Job 31

¹ בְּ֭רִית כָּרַ֣תִּי לְעֵינָ֑י וּמָ֥ה אֶ֝תְבֹּונֵ֗ן עַל־בְּתוּלָֽה׃ beriyt karatiy leʿeynay umah ʾetebownen ʿal־betulah׃

² וּמֶ֤ה ׀ חֵ֣לֶק אֱלֹ֣והַּ מִמָּ֑עַל וְֽנַחֲלַ֥ת דַּ֗י מִמְּרֹמִֽים׃ umeh ׀ ḥeleq ʾelowha mimaʿal wenaḥalat day mimeromiym׃

³ הֲלֹא־אֵ֥יד לְעַוָּ֑ל וְ֝נֵ֗כֶר לְפֹ֣עֲלֵי אָֽוֶן׃ haloʾ־ʾeyd leʿaual wenekher lefoʿaley ʾawen׃

⁴ הֲלֹא־ה֖וּא יִרְאֶ֣ה דְרָכָ֑י וְֽכָל־צְעָדַ֥י יִסְפֹּֽור׃ haloʾ־huʾ yireʾeh derakhay wekhal־tseʿaday yisepowr׃

⁵ אִם־הָלַ֥כְתִּי עִם־שָׁ֑וְא וַתַּ֖חַשׁ עַל־מִרְמָ֣ה רַגְלִֽי׃ ʾim־halakhetiy ʿim־shaweʾ wataḥash ʿal־miremah rageliy׃

⁶ יִשְׁקְלֵ֥נִי בְמֹאזְנֵי־צֶ֑דֶק וְיֵדַ֥ע אֱ֝לֹ֗והַּ תֻּמָּתִֽי׃ yisheqeleniy vemoʾzeney־tsedeq weyedaʿ ʾelowha tumatiy׃

⁷ אִ֥ם תִּטֶּ֣ה אַשֻּׁרִי֮ מִנִּ֪י הַ֫דָּ֥רֶךְ וְאַחַ֣ר עֵ֭ינַי הָלַ֣ךְ לִבִּ֑י וּ֝בְכַפַּ֗י דָּ֣בַק מֻאֽוּם ׃ פ ʾim tiṭeh ʾashuriy miniy hadarekhe weʾaḥar ʿeynay halakhe libiy uvekhapay davaq muʾum ׃ f

⁸ אֶ֭זְרְעָה וְאַחֵ֣ר יֹאכֵ֑ל וְֽצֶאֱצָאַ֥י יְשֹׁרָֽשׁוּ׃ ʾezereʿah weʾaḥer yoʾkhel wetseʾetsaʾay yeshorashu׃

⁹ אִם־נִפְתָּ֣ה לִ֭בִּי עַל־אִשָּׁ֑ה וְעַל־פֶּ֖תַח רֵעִ֣י אָרָֽבְתִּי׃ ʾim־nifetah libiy ʿal־ʾishah weʿal־petaḥ reʿiy ʾaravetiy׃

¹⁰ תִּטְחַ֣ן לְאַחֵ֣ר אִשְׁתִּ֑י וְ֝עָלֶ֗יהָ יִכְרְע֥וּן אֲחֵרִֽין׃ tiṭeḥan leʾaḥer ʾishetiy weʿaleyha yikhereʿun ʾaḥeriyn׃

¹¹ כִּי־ [הוּא כ] (הִ֥יא ק) זִמָּ֑ה [וְהִיא כ] (וְ֝ה֗וּא ק) עָוֹ֥ן פְּלִילִֽים׃ kiy־ [huʾ kh] (hiyʾ q) zimah [wehiyʾ kh] (wehuʾ q) ʿaon peliyliym׃

¹² כִּ֤י אֵ֣שׁ הִ֭יא עַד־אֲבַדֹּ֣ון תֹּאכֵ֑ל וּֽבְכָל־תְּב֖וּאָתִ֣י תְשָׁרֵֽשׁ׃ kiy ʾesh hiyʾ ʿad־ʾavadown toʾkhel uvekhal־tevuʾatiy tesharesh׃

¹³ אִם־אֶמְאַ֗ס מִשְׁפַּ֣ט עַ֭בְדִּי וַאֲמָתִ֑י בְּ֝רִבָ֗ם עִמָּדִֽי׃ ʾim־ʾemeʾas mishepaṭ ʿavediy waʾamatiy berivam ʿimadiy׃

¹⁴ וּמָ֣ה אֶֽ֭עֱשֶׂה כִּֽי־יָק֣וּם אֵ֑ל וְכִֽי־יִ֝פְקֹ֗ד מָ֣ה אֲשִׁיבֶֽנּוּ׃ umah ʾeʿeseh kiy־yaqum ʾel wekhiy־yifeqod mah ʾashiyvenu׃

