Jérémie 48

¹ לְמֹואָ֡ב כֹּֽה־אָמַר֩ יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל הֹ֤וי אֶל־נְבֹו֙ כִּ֣י שֻׁדָּ֔דָה הֹבִ֥ישָׁה נִלְכְּדָ֖ה קִרְיָתָ֑יִם הֹבִ֥ישָׁה הַמִּשְׂגָּ֖ב וָחָֽתָּה׃ lemowʾav koh־ʾamar yehwah tsevaʾowt ʾelohey yiseraʾel howy ʾel־nevow kiy shudadah hoviyshah nilekedah qireyatayim hoviyshah hamisegav waḥatah׃

² אֵ֣ין עֹוד֮ תְּהִלַּ֣ת מֹואָב֒ בְּחֶשְׁבֹּ֗ון חָשְׁב֤וּ עָלֶ֙יהָ֙ רָעָ֔ה לְכ֖וּ וְנַכְרִיתֶ֣נָּה מִגֹּ֑וי גַּם־מַדְמֵ֣ן תִּדֹּ֔מִּי אַחֲרַ֖יִךְ תֵּ֥לֶךְ חָֽרֶב׃ ʾeyn ʿowd tehilat mowʾav beḥeshebown ḥashevu ʿaleyha raʿah lekhu wenakheriytenah migowy gam־mademen tidomiy ʾaḥarayikhe telekhe ḥarev׃

³ קֹ֥ול צְעָקָ֖ה מֵחֹֽרֹונָ֑יִם שֹׁ֖ד וָשֶׁ֥בֶר גָּדֹֽול׃ qowl tseʿaqah meḥorownayim shod washever gadowl׃

⁴ נִשְׁבְּרָ֖ה מֹואָ֑ב הִשְׁמִ֥יעוּ זְּעָקָ֖ה [צְעֹורֶיהָ כ] (צְעִירֶֽיהָ׃ ק) nisheberah mowʾav hishemiyʿu zeʿaqah [tseʿowreyha kh] (tseʿiyreyha׃ q)

⁵ כִּ֚י מַעֲלֵ֣ה [הַלֻּחֹות כ] (הַלּוּחִ֔ית ק) בִּבְכִ֖י יַֽעֲלֶה־בֶּ֑כִי כִּ֚י בְּמֹורַ֣ד חֹורֹנַ֔יִם צָרֵ֥י צַֽעֲקַת־שֶׁ֖בֶר שָׁמֵֽעוּ׃ kiy maʿaleh [haluḥowt kh] (haluḥiyt q) bivekhiy yaʿaleh־bekhiy kiy bemowrad ḥowronayim tsarey tsaʿaqat־shever shameʿu׃

⁶ נֻ֖סוּ מַלְּט֣וּ נַפְשְׁכֶ֑ם וְתִֽהְיֶ֕ינָה כַּעֲרֹועֵ֖ר בַּמִּדְבָּֽר׃ nusu maleṭu nafeshekhem wetiheyeynah kaʿarowʿer bamidebar׃

⁷ כִּ֠י יַ֣עַן בִּטְחֵ֤ךְ בְּמַעֲשַׂ֙יִךְ֙ וּבְאֹ֣וצְרֹותַ֔יִךְ גַּם־אַ֖תְּ תִּלָּכֵ֑דִי וְיָצָ֤א [כְמִישׁ כ] (כְמֹושׁ֙ ק) בַּגֹּולָ֔ה כֹּהֲנָ֥יו וְשָׂרָ֖יו [יַחַד כ] (יַחְדָּֽיו׃ ק) kiy yaʿan biṭeḥekhe bemaʿasayikhe uveʾowtserowtayikhe gam־ʾate tilakhediy weyatsaʾ [khemiysh kh] (khemowsh q) bagowlah kohanayw wesarayw [yaḥad kh] (yaḥedayw׃ q)

⁸ וְיָבֹ֨א שֹׁדֵ֜ד אֶל־כָּל־עִ֗יר וְעִיר֙ לֹ֣א תִמָּלֵ֔ט וְאָבַ֥ד הָעֵ֖מֶק וְנִשְׁמַ֣ד הַמִּישֹׁ֑ר אֲשֶׁ֖ר אָמַ֥ר יְהוָֽה׃ weyavoʾ shoded ʾel־kal־ʿiyr weʿiyr loʾ timaleṭ weʾavad haʿemeq wenishemad hamiyshor ʾasher ʾamar yehwah׃

