Ézéchiel 4

¹ וְאַתָּ֤ה בֶן־אָדָם֙ קַח־לְךָ֣ לְבֵנָ֔ה וְנָתַתָּ֥ה אֹותָ֖הּ לְפָנֶ֑יךָ וְחַקֹּותָ֥ עָלֶ֛יהָ עִ֖יר אֶת־יְרוּשָׁלִָֽם׃ weʾatah ven־ʾadam qaḥ־lekha levenah wenatatah ʾowtah lefaneykha weḥaqowta ʿaleyha ʿiyr ʾet־yerushalim׃

² וְנָתַתָּ֨ה עָלֶ֜יהָ מָצֹ֗ור וּבָנִ֤יתָ עָלֶ֙יהָ֙ דָּיֵ֔ק וְשָׁפַכְתָּ֥ עָלֶ֖יהָ סֹֽלְלָ֑ה וְנָתַתָּ֨ה עָלֶ֧יהָ מַחֲנֹ֛ות וְשִׂים־עָלֶ֥יהָ כָּרִ֖ים סָבִֽיב׃ wenatatah ʿaleyha matsowr uvaniyta ʿaleyha dayeq weshafakheta ʿaleyha solelah wenatatah ʿaleyha maḥanowt wesiym־ʿaleyha kariym saviyv׃

³ וְאַתָּ֤ה קַח־לְךָ֙ מַחֲבַ֣ת בַּרְזֶ֔ל וְנָתַתָּ֤ה אֹותָהּ֙ קִ֣יר בַּרְזֶ֔ל בֵּינְךָ֖ וּבֵ֣ין הָעִ֑יר וַהֲכִינֹתָה֩ אֶת־פָּנֶ֨יךָ אֵלֶ֜יהָ וְהָיְתָ֤ה בַמָּצֹור֙ וְצַרְתָּ֣ עָלֶ֔יהָ אֹ֥ות הִ֖יא לְבֵ֥ית יִשְׂרָאֵֽל׃ ס weʾatah qaḥ־lekha maḥavat barezel wenatatah ʾowtah qiyr barezel beynekha uveyn haʿiyr wahakhiynotah ʾet־paneykha ʾeleyha wehayetah vamatsowr wetsareta ʿaleyha ʾowt hiyʾ leveyt yiseraʾel׃ s

⁴ וְאַתָּ֤ה שְׁכַב֙ עַל־צִדְּךָ֣ הַשְּׂמָאלִ֔י וְשַׂמְתָּ֛ אֶת־עֲוֹ֥ן בֵּֽית־יִשְׂרָאֵ֖ל עָלָ֑יו מִסְפַּ֤ר הַיָּמִים֙ אֲשֶׁ֣ר תִּשְׁכַּ֣ב עָלָ֔יו תִּשָּׂ֖א אֶת־עֲוֹנָֽם׃ weʾatah shekhav ʿal־tsidekha hasemaʾliy wesameta ʾet־ʿaon beyt־yiseraʾel ʿalayw misepar hayamiym ʾasher tishekav ʿalayw tisaʾ ʾet־ʿaonam׃

⁵ וַאֲנִ֗י נָתַ֤תִּֽי לְךָ֙ אֶת־שְׁנֵ֣י עֲוֹנָ֔ם לְמִסְפַּ֣ר יָמִ֔ים שְׁלֹשׁ־מֵאֹ֥ות וְתִשְׁעִ֖ים יֹ֑ום וְנָשָׂ֖אתָ עֲוֹ֥ן בֵּֽית־יִשְׂרָאֵֽל׃ waʾaniy natatiy lekha ʾet־sheney ʿaonam lemisepar yamiym shelosh־meʾowt wetisheʿiym yowm wenasaʾta ʿaon beyt־yiseraʾel׃

