1 וְעָשִׂ֥יתָ מִזְבֵּ֖חַ מִקְטַ֣ר קְטֹ֑רֶת עֲצֵ֥י שִׁטִּ֖ים תַּעֲשֶׂ֥ה אֹתֹֽו׃ weʿasiyta mizebeaḥ miqeṭar qeṭoret ʿatsey shiṭiym taʿaseh ʾotow׃
2 אַמָּ֨ה אָרְכֹּ֜ו וְאַמָּ֤ה רָחְבֹּו֙ רָב֣וּעַ יִהְיֶ֔ה וְאַמָּתַ֖יִם קֹמָתֹ֑ו מִמֶּ֖נּוּ קַרְנֹתָֽיו׃ ʾamah ʾarekow weʾamah raḥebow ravuaʿ yiheyeh weʾamatayim qomatow mimenu qarenotayw׃
3 וְצִפִּיתָ֨ אֹתֹ֜ו זָהָ֣ב טָהֹ֗ור אֶת־גַּגֹּ֧ו וְאֶת־קִירֹתָ֛יו סָבִ֖יב וְאֶת־קַרְנֹתָ֑יו וְעָשִׂ֥יתָ לֹּ֛ו זֵ֥ר זָהָ֖ב סָבִֽיב׃ wetsipiyta ʾotow zahav ṭahowr ʾet־gagow weʾet־qiyrotayw saviyv weʾet־qarenotayw weʿasiyta low zer zahav saviyv׃
4 וּשְׁתֵּי֩ טַבְּעֹ֨ת זָהָ֜ב תַּֽעֲשֶׂה־לֹּ֣ו ׀ מִתַּ֣חַת לְזֵרֹ֗ו עַ֚ל שְׁתֵּ֣י צַלְעֹתָ֔יו תַּעֲשֶׂ֖ה עַל־שְׁנֵ֣י צִדָּ֑יו וְהָיָה֙ לְבָתִּ֣ים לְבַדִּ֔ים לָשֵׂ֥את אֹתֹ֖ו בָּהֵֽמָּה׃ ushetey ṭabeʿot zahav taʿaseh־low ׀ mitaḥat lezerow ʿal shetey tsaleʿotayw taʿaseh ʿal־sheney tsidayw wehayah levatiym levadiym laseʾt ʾotow bahemah׃
5 וְעָשִׂ֥יתָ אֶת־הַבַּדִּ֖ים עֲצֵ֣י שִׁטִּ֑ים וְצִפִּיתָ֥ אֹתָ֖ם זָהָֽב׃ weʿasiyta ʾet־habadiym ʿatsey shiṭiym wetsipiyta ʾotam zahav׃
6 וְנָתַתָּ֤ה אֹתֹו֙ לִפְנֵ֣י הַפָּרֹ֔כֶת אֲשֶׁ֖ר עַל־אֲרֹ֣ן הָעֵדֻ֑ת לִפְנֵ֣י הַכַּפֹּ֗רֶת אֲשֶׁר֙ עַל־הָ֣עֵדֻ֔ת אֲשֶׁ֛ר אִוָּעֵ֥ד לְךָ֖ שָֽׁמָּה׃ wenatatah ʾotow lifeney haparokhet ʾasher ʿal־ʾaron haʿedut lifeney hakaporet ʾasher ʿal־haʿedut ʾasher ʾiuaʿed lekha shamah׃
7 וְהִקְטִ֥יר עָלָ֛יו אַהֲרֹ֖ן קְטֹ֣רֶת סַמִּ֑ים בַּבֹּ֣קֶר בַּבֹּ֗קֶר בְּהֵיטִיבֹ֛ו אֶת־הַנֵּרֹ֖ת יַקְטִירֶֽנָּה׃ wehiqeṭiyr ʿalayw ʾaharon qeṭoret samiym baboqer baboqer beheyṭiyvow ʾet־hanerot yaqeṭiyrenah׃
8 וּבְהַעֲלֹ֨ת אַהֲרֹ֧ן אֶת־הַנֵּרֹ֛ת בֵּ֥ין הָעֲרְבַּ֖יִם יַקְטִירֶ֑נָּה קְטֹ֧רֶת תָּמִ֛יד לִפְנֵ֥י יְהוָ֖ה לְדֹרֹתֵיכֶֽם׃ uvehaʿalot ʾaharon ʾet־hanerot beyn haʿarebayim yaqeṭiyrenah qeṭoret tamiyd lifeney yehwah ledoroteykhem׃