⁹ תְּנוּ־צִ֣יץ לְמֹואָ֔ב כִּ֥י נָצֹ֖א תֵּצֵ֑א וְעָרֶ֙יהָ֙ לְשַׁמָּ֣ה תִֽהְיֶ֔ינָה מֵאֵ֥ין יֹושֵׁ֖ב בָּהֵֽן׃ tenu־tsiyts lemowʾav kiy natsoʾ tetseʾ weʿareyha leshamah tiheyeynah meʾeyn yowshev bahen׃

¹⁰ אָר֗וּר עֹשֶׂ֛ה מְלֶ֥אכֶת יְהוָ֖ה רְמִיָּ֑ה וְאָר֕וּר מֹנֵ֥עַ חַרְבֹּ֖ו מִדָּֽם׃ ʾarur ʿoseh meleʾkhet yehwah remiyah weʾarur moneaʿ ḥarebow midam׃

¹¹ שַׁאֲנַ֨ן מֹואָ֜ב מִנְּעוּרָ֗יו וְשֹׁקֵ֥ט הוּא֙ אֶל־שְׁמָרָ֔יו וְלֹֽא־הוּרַ֤ק מִכְּלִי֙ אֶל־כֶּ֔לִי וּבַגֹּולָ֖ה לֹ֣א הָלָ֑ךְ עַל־כֵּ֗ן עָמַ֤ד טַעְמֹו֙ בֹּ֔ו וְרֵיחֹ֖ו לֹ֥א נָמָֽר׃ ס shaʾanan mowʾav mineʿurayw weshoqeṭ huʾ ʾel־shemarayw weloʾ־huraq mikeliy ʾel־keliy uvagowlah loʾ halakhe ʿal־ken ʿamad ṭaʿemow bow wereyḥow loʾ namar׃ s

¹² לָכֵ֞ן הִנֵּ֖ה־יָמִ֤ים בָּאִים֙ נְאֻם־יְהוָ֔ה וְשִׁלַּחְתִּי־לֹ֥ו צֹעִ֖ים וְצֵעֻ֑הוּ וְכֵלָ֣יו יָרִ֔יקוּ וְנִבְלֵיהֶ֖ם יְנַפֵּֽצוּ׃ lakhen hineh־yamiym baʾiym neʾum־yehwah weshilaḥetiy־low tsoʿiym wetseʿuhu wekhelayw yariyqu weniveleyhem yenapetsu׃

¹³ וּבֹ֥שׁ מֹואָ֖ב מִכְּמֹ֑ושׁ כַּאֲשֶׁר־בֹּ֙שׁוּ֙ בֵּ֣ית יִשְׂרָאֵ֔ל מִבֵּ֥ית אֵ֖ל מִבְטֶחָֽם׃ uvosh mowʾav mikemowsh kaʾasher־boshu beyt yiseraʾel mibeyt ʾel miveṭeḥam׃

¹⁴ אֵ֚יךְ תֹּֽאמְר֔וּ גִּבֹּורִ֖ים אֲנָ֑חְנוּ וְאַנְשֵׁי־חַ֖יִל לַמִּלְחָמָֽה׃ ʾeykhe toʾmeru gibowriym ʾanaḥenu weʾaneshey־ḥayil lamileḥamah׃

¹⁵ שֻׁדַּ֤ד מֹואָב֙ וְעָרֶ֣יהָ עָלָ֔ה וּמִבְחַ֥ר בַּֽחוּרָ֖יו יָרְד֣וּ לַטָּ֑בַח נְאֻ֨ם־הַמֶּ֔לֶךְ יְהוָ֥ה צְבָאֹ֖ות שְׁמֹֽו׃ shudad mowʾav weʿareyha ʿalah umiveḥar baḥurayw yaredu laṭavaḥ neʾum־hamelekhe yehwah tsevaʾowt shemow׃