¹⁵ הֲ‍ֽ֝לֹא־בַ֭בֶּטֶן עֹשֵׂ֣נִי עָשָׂ֑הוּ וַ֝יְכֻנֶ֗נּוּ בָּרֶ֥חֶם אֶחָֽד׃ ה‍loʾ־vabeṭen ʿoseniy ʿasahu wayekhunenu bareḥem ʾeḥad׃

¹⁶ אִם־אֶ֭מְנַע מֵחֵ֣פֶץ דַּלִּ֑ים וְעֵינֵ֖י אַלְמָנָ֣ה אֲכַלֶּֽה׃ ʾim־ʾemenaʿ meḥefets daliym weʿeyney ʾalemanah ʾakhaleh׃

¹⁷ וְאֹכַ֣ל פִּתִּ֣י לְבַדִּ֑י וְלֹא־אָכַ֖ל יָתֹ֣ום מִמֶּֽנָּה׃ weʾokhal pitiy levadiy weloʾ־ʾakhal yatowm mimenah׃

¹⁸ כִּ֣י מִ֭נְּעוּרַי גְּדֵלַ֣נִי כְאָ֑ב וּמִבֶּ֖טֶן אִמִּ֣י אַנְחֶֽנָּה׃ kiy mineʿuray gedelaniy kheʾav umibeṭen ʾimiy ʾaneḥenah׃

¹⁹ אִם־אֶרְאֶ֣ה אֹ֖ובֵד מִבְּלִ֣י לְב֑וּשׁ וְאֵ֥ין כְּ֝ס֗וּת לָאֶבְיֹֽון׃ ʾim־ʾereʾeh ʾowved mibeliy levush weʾeyn kesut laʾeveyown׃

²⁰ אִם־לֹ֣א בֵרֲכ֣וּנִי [חֲלָצֹו כ] (חֲלָצָ֑יו ק) וּמִגֵּ֥ז כְּ֝בָשַׂי יִתְחַמָּֽם׃ ʾim־loʾ verakhuniy [ḥalatsow kh] (ḥalatsayw q) umigez kevasay yiteḥamam׃

²¹ אִם־הֲנִיפֹ֣ותִי עַל־יָתֹ֣ום יָדִ֑י כִּֽי־אֶרְאֶ֥ה בַ֝שַּׁ֗עַר עֶזְרָתִֽי׃ ʾim־haniyfowtiy ʿal־yatowm yadiy kiy־ʾereʾeh vashaʿar ʿezeratiy׃

²² כְּ֭תֵפִי מִשִּׁכְמָ֣ה תִפֹּ֑ול וְ֝אֶזְרֹעִ֗י מִקָּנָ֥ה תִשָּׁבֵֽר׃ ketefiy mishikhemah tipowl weʾezeroʿiy miqanah tishaver׃

²³ כִּ֤י פַ֣חַד אֵ֭לַי אֵ֣יד אֵ֑ל וּ֝מִשְּׂאֵתֹ֗ו לֹ֣א אוּכָֽל׃ kiy faḥad ʾelay ʾeyd ʾel umiseʾetow loʾ ʾukhal׃

²⁴ אִם־שַׂ֣מְתִּי זָהָ֣ב כִּסְלִ֑י וְ֝לַכֶּ֗תֶם אָמַ֥רְתִּי מִבְטַחִֽי׃ ʾim־sametiy zahav kiseliy welaketem ʾamaretiy miveṭaḥiy׃

²⁵ אִם־אֶ֭שְׂמַח כִּי־רַ֣ב חֵילִ֑י וְכִֽי־כַ֝בִּ֗יר מָצְאָ֥ה יָדִֽי׃ ʾim־ʾesemaḥ kiy־rav ḥeyliy wekhiy־khabiyr matseʾah yadiy׃

²⁶ אִם־אֶרְאֶ֣ה אֹ֖ור כִּ֣י יָהֵ֑ל וְ֝יָרֵ֗חַ יָקָ֥ר הֹלֵֽךְ׃ ʾim־ʾereʾeh ʾowr kiy yahel weyareaḥ yaqar holekhe׃

²⁷ וַיִּ֣פְתְּ בַּסֵּ֣תֶר לִבִּ֑י וַתִּשַּׁ֖ק יָדִ֣י לְפִֽי׃ wayifete baseter libiy watishaq yadiy lefiy׃

²⁸ גַּם־ה֖וּא עָוֹ֣ן פְּלִילִ֑י כִּֽי־כִחַ֖שְׁתִּי לָאֵ֣ל מִמָּֽעַל׃ gam־huʾ ʿaon peliyliy kiy־khiḥashetiy laʾel mimaʿal׃

