Daniel 3

¹ נְבוּכַדְנֶצַּ֣ר מַלְכָּ֗א עֲבַד֙ צְלֵ֣ם דִּֽי־דְהַ֔ב רוּמֵהּ֙ אַמִּ֣ין שִׁתִּ֔ין פְּתָיֵ֖הּ אַמִּ֣ין שִׁ֑ת אֲקִימֵהּ֙ בְּבִקְעַ֣ת דּוּרָ֔א בִּמְדִינַ֖ת בָּבֶֽל׃ nevukhadenetsar malekaʾ ʿavad tselem diy־dehav rumeh ʾamiyn shitiyn petayeh ʾamiyn shit ʾaqiymeh beviqeʿat duraʾ bimediynat bavel׃

² וּנְבוּכַדְנֶצַּ֣ר מַלְכָּ֡א שְׁלַ֡ח לְמִכְנַ֣שׁ ׀ לַֽאֲחַשְׁדַּרְפְּנַיָּ֡א סִגְנַיָּ֣א וּֽפַחֲוָתָ֡א אֲדַרְגָּזְרַיָּא֩ גְדָ֨בְרַיָּ֤א דְּתָבְרַיָּא֙ תִּפְתָּיֵ֔א וְכֹ֖ל שִׁלְטֹנֵ֣י מְדִֽינָתָ֑א לְמֵתֵא֙ לַחֲנֻכַּ֣ת צַלְמָ֔א דִּ֥י הֲקֵ֖ים נְבוּכַדְנֶצַּ֥ר מַלְכָּֽא׃ unevukhadenetsar malekaʾ shelaḥ lemikhenash ׀ laʾaḥashedarepenayaʾ sigenayaʾ ufaḥawataʾ ʾadaregazerayaʾ gedaverayaʾ detaverayaʾ tifetayeʾ wekhol shileṭoney mediynataʾ lemeteʾ laḥanukat tsalemaʾ diy haqeym nevukhadenetsar malekaʾ׃

³ בֵּאדַ֡יִן מִֽתְכַּנְּשִׁ֡ין אֲחַשְׁדַּרְפְּנַיָּ֡א סִגְנַיָּ֣א וּֽפַחֲוָתָ֡א אֲדַרְגָּזְרַיָּ֣א גְדָבְרַיָּא֩ דְּתָ֨בְרַיָּ֜א תִּפְתָּיֵ֗א וְכֹל֙ שִׁלְטֹנֵ֣י מְדִֽינָתָ֔א לַחֲנֻכַּ֣ת צַלְמָ֔א דִּ֥י הֲקֵ֖ים נְבוּכַדְנֶצַּ֣ר מַלְכָּ֑א [וְקָאֲמִין כ] (וְקָֽיְמִין֙ ק) לָקֳבֵ֣ל צַלְמָ֔א דִּ֥י הֲקֵ֖ים נְבוּכַדְנֶצַּֽר׃ beʾdayin mitekaneshiyn ʾaḥashedarepenayaʾ sigenayaʾ ufaḥawataʾ ʾadaregazerayaʾ gedaverayaʾ detaverayaʾ tifetayeʾ wekhol shileṭoney mediynataʾ laḥanukat tsalemaʾ diy haqeym nevukhadenetsar malekaʾ [weqaʾamiyn kh] (weqayemiyn q) laqovel tsalemaʾ diy haqeym nevukhadenetsar׃

⁴ וְכָרֹוזָ֖א קָרֵ֣א בְחָ֑יִל לְכֹ֤ון אָֽמְרִין֙ עַֽמְמַיָּ֔א אֻמַּיָּ֖א וְלִשָּׁנַיָּֽא׃ wekharowzaʾ qareʾ veḥayil lekhown ʾameriyn ʿamemayaʾ ʾumayaʾ welishanayaʾ׃

