2 Chroniques 1

¹ וַיִּתְחַזֵּ֛ק שְׁלֹמֹ֥ה בֶן־דָּוִ֖יד עַל־מַלְכוּתֹ֑ו וַיהוָ֤ה אֱלֹהָיו֙ עִמֹּ֔ו וַֽיְגַדְּלֵ֖הוּ לְמָֽעְלָה׃ wayiteḥazeq shelomoh ven־dawiyd ʿal־malekhutow wayhwah ʾelohayw ʿimow wayegadelehu lemaʿelah׃

² וַיֹּ֣אמֶר שְׁלֹמֹ֣ה לְכָל־יִשְׂרָאֵ֡ל לְשָׂרֵי֩ הָאֲלָפִ֨ים וְהַמֵּאֹ֜ות וְלַשֹּֽׁפְטִ֗ים וּלְכֹ֛ל נָשִׂ֥יא לְכָל־יִשְׂרָאֵ֖ל רָאשֵׁ֥י הָאָבֹֽות׃ wayoʾmer shelomoh lekhal־yiseraʾel lesarey haʾalafiym wehameʾowt welashofeṭiym ulekhol nasiyʾ lekhal־yiseraʾel raʾshey haʾavowt׃

³ וַיֵּלְכ֗וּ שְׁלֹמֹה֙ וְכָל־הַקָּהָ֣ל עִמֹּ֔ו לַבָּמָ֖ה אֲשֶׁ֣ר בְּגִבְעֹ֑ון כִּי־שָׁ֣ם הָיָ֗ה אֹ֤הֶל מֹועֵד֙ הָֽאֱלֹהִ֔ים אֲשֶׁ֥ר עָשָׂ֛ה מֹשֶׁ֥ה עֶֽבֶד־יְהוָ֖ה בַּמִּדְבָּֽר׃ wayelekhu shelomoh wekhal־haqahal ʿimow labamah ʾasher begiveʿown kiy־sham hayah ʾohel mowʿed haʾelohiym ʾasher ʿasah mosheh ʿeved־yehwah bamidebar׃

⁴ אֲבָ֗ל אֲרֹ֤ון הָאֱלֹהִים֙ הֶעֱלָ֤ה דָוִיד֙ מִקִּרְיַ֣ת יְעָרִ֔ים בַּֽהֵכִ֥ין לֹ֖ו דָּוִ֑יד כִּ֧י נָֽטָה־לֹ֛ו אֹ֖הֶל בִּירוּשָׁלִָֽם׃ ʾaval ʾarown haʾelohiym heʿelah dawiyd miqireyat yeʿariym bahekhiyn low dawiyd kiy naṭah־low ʾohel biyrushalim׃

⁵ וּמִזְבַּ֣ח הַנְּחֹ֗שֶׁת אֲשֶׁ֤ר עָשָׂה֙ בְּצַלְאֵל֙ בֶּן־אוּרִ֣י בֶן־ח֔וּר שָׂ֕ם לִפְנֵ֖י מִשְׁכַּ֣ן יְהוָ֑ה וַיִּדְרְשֵׁ֥הוּ שְׁלֹמֹ֖ה וְהַקָּהָֽל׃ umizebaḥ haneḥoshet ʾasher ʿasah betsaleʾel ben־ʾuriy ven־ḥur sam lifeney mishekan yehwah wayidereshehu shelomoh wehaqahal׃

⁶ וַיַּעַל֩ שְׁלֹמֹ֨ה שָׁ֜ם עַל־מִזְבַּ֤ח הַנְּחֹ֙שֶׁת֙ לִפְנֵ֣י יְהוָ֔ה אֲשֶׁ֖ר לְאֹ֣הֶל מֹועֵ֑ד וַיַּ֧עַל עָלָ֛יו עֹלֹ֖ות אָֽלֶף׃ wayaʿal shelomoh sham ʿal־mizebaḥ haneḥoshet lifeney yehwah ʾasher leʾohel mowʿed wayaʿal ʿalayw ʿolowt ʾalef׃

