1 לְדָוִ֗ד מִ֫זְמֹ֥ור לַֽ֭יהוָה הָאָ֣רֶץ וּמְלֹואָ֑הּ תֵּ֝בֵ֗ל וְיֹ֣שְׁבֵי בָֽהּ׃ ledawid mizemowr layhwah haʾarets umelowʾah tevel weyoshevey vah׃
2 כִּי־ה֖וּא עַל־יַמִּ֣ים יְסָדָ֑הּ וְעַל־נְ֝הָרֹ֗ות יְכֹונְנֶֽהָ׃ kiy־huʾ ʿal־yamiym yesadah weʿal־neharowt yekhowneneah׃
3 מִֽי־יַעֲלֶ֥ה בְהַר־יְהוָ֑ה וּמִי־יָ֝קוּם בִּמְקֹ֥ום קָדְשֹֽׁו׃ miy־yaʿaleh vehar־yehwah umiy־yaqum bimeqowm qadeshow׃
4 נְקִ֥י כַפַּ֗יִם וּֽבַר־לֵ֫בָ֥ב אֲשֶׁ֤ר ׀ לֹא־נָשָׂ֣א לַשָּׁ֣וְא נַפְשִׁ֑י וְלֹ֖א נִשְׁבַּ֣ע לְמִרְמָֽה׃ neqiy khapayim uvar־levav ʾasher ׀ loʾ־nasaʾ lashaweʾ nafeshiy weloʾ nishebaʿ lemiremah׃
5 יִשָּׂ֣א בְ֭רָכָה מֵאֵ֣ת יְהוָ֑ה וּ֝צְדָקָ֗ה מֵאֱלֹהֵ֥י יִשְׁעֹֽו׃ yisaʾ verakhah meʾet yehwah utsedaqah meʾelohey yisheʿow׃
6 זֶ֭ה דֹּ֣ור [דֹּרְשֹׁו כ] (דֹּרְשָׁ֑יו ק) מְבַקְשֵׁ֨י פָנֶ֖יךָ יַעֲקֹ֣ב סֶֽלָה׃ zeh dowr [doreshow kh] (doreshayw q) mevaqeshey faneykha yaʿaqov selah׃
7 שְׂא֤וּ שְׁעָרִ֨ים ׀ רָֽאשֵׁיכֶ֗ם וְֽ֭הִנָּשְׂאוּ פִּתְחֵ֣י עֹולָ֑ם וְ֝יָבֹ֗וא מֶ֣לֶךְ הַכָּבֹֽוד׃ seʾu sheʿariym ׀ raʾsheykhem wehinaseʾu piteḥey ʿowlam weyavowʾ melekhe hakavowd׃
8 מִ֥י זֶה֮ מֶ֤לֶךְ הַכָּ֫בֹ֥וד יְ֭הוָה עִזּ֣וּז וְגִבֹּ֑ור יְ֝הוָ֗ה גִּבֹּ֥ור מִלְחָמָֽה׃ miy zeh melekhe hakavowd yehwah ʿizuz wegibowr yehwah gibowr mileḥamah׃
9 שְׂא֤וּ שְׁעָרִ֨ים ׀ רָֽאשֵׁיכֶ֗ם וּ֭שְׂאוּ פִּתְחֵ֣י עֹולָ֑ם וְ֝יָבֹא מֶ֣לֶךְ הַכָּבֹֽוד׃ seʾu sheʿariym ׀ raʾsheykhem useʾu piteḥey ʿowlam weyavoʾ melekhe hakavowd׃
10 מִ֤י ה֣וּא זֶה֮ מֶ֤לֶךְ הַכָּ֫בֹ֥וד יְהוָ֥ה צְבָאֹ֑ות ה֤וּא מֶ֖לֶךְ הַכָּבֹ֣וד סֶֽלָה׃ miy huʾ zeh melekhe hakavowd yehwah tsevaʾowt huʾ melekhe hakavowd selah׃