¹⁶ קָרֹ֥וב אֵיד־מֹואָ֖ב לָבֹ֑וא וְרָ֣עָתֹ֔ו מִהֲרָ֖ה מְאֹֽד׃ qarowv ʾeyd־mowʾav lavowʾ weraʿatow miharah meʾod׃

¹⁷ נֻ֤דוּ לֹו֙ כָּל־סְבִיבָ֔יו וְכֹ֖ל יֹדְעֵ֣י שְׁמֹ֑ו אִמְר֗וּ אֵיכָ֤ה נִשְׁבַּר֙ מַטֵּה־עֹ֔ז מַקֵּ֖ל תִּפְאָרָֽה׃ nudu low kal־seviyvayw wekhol yodeʿey shemow ʾimeru ʾeykhah nishebar maṭeh־ʿoz maqel tifeʾarah׃

¹⁸ רְדִ֤י מִכָּבֹוד֙ [יֹשְׁבֶי כ] (וּשְׁבִ֣י ק) בַצָּמָ֔א יֹשֶׁ֖בֶת בַּת־דִּיבֹ֑ון כִּֽי־שֹׁדֵ֤ד מֹואָב֙ עָ֣לָה בָ֔ךְ שִׁחֵ֖ת מִבְצָרָֽיִךְ׃ rediy mikavowd [yoshevey kh] (usheviy q) vatsamaʾ yoshevet bat־diyvown kiy־shoded mowʾav ʿalah vakhe shiḥet mivetsarayikhe׃

¹⁹ אֶל־דֶּ֛רֶךְ עִמְדִ֥י וְצַפִּ֖י יֹושֶׁ֣בֶת עֲרֹועֵ֑ר שַׁאֲלִי־נָ֣ס וְנִמְלָ֔טָה אִמְרִ֖י מַה־נִּֽהְיָֽתָה׃ ʾel־derekhe ʿimediy wetsapiy yowshevet ʿarowʿer shaʾaliy־nas wenimelaṭah ʾimeriy mah־niheyatah׃

²⁰ הֹבִ֥ישׁ מֹואָ֛ב כִּֽי־חַ֖תָּה [הֵילִילִי כ] (הֵילִ֣ילוּ ׀ ק) [וּזְעָקִי כ] (וּֽזְעָ֑קוּ ק) הַגִּ֣ידוּ בְאַרְנֹ֔ון כִּ֥י שֻׁדַּ֖ד מֹואָֽב׃ hoviysh mowʾav kiy־ḥatah [heyliyliy kh] (heyliylu ׀ q) [uzeʿaqiy kh] (uzeʿaqu q) hagiydu veʾarenown kiy shudad mowʾav׃

²¹ וּמִשְׁפָּ֥ט בָּ֖א אֶל־אֶ֣רֶץ הַמִּישֹׁ֑ר אֶל־חֹלֹ֥ון וְאֶל־יַ֖הְצָה וְעַל־ [מֹופָעַת כ] (מֵיפָֽעַת׃ ק) umishepaṭ baʾ ʾel־ʾerets hamiyshor ʾel־ḥolown weʾel־yahetsah weʿal־ [mowfaʿat kh] (meyfaʿat׃ q)

²² וְעַל־דִּיבֹ֣ון וְעַל־נְבֹ֔ו וְעַל־בֵּ֖ית דִּבְלָתָֽיִם׃ weʿal־diyvown weʿal־nevow weʿal־beyt divelatayim׃

²³ וְעַ֧ל קִרְיָתַ֛יִם וְעַל־בֵּ֥ית גָּמ֖וּל וְעַל־בֵּ֥ית מְעֹֽון׃ weʿal qireyatayim weʿal־beyt gamul weʿal־beyt meʿown׃

²⁴ וְעַל־קְרִיֹּ֖ות וְעַל־בָּצְרָ֑ה וְעַ֗ל כָּל־עָרֵי֙ אֶ֣רֶץ מֹואָ֔ב הָרְחֹקֹ֖ות וְהַקְּרֹבֹֽות׃ weʿal־qeriyowt weʿal־batserah weʿal kal־ʿarey ʾerets mowʾav hareḥoqowt wehaqerovowt׃

