Jérémie 50

¹ הַדָּבָ֗ר אֲשֶׁ֨ר דִּבֶּ֧ר יְהוָ֛ה אֶל־בָּבֶ֖ל אֶל־אֶ֣רֶץ כַּשְׂדִּ֑ים בְּיַ֖ד יִרְמְיָ֥הוּ הַנָּבִֽיא׃ hadavar ʾasher diber yehwah ʾel־bavel ʾel־ʾerets kasediym beyad yiremeyahu hanaviyʾ׃

² הַגִּ֨ידוּ בַגֹּויִ֤ם וְהַשְׁמִ֙יעוּ֙ וּֽשְׂאוּ־נֵ֔ס הַשְׁמִ֖יעוּ אַל־תְּכַחֵ֑דוּ אִמְרוּ֩ נִלְכְּדָ֨ה בָבֶ֜ל הֹבִ֥ישׁ בֵּל֙ חַ֣ת מְרֹדָ֔ךְ הֹבִ֣ישׁוּ עֲצַבֶּ֔יהָ חַ֖תּוּ גִּלּוּלֶֽיהָ׃ hagiydu vagowyim wehashemiyʿu useʾu־nes hashemiyʿu ʾal־tekhaḥedu ʾimeru nilekedah vavel hoviysh bel ḥat merodakhe hoviyshu ʿatsabeyha ḥatu giluleyha׃

³ כִּ֣י עָלָה֩ עָלֶ֨יהָ גֹּ֜וי מִצָּפֹ֗ון הֽוּא־יָשִׁ֤ית אֶת־אַרְצָהּ֙ לְשַׁמָּ֔ה וְלֹֽא־יִהְיֶ֥ה יֹושֵׁ֖ב בָּ֑הּ מֵאָדָ֥ם וְעַד־בְּהֵמָ֖ה נָ֥דוּ הָלָֽכוּ׃ kiy ʿalah ʿaleyha gowy mitsafown huʾ־yashiyt ʾet־ʾaretsah leshamah weloʾ־yiheyeh yowshev bah meʾadam weʿad־behemah nadu halakhu׃

⁴ בַּיָּמִ֨ים הָהֵ֜מָּה וּבָעֵ֤ת הַהִיא֙ נְאֻם־יְהוָ֔ה יָבֹ֧אוּ בְנֵֽי־יִשְׂרָאֵ֛ל הֵ֥מָּה וּבְנֵֽי־יְהוּדָ֖ה יַחְדָּ֑ו הָלֹ֤וךְ וּבָכֹו֙ יֵלֵ֔כוּ וְאֶת־יְהוָ֥ה אֱלֹהֵיהֶ֖ם יְבַקֵּֽשׁוּ׃ bayamiym hahemah uvaʿet hahiyʾ neʾum־yehwah yavoʾu veney־yiseraʾel hemah uveney־yehudah yaḥedaw halowkhe uvakhow yelekhu weʾet־yehwah ʾeloheyhem yevaqeshu׃

⁵ צִיֹּ֣ון יִשְׁאָ֔לוּ דֶּ֖רֶךְ הֵ֣נָּה פְנֵיהֶ֑ם בֹּ֚אוּ וְנִלְו֣וּ אֶל־יְהוָ֔ה בְּרִ֥ית עֹולָ֖ם לֹ֥א תִשָּׁכֵֽחַ׃ ס tsiyown yisheʾalu derekhe henah feneyhem boʾu wenilewu ʾel־yehwah beriyt ʿowlam loʾ tishakheaḥ׃ s

⁶ צֹ֤אן אֹֽבְדֹות֙ [הָיָה כ] (הָי֣וּ ק) עַמִּ֔י רֹעֵיהֶ֣ם הִתְע֔וּם הָרִ֖ים [שֹׁובֵבִים כ] (שֹֽׁובְב֑וּם ק) מֵהַ֤ר אֶל־גִּבְעָה֙ הָלָ֔כוּ שָׁכְח֖וּ רִבְצָֽם׃ tsoʾn ʾovedowt [hayah kh] (hayu q) ʿamiy roʿeyhem hiteʿum hariym [showveviym kh] (showvevum q) mehar ʾel־giveʿah halakhu shakheḥu rivetsam׃

