1 וַתִּשָּׂ֨א אֹתִ֜י ר֗וּחַ וַתָּבֵ֣א אֹ֠תִי אֶל־שַׁ֨עַר בֵּית־יְהוָ֤ה הַקַּדְמֹונִי֙ הַפֹּונֶ֣ה קָדִ֔ימָה וְהִנֵּה֙ בְּפֶ֣תַח הַשַּׁ֔עַר עֶשְׂרִ֥ים וַחֲמִשָּׁ֖ה אִ֑ישׁ וָאֶרְאֶ֨ה בְתֹוכָ֜ם אֶת־יַאֲזַנְיָ֧ה בֶן־עַזֻּ֛ר וְאֶת־פְּלַטְיָ֥הוּ בֶן־בְּנָיָ֖הוּ שָׂרֵ֖י הָעָֽם׃ פ watisaʾ ʾotiy ruaḥ wataveʾ ʾotiy ʾel־shaʿar beyt־yehwah haqademowniy hapowneh qadiymah wehineh befetaḥ hashaʿar ʿeseriym waḥamishah ʾiysh waʾereʾeh vetowkham ʾet־yaʾazaneyah ven־ʿazur weʾet־pelaṭeyahu ven־benayahu sarey haʿam׃ f
2 וַיֹּ֖אמֶר אֵלָ֑י בֶּן־אָדָ֕ם אֵ֣לֶּה הָאֲנָשִׁ֞ים הַחֹשְׁבִ֥ים אָ֛וֶן וְהַיֹּעֲצִ֥ים עֲצַת־רָ֖ע בָּעִ֥יר הַזֹּֽאת׃ wayoʾmer ʾelay ben־ʾadam ʾeleh haʾanashiym haḥosheviym ʾawen wehayoʿatsiym ʿatsat־raʿ baʿiyr hazoʾt׃
3 הָאֹ֣מְרִ֔ים לֹ֥א בְקָרֹ֖וב בְּנֹ֣ות בָּתִּ֑ים הִ֣יא הַסִּ֔יר וַאֲנַ֖חְנוּ הַבָּשָֽׂר׃ haʾomeriym loʾ veqarowv benowt batiym hiyʾ hasiyr waʾanaḥenu habasar׃
4 לָכֵ֖ן הִנָּבֵ֣א עֲלֵיהֶ֑ם הִנָּבֵ֖א בֶּן־אָדָֽם׃ lakhen hinaveʾ ʿaleyhem hinaveʾ ben־ʾadam׃
5 וַתִּפֹּ֣ל עָלַי֮ ר֣וּחַ יְהוָה֒ וַיֹּ֣אמֶר אֵלַ֗י אֱמֹר֙ כֹּה־אָמַ֣ר יְהוָ֔ה כֵּ֥ן אֲמַרְתֶּ֖ם בֵּ֣ית יִשְׂרָאֵ֑ל וּמַעֲלֹ֥ות רֽוּחֲכֶ֖ם אֲנִ֥י יְדַעְתִּֽיהָ׃ watipol ʿalay ruaḥ yehwah wayoʾmer ʾelay ʾemor koh־ʾamar yehwah ken ʾamaretem beyt yiseraʾel umaʿalowt ruḥakhem ʾaniy yedaʿetiyha׃
6 הִרְבֵּיתֶ֥ם חַלְלֵיכֶ֖ם בָּעִ֣יר הַזֹּ֑את וּמִלֵּאתֶ֥ם חוּצֹתֶ֖יהָ חָלָֽל׃ פ hirebeytem ḥaleleykhem baʿiyr hazoʾt umileʾtem ḥutsoteyha ḥalal׃ f
7 לָכֵ֗ן כֹּֽה־אָמַר֮ אֲדֹנָ֣י יְהוִה֒ חַלְלֵיכֶם֙ אֲשֶׁ֣ר שַׂמְתֶּ֣ם בְּתֹוכָ֔הּ הֵ֥מָּה הַבָּשָׂ֖ר וְהִ֣יא הַסִּ֑יר וְאֶתְכֶ֖ם הֹוצִ֥יא מִתֹּוכָֽהּ׃ lakhen koh־ʾamar ʾadonay yehwih ḥaleleykhem ʾasher sametem betowkhah hemah habasar wehiyʾ hasiyr weʾetekhem howtsiyʾ mitowkhah׃
8 חֶ֖רֶב יְרֵאתֶ֑ם וְחֶ֙רֶב֙ אָבִ֣יא עֲלֵיכֶ֔ם נְאֻ֖ם אֲדֹנָ֥י יְהוִֽה׃ ḥerev yereʾtem weḥerev ʾaviyʾ ʿaleykhem neʾum ʾadonay yehwih׃
9 וְהֹוצֵאתִ֤י אֶתְכֶם֙ מִתֹּוכָ֔הּ וְנָתַתִּ֥י אֶתְכֶ֖ם בְּיַד־זָרִ֑ים וְעָשִׂ֛יתִי בָכֶ֖ם שְׁפָטִֽים׃ wehowtseʾtiy ʾetekhem mitowkhah wenatatiy ʾetekhem beyad־zariym weʿasiytiy vakhem shefaṭiym׃