⁵ בְּעִדָּנָ֡א דִּֽי־תִשְׁמְע֡וּן קָ֣ל קַרְנָ֣א מַ֠שְׁרֹוקִיתָא [קִיתָרֹוס כ] (קַתְרֹ֨וס ק) סַבְּכָ֤א פְּסַנְתֵּרִין֙ סוּמְפֹּ֣נְיָ֔ה וְכֹ֖ל זְנֵ֣י זְמָרָ֑א תִּפְּל֤וּן וְתִסְגְּדוּן֙ לְצֶ֣לֶם דַּהֲבָ֔א דִּ֥י הֲקֵ֖ים נְבוּכַדְנֶצַּ֥ר מַלְכָּֽא׃ beʿidanaʾ diy־tishemeʿun qal qarenaʾ masherowqiytaʾ [qiytarows kh] (qaterows q) sabekhaʾ pesaneteriyn sumeponeyah wekhol zeney zemaraʾ tipelun wetisegedun letselem dahavaʾ diy haqeym nevukhadenetsar malekaʾ׃

⁶ וּמַן־דִּי־לָ֥א יִפֵּ֖ל וְיִסְגֻּ֑ד בַּהּ־שַׁעֲתָ֣א יִתְרְמֵ֔א לְגֹֽוא־אַתּ֥וּן נוּרָ֖א יָקִֽדְתָּֽא׃ uman־diy־laʾ yipel weyisegud bah־shaʿataʾ yiteremeʾ legowʾ־ʾatun nuraʾ yaqidetaʾ׃

⁷ כָּל־קֳבֵ֣ל דְּנָ֡ה בֵּהּ־זִמְנָ֡א כְּדִ֣י שָֽׁמְעִ֣ין כָּֽל־עַמְמַיָּ֡א קָ֣ל קַרְנָא֩ מַשְׁרֹ֨וקִיתָ֜א [קִיתָרֹס כ] (קַתְרֹ֤וס ק) שַׂבְּכָא֙ פְּסַנְטֵרִ֔ין וְכֹ֖ל זְנֵ֣י זְמָרָ֑א נָֽפְלִ֨ין כָּֽל־עַֽמְמַיָּ֜א אֻמַיָּ֣א וְלִשָּׁנַיָּ֗א סָֽגְדִין֙ לְצֶ֣לֶם דַּהֲבָ֔א דִּ֥י הֲקֵ֖ים נְבוּכַדְנֶצַּ֥ר מַלְכָּֽא׃ kal־qovel denah beh־zimenaʾ kediy shameʿiyn kal־ʿamemayaʾ qal qarenaʾ masherowqiytaʾ [qiytaros kh] (qaterows q) sabekhaʾ pesaneṭeriyn wekhol zeney zemaraʾ nafeliyn kal־ʿamemayaʾ ʾumayaʾ welishanayaʾ sagediyn letselem dahavaʾ diy haqeym nevukhadenetsar malekaʾ׃

⁸ כָּל־קֳבֵ֤ל דְּנָה֙ בֵּהּ־זִמְנָ֔א קְרִ֖בוּ גֻּבְרִ֣ין כַּשְׂדָּאִ֑ין וַאֲכַ֥לוּ קַרְצֵיהֹ֖ון דִּ֥י יְהוּדָיֵֽא׃ kal־qovel denah beh־zimenaʾ qerivu guveriyn kasedaʾiyn waʾakhalu qaretseyhown diy yehudayeʾ׃

⁹ עֲנֹו֙ וְאָ֣מְרִ֔ין לִנְבוּכַדְנֶצַּ֖ר מַלְכָּ֑א מַלְכָּ֖א לְעָלְמִ֥ין חֱיִֽי׃ ʿanow weʾameriyn linevukhadenetsar malekaʾ malekaʾ leʿalemiyn ḥeyiy׃

¹⁰ [אַנְתָּה כ] (אַ֣נְתְּ ק) מַלְכָּא֮ שָׂ֣מְתָּ טְּעֵם֒ דִּ֣י כָל־אֱנָ֡שׁ דִּֽי־יִשְׁמַ֡ע קָ֣ל קַרְנָ֣א מַ֠שְׁרֹקִיתָא [קִיתָרֹס כ] (קַתְרֹ֨וס ק) שַׂבְּכָ֤א פְסַנְתֵּרִין֙ [וְסִיפֹּנְיָה כ] (וְסוּפֹּ֣נְיָ֔ה ק) וְכֹ֖ל זְנֵ֣י זְמָרָ֑א יִפֵּ֥ל וְיִסְגֻּ֖ד לְצֶ֥לֶם דַּהֲבָֽא׃ [ʾanetah kh] (ʾanete q) malekaʾ sameta ṭeʿem diy khal־ʾenash diy־yishemaʿ qal qarenaʾ masheroqiytaʾ [qiytaros kh] (qaterows q) sabekhaʾ fesaneteriyn [wesiyponeyah kh] (wesuponeyah q) wekhol zeney zemaraʾ yipel weyisegud letselem dahavaʾ׃