⁷ כָּל־מֹוצְאֵיהֶ֣ם אֲכָל֔וּם וְצָרֵיהֶ֥ם אָמְר֖וּ לֹ֣א נֶאְשָׁ֑ם תַּ֗חַת אֲשֶׁ֨ר חָטְא֤וּ לַֽיהוָה֙ נְוֵה־צֶ֔דֶק וּמִקְוֵ֥ה אֲבֹֽותֵיהֶ֖ם יְהוָֽה׃ ס kal־mowtseʾeyhem ʾakhalum wetsareyhem ʾameru loʾ neʾesham taḥat ʾasher ḥaṭeʾu layhwah neweh־tsedeq umiqeweh ʾavowteyhem yehwah׃ s

⁸ נֻ֚דוּ מִתֹּ֣וךְ בָּבֶ֔ל וּמֵאֶ֥רֶץ כַּשְׂדִּ֖ים [יָצְאוּ כ] (צֵ֑אוּ ק) וִהְי֕וּ כְּעַתּוּדִ֖ים לִפְנֵי־צֹֽאן׃ nudu mitowkhe bavel umeʾerets kasediym [yatseʾu kh] (tseʾu q) wiheyu keʿatudiym lifeney־tsoʾn׃

⁹ כִּ֣י הִנֵּ֣ה אָנֹכִ֡י מֵעִיר֩ וּמַעֲלֶ֨ה עַל־בָּבֶ֜ל קְהַל־גֹּויִ֤ם גְּדֹלִים֙ מֵאֶ֣רֶץ צָפֹ֔ון וְעָ֣רְכוּ לָ֔הּ מִשָּׁ֖ם תִּלָּכֵ֑ד חִצָּיו֙ כְּגִבֹּ֣ור מַשְׁכִּ֔יל לֹ֥א יָשׁ֖וּב רֵיקָֽם׃ kiy hineh ʾanokhiy meʿiyr umaʿaleh ʿal־bavel qehal־gowyim gedoliym meʾerets tsafown weʿarekhu lah misham tilakhed ḥitsayw kegibowr mashekiyl loʾ yashuv reyqam׃

¹⁰ וְהָיְתָ֥ה כַשְׂדִּ֖ים לְשָׁלָ֑ל כָּל־שֹׁלְלֶ֥יהָ יִשְׂבָּ֖עוּ נְאֻם־יְהוָֽה׃ wehayetah khasediym leshalal kal־sholeleyha yisebaʿu neʾum־yehwah׃

¹¹ כִּ֤י [תִשְׂמְחִי כ] (תִשְׂמְחוּ֙ ק) כִּ֣י [תַעֲלְזִי כ] (תַֽעַלְז֔וּ ק) שֹׁסֵ֖י נַחֲלָתִ֑י כִּ֚י [תָפוּשִׁי כ] (תָפ֙וּשׁוּ֙ ק) כְּעֶגְלָ֣ה דָשָׁ֔ה [וְתִצְהֲלִי כ] (וְתִצְהֲל֖וּ ק) כָּאֲבִּרִֽים׃ kiy [tisemeḥiy kh] (tisemeḥu q) kiy [taʿaleziy kh] (taʿalezu q) shosey naḥalatiy kiy [tafushiy kh] (tafushu q) keʿegelah dashah [wetitsehaliy kh] (wetitsehalu q) kaʾabiriym׃

¹² בֹּ֤ושָׁה אִמְּכֶם֙ מְאֹ֔ד חָפְרָ֖ה יֹֽולַדְתְּכֶ֑ם הִנֵּה֙ אַחֲרִ֣ית גֹּויִ֔ם מִדְבָּ֖ר צִיָּ֥ה וַעֲרָבָֽה׃ bowshah ʾimekhem meʾod ḥaferah yowladetekhem hineh ʾaḥariyt gowyim midebar tsiyah waʿaravah׃

¹³ מִקֶּ֤צֶף יְהוָה֙ לֹ֣א תֵשֵׁ֔ב וְהָיְתָ֥ה שְׁמָמָ֖ה כֻּלָּ֑הּ כֹּ֚ל עֹבֵ֣ר עַל־בָּבֶ֔ל יִשֹּׁ֥ם וְיִשְׁרֹ֖ק עַל־כָּל־מַכֹּותֶֽיהָ׃ miqetsef yehwah loʾ teshev wehayetah shemamah kulah kol ʿover ʿal־bavel yishom weyisheroq ʿal־kal־makowteyha׃