⁷ בַּלַּ֣יְלָה הַה֔וּא נִרְאָ֥ה אֱלֹהִ֖ים לִשְׁלֹמֹ֑ה וַיֹּ֣אמֶר לֹ֔ו שְׁאַ֖ל מָ֥ה אֶתֶּן־לָֽךְ׃ balayelah hahuʾ nireʾah ʾelohiym lishelomoh wayoʾmer low sheʾal mah ʾeten־lakhe׃

⁸ וַיֹּ֤אמֶר שְׁלֹמֹה֙ לֵֽאלֹהִ֔ים אַתָּ֗ה עָשִׂ֛יתָ עִם־דָּוִ֥יד אָבִ֖י חֶ֣סֶד גָּדֹ֑ול וְהִמְלַכְתַּ֖נִי תַּחְתָּֽיו׃ wayoʾmer shelomoh leʾlohiym ʾatah ʿasiyta ʿim־dawiyd ʾaviy ḥesed gadowl wehimelakhetaniy taḥetayw׃

⁹ עַתָּה֙ יְהוָ֣ה אֱלֹהִ֔ים יֵֽאָמֵן֙ דְּבָ֣רְךָ֔ עִ֖ם דָּוִ֣יד אָבִ֑י כִּ֤י אַתָּה֙ הִמְלַכְתַּ֔נִי עַל־עַ֕ם רַ֖ב כַּעֲפַ֥ר הָאָֽרֶץ׃ ʿatah yehwah ʾelohiym yeʾamen devarekha ʿim dawiyd ʾaviy kiy ʾatah himelakhetaniy ʿal־ʿam rav kaʿafar haʾarets׃

¹⁰ עַתָּ֗ה חָכְמָ֤ה וּמַדָּע֙ תֶּן־לִ֔י וְאֵֽצְאָ֛ה לִפְנֵ֥י הָֽעָם־הַזֶּ֖ה וְאָבֹ֑ואָה כִּֽי־מִ֣י יִשְׁפֹּ֔ט אֶת־עַמְּךָ֥ הַזֶּ֖ה הַגָּדֹֽול׃ ס ʿatah ḥakhemah umadaʿ ten־liy weʾetseʾah lifeney haʿam־hazeh weʾavowʾah kiy־miy yishepoṭ ʾet־ʿamekha hazeh hagadowl׃ s

¹¹ וַיֹּ֣אמֶר־אֱלֹהִ֣ים ׀ לִשְׁלֹמֹ֡ה יַ֣עַן אֲשֶׁר֩ הָיְתָ֨ה זֹ֜את עִם־לְבָבֶ֗ךָ וְלֹֽאשָׁ֠־אַלְתָּ עֹ֣שֶׁר נְכָסִ֤ים וְכָבֹוד֙ וְאֵת֙ נֶ֣פֶשׁ שֹׂנְאֶ֔יךָ וְגַם־יָמִ֥ים רַבִּ֖ים לֹ֣א שָׁאָ֑לְתָּ וַתִּֽשְׁאַל־לְךָ֙ חָכְמָ֣ה וּמַדָּ֔ע אֲשֶׁ֤ר תִּשְׁפֹּוט֙ אֶת־עַמִּ֔י אֲשֶׁ֥ר הִמְלַכְתִּ֖יךָ עָלָֽיו׃ wayoʾmer־ʾelohiym ׀ lishelomoh yaʿan ʾasher hayetah zoʾt ʿim־levavekha weloʾsha־ʾaleta ʿosher nekhasiym wekhavowd weʾet nefesh soneʾeykha wegam־yamiym rabiym loʾ shaʾaleta watisheʾal־lekha ḥakhemah umadaʿ ʾasher tishepowṭ ʾet־ʿamiy ʾasher himelakhetiykha ʿalayw׃

¹² הַֽחָכְמָ֥ה וְהַמַּדָּ֖ע נָת֣וּן לָ֑ךְ וְעֹ֨שֶׁר וּנְכָסִ֤ים וְכָבֹוד֙ אֶתֶּן־לָ֔ךְ אֲשֶׁ֣ר ׀ לֹא־הָ֣יָה כֵ֗ן לַמְּלָכִים֙ אֲשֶׁ֣ר לְפָנֶ֔יךָ וְאַחֲרֶ֖יךָ לֹ֥א יִֽהְיֶה־כֵּֽן׃ haḥakhemah wehamadaʿ natun lakhe weʿosher unekhasiym wekhavowd ʾeten־lakhe ʾasher ׀ loʾ־hayah khen lamelakhiym ʾasher lefaneykha weʾaḥareykha loʾ yiheyeh־ken׃