9 לֹא־תַעֲל֥וּ עָלָ֛יו קְטֹ֥רֶת זָרָ֖ה וְעֹלָ֣ה וּמִנְחָ֑ה וְנֵ֕סֶךְ לֹ֥א תִסְּכ֖וּ עָלָֽיו׃ loʾ־taʿalu ʿalayw qeṭoret zarah weʿolah umineḥah wenesekhe loʾ tisekhu ʿalayw׃
10 וְכִפֶּ֤ר אַהֲרֹן֙ עַל־קַרְנֹתָ֔יו אַחַ֖ת בַּשָּׁנָ֑ה מִדַּ֞ם חַטַּ֣את הַכִּפֻּרִ֗ים אַחַ֤ת בַּשָּׁנָה֙ יְכַפֵּ֤ר עָלָיו֙ לְדֹרֹ֣תֵיכֶ֔ם קֹֽדֶשׁ־קָֽדָשִׁ֥ים ה֖וּא לַיהוָֽה׃ פ wekhiper ʾaharon ʿal־qarenotayw ʾaḥat bashanah midam ḥaṭaʾt hakipuriym ʾaḥat bashanah yekhaper ʿalayw ledoroteykhem qodesh־qadashiym huʾ layhwah׃ f
11 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
12 כִּ֣י תִשָּׂ֞א אֶת־רֹ֥אשׁ בְּנֵֽי־יִשְׂרָאֵל֮ לִפְקֻדֵיהֶם֒ וְנָ֨תְנ֜וּ אִ֣ישׁ כֹּ֧פֶר נַפְשֹׁ֛ו לַיהוָ֖ה בִּפְקֹ֣ד אֹתָ֑ם וְלֹא־יִהְיֶ֥ה בָהֶ֛ם נֶ֖גֶף בִּפְקֹ֥ד אֹתָֽם׃ kiy tisaʾ ʾet־roʾsh beney־yiseraʾel lifequdeyhem wenatenu ʾiysh kofer nafeshow layhwah bifeqod ʾotam weloʾ־yiheyeh vahem negef bifeqod ʾotam׃
13 זֶ֣ה ׀ יִתְּנ֗וּ כָּל־הָעֹבֵר֙ עַל־הַפְּקֻדִ֔ים מַחֲצִ֥ית הַשֶּׁ֖קֶל בְּשֶׁ֣קֶל הַקֹּ֑דֶשׁ עֶשְׂרִ֤ים גֵּרָה֙ הַשֶּׁ֔קֶל מַחֲצִ֣ית הַשֶּׁ֔קֶל תְּרוּמָ֖ה לַֽיהוָֽה׃ zeh ׀ yitenu kal־haʿover ʿal־hapequdiym maḥatsiyt hasheqel besheqel haqodesh ʿeseriym gerah hasheqel maḥatsiyt hasheqel terumah layhwah׃
14 כֹּ֗ל הָעֹבֵר֙ עַל־הַפְּקֻדִ֔ים מִבֶּ֛ן עֶשְׂרִ֥ים שָׁנָ֖ה וָמָ֑עְלָה יִתֵּ֖ן תְּרוּמַ֥ת יְהוָֽה׃ kol haʿover ʿal־hapequdiym miben ʿeseriym shanah wamaʿelah yiten terumat yehwah׃
15 הֶֽעָשִׁ֣יר לֹֽא־יַרְבֶּ֗ה וְהַדַּל֙ לֹ֣א יַמְעִ֔יט מִֽמַּחֲצִ֖ית הַשָּׁ֑קֶל לָתֵת֙ אֶת־תְּרוּמַ֣ת יְהוָ֔ה לְכַפֵּ֖ר עַל־נַפְשֹׁתֵיכֶֽם׃ heʿashiyr loʾ־yarebeh wehadal loʾ yameʿiyṭ mimaḥatsiyt hashaqel latet ʾet־terumat yehwah lekhaper ʿal־nafeshoteykhem׃
16 וְלָקַחְתָּ֞ אֶת־כֶּ֣סֶף הַכִּפֻּרִ֗ים מֵאֵת֙ בְּנֵ֣י יִשְׂרָאֵ֔ל וְנָתַתָּ֣ אֹתֹ֔ו עַל־עֲבֹדַ֖ת אֹ֣הֶל מֹועֵ֑ד וְהָיָה֩ לִבְנֵ֨י יִשְׂרָאֵ֤ל לְזִכָּרֹון֙ לִפְנֵ֣י יְהוָ֔ה לְכַפֵּ֖ר עַל־נַפְשֹׁתֵיכֶֽם׃ פ welaqaḥeta ʾet־kesef hakipuriym meʾet beney yiseraʾel wenatata ʾotow ʿal־ʿavodat ʾohel mowʿed wehayah liveney yiseraʾel lezikarown lifeney yehwah lekhaper ʿal־nafeshoteykhem׃ f