¹¹ וּמַן־דִּי־לָ֥א יִפֵּ֖ל וְיִסְגֻּ֑ד יִתְרְמֵ֕א לְגֹֽוא־אַתּ֥וּן נוּרָ֖א יָקִֽדְתָּֽא׃ uman־diy־laʾ yipel weyisegud yiteremeʾ legowʾ־ʾatun nuraʾ yaqidetaʾ׃

¹² אִיתַ֞י גֻּבְרִ֣ין יְהוּדָאיִ֗ן דִּֽי־מַנִּ֤יתָ יָתְהֹון֙ עַל־עֲבִידַת֙ מְדִינַ֣ת בָּבֶ֔ל שַׁדְרַ֥ךְ מֵישַׁ֖ךְ וַעֲבֵ֣ד נְגֹ֑ו גֻּבְרַיָּ֣א אִלֵּ֗ךְ לָא־שָׂ֨מֽוּ [עֲלַיִךְ כ] (עֲלָ֤ךְ ק) מַלְכָּא֙ טְעֵ֔ם [לֵאלָהַיִךְ כ] (לֵֽאלָהָךְ֙ ק) לָ֣א פָלְחִ֔ין וּלְצֶ֧לֶם דַּהֲבָ֛א דִּ֥י הֲקֵ֖ימְתָּ לָ֥א סָגְדִֽין׃ ס ʾiytay guveriyn yehudaʾyin diy־maniyta yatehown ʿal־ʿaviydat mediynat bavel shaderakhe meyshakhe waʿaved negow guverayaʾ ʾilekhe laʾ־samu [ʿalayikhe kh] (ʿalakhe q) malekaʾ ṭeʿem [leʾlahayikhe kh] (leʾlahakhe q) laʾ faleḥiyn uletselem dahavaʾ diy haqeymeta laʾ sagediyn׃ s

¹³ בֵּאדַ֤יִן נְבוּכַדְנֶצַּר֙ בִּרְגַ֣ז וַחֲמָ֔ה אֲמַר֙ לְהַיְתָיָ֔ה לְשַׁדְרַ֥ךְ מֵישַׁ֖ךְ וַעֲבֵ֣ד נְגֹ֑ו בֵּאדַ֙יִן֙ גֻּבְרַיָּ֣א אִלֵּ֔ךְ הֵיתָ֖יוּ קֳדָ֥ם מַלְכָּֽא׃ beʾdayin nevukhadenetsar biregaz waḥamah ʾamar lehayetayah leshaderakhe meyshakhe waʿaved negow beʾdayin guverayaʾ ʾilekhe heytayu qodam malekaʾ׃

¹⁴ עָנֵ֤ה נְבֻֽכַדְנֶצַּר֙ וְאָמַ֣ר לְהֹ֔ון הַצְדָּ֕א שַׁדְרַ֥ךְ מֵישַׁ֖ךְ וַעֲבֵ֣ד נְגֹ֑ו לֵֽאלָהַ֗י לָ֤א אִֽיתֵיכֹון֙ פָּֽלְחִ֔ין וּלְצֶ֧לֶם דַּהֲבָ֛א דִּ֥י הֲקֵ֖ימֶת לָ֥א סָֽגְדִֽין׃ ʿaneh nevukhadenetsar weʾamar lehown hatsedaʾ shaderakhe meyshakhe waʿaved negow leʾlahay laʾ ʾiyteykhown paleḥiyn uletselem dahavaʾ diy haqeymet laʾ sagediyn׃