10 בַּחֶ֣רֶב תִּפֹּ֔לוּ עַל־גְּב֥וּל יִשְׂרָאֵ֖ל אֶשְׁפֹּ֣וט אֶתְכֶ֑ם וִֽידַעְתֶּ֖ם כִּֽי־אֲנִ֥י יְהוָֽה׃ baḥerev tipolu ʿal־gevul yiseraʾel ʾeshepowṭ ʾetekhem wiydaʿetem kiy־ʾaniy yehwah׃
11 הִ֗יא לֹֽא־תִהְיֶ֤ה לָכֶם֙ לְסִ֔יר וְאַתֶּ֛ם תִּהְי֥וּ בְתֹוכָ֖הּ לְבָשָׂ֑ר אֶל־גְּב֥וּל יִשְׂרָאֵ֖ל אֶשְׁפֹּ֥ט אֶתְכֶֽם׃ hiyʾ loʾ־tiheyeh lakhem lesiyr weʾatem tiheyu vetowkhah levasar ʾel־gevul yiseraʾel ʾeshepoṭ ʾetekhem׃
12 וִֽידַעְתֶּם֙ כִּֽי־אֲנִ֣י יְהוָ֔ה אֲשֶׁ֤ר בְּחֻקַּי֙ לֹ֣א הֲלַכְתֶּ֔ם וּמִשְׁפָּטַ֖י לֹ֣א עֲשִׂיתֶ֑ם וּֽכְמִשְׁפְּטֵ֧י הַגֹּויִ֛ם אֲשֶׁ֥ר סְבִיבֹותֵיכֶ֖ם עֲשִׂיתֶֽם׃ wiydaʿetem kiy־ʾaniy yehwah ʾasher beḥuqay loʾ halakhetem umishepaṭay loʾ ʿasiytem ukhemishepeṭey hagowyim ʾasher seviyvowteykhem ʿasiytem׃
13 וַֽיְהִי֙ כְּהִנָּ֣בְאִ֔י וּפְלַטְיָ֥הוּ בֶן־בְּנָיָ֖ה מֵ֑ת וָאֶפֹּ֨ל עַל־פָּנַ֜י וָאֶזְעַ֣ק קֹול־גָּדֹ֗ול וָאֹמַר֙ אֲהָהּ֙ אֲדֹנָ֣י יְהוִ֔ה כָּלָה֙ אַתָּ֣ה עֹשֶׂ֔ה אֵ֖ת שְׁאֵרִ֥ית יִשְׂרָאֵֽל׃ פ wayehiy kehinaveʾiy ufelaṭeyahu ven־benayah met waʾepol ʿal־panay waʾezeʿaq qowl־gadowl waʾomar ʾahah ʾadonay yehwih kalah ʾatah ʿoseh ʾet sheʾeriyt yiseraʾel׃ f
14 וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃
15 בֶּן־אָדָ֗ם אַחֶ֤יךָ אַחֶ֙יךָ֙ אַנְשֵׁ֣י גְאֻלָּתֶ֔ךָ וְכָל־בֵּ֥ית יִשְׂרָאֵ֖ל כֻּלֹּ֑ה אֲשֶׁר֩ אָמְר֨וּ לָהֶ֜ם יֹשְׁבֵ֣י יְרוּשָׁלִַ֗ם רַֽחֲקוּ֙ מֵעַ֣ל יְהוָ֔ה לָ֥נוּ הִ֛יא נִתְּנָ֥ה הָאָ֖רֶץ לְמֹורָשָֽׁה׃ ס ben־ʾadam ʾaḥeykha ʾaḥeykha ʾaneshey geʾulatekha wekhal־beyt yiseraʾel kuloh ʾasher ʾameru lahem yoshevey yerushalim raḥaqu meʿal yehwah lanu hiyʾ nitenah haʾarets lemowrashah׃ s
16 לָכֵ֣ן אֱמֹ֗ר כֹּֽה־אָמַר֮ אֲדֹנָ֣י יְהוִה֒ כִּ֤י הִרְחַקְתִּים֙ בַּגֹּויִ֔ם וְכִ֥י הֲפִֽיצֹותִ֖ים בָּאֲרָצֹ֑ות וָאֱהִ֤י לָהֶם֙ לְמִקְדָּ֣שׁ מְעַ֔ט בָּאֲרָצֹ֖ות אֲשֶׁר־בָּ֥אוּ שָֽׁם׃ ס lakhen ʾemor koh־ʾamar ʾadonay yehwih kiy hireḥaqetiym bagowyim wekhiy hafiytsowtiym baʾaratsowt waʾehiy lahem lemiqedash meʿaṭ baʾaratsowt ʾasher־baʾu sham׃ s