¹⁴ עִרְכ֨וּ עַל־בָּבֶ֤ל ׀ סָבִיב֙ כָּל־דֹּ֣רְכֵי קֶ֔שֶׁת יְד֣וּ אֵלֶ֔יהָ אַֽל־תַּחְמְל֖וּ אֶל־חֵ֑ץ כִּ֥י לַֽיהוָ֖ה חָטָֽאָה׃ ʿirekhu ʿal־bavel ׀ saviyv kal־dorekhey qeshet yedu ʾeleyha ʾal־taḥemelu ʾel־ḥets kiy layhwah ḥaṭaʾah׃

¹⁵ הָרִ֨יעוּ עָלֶ֤יהָ סָבִיב֙ נָתְנָ֣ה יָדָ֔הּ נָֽפְלוּ֙ [אַשְׁוִיֹּתֶיהָ כ] (אָשְׁיֹותֶ֔יהָ ק) נֶהֶרְס֖וּ חֹֽומֹותֶ֑יהָ כִּי֩ נִקְמַ֨ת יְהוָ֥ה הִיא֙ הִנָּ֣קְמוּ בָ֔הּ כַּאֲשֶׁ֥ר עָשְׂתָ֖ה עֲשׂוּ־לָֽהּ׃ hariyʿu ʿaleyha saviyv natenah yadah nafelu [ʾashewiyoteyha kh] (ʾasheyowteyha q) neheresu ḥowmowteyha kiy niqemat yehwah hiyʾ hinaqemu vah kaʾasher ʿasetah ʿasu־lah׃

¹⁶ כִּרְת֤וּ זֹורֵ֙עַ֙ מִבָּבֶ֔ל וְתֹפֵ֥שׂ מַגָּ֖ל בְּעֵ֣ת קָצִ֑יר מִפְּנֵי֙ חֶ֣רֶב הַיֹּונָ֔ה אִ֤ישׁ אֶל־עַמֹּו֙ יִפְנ֔וּ וְאִ֥ישׁ לְאַרְצֹ֖ו יָנֻֽסוּ׃ ס kiretu zowreaʿ mibavel wetofes magal beʿet qatsiyr mipeney ḥerev hayownah ʾiysh ʾel־ʿamow yifenu weʾiysh leʾaretsow yanusu׃ s

¹⁷ שֶׂ֧ה פְזוּרָ֛ה יִשְׂרָאֵ֖ל אֲרָיֹ֣ות הִדִּ֑יחוּ הָרִאשֹׁ֤ון אֲכָלֹו֙ מֶ֣לֶךְ אַשּׁ֔וּר וְזֶ֤ה הָאַחֲרֹון֙ עִצְּמֹ֔ו נְבוּכַדְרֶאצַּ֖ר מֶ֥לֶךְ בָּבֶֽל׃ ס seh fezurah yiseraʾel ʾarayowt hidiyḥu hariʾshown ʾakhalow melekhe ʾashur wezeh haʾaḥarown ʿitsemow nevukhadereʾtsar melekhe bavel׃ s

¹⁸ לָכֵ֗ן כֹּֽה־אָמַ֞ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הִנְנִ֥י פֹקֵ֛ד אֶל־מֶ֥לֶךְ בָּבֶ֖ל וְאֶל־אַרְצֹ֑ו כַּאֲשֶׁ֥ר פָּקַ֖דְתִּי אֶל־מֶ֥לֶךְ אַשּֽׁוּר׃ lakhen koh־ʾamar yehwah tsevaʾowt ʾelohey yiseraʾel hineniy foqed ʾel־melekhe bavel weʾel־ʾaretsow kaʾasher paqadetiy ʾel־melekhe ʾashur׃

¹⁹ וְשֹׁבַבְתִּ֤י אֶת־יִשְׂרָאֵל֙ אֶל־נָוֵ֔הוּ וְרָעָ֥ה הַכַּרְמֶ֖ל וְהַבָּשָׁ֑ן וּבְהַ֥ר אֶפְרַ֛יִם וְהַגִּלְעָ֖ד תִּשְׂבַּ֥ע נַפְשֹֽׁו׃ weshovavetiy ʾet־yiseraʾel ʾel־nawehu weraʿah hakaremel wehabashan uvehar ʾeferayim wehagileʿad tisebaʿ nafeshow׃

