Psaumes 145

¹ תְּהִלָּ֗ה לְדָ֫וִ֥ד אֲרֹומִמְךָ֣ אֱלֹוהַ֣י הַמֶּ֑לֶךְ וַאֲבָרֲכָ֥ה מְךָ֗ לְעֹולָ֥ם וָעֶֽד׃ tehilah ledawid ʾarowmimekha ʾelowhay hamelekhe waʾavarakhah mekha leʿowlam waʿed׃

² בְּכָל־יֹ֥ום אֲבָרֲכֶ֑ךָּ וַאֲהַלְלָ֥ה מְךָ֗ לְעֹולָ֥ם וָעֶֽד׃ bekhal־yowm ʾavarakheka waʾahalelah mekha leʿowlam waʿed׃

³ גָּ֘דֹ֤ול יְהוָ֣ה וּמְהֻלָּ֣ל מְאֹ֑ד וְ֝לִגְדֻלָּתֹ֗ו אֵ֣ין חֵֽקֶר׃ gadowl yehwah umehulal meʾod weligedulatow ʾeyn ḥeqer׃

⁴ דֹּ֣ור לְ֭דֹור יְשַׁבַּ֣ח מַעֲשֶׂ֑יךָ וּגְב֖וּרֹתֶ֣יךָ יַגִּֽידוּ׃ dowr ledowr yeshabaḥ maʿaseykha ugevuroteykha yagiydu׃

⁵ הֲ֭דַר כְּבֹ֣וד הֹודֶ֑ךָ וְדִבְרֵ֖י נִפְלְאֹותֶ֣יךָ אָשִֽׂיחָה׃ hadar kevowd howdekha wediverey nifeleʾowteykha ʾasiyḥah׃

⁶ וֶעֱז֣וּז נֹורְאֹתֶ֣יךָ יֹאמֵ֑רוּ [וּגְדוּלֹּתֶיךָ כ] (וּגְדוּלָּתְךָ֥ ק) אֲסַפְּרֶֽנָּה׃ weʿezuz nowreʾoteykha yoʾmeru [ugeduloteykha kh] (ugedulatekha q) ʾasaperenah׃

⁷ זֵ֣כֶר רַב־טוּבְךָ֣ יַבִּ֑יעוּ וְצִדְקָתְךָ֥ יְרַנֵּֽנוּ׃ zekher rav־ṭuvekha yabiyʿu wetsideqatekha yeranenu׃

⁸ חַנּ֣וּן וְרַח֣וּם יְהוָ֑ה אֶ֥רֶךְ אַ֝פַּ֗יִם וּגְדָל־חָֽסֶד׃ ḥanun weraḥum yehwah ʾerekhe ʾapayim ugedal־ḥased׃

⁹ טֹוב־יְהוָ֥ה לַכֹּ֑ל וְ֝רַחֲמָ֗יו עַל־כָּל־מַעֲשָֽׂיו׃ ṭowv־yehwah lakol weraḥamayw ʿal־kal־maʿasayw׃

¹⁰ יֹוד֣וּךָ יְ֭הוָה כָּל־מַעֲשֶׂ֑יךָ וַ֝חֲסִידֶ֗יךָ יְבָרֲכֽוּכָה׃ yowdukha yehwah kal־maʿaseykha waḥasiydeykha yevarakhukhah׃

¹¹ כְּבֹ֣וד מַלְכוּתְךָ֣ יֹאמֵ֑רוּ וּגְבוּרָתְךָ֥ יְדַבֵּֽרוּ׃ kevowd malekhutekha yoʾmeru ugevuratekha yedaberu׃

¹² לְהֹודִ֤יעַ ׀ לִבְנֵ֣י הָ֭אָדָם גְּבוּרֹתָ֑יו וּ֝כְבֹ֗וד הֲדַ֣ר מַלְכוּתֹֽו׃ lehowdiyʿa ׀ liveney haʾadam gevurotayw ukhevowd hadar malekhutow׃

¹³ מַֽלְכוּתְךָ֗ מַלְכ֥וּת כָּל־עֹֽלָמִ֑ים וּ֝מֶֽמְשֶׁלְתְּךָ֗ בְּכָל־דֹּ֥ור וָדֹֽור׃ malekhutekha malekhut kal־ʿolamiym umemesheletekha bekhal־dowr wadowr׃

¹⁴ סֹומֵ֣ךְ יְ֭הוָה לְכָל־הַנֹּפְלִ֑ים וְ֝זֹוקֵ֗ף לְכָל־הַכְּפוּפִֽים׃ sowmekhe yehwah lekhal־hanofeliym wezowqef lekhal־hakefufiym׃

¹⁵ עֵֽינֵי־כֹ֭ל אֵלֶ֣יךָ יְשַׂבֵּ֑רוּ וְאַתָּ֤ה נֹֽותֵן־לָהֶ֖ם אֶת־אָכְלָ֣ם בְּעִתֹּֽו׃ ʿeyney־khol ʾeleykha yesaberu weʾatah nowten־lahem ʾet־ʾakhelam beʿitow׃

¹⁶ פֹּותֵ֥חַ אֶת־יָדֶ֑ךָ וּמַשְׂבִּ֖יעַ לְכָל־חַ֣י רָצֹֽון׃ powteaḥ ʾet־yadekha umasebiyʿa lekhal־ḥay ratsown׃

¹⁷ צַדִּ֣יק יְ֭הוָה בְּכָל־דְּרָכָ֑יו וְ֝חָסִ֗יד בְּכָל־מַעֲשָֽׂיו׃ tsadiyq yehwah bekhal־derakhayw weḥasiyd bekhal־maʿasayw׃

¹⁸ קָרֹ֣וב יְ֭הוָה לְכָל־קֹרְאָ֑יו לְכֹ֤ל אֲשֶׁ֖ר יִקְרָאֻ֣הוּ בֶאֱמֶֽת׃ qarowv yehwah lekhal־qoreʾayw lekhol ʾasher yiqeraʾuhu veʾemet׃

¹⁹ רְצֹון־יְרֵאָ֥יו יַעֲשֶׂ֑ה וְֽאֶת־שַׁוְעָתָ֥ם יִ֝שְׁמַ֗ע וְיֹושִׁיעֵֽם׃ retsown־yereʾayw yaʿaseh weʾet־shaweʿatam yishemaʿ weyowshiyʿem׃

²⁰ שֹׁומֵ֣ר יְ֭הוָה אֶת־כָּל־אֹהֲבָ֑יו וְאֵ֖ת כָּל־הָרְשָׁעִ֣ים יַשְׁמִֽיד׃ showmer yehwah ʾet־kal־ʾohavayw weʾet kal־hareshaʿiym yashemiyd׃

²¹ תְּהִלַּ֥ת יְהוָ֗ה יְֽדַבֶּ֫ר־פִּ֥י וִיבָרֵ֣ךְ כָּל־בָּ֭שָׂר שֵׁ֥ם קָדְשֹׁ֗ו לְעֹולָ֥ם וָעֶֽד׃ tehilat yehwah yedaber־piy wiyvarekhe kal־basar shem qadeshow leʿowlam waʿed׃