17 לָכֵ֣ן אֱמֹ֗ר כֹּֽה־אָמַר֮ אֲדֹנָ֣י יְהוִה֒ וְקִבַּצְתִּ֤י אֶתְכֶם֙ מִן־הָ֣עַמִּ֔ים וְאָסַפְתִּ֣י אֶתְכֶ֔ם מִן־הָ֣אֲרָצֹ֔ות אֲשֶׁ֥ר נְפֹצֹותֶ֖ם בָּהֶ֑ם וְנָתַתִּ֥י לָכֶ֖ם אֶת־אַדְמַ֥ת יִשְׂרָאֵֽל׃ lakhen ʾemor koh־ʾamar ʾadonay yehwih weqibatsetiy ʾetekhem min־haʿamiym weʾasafetiy ʾetekhem min־haʾaratsowt ʾasher nefotsowtem bahem wenatatiy lakhem ʾet־ʾademat yiseraʾel׃
18 וּבָ֖אוּ־שָׁ֑מָּה וְהֵסִ֜ירוּ אֶת־כָּל־שִׁקּוּצֶ֛יהָ וְאֶת־כָּל־תֹּועֲבֹותֶ֖יהָ מִמֶּֽנָּה׃ uvaʾu־shamah wehesiyru ʾet־kal־shiqutseyha weʾet־kal־towʿavowteyha mimenah׃
19 וְנָתַתִּ֤י לָהֶם֙ לֵ֣ב אֶחָ֔ד וְר֥וּחַ חֲדָשָׁ֖ה אֶתֵּ֣ן בְּקִרְבְּכֶ֑ם וַהֲסִ֨רֹתִ֜י לֵ֤ב הָאֶ֙בֶן֙ מִבְּשָׂרָ֔ם וְנָתַתִּ֥י לָהֶ֖ם לֵ֥ב בָּשָֽׂר׃ wenatatiy lahem lev ʾeḥad weruaḥ ḥadashah ʾeten beqirebekhem wahasirotiy lev haʾeven mibesaram wenatatiy lahem lev basar׃
20 לְמַ֙עַן֙ בְּחֻקֹּתַ֣י יֵלֵ֔כוּ וְאֶת־מִשְׁפָּטַ֥י יִשְׁמְר֖וּ וְעָשׂ֣וּ אֹתָ֑ם וְהָיוּ־לִ֣י לְעָ֔ם וַאֲנִ֕י אֶהְיֶ֥ה לָהֶ֖ם לֵאלֹהִֽים׃ lemaʿan beḥuqotay yelekhu weʾet־mishepaṭay yishemeru weʿasu ʾotam wehayu־liy leʿam waʾaniy ʾeheyeh lahem leʾlohiym׃
21 וְאֶל־לֵ֧ב שִׁקּוּצֵיהֶ֛ם וְתֹועֲבֹותֵיהֶ֖ם לִבָּ֣ם הֹלֵ֑ךְ דַּרְכָּם֙ בְּרֹאשָׁ֣ם נָתַ֔תִּי נְאֻ֖ם אֲדֹנָ֥י יְהוִֽה׃ weʾel־lev shiqutseyhem wetowʿavowteyhem libam holekhe darekam beroʾsham natatiy neʾum ʾadonay yehwih׃
22 וַיִּשְׂא֤וּ הַכְּרוּבִים֙ אֶת־כַּנְפֵיהֶ֔ם וְהָאֹֽופַנִּ֖ים לְעֻמָּתָ֑ם וּכְבֹ֧וד אֱלֹהֵֽי־יִשְׂרָאֵ֛ל עֲלֵיהֶ֖ם מִלְמָֽעְלָה׃ wayiseʾu hakeruviym ʾet־kanefeyhem wehaʾowfaniym leʿumatam ukhevowd ʾelohey־yiseraʾel ʿaleyhem milemaʿelah׃
23 וַיַּ֙עַל֙ כְּבֹ֣וד יְהוָ֔ה מֵעַ֖ל תֹּ֣וךְ הָעִ֑יר וַֽיַּעֲמֹד֙ עַל־הָהָ֔ר אֲשֶׁ֖ר מִקֶּ֥דֶם לָעִֽיר׃ wayaʿal kevowd yehwah meʿal towkhe haʿiyr wayaʿamod ʿal־hahar ʾasher miqedem laʿiyr׃
24 וְר֣וּחַ נְשָׂאַ֗תְנִי וַתְּבִיאֵ֤נִי כַשְׂדִּ֙ימָה֙ אֶל־הַגֹּולָ֔ה בַּמַּרְאֶ֖ה בְּר֣וּחַ אֱלֹהִ֑ים וַיַּ֙עַל֙ מֵֽעָלַ֔י הַמַּרְאֶ֖ה אֲשֶׁ֥ר רָאִֽיתִי׃ weruaḥ nesaʾateniy wateviyʾeniy khasediymah ʾel־hagowlah bamareʾeh beruaḥ ʾelohiym wayaʿal meʿalay hamareʾeh ʾasher raʾiytiy׃
25 וָאֲדַבֵּ֖ר אֶל־הַגֹּולָ֑ה אֵ֛ת כָּל־דִּבְרֵ֥י יְהוָ֖ה אֲשֶׁ֥ר הֶרְאָֽנִי׃ פ waʾadaber ʾel־hagowlah ʾet kal־diverey yehwah ʾasher hereʾaniy׃ f