¹⁵ כְּעַ֞ן הֵ֧ן אִֽיתֵיכֹ֣ון עֲתִידִ֗ין דִּ֣י בְעִדָּנָ֡א דִּֽי־תִשְׁמְע֡וּן קָ֣ל קַרְנָ֣א מַשְׁרֹוקִיתָ֣א [קִיתָרֹס כ] (קַתְרֹ֣וס ק) שַׂבְּכָ֡א פְּסַנְתֵּרִין֩ וְסוּמְפֹּ֨נְיָ֜ה וְכֹ֣ל ׀ זְנֵ֣י זְמָרָ֗א תִּפְּל֣וּן וְתִסְגְּדוּן֮ לְצַלְמָ֣א דִֽי־עַבְדֵת֒ וְהֵן֙ לָ֣א תִסְגְּד֔וּן בַּהּ־שַׁעֲתָ֣ה תִתְרְמֹ֔ון לְגֹֽוא־אַתּ֥וּן נוּרָ֖א יָקִֽדְתָּ֑א וּמַן־ה֣וּא אֱלָ֔הּ דֵּ֥י יְשֵֽׁיזְבִנְכֹ֖ון מִן־יְדָֽי׃ keʿan hen ʾiyteykhown ʿatiydiyn diy veʿidanaʾ diy־tishemeʿun qal qarenaʾ masherowqiytaʾ [qiytaros kh] (qaterows q) sabekhaʾ pesaneteriyn wesumeponeyah wekhol ׀ zeney zemaraʾ tipelun wetisegedun letsalemaʾ diy־ʿavedet wehen laʾ tisegedun bah־shaʿatah titeremown legowʾ־ʾatun nuraʾ yaqidetaʾ uman־huʾ ʾelah dey yesheyzevinekhown min־yeday׃

¹⁶ עֲנֹ֗ו שַׁדְרַ֤ךְ מֵישַׁךְ֙ וַעֲבֵ֣ד נְגֹ֔ו וְאָמְרִ֖ין לְמַלְכָּ֑א נְבֽוּכַדְנֶצַּ֔ר לָֽא־חַשְׁחִ֨ין אֲנַ֧חְנָה עַל־דְּנָ֛ה פִּתְגָ֖ם לַהֲתָבוּתָֽךְ׃ ʿanow shaderakhe meyshakhe waʿaved negow weʾameriyn lemalekaʾ nevukhadenetsar laʾ־ḥasheḥiyn ʾanaḥenah ʿal־denah pitegam lahatavutakhe׃

¹⁷ הֵ֣ן אִיתַ֗י אֱלָהַ֙נָא֙ דִּֽי־אֲנַ֣חְנָא פָֽלְחִ֔ין יָכִ֖ל לְשֵׁיזָבוּתַ֑נָא מִן־אַתּ֨וּן נוּרָ֧א יָקִֽדְתָּ֛א וּמִן־יְדָ֥ךְ מַלְכָּ֖א יְשֵׁיזִֽב׃ hen ʾiytay ʾelahanaʾ diy־ʾanaḥenaʾ faleḥiyn yakhil lesheyzavutanaʾ min־ʾatun nuraʾ yaqidetaʾ umin־yedakhe malekaʾ yesheyziv׃

¹⁸ וְהֵ֣ן לָ֔א יְדִ֥יעַ לֶהֱוֵא־לָ֖ךְ מַלְכָּ֑א דִּ֤י לֵֽאלָהָיִךְ֙ לָא־ [אִיתַיְנָא כ] (אִיתַ֣נָא ק) פָֽלְחִ֔ין וּלְצֶ֧לֶם דַּהֲבָ֛א דִּ֥י הֲקֵ֖ימְתָּ לָ֥א נִסְגֻּֽד׃ ס wehen laʾ yediyʿa leheweʾ־lakhe malekaʾ diy leʾlahayikhe laʾ־ [ʾiytayenaʾ kh] (ʾiytanaʾ q) faleḥiyn uletselem dahavaʾ diy haqeymeta laʾ nisegud׃ s

¹⁹ בֵּאדַ֨יִן נְבוּכַדְנֶצַּ֜ר הִתְמְלִ֣י חֱמָ֗א וּצְלֵ֤ם אַנְפֹּ֙והִי֙ [אֶשְׁתַּנּוּ כ] (אֶשְׁתַּנִּ֔י ק) עַל־שַׁדְרַ֥ךְ מֵישַׁ֖ךְ וַעֲבֵ֣ד נְגֹ֑ו עָנֵ֤ה וְאָמַר֙ לְמֵזֵ֣א לְאַתּוּנָ֔א חַ֨ד־שִׁבְעָ֔ה עַ֛ל דִּ֥י חֲזֵ֖ה לְמֵזְיֵֽהּ׃ beʾdayin nevukhadenetsar hitemeliy ḥemaʾ utselem ʾanepowhiy [ʾeshetanu kh] (ʾeshetaniy q) ʿal־shaderakhe meyshakhe waʿaved negow ʿaneh weʾamar lemezeʾ leʾatunaʾ ḥad־shiveʿah ʿal diy ḥazeh lemezeyeh׃