²⁰ בַּיָּמִ֣ים הָהֵם֩ וּבָעֵ֨ת הַהִ֜יא נְאֻם־יְהוָ֗ה יְבֻקַּ֞שׁ אֶת־עֲוֹ֤ן יִשְׂרָאֵל֙ וְאֵינֶ֔נּוּ וְאֶת־חַטֹּ֥את יְהוּדָ֖ה וְלֹ֣א תִמָּצֶ֑אינָה כִּ֥י אֶסְלַ֖ח לַאֲשֶׁ֥ר אַשְׁאִֽיר׃ bayamiym hahem uvaʿet hahiyʾ neʾum־yehwah yevuqash ʾet־ʿaon yiseraʾel weʾeynenu weʾet־ḥaṭoʾt yehudah weloʾ timatseʾynah kiy ʾeselaḥ laʾasher ʾasheʾiyr׃

²¹ עַל־הָאָ֤רֶץ מְרָתַ֙יִם֙ עֲלֵ֣ה עָלֶ֔יהָ וְאֶל־יֹושְׁבֵ֖י פְּקֹ֑וד חֲרֹ֨ב וְהַחֲרֵ֤ם אַֽחֲרֵיהֶם֙ נְאֻם־יְהוָ֔ה וַעֲשֵׂ֕ה כְּכֹ֖ל אֲשֶׁ֥ר צִוִּיתִֽיךָ׃ ס ʿal־haʾarets meratayim ʿaleh ʿaleyha weʾel־yowshevey peqowd ḥarov wehaḥarem ʾaḥareyhem neʾum־yehwah waʿaseh kekhol ʾasher tsiuiytiykha׃ s

²² קֹ֥ול מִלְחָמָ֖ה בָּאָ֑רֶץ וְשֶׁ֖בֶר גָּדֹֽול׃ qowl mileḥamah baʾarets weshever gadowl׃

²³ אֵ֤יךְ נִגְדַּע֙ וַיִּשָּׁבֵ֔ר פַּטִּ֖ישׁ כָּל־הָאָ֑רֶץ אֵ֣יךְ הָיְתָ֧ה לְשַׁמָּ֛ה בָּבֶ֖ל בַּגֹּויִֽם׃ ʾeykhe nigedaʿ wayishaver paṭiysh kal־haʾarets ʾeykhe hayetah leshamah bavel bagowyim׃

²⁴ יָקֹ֨שְׁתִּי לָ֤ךְ וְגַם־נִלְכַּדְתְּ֙ בָּבֶ֔ל וְאַ֖תְּ לֹ֣א יָדָ֑עַתְּ נִמְצֵאת֙ וְגַם־נִתְפַּ֔שְׂתְּ כִּ֥י בַֽיהוָ֖ה הִתְגָּרִֽית׃ yaqoshetiy lakhe wegam־nilekadete bavel weʾate loʾ yadaʿate nimetseʾt wegam־nitepasete kiy vayhwah hitegariyt׃

²⁵ פָּתַ֤ח יְהוָה֙ אֶת־אֹ֣וצָרֹ֔ו וַיֹּוצֵ֖א אֶת־כְּלֵ֣י זַעְמֹ֑ו כִּי־מְלָאכָ֣ה הִ֗יא לַֽאדֹנָ֧י יְהוִ֛ה צְבָאֹ֖ות בְּאֶ֥רֶץ כַּשְׂדִּֽים׃ pataḥ yehwah ʾet־ʾowtsarow wayowtseʾ ʾet־keley zaʿemow kiy־melaʾkhah hiyʾ laʾdonay yehwih tsevaʾowt beʾerets kasediym׃

²⁶ בֹּֽאוּ־לָ֤הּ מִקֵּץ֙ פִּתְח֣וּ מַאֲבֻסֶ֔יהָ סָלּ֥וּהָ כְמֹו־עֲרֵמִ֖ים וְהַחֲרִימ֑וּהָ אַל־תְּהִי־לָ֖הּ שְׁאֵרִֽית׃ boʾu־lah miqets piteḥu maʾavuseyha saluah khemow־ʿaremiym wehaḥariymuah ʾal־tehiy־lah sheʾeriyt׃

