Ésaïe 53

¹ מִ֥י הֶאֱמִ֖ין לִשְׁמֻעָתֵ֑נוּ וּזְרֹ֥ועַ יְהוָ֖ה עַל־מִ֥י נִגְלָֽתָה׃ miy heʾemiyn lishemuʿatenu uzerowʿa yehwah ʿal־miy nigelatah׃

² וַיַּ֨עַל כַּיֹּונֵ֜ק לְפָנָ֗יו וְכַשֹּׁ֙רֶשׁ֙ מֵאֶ֣רֶץ צִיָּ֔ה לֹא־תֹ֥אַר לֹ֖ו וְלֹ֣א הָדָ֑ר וְנִרְאֵ֥הוּ וְלֹֽא־מַרְאֶ֖ה וְנֶחְמְדֵֽהוּ׃ wayaʿal kayowneq lefanayw wekhashoresh meʾerets tsiyah loʾ־toʾar low weloʾ hadar wenireʾehu weloʾ־mareʾeh weneḥemedehu׃

³ נִבְזֶה֙ וַחֲדַ֣ל אִישִׁ֔ים אִ֥ישׁ מַכְאֹבֹ֖ות וִיד֣וּעַ חֹ֑לִי וּכְמַסְתֵּ֤ר פָּנִים֙ מִמֶּ֔נּוּ נִבְזֶ֖ה וְלֹ֥א חֲשַׁבְנֻֽהוּ׃ nivezeh waḥadal ʾiyshiym ʾiysh makheʾovowt wiyduaʿ ḥoliy ukhemaseter paniym mimenu nivezeh weloʾ ḥashavenuhu׃

⁴ אָכֵ֤ן חֳלָיֵ֙נוּ֙ ה֣וּא נָשָׂ֔א וּמַכְאֹבֵ֖ינוּ סְבָלָ֑ם וַאֲנַ֣חְנוּ חֲשַׁבְנֻ֔הוּ נָג֛וּעַ מֻכֵּ֥ה אֱלֹהִ֖ים וּמְעֻנֶּֽה׃ ʾakhen ḥolayenu huʾ nasaʾ umakheʾoveynu sevalam waʾanaḥenu ḥashavenuhu naguaʿ mukeh ʾelohiym umeʿuneh׃

⁵ וְהוּא֙ מְחֹלָ֣ל מִפְּשָׁעֵ֔נוּ מְדֻכָּ֖א מֵעֲוֹנֹתֵ֑ינוּ מוּסַ֤ר שְׁלֹומֵ֙נוּ֙ עָלָ֔יו וּבַחֲבֻרָתֹ֖ו נִרְפָּא־לָֽנוּ׃ wehuʾ meḥolal mipeshaʿenu medukaʾ meʿaonoteynu musar shelowmenu ʿalayw uvaḥavuratow nirepaʾ־lanu׃

⁶ כֻּלָּ֙נוּ֙ כַּצֹּ֣אן תָּעִ֔ינוּ אִ֥ישׁ לְדַרְכֹּ֖ו פָּנִ֑ינוּ וַֽיהוָה֙ הִפְגִּ֣יעַ בֹּ֔ו אֵ֖ת עֲוֹ֥ן כֻּלָּֽנוּ׃ kulanu katsoʾn taʿiynu ʾiysh ledarekow paniynu wayhwah hifegiyʿa bow ʾet ʿaon kulanu׃

⁷ נִגַּ֨שׂ וְה֣וּא נַעֲנֶה֮ וְלֹ֣א יִפְתַּח־פִּיו֒ כַּשֶּׂה֙ לַטֶּ֣בַח יוּבָ֔ל וּכְרָחֵ֕ל לִפְנֵ֥י גֹזְזֶ֖יהָ נֶאֱלָ֑מָה וְלֹ֥א יִפְתַּ֖ח פִּֽיו׃ nigas wehuʾ naʿaneh weloʾ yifetaḥ־piyw kaseh laṭevaḥ yuval ukheraḥel lifeney gozezeyha neʾelamah weloʾ yifetaḥ piyw׃

⁸ מֵעֹ֤צֶר וּמִמִּשְׁפָּט֙ לֻקָּ֔ח וְאֶת־דֹּורֹ֖ו מִ֣י יְשֹׂוחֵ֑חַ כִּ֤י נִגְזַר֙ מֵאֶ֣רֶץ חַיִּ֔ים מִפֶּ֥שַׁע עַמִּ֖י נֶ֥גַע לָֽמֹו׃ meʿotser umimishepaṭ luqaḥ weʾet־dowrow miy yesowḥeaḥ kiy nigezar meʾerets ḥayiym mipeshaʿ ʿamiy negaʿ lamow׃

⁹ וַיִּתֵּ֤ן אֶת־רְשָׁעִים֙ קִבְרֹ֔ו וְאֶת־עָשִׁ֖יר בְּמֹתָ֑יו עַ֚ל לֹא־חָמָ֣ס עָשָׂ֔ה וְלֹ֥א מִרְמָ֖ה בְּפִֽיו׃ wayiten ʾet־reshaʿiym qiverow weʾet־ʿashiyr bemotayw ʿal loʾ־ḥamas ʿasah weloʾ miremah befiyw׃

¹⁰ וַיהוָ֞ה חָפֵ֤ץ דַּכְּאֹו֙ הֶֽחֱלִ֔י אִם־תָּשִׂ֤ים אָשָׁם֙ נַפְשֹׁ֔ו יִרְאֶ֥ה זֶ֖רַע יַאֲרִ֣יךְ יָמִ֑ים וְחֵ֥פֶץ יְהוָ֖ה בְּיָדֹ֥ו יִצְלָֽח׃ wayhwah ḥafets dakeʾow heḥeliy ʾim־tasiym ʾasham nafeshow yireʾeh zeraʿ yaʾariykhe yamiym weḥefets yehwah beyadow yitselaḥ׃

¹¹ מֵעֲמַ֤ל נַפְשֹׁו֙ יִרְאֶ֣ה יִשְׂבָּ֔ע בְּדַעְתֹּ֗ו יַצְדִּ֥יק צַדִּ֛יק עַבְדִּ֖י לָֽרַבִּ֑ים וַעֲוֹנֹתָ֖ם ה֥וּא יִסְבֹּֽל׃ meʿamal nafeshow yireʾeh yisebaʿ bedaʿetow yatsediyq tsadiyq ʿavediy larabiym waʿaonotam huʾ yisebol׃

¹² לָכֵ֞ן אֲחַלֶּק־לֹ֣ו בָרַבִּ֗ים וְאֶת־עֲצוּמִים֮ יְחַלֵּ֣ק שָׁלָל֒ תַּ֗חַת אֲשֶׁ֨ר הֶעֱרָ֤ה לַמָּ֙וֶת֙ נַפְשֹׁ֔ו וְאֶת־פֹּשְׁעִ֖ים נִמְנָ֑ה וְהוּא֙ חֵטְא־רַבִּ֣ים נָשָׂ֔א וְלַפֹּשְׁעִ֖ים יַפְגִּֽיעַ׃ ס lakhen ʾaḥaleq־low varabiym weʾet־ʿatsumiym yeḥaleq shalal taḥat ʾasher heʿerah lamawet nafeshow weʾet־posheʿiym nimenah wehuʾ ḥeṭeʾ־rabiym nasaʾ welaposheʿiym yafegiyʿa׃ s