²⁰ וּלְגֻבְרִ֤ין גִּבָּֽרֵי־חַ֙יִל֙ דִּ֣י בְחַיְלֵ֔הּ אֲמַר֙ לְכַפָּתָ֔ה לְשַׁדְרַ֥ךְ מֵישַׁ֖ךְ וַעֲבֵ֣ד נְגֹ֑ו לְמִרְמֵ֕א לְאַתּ֥וּן נוּרָ֖א יָקִֽדְתָּֽא׃ uleguveriyn gibarey־ḥayil diy veḥayeleh ʾamar lekhapatah leshaderakhe meyshakhe waʿaved negow lemiremeʾ leʾatun nuraʾ yaqidetaʾ׃

²¹ בֵּאדַ֜יִן גֻּבְרַיָּ֣א אִלֵּ֗ךְ כְּפִ֙תוּ֙ בְּסַרְבָּלֵיהֹון֙ [פַּטִּישֵׁיהֹון כ] (פַּטְּשֵׁיהֹ֔ון ק) וְכַרְבְּלָתְהֹ֖ון וּלְבֻשֵׁיהֹ֑ון וּרְמִ֕יו לְגֹֽוא־אַתּ֥וּן נוּרָ֖א יָקִֽדְתָּֽא׃ beʾdayin guverayaʾ ʾilekhe kefitu besarebaleyhown [paṭiysheyhown kh] (paṭesheyhown q) wekharebelatehown ulevusheyhown uremiyw legowʾ־ʾatun nuraʾ yaqidetaʾ׃

²² כָּל־קֳבֵ֣ל דְּנָ֗ה מִן־דִּ֞י מִלַּ֤ת מַלְכָּא֙ מַחְצְפָ֔ה וְאַתּוּנָ֖א אֵזֵ֣ה יַתִּ֑ירָא גֻּבְרַיָּ֣א אִלֵּ֗ךְ דִּ֤י הַסִּ֙קוּ֙ לְשַׁדְרַ֤ךְ מֵישַׁךְ֙ וַעֲבֵ֣ד נְגֹ֔ו קַטִּ֣ל הִמֹּ֔ון שְׁבִיבָ֖א דִּ֥י נוּרָֽא׃ kal־qovel denah min־diy milat malekaʾ maḥetsefah weʾatunaʾ ʾezeh yatiyraʾ guverayaʾ ʾilekhe diy hasiqu leshaderakhe meyshakhe waʿaved negow qaṭil himown sheviyvaʾ diy nuraʾ׃

²³ וְגֻבְרַיָּ֤א אִלֵּךְ֙ תְּלָ֣תֵּהֹ֔ון שַׁדְרַ֥ךְ מֵישַׁ֖ךְ וַעֲבֵ֣ד נְגֹ֑ו נְפַ֛לוּ לְגֹֽוא־אַתּוּן־נוּרָ֥א יָֽקִדְתָּ֖א מְכַפְּתִֽין׃ פ weguverayaʾ ʾilekhe telatehown shaderakhe meyshakhe waʿaved negow nefalu legowʾ־ʾatun־nuraʾ yaqidetaʾ mekhapetiyn׃ f

²⁴ אֱדַ֙יִן֙ נְבוּכַדְנֶצַּ֣ר מַלְכָּ֔א תְּוַ֖הּ וְקָ֣ם בְּהִתְבְּהָלָ֑ה עָנֵ֨ה וְאָמַ֜ר לְהַדָּֽבְרֹ֗והִי הֲלָא֩ גֻבְרִ֨ין תְּלָתָ֜א רְמֵ֤ינָא לְגֹוא־נוּרָא֙ מְכַפְּתִ֔ין עָנַ֤יִן וְאָמְרִין֙ לְמַלְכָּ֔א יַצִּיבָ֖א מַלְכָּֽא׃ ʾedayin nevukhadenetsar malekaʾ tewah weqam behitebehalah ʿaneh weʾamar lehadaverowhiy halaʾ guveriyn telataʾ remeynaʾ legowʾ־nuraʾ mekhapetiyn ʿanayin weʾameriyn lemalekaʾ yatsiyvaʾ malekaʾ׃

