Amos 7

¹ כֹּ֤ה הִרְאַ֙נִי֙ אֲדֹנָ֣י יְהוִ֔ה וְהִנֵּה֙ יֹוצֵ֣ר גֹּבַ֔י בִּתְחִלַּ֖ת עֲלֹ֣ות הַלָּ֑קֶשׁ וְהִ֨נֵּה־לֶ֔קֶשׁ אַחַ֖ר גִּזֵּ֥י הַמֶּֽלֶךְ׃ koh hireʾaniy ʾadonay yehwih wehineh yowtser govay biteḥilat ʿalowt halaqesh wehineh־leqesh ʾaḥar gizey hamelekhe׃

² וְהָיָ֗ה אִם־כִּלָּה֙ לֶֽאֱכֹול֙ אֶת־עֵ֣שֶׂב הָאָ֔רֶץ וָאֹמַ֗ר אֲדֹנָ֤י יְהוִה֙ סְֽלַֽח־נָ֔א מִ֥י יָק֖וּם יַֽעֲקֹ֑ב כִּ֥י קָטֹ֖ן הֽוּא׃ wehayah ʾim־kilah leʾekhowl ʾet־ʿesev haʾarets waʾomar ʾadonay yehwih selaḥ־naʾ miy yaqum yaʿaqov kiy qaṭon huʾ׃

³ נִחַ֥ם יְהוָ֖ה עַל־זֹ֑את לֹ֥א תִהְיֶ֖ה אָמַ֥ר יְהוָֽה׃ niḥam yehwah ʿal־zoʾt loʾ tiheyeh ʾamar yehwah׃

⁴ כֹּ֤ה הִרְאַ֙נִי֙ אֲדֹנָ֣י יְהוִ֔ה וְהִנֵּ֥ה קֹרֵ֛א לָרִ֥ב בָּאֵ֖שׁ אֲדֹנָ֣י יְהוִ֑ה וַתֹּ֙אכַל֙ אֶת־תְּהֹ֣ום רַבָּ֔ה וְאָכְלָ֖ה אֶת־הַחֵֽלֶק׃ koh hireʾaniy ʾadonay yehwih wehineh qoreʾ lariv baʾesh ʾadonay yehwih watoʾkhal ʾet־tehowm rabah weʾakhelah ʾet־haḥeleq׃

⁵ וָאֹמַ֗ר אֲדֹנָ֤י יְהוִה֙ חֲדַל־נָ֔א מִ֥י יָק֖וּם יַעֲקֹ֑ב כִּ֥י קָטֹ֖ן הֽוּא׃ waʾomar ʾadonay yehwih ḥadal־naʾ miy yaqum yaʿaqov kiy qaṭon huʾ׃

⁶ נִחַ֥ם יְהוָ֖ה עַל־זֹ֑את גַּם־הִיא֙ לֹ֣א תִֽהְיֶ֔ה אָמַ֖ר אֲדֹנָ֥י יְהוִֽה׃ ס niḥam yehwah ʿal־zoʾt gam־hiyʾ loʾ tiheyeh ʾamar ʾadonay yehwih׃ s

⁷ כֹּ֣ה הִרְאַ֔נִי וְהִנֵּ֧ה אֲדֹנָ֛י נִצָּ֖ב עַל־חֹומַ֣ת אֲנָ֑ךְ וּבְיָדֹ֖ו אֲנָֽךְ׃ koh hireʾaniy wehineh ʾadonay nitsav ʿal־ḥowmat ʾanakhe uveyadow ʾanakhe׃

⁸ וַיֹּ֨אמֶר יְהוָ֜ה אֵלַ֗י מָֽה־אַתָּ֤ה רֹאֶה֙ עָמֹ֔וס וָאֹמַ֖ר אֲנָ֑ךְ וַיֹּ֣אמֶר אֲדֹנָ֗י הִנְנִ֨י שָׂ֤ם אֲנָךְ֙ בְּקֶ֙רֶב֙ עַמִּ֣י יִשְׂרָאֵ֔ל לֹֽא־אֹוסִ֥יף עֹ֖וד עֲבֹ֥ור לֹֽו׃ wayoʾmer yehwah ʾelay mah־ʾatah roʾeh ʿamows waʾomar ʾanakhe wayoʾmer ʾadonay hineniy sam ʾanakhe beqerev ʿamiy yiseraʾel loʾ־ʾowsiyf ʿowd ʿavowr low׃

⁹ וְנָשַׁ֙מּוּ֙ בָּמֹ֣ות יִשְׂחָ֔ק וּמִקְדְּשֵׁ֥י יִשְׂרָאֵ֖ל יֶחֱרָ֑בוּ וְקַמְתִּ֛י עַל־בֵּ֥ית יָרָבְעָ֖ם בֶּחָֽרֶב׃ פ wenashamu bamowt yiseḥaq umiqedeshey yiseraʾel yeḥeravu weqametiy ʿal־beyt yaraveʿam beḥarev׃ f