²⁵ נִגְדְּעָה֙ קֶ֣רֶן מֹואָ֔ב וּזְרֹעֹ֖ו נִשְׁבָּ֑רָה נְאֻ֖ם יְהוָֽה׃ nigedeʿah qeren mowʾav uzeroʿow nishebarah neʾum yehwah׃

²⁶ הַשְׁכִּירֻ֕הוּ כִּ֥י עַל־יְהוָ֖ה הִגְדִּ֑יל וְסָפַ֤ק מֹואָב֙ בְּקִיאֹ֔ו וְהָיָ֥ה לִשְׂחֹ֖ק גַּם־הֽוּא׃ hashekiyruhu kiy ʿal־yehwah higediyl wesafaq mowʾav beqiyʾow wehayah liseḥoq gam־huʾ׃

²⁷ וְאִ֣ם ׀ לֹ֣וא הַשְּׂחֹ֗ק הָיָ֤ה לְךָ֙ יִשְׂרָאֵ֔ל אִם־בְּגַנָּבִ֖ים [נִמְצָאָה כ] (נִמְצָ֑א ק) כִּֽי־מִדֵּ֧י דְבָרֶ֥יךָ בֹּ֖ו תִּתְנֹודָֽד׃ weʾim ׀ lowʾ haseḥoq hayah lekha yiseraʾel ʾim־beganaviym [nimetsaʾah kh] (nimetsaʾ q) kiy־midey devareykha bow titenowdad׃

²⁸ עִזְב֤וּ עָרִים֙ וְשִׁכְנ֣וּ בַּסֶּ֔לַע יֹשְׁבֵ֖י מֹואָ֑ב וִֽהְי֣וּ כְיֹונָ֔ה תְּקַנֵּ֖ן בְּעֶבְרֵ֥י פִי־פָֽחַת׃ ʿizevu ʿariym weshikhenu baselaʿ yoshevey mowʾav wiheyu kheyownah teqanen beʿeverey fiy־faḥat׃

²⁹ שָׁמַ֥עְנוּ גְאֹון־מֹואָ֖ב גֵּאֶ֣ה מְאֹ֑ד גָּבְהֹ֧ו וּגְאֹונֹ֛ו וְגַאֲוָתֹ֖ו וְרֻ֥ם לִבֹּֽו׃ shamaʿenu geʾown־mowʾav geʾeh meʾod gavehow ugeʾownow wegaʾawatow werum libow׃

³⁰ אֲנִ֤י יָדַ֨עְתִּ֨י נְאֻם־יְהוָ֔ה עֶבְרָתֹ֖ו וְלֹא־כֵ֑ן בַּדָּ֖יו לֹא־כֵ֥ן עָשֽׂוּ׃ ʾaniy yadaʿetiy neʾum־yehwah ʿeveratow weloʾ־khen badayw loʾ־khen ʿasu׃

³¹ עַל־כֵּן֙ עַל־מֹואָ֣ב אֲיֵלִ֔יל וּלְמֹואָ֥ב כֻּלֹּ֖ה אֶזְעָ֑ק אֶל־אַנְשֵׁ֥י קִֽיר־חֶ֖רֶשׂ יֶהְגֶּֽה׃ ʿal־ken ʿal־mowʾav ʾayeliyl ulemowʾav kuloh ʾezeʿaq ʾel־ʾaneshey qiyr־ḥeres yehegeh׃

³² מִבְּכִ֨י יַעְזֵ֤ר אֶבְכֶּה־לָּךְ֙ הַגֶּ֣פֶן שִׂבְמָ֔ה נְטִֽישֹׁתַ֙יִךְ֙ עָ֣בְרוּ יָ֔ם עַ֛ד יָ֥ם יַעְזֵ֖ר נָגָ֑עוּ עַל־קֵיצֵ֥ךְ וְעַל־בְּצִירֵ֖ךְ שֹׁדֵ֖ד נָפָֽל׃ mibekhiy yaʿezer ʾevekeh־lakhe hagefen sivemah neṭiyshotayikhe ʿaveru yam ʿad yam yaʿezer nagaʿu ʿal־qeytsekhe weʿal־betsiyrekhe shoded nafal׃