²⁷ חִרְבוּ֙ כָּל־פָּרֶ֔יהָ יֵרְד֖וּ לַטָּ֑בַח הֹ֣וי עֲלֵיהֶ֔ם כִּֽי־בָ֥א יֹומָ֖ם עֵ֥ת פְּקֻדָּתָֽם׃ ס ḥirevu kal־pareyha yeredu laṭavaḥ howy ʿaleyhem kiy־vaʾ yowmam ʿet pequdatam׃ s

²⁸ קֹ֥ול נָסִ֛ים וּפְלֵטִ֖ים מֵאֶ֣רֶץ בָּבֶ֑ל לְהַגִּ֣יד בְּצִיֹּ֗ון אֶת־נִקְמַת֙ יְהוָ֣ה אֱלֹהֵ֔ינוּ נִקְמַ֖ת הֵיכָלֹֽו׃ qowl nasiym ufeleṭiym meʾerets bavel lehagiyd betsiyown ʾet־niqemat yehwah ʾeloheynu niqemat heykhalow׃

²⁹ הַשְׁמִ֣יעוּ אֶל־בָּבֶ֣ל ׀ רַ֠בִּים כָּל־דֹּ֨רְכֵי קֶ֜שֶׁת חֲנ֧וּ עָלֶ֣יהָ סָבִ֗יב אַל־יְהִי־ (לָהּ֙ ק) פְּלֵטָ֔ה שַׁלְּמוּ־לָ֣הּ כְּפָעֳלָ֔הּ כְּכֹ֛ל אֲשֶׁ֥ר עָשְׂתָ֖ה עֲשׂוּ־לָ֑הּ כִּ֧י אֶל־יְהוָ֛ה זָ֖דָה אֶל־קְדֹ֥ושׁ יִשְׂרָאֵֽל׃ hashemiyʿu ʾel־bavel ׀ rabiym kal־dorekhey qeshet ḥanu ʿaleyha saviyv ʾal־yehiy־ (lah q) peleṭah shalemu־lah kefaʿolah kekhol ʾasher ʿasetah ʿasu־lah kiy ʾel־yehwah zadah ʾel־qedowsh yiseraʾel׃

³⁰ לָכֵ֛ן יִפְּל֥וּ בַחוּרֶ֖יהָ בִּרְחֹבֹתֶ֑יהָ וְכָל־אַנְשֵׁ֨י מִלְחַמְתָּ֥הּ יִדַּ֛מּוּ בַּיֹּ֥ום הַה֖וּא נְאֻם־יְהוָֽה׃ ס lakhen yipelu vaḥureyha bireḥovoteyha wekhal־ʾaneshey mileḥametah yidamu bayowm hahuʾ neʾum־yehwah׃ s

³¹ הִנְנִ֤י אֵלֶ֙יךָ֙ זָדֹ֔ון נְאֻם־אֲדֹנָ֥י יְהוִ֖ה צְבָאֹ֑ות כִּ֛י בָּ֥א יֹומְךָ֖ עֵ֥ת פְּקַדְתִּֽיךָ׃ hineniy ʾeleykha zadown neʾum־ʾadonay yehwih tsevaʾowt kiy baʾ yowmekha ʿet peqadetiykha׃

³² וְכָשַׁ֤ל זָדֹון֙ וְנָפַ֔ל וְאֵ֥ין לֹ֖ו מֵקִ֑ים וְהִצַּ֤תִּי אֵשׁ֙ בְּעָרָ֔יו וְאָכְלָ֖ה כָּל־סְבִיבֹתָֽיו׃ ס wekhashal zadown wenafal weʾeyn low meqiym wehitsatiy ʾesh beʿarayw weʾakhelah kal־seviyvotayw׃ s

³³ כֹּ֤ה אָמַר֙ יְהוָ֣ה צְבָאֹ֔ות עֲשׁוּקִ֛ים בְּנֵי־יִשְׂרָאֵ֥ל וּבְנֵי־יְהוּדָ֖ה יַחְדָּ֑ו וְכָל־שֹֽׁבֵיהֶם֙ הֶחֱזִ֣יקוּ בָ֔ם מֵאֲנ֖וּ שַׁלְּחָֽם׃ koh ʾamar yehwah tsevaʾowt ʿashuqiym beney־yiseraʾel uveney־yehudah yaḥedaw wekhal־shoveyhem heḥeziyqu vam meʾanu shaleḥam׃