⁶ וְכִלִּיתָ֣ אֶת־אֵ֗לֶּה וְשָׁ֨כַבְתָּ֜ עַל־צִדְּךָ֤ [הַיְמֹונִי כ] (הַיְמָנִי֙ ק) שֵׁנִ֔ית וְנָשָׂ֖אתָ אֶת־עֲוֹ֣ן בֵּית־יְהוּדָ֑ה אַרְבָּעִ֣ים יֹ֔ום יֹ֧ום לַשָּׁנָ֛ה יֹ֥ום לַשָּׁנָ֖ה נְתַתִּ֥יו לָֽךְ׃ wekhiliyta ʾet־ʾeleh weshakhaveta ʿal־tsidekha [hayemowniy kh] (hayemaniy q) sheniyt wenasaʾta ʾet־ʿaon beyt־yehudah ʾarebaʿiym yowm yowm lashanah yowm lashanah netatiyw lakhe׃

⁷ וְאֶל־מְצֹ֤ור יְרוּשָׁלִַ֙ם֙ תָּכִ֣ין פָּנֶ֔יךָ וּֽזְרֹעֲךָ֖ חֲשׂוּפָ֑ה וְנִבֵּאתָ֖ עָלֶֽיהָ׃ weʾel־metsowr yerushalim takhiyn paneykha uzeroʿakha ḥasufah wenibeʾta ʿaleyha׃

⁸ וְהִנֵּ֛ה נָתַ֥תִּי עָלֶ֖יךָ עֲבֹותִ֑ים וְלֹֽא־תֵהָפֵ֤ךְ מִֽצִּדְּךָ֙ אֶל־צִדֶּ֔ךָ עַד־כַּלֹּותְךָ֖ יְמֵ֥י מְצוּרֶֽךָ׃ wehineh natatiy ʿaleykha ʿavowtiym weloʾ־tehafekhe mitsidekha ʾel־tsidekha ʿad־kalowtekha yemey metsurekha׃

⁹ וְאַתָּ֣ה קַח־לְךָ֡ חִטִּ֡ין וּ֠שְׂעֹרִים וּפֹ֨ול וַעֲדָשִׁ֜ים וְדֹ֣חַן וְכֻסְּמִ֗ים וְנָתַתָּ֤ה אֹותָם֙ בִּכְלִ֣י אֶחָ֔ד וְעָשִׂ֧יתָ אֹותָ֛ם לְךָ֖ לְלָ֑חֶם מִסְפַּ֨ר הַיָּמִ֜ים אֲשֶׁר־אַתָּ֣ה ׀ שֹׁוכֵ֣ב עַֽל־צִדְּךָ֗ שְׁלֹשׁ־מֵאֹ֧ות וְתִשְׁעִ֛ים יֹ֖ום תֹּאכֲלֶֽנּוּ׃ weʾatah qaḥ־lekha ḥiṭiyn useʿoriym ufowl waʿadashiym wedoḥan wekhusemiym wenatatah ʾowtam bikheliy ʾeḥad weʿasiyta ʾowtam lekha lelaḥem misepar hayamiym ʾasher־ʾatah ׀ showkhev ʿal־tsidekha shelosh־meʾowt wetisheʿiym yowm toʾkhalenu׃

¹⁰ וּמַאֲכָֽלְךָ֙ אֲשֶׁ֣ר תֹּאכֲלֶ֔נּוּ בְּמִשְׁקֹ֕ול עֶשְׂרִ֥ים שֶׁ֖קֶל לַיֹּ֑ום מֵעֵ֥ת עַד־עֵ֖ת תֹּאכֲלֶֽנּוּ׃ umaʾakhalekha ʾasher toʾkhalenu bemisheqowl ʿeseriym sheqel layowm meʿet ʿad־ʿet toʾkhalenu׃

¹¹ וּמַ֛יִם בִּמְשׂוּרָ֥ה תִשְׁתֶּ֖ה שִׁשִּׁ֣ית הַהִ֑ין מֵעֵ֥ת עַד־עֵ֖ת תִּשְׁתֶּֽה׃ umayim bimesurah tisheteh shishiyt hahiyn meʿet ʿad־ʿet tisheteh׃