¹³ וַיָּבֹ֨א שְׁלֹמֹ֜ה לַבָּמָ֤ה אֲשֶׁר־בְּגִבְעֹון֙ יְר֣וּשָׁלִַ֔ם מִלִּפְנֵ֖י אֹ֣הֶל מֹועֵ֑ד וַיִּמְלֹ֖ךְ עַל־יִשְׂרָאֵֽל׃ פ wayavoʾ shelomoh labamah ʾasher־begiveʿown yerushalim milifeney ʾohel mowʿed wayimelokhe ʿal־yiseraʾel׃ f

¹⁴ וַיֶּאֱסֹ֣ף שְׁלֹמֹה֮ רֶ֣כֶב וּפָרָשִׁים֒ וַֽיְהִי־לֹ֗ו אֶ֤לֶף וְאַרְבַּע־מֵאֹות֙ רֶ֔כֶב וּשְׁנֵים־עָשָׂ֥ר אֶ֖לֶף פָּרָשִׁ֑ים וַיַּנִּיחֵם֙ בְּעָרֵ֣י הָרֶ֔כֶב וְעִם־הַמֶּ֖לֶךְ בִּירֽוּשָׁלִָֽם׃ wayeʾesof shelomoh rekhev ufarashiym wayehiy־low ʾelef weʾarebaʿ־meʾowt rekhev usheneym־ʿasar ʾelef parashiym wayaniyḥem beʿarey harekhev weʿim־hamelekhe biyrushalim׃

¹⁵ וַיִּתֵּ֨ן הַמֶּ֜לֶךְ אֶת־הַכֶּ֧סֶף וְאֶת־הַזָּהָ֛ב בִּירוּשָׁלִַ֖ם כָּאֲבָנִ֑ים וְאֵ֣ת הָאֲרָזִ֗ים נָתַ֛ן כַּשִּׁקְמִ֥ים אֲשֶׁר־בַּשְּׁפֵלָ֖ה לָרֹֽב׃ wayiten hamelekhe ʾet־hakesef weʾet־hazahav biyrushalim kaʾavaniym weʾet haʾaraziym natan kashiqemiym ʾasher־bashefelah larov׃

¹⁶ וּמֹוצָ֧א הַסּוּסִ֛ים אֲשֶׁ֥ר לִשְׁלֹמֹ֖ה מִמִּצְרָ֑יִם וּמִקְוֵ֕א סֹחֲרֵ֣י הַמֶּ֔לֶךְ מִקְוֵ֥א יִקְח֖וּ בִּמְחִֽיר׃ umowtsaʾ hasusiym ʾasher lishelomoh mimitserayim umiqeweʾ soḥarey hamelekhe miqeweʾ yiqeḥu bimeḥiyr׃

¹⁷ וַֽ֠יַּעֲלוּ וַיֹּוצִ֨יאוּ מִמִּצְרַ֤יִם מֶרְכָּבָה֙ בְּשֵׁ֣שׁ מֵאֹ֣ות כֶּ֔סֶף וְס֖וּס בַּחֲמִשִּׁ֣ים וּמֵאָ֑ה וְ֠כֵן לְכָל־מַלְכֵ֧י הַֽחִתִּ֛ים וּמַלְכֵ֥י אֲרָ֖ם בְּיָדָ֥ם יֹוצִֽיאוּ׃ wayaʿalu wayowtsiyʾu mimitserayim merekavah beshesh meʾowt kesef wesus baḥamishiym umeʾah wekhen lekhal־malekhey haḥitiym umalekhey ʾaram beyadam yowtsiyʾu׃

¹⁸ וַיֹּ֣אמֶר שְׁלֹמֹ֗ה לִבְנֹ֥ות בַּ֙יִת֙ לְשֵׁ֣ם יְהוָ֔ה וּבַ֖יִת לְמַלְכוּתֹֽו׃ wayoʾmer shelomoh livenowt bayit leshem yehwah uvayit lemalekhutow׃