²⁵ עָנֵ֣ה וְאָמַ֗ר הָֽא־אֲנָ֨ה חָזֵ֜ה גֻּבְרִ֣ין אַרְבְּעָ֗ה שְׁרַ֙יִן֙ מַהְלְכִ֣ין בְּגֹֽוא־נוּרָ֔א וַחֲבָ֖ל לָא־אִיתַ֣י בְּהֹ֑ון וְרֵוֵהּ֙ דִּ֣י [רְבִיעָיָא כ] (רְֽבִיעָאָ֔ה ק) דָּמֵ֖ה לְבַר־אֱלָהִֽין׃ ס ʿaneh weʾamar haʾ־ʾanah ḥazeh guveriyn ʾarebeʿah sherayin mahelekhiyn begowʾ־nuraʾ waḥaval laʾ־ʾiytay behown wereweh diy [reviyʿayaʾ kh] (reviyʿaʾah q) dameh levar־ʾelahiyn׃ s

²⁶ בֵּאדַ֜יִן קְרֵ֣ב נְבוּכַדְנֶצַּ֗ר לִתְרַע֮ אַתּ֣וּן נוּרָ֣א יָקִֽדְתָּא֒ עָנֵ֣ה וְאָמַ֗ר שַׁדְרַ֨ךְ מֵישַׁ֧ךְ וַעֲבֵד־נְגֹ֛ו עַבְדֹ֛והִי דִּֽי־אֱלָהָ֥א [עִלָּיָא כ] (עִלָּאָ֖ה ק) פֻּ֣קוּ וֶאֱתֹ֑ו בֵּאדַ֣יִן נָֽפְקִ֗ין שַׁדְרַ֥ךְ מֵישַׁ֛ךְ וַעֲבֵ֥ד נְגֹ֖ו מִן־גֹּ֥וא נוּרָֽא׃ beʾdayin qerev nevukhadenetsar literaʿ ʾatun nuraʾ yaqidetaʾ ʿaneh weʾamar shaderakhe meyshakhe waʿaved־negow ʿavedowhiy diy־ʾelahaʾ [ʿilayaʾ kh] (ʿilaʾah q) puqu weʾetow beʾdayin nafeqiyn shaderakhe meyshakhe waʿaved negow min־gowʾ nuraʾ׃

²⁷ וּ֠מִֽתְכַּנְּשִׁין אֲחַשְׁדַּרְפְּנַיָּ֞א סִגְנַיָּ֣א וּפַחֲוָתָא֮ וְהַדָּבְרֵ֣י מַלְכָּא֒ חָזַ֣יִן לְגֻבְרַיָּ֣א אִלֵּ֡ךְ דִּי֩ לָֽא־שְׁלֵ֨ט נוּרָ֜א בְּגֶשְׁמְהֹ֗ון וּשְׂעַ֤ר רֵֽאשְׁהֹון֙ לָ֣א הִתְחָרַ֔ךְ וְסָרְבָּלֵיהֹ֖ון לָ֣א שְׁנֹ֑ו וְרֵ֣יחַ נ֔וּר לָ֥א עֲדָ֖ת בְּהֹֽון׃ umitekaneshiyn ʾaḥashedarepenayaʾ sigenayaʾ ufaḥawataʾ wehadaverey malekaʾ ḥazayin leguverayaʾ ʾilekhe diy laʾ־sheleṭ nuraʾ begeshemehown useʿar reʾshehown laʾ hiteḥarakhe wesarebaleyhown laʾ shenow wereyḥa nur laʾ ʿadat behown׃

²⁸ עָנֵ֨ה נְבֽוּכַדְנֶצַּ֜ר וְאָמַ֗ר בְּרִ֤יךְ אֱלָהֲהֹון֙ דִּֽי־שַׁדְרַ֤ךְ מֵישַׁךְ֙ וַעֲבֵ֣ד נְגֹ֔ו דִּֽי־שְׁלַ֤ח מַלְאֲכֵהּ֙ וְשֵׁיזִ֣ב לְעַבְדֹ֔והִי דִּ֥י הִתְרְחִ֖צוּ עֲלֹ֑והִי וּמִלַּ֤ת מַלְכָּא֙ שַׁנִּ֔יו וִיהַ֣בוּ [גֶשְׁמֵיהֹון כ] (גֶשְׁמְהֹ֗ון ק) דִּ֠י לָֽא־יִפְלְח֤וּן וְלָֽא־יִסְגְּדוּן֙ לְכָל־אֱלָ֔הּ לָהֵ֖ן לֵאלָֽהֲהֹֽון׃ ʿaneh nevukhadenetsar weʾamar beriykhe ʾelahahown diy־shaderakhe meyshakhe waʿaved negow diy־shelaḥ maleʾakheh wesheyziv leʿavedowhiy diy hitereḥitsu ʿalowhiy umilat malekaʾ shaniyw wiyhavu [geshemeyhown kh] (geshemehown q) diy laʾ־yifeleḥun welaʾ־yisegedun lekhal־ʾelah lahen leʾlahahown׃