¹⁰ וַיִּשְׁלַ֗ח אֲמַצְיָה֙ כֹּהֵ֣ן בֵּֽית־אֵ֔ל אֶל־יָרָבְעָ֥ם מֶֽלֶךְ־יִשְׂרָאֵ֖ל לֵאמֹ֑ר קָשַׁ֨ר עָלֶ֜יךָ עָמֹ֗וס בְּקֶ֙רֶב֙ בֵּ֣ית יִשְׂרָאֵ֔ל לֹא־תוּכַ֣ל הָאָ֔רֶץ לְהָכִ֖יל אֶת־כָּל־דְּבָרָֽיו׃ wayishelaḥ ʾamatseyah kohen beyt־ʾel ʾel־yaraveʿam melekhe־yiseraʾel leʾmor qashar ʿaleykha ʿamows beqerev beyt yiseraʾel loʾ־tukhal haʾarets lehakhiyl ʾet־kal־devarayw׃

¹¹ כִּי־כֹה֙ אָמַ֣ר עָמֹ֔וס בַּחֶ֖רֶב יָמ֣וּת יָרָבְעָ֑ם וְיִ֨שְׂרָאֵ֔ל גָּלֹ֥ה יִגְלֶ֖ה מֵעַ֥ל אַדְמָתֹֽו׃ ס kiy־khoh ʾamar ʿamows baḥerev yamut yaraveʿam weyiseraʾel galoh yigeleh meʿal ʾadematow׃ s

¹² וַיֹּ֤אמֶר אֲמַצְיָה֙ אֶל־עָמֹ֔וס חֹזֶ֕ה לֵ֥ךְ בְּרַח־לְךָ֖ אֶל־אֶ֣רֶץ יְהוּדָ֑ה וֶאֱכָל־שָׁ֣ם לֶ֔חֶם וְשָׁ֖ם תִּנָּבֵֽא׃ wayoʾmer ʾamatseyah ʾel־ʿamows ḥozeh lekhe beraḥ־lekha ʾel־ʾerets yehudah weʾekhal־sham leḥem wesham tinaveʾ׃

¹³ וּבֵֽית־אֵ֔ל לֹֽא־תֹוסִ֥יף עֹ֖וד לְהִנָּבֵ֑א כִּ֤י מִקְדַּשׁ־מֶ֙לֶךְ֙ ה֔וּא וּבֵ֥ית מַמְלָכָ֖ה הֽוּא׃ ס uveyt־ʾel loʾ־towsiyf ʿowd lehinaveʾ kiy miqedash־melekhe huʾ uveyt mamelakhah huʾ׃ s

¹⁴ וַיַּ֤עַן עָמֹוס֙ וַיֹּ֣אמֶר אֶל־אֲמַצְיָ֔ה לֹא־נָבִ֣יא אָנֹ֔כִי וְלֹ֥א בֶן־נָבִ֖יא אָנֹ֑כִי כִּֽי־בֹוקֵ֥ר אָנֹ֖כִי וּבֹולֵ֥ס שִׁקְמִֽים׃ wayaʿan ʿamows wayoʾmer ʾel־ʾamatseyah loʾ־naviyʾ ʾanokhiy weloʾ ven־naviyʾ ʾanokhiy kiy־vowqer ʾanokhiy uvowles shiqemiym׃

¹⁵ וַיִּקָּחֵ֣נִי יְהוָ֔ה מֵאַחֲרֵ֖י הַצֹּ֑אן וַיֹּ֤אמֶר אֵלַי֙ יְהוָ֔ה לֵ֥ךְ הִנָּבֵ֖א אֶל־עַמִּ֥י יִשְׂרָאֵֽל׃ wayiqaḥeniy yehwah meʾaḥarey hatsoʾn wayoʾmer ʾelay yehwah lekhe hinaveʾ ʾel־ʿamiy yiseraʾel׃

¹⁶ וְעַתָּ֖ה שְׁמַ֣ע דְּבַר־יְהוָ֑ה אַתָּ֣ה אֹמֵ֗ר לֹ֤א תִנָּבֵא֙ עַל־יִשְׂרָאֵ֔ל וְלֹ֥א תַטִּ֖יף עַל־בֵּ֥ית יִשְׂחָֽק׃ weʿatah shemaʿ devar־yehwah ʾatah ʾomer loʾ tinaveʾ ʿal־yiseraʾel weloʾ taṭiyf ʿal־beyt yiseḥaq׃

¹⁷ לָכֵ֞ן כֹּה־אָמַ֣ר יְהוָ֗ה אִשְׁתְּךָ֞ בָּעִ֤יר תִּזְנֶה֙ וּבָנֶ֤יךָ וּבְנֹתֶ֙יךָ֙ בַּחֶ֣רֶב יִפֹּ֔לוּ וְאַדְמָתְךָ֖ בַּחֶ֣בֶל תְּחֻלָּ֑ק וְאַתָּ֗ה עַל־אֲדָמָ֤ה טְמֵאָה֙ תָּמ֔וּת וְיִ֨שְׂרָאֵ֔ל גָּלֹ֥ה יִגְלֶ֖ה מֵעַ֥ל אַדְמָתֹֽו׃ ס lakhen koh־ʾamar yehwah ʾishetekha baʿiyr tizeneh uvaneykha uvenoteykha baḥerev yipolu weʾadematekha baḥevel teḥulaq weʾatah ʿal־ʾadamah ṭemeʾah tamut weyiseraʾel galoh yigeleh meʿal ʾadematow׃ s