א וּמִן־תְּחֹ֥ות שְׁמַיָּ֖א אֵֽלֶּה׃ ס kidenah teʾmerun lehowm ʾelahayaʾ diy־shemayaʾ weʾareqaʾ laʾ ʿavadu yeʾvadu meʾareʿaʾ umin־teḥowt shemayaʾ ʾeleh׃ s

¹² עֹשֵׂ֥ה אֶ֙רֶץ֙ בְּכֹחֹ֔ו מֵכִ֥ין תֵּבֵ֖ל בְּחָכְמָתֹ֑ו וּבִתְבוּנָתֹ֖ו נָטָ֥ה שָׁמָֽיִם׃ ʿoseh ʾerets bekhoḥow mekhiyn tevel beḥakhematow uvitevunatow naṭah shamayim׃

¹³ לְקֹ֨ול תִּתֹּ֜ו הֲמֹ֥ון מַ֙יִם֙ בַּשָּׁמַ֔יִם וַיַּעֲלֶ֥ה נְשִׂאִ֖ים מִקְצֵ֣ה [אֶרֶץ כ] (הָאָ֑רֶץ ק) בְּרָקִ֤ים לַמָּטָר֙ עָשָׂ֔ה וַיֹּ֥וצֵא ר֖וּחַ מֵאֹצְרֹתָֽיו׃ leqowl titow hamown mayim bashamayim wayaʿaleh nesiʾiym miqetseh [ʾerets kh] (haʾarets q) beraqiym lamaṭar ʿasah wayowtseʾ ruaḥ meʾotserotayw׃

¹⁴ נִבְעַ֤ר כָּל־אָדָם֙ מִדַּ֔עַת הֹבִ֥ישׁ כָּל־צֹורֵ֖ף מִפָּ֑סֶל כִּ֛י שֶׁ֥קֶר נִסְכֹּ֖ו וְלֹא־ר֥וּחַ בָּֽם׃ niveʿar kal־ʾadam midaʿat hoviysh kal־tsowref mipasel kiy sheqer nisekow weloʾ־ruaḥ bam׃

¹⁵ הֶ֣בֶל הֵ֔מָּה מַעֲשֵׂ֖ה תַּעְתֻּעִ֑ים בְּעֵ֥ת פְּקֻדָּתָ֖ם יֹאבֵֽדוּ׃ hevel hemah maʿaseh taʿetuʿiym beʿet pequdatam yoʾvedu׃

¹⁶ לֹֽא־כְאֵ֜לֶּה חֵ֣לֶק יַעֲקֹ֗ב כִּֽי־יֹוצֵ֤ר הַכֹּל֙ ה֔וּא וְיִ֨שְׂרָאֵ֔ל שֵׁ֖בֶט נַֽחֲלָתֹ֑ו יְהוָ֥ה צְבָאֹ֖ות שְׁמֹֽו׃ ס loʾ־kheʾeleh ḥeleq yaʿaqov kiy־yowtser hakol huʾ weyiseraʾel sheveṭ naḥalatow yehwah tsevaʾowt shemow׃ s

¹⁷ אִסְפִּ֥י מֵאֶ֖רֶץ כִּנְעָתֵ֑ךְ [יֹשַׁבְתִּי כ] (יֹשֶׁ֖בֶת ק) בַּמָּצֹֽור׃ ס ʾisepiy meʾerets kineʿatekhe [yoshavetiy kh] (yoshevet q) bamatsowr׃ s

¹⁸ כִּֽי־כֹה֙ אָמַ֣ר יְהוָ֔ה הִנְנִ֥י קֹולֵ֛עַ אֶת־יֹושְׁבֵ֥י הָאָ֖רֶץ בַּפַּ֣עַם הַזֹּ֑את וַהֲצֵרֹ֥ותִי לָהֶ֖ם לְמַ֥עַן יִמְצָֽאוּ׃ ס kiy־khoh ʾamar yehwah hineniy qowleaʿ ʾet־yowshevey haʾarets bapaʿam hazoʾt wahatserowtiy lahem lemaʿan yimetsaʾu׃ s