²⁹ וּמִנִּי֮ שִׂ֣ים טְעֵם֒ דִּי֩ כָל־עַ֨ם אֻמָּ֜ה וְלִשָּׁ֗ן דִּֽי־יֵאמַ֤ר [שֵׁלָה כ] (שָׁלוּ֙ ק) עַ֣ל אֱלָהֲהֹ֗ון דִּֽי־שַׁדְרַ֤ךְ מֵישַׁךְ֙ וַעֲבֵ֣ד נְגֹ֔וא הַדָּמִ֣ין יִתְעֲבֵ֔ד וּבַיְתֵ֖הּ נְוָלִ֣י יִשְׁתַּוֵּ֑ה כָּל־קֳבֵ֗ל דִּ֣י לָ֤א אִיתַי֙ אֱלָ֣ה אָחֳרָ֔ן דִּֽי־יִכֻּ֥ל לְהַצָּלָ֖ה כִּדְנָֽה׃ uminiy siym ṭeʿem diy khal־ʿam ʾumah welishan diy־yeʾmar [shelah kh] (shalu q) ʿal ʾelahahown diy־shaderakhe meyshakhe waʿaved negowʾ hadamiyn yiteʿaved uvayeteh newaliy yishetaueh kal־qovel diy laʾ ʾiytay ʾelah ʾaḥoran diy־yikul lehatsalah kidenah׃

³⁰ בֵּאדַ֣יִן מַלְכָּ֗א הַצְלַ֛ח לְשַׁדְרַ֥ךְ מֵישַׁ֛ךְ וַעֲבֵ֥ד נְגֹ֖ו בִּמְדִינַ֥ת בָּבֶֽל׃ פ beʾdayin malekaʾ hatselaḥ leshaderakhe meyshakhe waʿaved negow bimediynat bavel׃ f

³¹ נְבוּכַדְנֶצַּ֣ר מַלְכָּ֗א לְֽכָל־עַֽמְמַיָּ֞א אֻמַיָּ֧א וְלִשָּׁנַיָּ֛א דִּֽי־ [דָאֲרִין כ] (דָיְרִ֥ין ק) בְּכָל־אַרְעָ֖א שְׁלָמְכֹ֥ון יִשְׂגֵּֽא׃ nevukhadenetsar malekaʾ lekhal־ʿamemayaʾ ʾumayaʾ welishanayaʾ diy־ [daʾariyn kh] (dayeriyn q) bekhal־ʾareʿaʾ shelamekhown yisegeʾ׃

³² אָֽתַיָּא֙ וְתִמְהַיָּ֔א דִּ֚י עֲבַ֣ד עִמִּ֔י אֱלָהָ֖א [עִלָּיָא כ] (עִלָּאָ֑ה ק) שְׁפַ֥ר קָֽדָמַ֖י לְהַחֲוָיָֽה׃ ʾatayaʾ wetimehayaʾ diy ʿavad ʿimiy ʾelahaʾ [ʿilayaʾ kh] (ʿilaʾah q) shefar qadamay lehaḥawayah׃

³³ אָתֹ֙והִי֙ כְּמָ֣ה רַבְרְבִ֔ין וְתִמְהֹ֖והִי כְּמָ֣ה תַקִּיפִ֑ין מַלְכוּתֵהּ֙ מַלְכ֣וּת עָלַ֔ם וְשָׁלְטָנֵ֖הּ עִם־דָּ֥ר וְדָֽר׃ ʾatowhiy kemah ravereviyn wetimehowhiy kemah taqiyfiyn malekhuteh malekhut ʿalam weshaleṭaneh ʿim־dar wedar׃