²⁹ אִם־אֶ֭שְׂמַח בְּפִ֣יד מְשַׂנְאִ֑י וְ֝הִתְעֹרַ֗רְתִּי כִּֽי־מְצָ֥אֹו רָֽע׃ ʾim־ʾesemaḥ befiyd mesaneʾiy wehiteʿoraretiy kiy־metsaʾow raʿ׃

³⁰ וְלֹא־נָתַ֣תִּי לַחֲטֹ֣א חִכִּ֑י לִשְׁאֹ֖ל בְּאָלָ֣ה נַפְשֹֽׁו׃ weloʾ־natatiy laḥaṭoʾ ḥikiy lisheʾol beʾalah nafeshow׃

³¹ אִם־לֹ֣א אָ֭מְרוּ מְתֵ֣י אָהֳלִ֑י מִֽי־יִתֵּ֥ן מִ֝בְּשָׂרֹ֗ו לֹ֣א נִשְׂבָּֽע׃ ʾim־loʾ ʾameru metey ʾaholiy miy־yiten mibesarow loʾ nisebaʿ׃

³² בַּ֭חוּץ לֹא־יָלִ֣ין גֵּ֑ר דְּ֝לָתַ֗י לָאֹ֥רַח אֶפְתָּֽח׃ baḥuts loʾ־yaliyn ger delatay laʾoraḥ ʾefetaḥ׃

³³ אִם־כִּסִּ֣יתִי כְאָדָ֣ם פְּשָׁעָ֑י לִטְמֹ֖ון בְּחֻבִּ֣י עֲוֹֽנִי׃ ʾim־kisiytiy kheʾadam peshaʿay liṭemown beḥubiy ʿaoniy׃

³⁴ כִּ֤י אֶֽעֱרֹ֨וץ ׀ הָ֘מֹ֤ון רַבָּ֗ה וּבוּז־מִשְׁפָּחֹ֥ות יְחִתֵּ֑נִי וָ֝אֶדֹּ֗ם לֹא־אֵ֥צֵא פָֽתַח׃ kiy ʾeʿerowts ׀ hamown rabah uvuz־mishepaḥowt yeḥiteniy waʾedom loʾ־ʾetseʾ fataḥ׃

³⁵ מִ֤י יִתֶּן־לִ֨י ׀ שֹׁ֘מֵ֤עַֽ לִ֗י הֶן־תָּ֭וִי שַׁדַּ֣י יַעֲנֵ֑נִי וְסֵ֥פֶר כָּ֝תַ֗ב אִ֣ישׁ רִיבִֽי׃ miy yiten־liy ׀ shomeaʿ liy hen־tawiy shaday yaʿaneniy wesefer katav ʾiysh riyviy׃

³⁶ אִם־לֹ֣א עַלשִׁ֭־כְמִי אֶשָּׂאֶ֑נּוּ אֶֽעֶנְדֶ֖נּוּ עֲטָרֹ֣ות לִֽי׃ ʾim־loʾ ʿalshi־khemiy ʾesaʾenu ʾeʿenedenu ʿaṭarowt liy׃

³⁷ מִסְפַּ֣ר צְ֭עָדַי אַגִּידֶ֑נּוּ כְּמֹו־נָ֝גִ֗יד אֲקָרֲבֶֽנּוּ׃ misepar tseʿaday ʾagiydenu kemow־nagiyd ʾaqaravenu׃

³⁸ אִם־עָ֭לַי אַדְמָתִ֣י תִזְעָ֑ק וְ֝יַ֗חַד תְּלָמֶ֥יהָ יִבְכָּיֽוּן׃ ʾim־ʿalay ʾadematiy tizeʿaq weyaḥad telameyha yivekayun׃

³⁹ אִם־כֹּ֖חָהּ אָכַ֣לְתִּי בְלִי־כָ֑סֶף וְנֶ֖פֶשׁ בְּעָלֶ֣יהָ הִפָּֽחְתִּי׃ ʾim־koḥah ʾakhaletiy veliy־khasef wenefesh beʿaleyha hipaḥetiy׃

⁴⁰ תַּ֤חַת חִטָּ֨ה ׀ יֵ֥צֵא חֹ֗וחַ וְתַֽחַת־שְׂעֹרָ֥ה בָאְשָׁ֑ה תַּ֝֗מּוּ דִּבְרֵ֥י אִיֹּֽוב׃ פ taḥat ḥiṭah ׀ yetseʾ ḥowḥa wetaḥat־seʿorah vaʾeshah tamu diverey ʾiyowv׃ f