³³ וְנֶאֶסְפָ֨ה שִׂמְחָ֥ה וָגִ֛יל מִכַּרְמֶ֖ל וּמֵאֶ֣רֶץ מֹואָ֑ב וְיַ֙יִן֙ מִיקָבִ֣ים הִשְׁבַּ֔תִּי לֹֽא־יִדְרֹ֣ךְ הֵידָ֔ד הֵידָ֖ד לֹ֥א הֵידָֽד׃ weneʾesefah simeḥah wagiyl mikaremel umeʾerets mowʾav weyayin miyqaviym hishebatiy loʾ־yiderokhe heydad heydad loʾ heydad׃

³⁴ מִזַּעֲקַ֨ת חֶשְׁבֹּ֜ון עַד־אֶלְעָלֵ֗ה עַד־יַ֙הַץ֙ נָתְנ֣וּ קֹולָ֔ם מִצֹּ֙עַר֙ עַד־חֹ֣רֹנַ֔יִם עֶגְלַ֖ת שְׁלִֽשִׁיָּ֑ה כִּ֚י גַּם־מֵ֣י נִמְרִ֔ים לִמְשַׁמֹּ֖ות יִהְיֽוּ׃ mizaʿaqat ḥeshebown ʿad־ʾeleʿaleh ʿad־yahats natenu qowlam mitsoʿar ʿad־ḥoronayim ʿegelat shelishiyah kiy gam־mey nimeriym limeshamowt yiheyu׃

³⁵ וְהִשְׁבַּתִּ֥י לְמֹואָ֖ב נְאֻם־יְהוָ֑ה מַעֲלֶ֣ה בָמָ֔ה וּמַקְטִ֖יר לֵאלֹהָֽיו׃ wehishebatiy lemowʾav neʾum־yehwah maʿaleh vamah umaqeṭiyr leʾlohayw׃

³⁶ עַל־כֵּ֞ן לִבִּ֤י לְמֹואָב֙ כַּחֲלִלִ֣ים יֶהֱמֶ֔ה וְלִבִּי֙ אֶל־אַנְשֵׁ֣י קִֽיר־חֶ֔רֶשׂ כַּחֲלִילִ֖ים יֶהֱמֶ֑ה עַל־כֵּ֛ן יִתְרַ֥ת עָשָׂ֖ה אָבָֽדוּ׃ ʿal־ken libiy lemowʾav kaḥaliliym yehemeh welibiy ʾel־ʾaneshey qiyr־ḥeres kaḥaliyliym yehemeh ʿal־ken yiterat ʿasah ʾavadu׃

³⁷ כִּ֤י כָל־רֹאשׁ֙ קָרְחָ֔ה וְכָל־זָקָ֖ן גְּרֻעָ֑ה עַ֤ל כָּל־יָדַ֙יִם֙ גְּדֻדֹ֔ת וְעַל־מָתְנַ֖יִם שָֽׂק׃ kiy khal־roʾsh qareḥah wekhal־zaqan geruʿah ʿal kal־yadayim gedudot weʿal־matenayim saq׃

³⁸ עַ֣ל כָּל־גַּגֹּ֥ות מֹואָ֛ב וּבִרְחֹבֹתֶ֖יהָ כֻּלֹּ֣ה מִסְפֵּ֑ד כִּֽי־שָׁבַ֣רְתִּי אֶת־מֹואָ֗ב כִּכְלִ֛י אֵֽין־חֵ֥פֶץ בֹּ֖ו נְאֻם־יְהוָֽה׃ ʿal kal־gagowt mowʾav uvireḥovoteyha kuloh miseped kiy־shavaretiy ʾet־mowʾav kikheliy ʾeyn־ḥefets bow neʾum־yehwah׃

³⁹ אֵ֥יךְ חַ֙תָּה֙ הֵילִ֔ילוּ אֵ֛יךְ הִפְנָה־עֹ֥רֶף מֹואָ֖ב בֹּ֑ושׁ וְהָיָ֥ה מֹואָ֛ב לִשְׂחֹ֥ק וְלִמְחִתָּ֖ה לְכָל־סְבִיבָֽיו׃ ס ʾeykhe ḥatah heyliylu ʾeykhe hifenah־ʿoref mowʾav bowsh wehayah mowʾav liseḥoq welimeḥitah lekhal־seviyvayw׃ s