³⁴ גֹּאֲלָ֣ם ׀ חָזָ֗ק יְהוָ֤ה צְבָאֹות֙ שְׁמֹ֔ו רִ֥יב יָרִ֖יב אֶת־רִיבָ֑ם לְמַ֙עַן֙ הִרְגִּ֣יעַ אֶת־הָאָ֔רֶץ וְהִרְגִּ֖יז לְיֹשְׁבֵ֥י בָבֶֽל׃ goʾalam ׀ ḥazaq yehwah tsevaʾowt shemow riyv yariyv ʾet־riyvam lemaʿan hiregiyʿa ʾet־haʾarets wehiregiyz leyoshevey vavel׃

³⁵ חֶ֥רֶב עַל־כַּשְׂדִּ֖ים נְאֻם־יְהוָ֑ה וְאֶל־יֹשְׁבֵ֣י בָבֶ֔ל וְאֶל־שָׂרֶ֖יהָ וְאֶל־חֲכָמֶֽיהָ׃ ḥerev ʿal־kasediym neʾum־yehwah weʾel־yoshevey vavel weʾel־sareyha weʾel־ḥakhameyha׃

³⁶ חֶ֥רֶב אֶל־הַבַּדִּ֖ים וְנֹאָ֑לוּ חֶ֥רֶב אֶל־גִּבֹּורֶ֖יהָ וָחָֽתּוּ׃ ḥerev ʾel־habadiym wenoʾalu ḥerev ʾel־gibowreyha waḥatu׃

³⁷ חֶ֜רֶב אֶל־סוּסָ֣יו וְאֶל־רִכְבֹּ֗ו וְאֶל־כָּל־הָעֶ֛רֶב אֲשֶׁ֥ר בְּתֹוכָ֖הּ וְהָי֣וּ לְנָשִׁ֑ים חֶ֥רֶב אֶל־אֹוצְרֹתֶ֖יהָ וּבֻזָּֽזוּ׃ ḥerev ʾel־susayw weʾel־rikhebow weʾel־kal־haʿerev ʾasher betowkhah wehayu lenashiym ḥerev ʾel־ʾowtseroteyha uvuzazu׃

³⁸ חֹ֥רֶב אֶל־מֵימֶ֖יהָ וְיָבֵ֑שׁוּ כִּ֣י אֶ֤רֶץ פְּסִלִים֙ הִ֔יא וּבָאֵימִ֖ים יִתְהֹלָֽלוּ׃ ḥorev ʾel־meymeyha weyaveshu kiy ʾerets pesiliym hiyʾ uvaʾeymiym yiteholalu׃

³⁹ לָכֵ֗ן יֵשְׁב֤וּ צִיִּים֙ אֶת־אִיִּ֔ים וְיָ֥שְׁבוּ בָ֖הּ בְּנֹ֣ות יַֽעֲנָ֑ה וְלֹֽא־תֵשֵׁ֥ב עֹוד֙ לָנֶ֔צַח וְלֹ֥א תִשְׁכֹּ֖ון עַד־דֹּ֥ור וָדֹֽור׃ lakhen yeshevu tsiyiym ʾet־ʾiyiym weyashevu vah benowt yaʿanah weloʾ־teshev ʿowd lanetsaḥ weloʾ tishekown ʿad־dowr wadowr׃

⁴⁰ כְּמַהְפֵּכַ֨ת אֱלֹהִ֜ים אֶת־סְדֹ֧ם וְאֶת־עֲמֹרָ֛ה וְאֶת־שְׁכֵנֶ֖יהָ נְאֻם־יְהוָ֑ה לֹֽא־יֵשֵׁ֥ב שָׁם֙ אִ֔ישׁ וְלֹֽא־יָג֥וּר בָּ֖הּ בֶּן־אָדָֽם׃ kemahepekhat ʾelohiym ʾet־sedom weʾet־ʿamorah weʾet־shekheneyha neʾum־yehwah loʾ־yeshev sham ʾiysh weloʾ־yagur bah ben־ʾadam׃

