1 כִּקְדֹ֧חַ אֵ֣שׁ הֲמָסִ֗ים מַ֚יִם תִּבְעֶה־אֵ֔שׁ לְהֹודִ֥יעַ שִׁמְךָ֖ לְצָרֶ֑יךָ מִפָּנֶ֖יךָ גֹּויִ֥ם יִרְגָּֽזוּ׃ kiqedoaḥ ʾesh hamasiym mayim tiveʿeh־ʾesh lehowdiyʿa shimekha letsareykha mipaneykha gowyim yiregazu׃
2 בַּעֲשֹׂותְךָ֥ נֹורָאֹ֖ות לֹ֣א נְקַוֶּ֑ה יָרַ֕דְתָּ מִפָּנֶ֖יךָ הָרִ֥ים נָזֹֽלּוּ׃ baʿasowtekha nowraʾowt loʾ neqaueh yaradeta mipaneykha hariym nazolu׃
3 וּמֵעֹולָ֥ם לֹא־שָׁמְע֖וּ לֹ֣א הֶאֱזִ֑ינוּ עַ֣יִן לֹֽא־רָאָ֗תָה אֱלֹהִים֙ זוּלָ֣תְךָ֔ יַעֲשֶׂ֖ה לִמְחַכֵּה־לֹֽו׃ umeʿowlam loʾ־shameʿu loʾ heʾeziynu ʿayin loʾ־raʾatah ʾelohiym zulatekha yaʿaseh limeḥakeh־low׃
4 פָּגַ֤עְתָּ אֶת־שָׂשׂ֙ וְעֹ֣שֵׂה צֶ֔דֶק בִּדְרָכֶ֖יךָ יִזְכְּר֑וּךָ הֵן־אַתָּ֤ה קָצַ֙פְתָּ֙ וַֽנֶּחֱטָ֔א בָּהֶ֥ם עֹולָ֖ם וְנִוָּשֵֽׁעַ׃ pagaʿeta ʾet־sas weʿoseh tsedeq biderakheykha yizekerukha hen־ʾatah qatsafeta waneḥeṭaʾ bahem ʿowlam weniuasheaʿ׃
5 וַנְּהִ֤י כַטָּמֵא֙ כֻּלָּ֔נוּ וּכְבֶ֥גֶד עִדִּ֖ים כָּל־צִדְקֹתֵ֑ינוּ וַנָּ֤בֶל כֶּֽעָלֶה֙ כֻּלָּ֔נוּ וַעֲוֹנֵ֖נוּ כָּר֥וּחַ יִשָּׂאֻֽנוּ׃ wanehiy khaṭameʾ kulanu ukheveged ʿidiym kal־tsideqoteynu wanavel keʿaleh kulanu waʿaonenu karuaḥ yisaʾunu׃
6 וְאֵין־קֹורֵ֣א בְשִׁמְךָ֔ מִתְעֹורֵ֖ר לְהַחֲזִ֣יק בָּ֑ךְ כִּֽי־הִסְתַּ֤רְתָּ פָנֶ֙יךָ֙ מִמֶּ֔נּוּ וַתְּמוּגֵ֖נוּ בְּיַד־עֲוֹנֵֽנוּ׃ weʾeyn־qowreʾ veshimekha miteʿowrer lehaḥaziyq bakhe kiy־hisetareta faneykha mimenu watemugenu beyad־ʿaonenu׃
7 וְעַתָּ֥ה יְהוָ֖ה אָבִ֣ינוּ אָ֑תָּה אֲנַ֤חְנוּ הַחֹ֙מֶר֙ וְאַתָּ֣ה יֹצְרֵ֔נוּ וּמַעֲשֵׂ֥ה יָדְךָ֖ כֻּלָּֽנוּ׃ weʿatah yehwah ʾaviynu ʾatah ʾanaḥenu haḥomer weʾatah yotserenu umaʿaseh yadekha kulanu׃
8 אַל־תִּקְצֹ֤ף יְהוָה֙ עַד־מְאֹ֔ד וְאַל־לָעַ֖ד תִּזְכֹּ֣ר עָוֹ֑ן הֵ֥ן הַבֶּט־נָ֖א עַמְּךָ֥ כֻלָּֽנוּ׃ ʾal־tiqetsof yehwah ʿad־meʾod weʾal־laʿad tizekor ʿaon hen habeṭ־naʾ ʿamekha khulanu׃
9 עָרֵ֥י קָדְשְׁךָ֖ הָי֣וּ מִדְבָּ֑ר צִיֹּון֙ מִדְבָּ֣ר הָיָ֔תָה יְרוּשָׁלִַ֖ם שְׁמָמָֽה׃ ʿarey qadeshekha hayu midebar tsiyown midebar hayatah yerushalim shemamah׃
10 בֵּ֧ית קָדְשֵׁ֣נוּ וְתִפְאַרְתֵּ֗נוּ אֲשֶׁ֤ר הִֽלְל֙וּךָ֙ אֲבֹתֵ֔ינוּ הָיָ֖ה לִשְׂרֵ֣פַת אֵ֑שׁ וְכָל־מַחֲמַדֵּ֖ינוּ הָיָ֥ה לְחָרְבָּֽה׃ beyt qadeshenu wetifeʾaretenu ʾasher hilelukha ʾavoteynu hayah liserefat ʾesh wekhal־maḥamadeynu hayah leḥarebah׃
11 הַעַל־אֵ֥לֶּה תִתְאַפַּ֖ק יְהוָ֑ה תֶּחֱשֶׁ֥ה וּתְעַנֵּ֖נוּ עַד־מְאֹֽד׃ ס haʿal־ʾeleh titeʾapaq yehwah teḥesheh uteʿanenu ʿad־meʾod׃ s