¹⁹ אֹ֥וי לִי֙ עַל־שִׁבְרִ֔י נַחְלָ֖ה מַכָּתִ֑י וַאֲנִ֣י אָמַ֔רְתִּי אַ֛ךְ זֶ֥ה חֳלִ֖י וְאֶשָּׂאֶֽנּוּ׃ ʾowy liy ʿal־shiveriy naḥelah makatiy waʾaniy ʾamaretiy ʾakhe zeh ḥoliy weʾesaʾenu׃

²⁰ אָהֳלִ֣י שֻׁדָּ֔ד וְכָל־מֵיתָרַ֖י נִתָּ֑קוּ בָּנַ֤י יְצָאֻ֙נִי֙ וְאֵינָ֔ם אֵין־נֹטֶ֥ה עֹוד֙ אָהֳלִ֔י וּמֵקִ֖ים יְרִיעֹותָֽי׃ ʾaholiy shudad wekhal־meytaray nitaqu banay yetsaʾuniy weʾeynam ʾeyn־noṭeh ʿowd ʾaholiy umeqiym yeriyʿowtay׃

²¹ כִּ֤י נִבְעֲרוּ֙ הָֽרֹעִ֔ים וְאֶת־יְהוָ֖ה לֹ֣א דָרָ֑שׁוּ עַל־כֵּן֙ לֹ֣א הִשְׂכִּ֔ילוּ וְכָל־מַרְעִיתָ֖ם נָפֹֽוצָה׃ ס kiy niveʿaru haroʿiym weʾet־yehwah loʾ darashu ʿal־ken loʾ hisekiylu wekhal־mareʿiytam nafowtsah׃ s

²² קֹ֤ול שְׁמוּעָה֙ הִנֵּ֣ה בָאָ֔ה וְרַ֥עַשׁ גָּדֹ֖ול מֵאֶ֣רֶץ צָפֹ֑ון לָשׂ֞וּם אֶת־עָרֵ֧י יְהוּדָ֛ה שְׁמָמָ֖ה מְעֹ֥ון תַּנִּֽים׃ ס qowl shemuʿah hineh vaʾah weraʿash gadowl meʾerets tsafown lasum ʾet־ʿarey yehudah shemamah meʿown taniym׃ s

²³ יָדַ֣עְתִּי יְהוָ֔ה כִּ֛י לֹ֥א לָאָדָ֖ם דַּרְכֹּ֑ו לֹֽא־לְאִ֣ישׁ הֹלֵ֔ךְ וְהָכִ֖ין אֶֽת־צַעֲדֹֽו׃ yadaʿetiy yehwah kiy loʾ laʾadam darekow loʾ־leʾiysh holekhe wehakhiyn ʾet־tsaʿadow׃

²⁴ יַסְּרֵ֥נִי יְהוָ֖ה אַךְ־בְּמִשְׁפָּ֑ט אַל־בְּאַפְּךָ֖ פֶּן־תַּמְעִטֵֽנִי׃ yasereniy yehwah ʾakhe־bemishepaṭ ʾal־beʾapekha pen־tameʿiṭeniy׃

²⁵ שְׁפֹ֣ךְ חֲמָתְךָ֗ עַל־הַגֹּויִם֙ אֲשֶׁ֣ר לֹֽא־יְדָע֔וּךָ וְעַל֙ מִשְׁפָּחֹ֔ות אֲשֶׁ֥ר בְּשִׁמְךָ֖ לֹ֣א קָרָ֑אוּ כִּֽי־אָכְל֣וּ אֶֽת־יַעֲקֹ֗ב וַאֲכָלֻ֙הוּ֙ וַיְכַלֻּ֔הוּ וְאֶת־נָוֵ֖הוּ הֵשַֽׁמּוּ׃ פ shefokhe ḥamatekha ʿal־hagowyim ʾasher loʾ־yedaʿukha weʿal mishepaḥowt ʾasher beshimekha loʾ qaraʾu kiy־ʾakhelu ʾet־yaʿaqov waʾakhaluhu wayekhaluhu weʾet־nawehu heshamu׃ f