⁴¹ הִנֵּ֛ה עַ֥ם בָּ֖א מִצָּפֹ֑ון וְגֹ֤וי גָּדֹול֙ וּמְלָכִ֣ים רַבִּ֔ים יֵעֹ֖רוּ מִיַּרְכְּתֵי־אָֽרֶץ׃ hineh ʿam baʾ mitsafown wegowy gadowl umelakhiym rabiym yeʿoru miyareketey־ʾarets׃

⁴² קֶ֣שֶׁת וְכִידֹ֞ן יַחֲזִ֗יקוּ אַכְזָרִ֥י הֵ֙מָּה֙ וְלֹ֣א יְרַחֵ֔מוּ קֹולָם֙ כַּיָּ֣ם יֶהֱמֶ֔ה וְעַל־סוּסִ֖ים יִרְכָּ֑בוּ עָר֗וּךְ כְּאִישׁ֙ לַמִּלְחָמָ֔ה עָלַ֖יִךְ בַּת־בָּבֶֽל׃ qeshet wekhiydon yaḥaziyqu ʾakhezariy hemah weloʾ yeraḥemu qowlam kayam yehemeh weʿal־susiym yirekavu ʿarukhe keʾiysh lamileḥamah ʿalayikhe bat־bavel׃

⁴³ שָׁמַ֧ע מֶֽלֶךְ־בָּבֶ֛ל אֶת־שִׁמְעָ֖ם וְרָפ֣וּ יָדָ֑יו צָרָה֙ הֶחֱזִיקַ֔תְהוּ חִ֖יל כַּיֹּולֵדָֽה׃ shamaʿ melekhe־bavel ʾet־shimeʿam werafu yadayw tsarah heḥeziyqatehu ḥiyl kayowledah׃

⁴⁴ הִ֠נֵּה כְּאַרְיֵ֞ה יַעֲלֶ֨ה מִגְּאֹ֣ון הַיַּרְדֵּן֮ אֶל־נְוֵ֣ה אֵיתָן֒ כִּֽי־אַרְגִּ֤עָה [אֲרוּצֵם כ] (אֲרִיצֵם֙ ק) מֵֽעָלֶ֔יהָ וּמִ֥י בָח֖וּר אֵלֶ֣יהָ אֶפְקֹ֑ד כִּ֣י מִ֤י כָמֹ֙ונִי֙ וּמִ֣י יֹועִדֶ֔נִּי וּמִֽי־זֶ֣ה רֹעֶ֔ה אֲשֶׁ֥ר יַעֲמֹ֖ד לְפָנָֽי׃ hineh keʾareyeh yaʿaleh migeʾown hayareden ʾel־neweh ʾeytan kiy־ʾaregiʿah [ʾarutsem kh] (ʾariytsem q) meʿaleyha umiy vaḥur ʾeleyha ʾefeqod kiy miy khamowniy umiy yowʿideniy umiy־zeh roʿeh ʾasher yaʿamod lefanay׃

⁴⁵ לָכֵ֞ן שִׁמְע֣וּ עֲצַת־יְהוָ֗ה אֲשֶׁ֤ר יָעַץ֙ אֶל־בָּבֶ֔ל וּמַ֨חְשְׁבֹותָ֔יו אֲשֶׁ֥ר חָשַׁ֖ב אֶל־אֶ֣רֶץ כַּשְׂדִּ֑ים אִם־לֹ֤א יִסְחָבוּם֙ צְעִירֵ֣י הַצֹּ֔אן אִם־לֹ֥א יַשִּׁ֛ים עֲלֵיהֶ֖ם נָוֶֽה׃ lakhen shimeʿu ʿatsat־yehwah ʾasher yaʿats ʾel־bavel umaḥeshevowtayw ʾasher ḥashav ʾel־ʾerets kasediym ʾim־loʾ yiseḥavum tseʿiyrey hatsoʾn ʾim־loʾ yashiym ʿaleyhem naweh׃

⁴⁶ מִקֹּול֙ נִתְפְּשָׂ֣ה בָבֶ֔ל נִרְעֲשָׁ֖ה הָאָ֑רֶץ וּזְעָקָ֖ה בַּגֹּויִ֥ם נִשְׁמָֽע׃ ס miqowl nitepesah vavel nireʿashah haʾarets uzeʿaqah bagowyim nishemaʿ׃ s