⁴⁰ כִּי־כֹה֙ אָמַ֣ר יְהוָ֔ה הִנֵּ֥ה כַנֶּ֖שֶׁר יִדְאֶ֑ה וּפָרַ֥שׂ כְּנָפָ֖יו אֶל־מֹואָֽב׃ kiy־khoh ʾamar yehwah hineh khanesher yideʾeh ufaras kenafayw ʾel־mowʾav׃

⁴¹ נִלְכְּדָה֙ הַקְּרִיֹּ֔ות וְהַמְּצָדֹ֖ות נִתְפָּ֑שָׂה וְֽ֠הָיָה לֵ֞ב גִּבֹּורֵ֤י מֹואָב֙ בַּיֹּ֣ום הַה֔וּא כְּלֵ֖ב אִשָּׁ֥ה מְצֵרָֽה׃ nilekedah haqeriyowt wehametsadowt nitepasah wehayah lev gibowrey mowʾav bayowm hahuʾ kelev ʾishah metserah׃

⁴² וְנִשְׁמַ֥ד מֹואָ֖ב מֵעָ֑ם כִּ֥י עַל־יְהוָ֖ה הִגְדִּֽיל׃ wenishemad mowʾav meʿam kiy ʿal־yehwah higediyl׃

⁴³ פַּ֥חַד וָפַ֖חַת וָפָ֑ח עָלֶ֛יךָ יֹושֵׁ֥ב מֹואָ֖ב נְאֻם־יְהוָֽה׃ paḥad wafaḥat wafaḥ ʿaleykha yowshev mowʾav neʾum־yehwah׃

⁴⁴ [הַנִּיס כ] (הַנָּ֞ס ק) מִפְּנֵ֤י הַפַּ֙חַד֙ יִפֹּ֣ל אֶל־הַפַּ֔חַת וְהָֽעֹלֶה֙ מִן־הַפַּ֔חַת יִלָּכֵ֖ד בַּפָּ֑ח כִּֽי־אָבִ֨יא אֵלֶ֧יהָ אֶל־מֹואָ֛ב שְׁנַ֥ת פְּקֻדָּתָ֖ם נְאֻם־יְהוָֽה׃ [haniys kh] (hanas q) mipeney hapaḥad yipol ʾel־hapaḥat wehaʿoleh min־hapaḥat yilakhed bapaḥ kiy־ʾaviyʾ ʾeleyha ʾel־mowʾav shenat pequdatam neʾum־yehwah׃

⁴⁵ בְּצֵ֥ל חֶשְׁבֹּ֛ון עָמְד֖וּ מִכֹּ֣חַ נָסִ֑ים כִּֽי־אֵ֞שׁ יָצָ֣א מֵחֶשְׁבֹּ֗ון וְלֶֽהָבָה֙ מִבֵּ֣ין סִיחֹ֔ון וַתֹּ֙אכַל֙ פְּאַ֣ת מֹואָ֔ב וְקָדְקֹ֖ד בְּנֵ֥י שָׁאֹֽון׃ betsel ḥeshebown ʿamedu mikoaḥ nasiym kiy־ʾesh yatsaʾ meḥeshebown welehavah mibeyn siyḥown watoʾkhal peʾat mowʾav weqadeqod beney shaʾown׃

⁴⁶ אֹוי־לְךָ֣ מֹואָ֔ב אָבַ֖ד עַם־כְּמֹ֑ושׁ כִּֽי־לֻקְּח֤וּ בָנֶ֙יךָ֙ בַּשֶּׁ֔בִי וּבְנֹתֶ֖יךָ בַּשִּׁבְיָֽה׃ ʾowy־lekha mowʾav ʾavad ʿam־kemowsh kiy־luqeḥu vaneykha basheviy uvenoteykha bashiveyah׃

⁴⁷ וְשַׁבְתִּ֧י שְׁבוּת־מֹואָ֛ב בְּאַחֲרִ֥ית הַיָּמִ֖ים נְאֻם־יְהוָ֑ה עַד־הֵ֖נָּה מִשְׁפַּ֥ט מֹואָֽב׃ ס weshavetiy shevut־mowʾav beʾaḥariyt hayamiym neʾum־yehwah ʿad־henah mishepaṭ mowʾav׃ s