¹² וְעֻגַ֥ת שְׂעֹרִ֖ים תֹּֽאכֲלֶ֑נָּה וְהִ֗יא בְּגֶֽלְלֵי֙ צֵאַ֣ת הָֽאָדָ֔ם תְּעֻגֶ֖נָה לְעֵינֵיהֶֽם׃ ס weʿugat seʿoriym toʾkhalenah wehiyʾ begeleley tseʾat haʾadam teʿugenah leʿeyneyhem׃ s

¹³ וַיֹּ֣אמֶר יְהוָ֔ה כָּ֣כָה יֹאכְל֧וּ בְנֵֽי־יִשְׂרָאֵ֛ל אֶת־לַחְמָ֖ם טָמֵ֑א בַּגֹּויִ֕ם אֲשֶׁ֥ר אַדִּיחֵ֖ם שָֽׁם׃ wayoʾmer yehwah kakhah yoʾkhelu veney־yiseraʾel ʾet־laḥemam ṭameʾ bagowyim ʾasher ʾadiyḥem sham׃

¹⁴ וָאֹמַ֗ר אֲהָהּ֙ אֲדֹנָ֣י יְהוִ֔ה הִנֵּ֥ה נַפְשִׁ֖י לֹ֣א מְטֻמָּאָ֑ה וּנְבֵלָ֨ה וּטְרֵפָ֤ה לֹֽא־אָכַ֙לְתִּי֙ מִנְּעוּרַ֣י וְעַד־עַ֔תָּה וְלֹא־בָ֥א בְּפִ֖י בְּשַׂ֥ר פִּגּֽוּל׃ ס waʾomar ʾahah ʾadonay yehwih hineh nafeshiy loʾ meṭumaʾah unevelah uṭerefah loʾ־ʾakhaletiy mineʿuray weʿad־ʿatah weloʾ־vaʾ befiy besar pigul׃ s

¹⁵ וַיֹּ֣אמֶר אֵלַ֔י רְאֵ֗ה נָתַ֤תִּֽי לְךָ֙ אֶת־ [צְפוּעֵי כ] (צְפִיעֵ֣י ק) הַבָּקָ֔ר תַּ֖חַת גֶּלְלֵ֣י הָֽאָדָ֑ם וְעָשִׂ֥יתָ אֶֽת־לַחְמְךָ֖ עֲלֵיהֶֽם׃ ס wayoʾmer ʾelay reʾeh natatiy lekha ʾet־ [tsefuʿey kh] (tsefiyʿey q) habaqar taḥat geleley haʾadam weʿasiyta ʾet־laḥemekha ʿaleyhem׃ s

¹⁶ וַיֹּ֣אמֶר אֵלַ֗י בֶּן־אָדָם֙ הִנְנִ֨י שֹׁבֵ֤ר מַטֵּה־לֶ֙חֶם֙ בִּיר֣וּשָׁלִַ֔ם וְאָכְלוּ־לֶ֥חֶם בְּמִשְׁקָ֖ל וּבִדְאָגָ֑ה וּמַ֕יִם בִּמְשׂוּרָ֥ה וּבְשִׁמָּמֹ֖ון יִשְׁתּֽוּ׃ wayoʾmer ʾelay ben־ʾadam hineniy shover maṭeh־leḥem biyrushalim weʾakhelu־leḥem bemisheqal uvideʾagah umayim bimesurah uveshimamown yishetu׃

¹⁷ לְמַ֥עַן יַחְסְר֖וּ לֶ֣חֶם וָמָ֑יִם וְנָשַׁ֙מּוּ֙ אִ֣ישׁ וְאָחִ֔יו וְנָמַ֖קּוּ בַּעֲוֹנָֽם׃ פ lemaʿan yaḥeseru leḥem wamayim wenashamu ʾiysh weʾaḥiyw wenamaqu baʿaonam׃ f