17 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
18 וְעָשִׂ֜יתָ כִּיֹּ֥ור נְחֹ֛שֶׁת וְכַנֹּ֥ו נְחֹ֖שֶׁת לְרָחְצָ֑ה וְנָתַתָּ֣ אֹתֹ֗ו בֵּֽין־אֹ֤הֶל מֹועֵד֙ וּבֵ֣ין הַמִּזְבֵּ֔חַ וְנָתַתָּ֥ שָׁ֖מָּה מָֽיִם׃ weʿasiyta kiyowr neḥoshet wekhanow neḥoshet leraḥetsah wenatata ʾotow beyn־ʾohel mowʿed uveyn hamizebeaḥ wenatata shamah mayim׃
19 וְרָחֲצ֛וּ אַהֲרֹ֥ן וּבָנָ֖יו מִמֶּ֑נּוּ אֶת־יְדֵיהֶ֖ם וְאֶת־רַגְלֵיהֶֽם׃ weraḥatsu ʾaharon uvanayw mimenu ʾet־yedeyhem weʾet־rageleyhem׃
20 בְּבֹאָ֞ם אֶל־אֹ֧הֶל מֹועֵ֛ד יִרְחֲצוּ־מַ֖יִם וְלֹ֣א יָמֻ֑תוּ אֹ֣ו בְגִשְׁתָּ֤ם אֶל־הַמִּזְבֵּ֙חַ֙ לְשָׁרֵ֔ת לְהַקְטִ֥יר אִשֶּׁ֖ה לַֽיהוָֽה׃ bevoʾam ʾel־ʾohel mowʿed yireḥatsu־mayim weloʾ yamutu ʾow vegishetam ʾel־hamizebeaḥ lesharet lehaqeṭiyr ʾisheh layhwah׃
21 וְרָחֲצ֛וּ יְדֵיהֶ֥ם וְרַגְלֵיהֶ֖ם וְלֹ֣א יָמֻ֑תוּ וְהָיְתָ֨ה לָהֶ֧ם חָק־עֹולָ֛ם לֹ֥ו וּלְזַרְעֹ֖ו לְדֹרֹתָֽם׃ פ weraḥatsu yedeyhem werageleyhem weloʾ yamutu wehayetah lahem ḥaq־ʿowlam low ulezareʿow ledorotam׃ f
22 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
23 וְאַתָּ֣ה קַח־לְךָ֮ בְּשָׂמִ֣ים רֹאשׁ֒ מָר־דְּרֹור֙ חֲמֵ֣שׁ מֵאֹ֔ות וְקִנְּמָן־בֶּ֥שֶׂם מַחֲצִיתֹ֖ו חֲמִשִּׁ֣ים וּמָאתָ֑יִם וּקְנֵה־בֹ֖שֶׂם חֲמִשִּׁ֥ים וּמָאתָֽיִם׃ weʾatah qaḥ־lekha besamiym roʾsh mar־derowr ḥamesh meʾowt weqineman־besem maḥatsiytow ḥamishiym umaʾtayim uqeneh־vosem ḥamishiym umaʾtayim׃
24 וְקִדָּ֕ה חֲמֵ֥שׁ מֵאֹ֖ות בְּשֶׁ֣קֶל הַקֹּ֑דֶשׁ וְשֶׁ֥מֶן זַ֖יִת הִֽין׃ weqidah ḥamesh meʾowt besheqel haqodesh weshemen zayit hiyn׃
25 וְעָשִׂ֣יתָ אֹתֹ֗ו מֶן מִשְׁחַת־קֹ֔דֶשׁ רֹ֥קַח מִרְקַ֖חַת מַעֲשֵׂ֣ה רֹקֵ֑חַ שֶׁ֥מֶן מִשְׁחַת־קֹ֖דֶשׁ יִהְיֶֽה׃ weʿasiyta ʾotow men misheḥat־qodesh roqaḥ mireqaḥat maʿaseh roqeaḥ shemen misheḥat־qodesh yiheyeh׃
26 וּמָשַׁחְתָּ֥ בֹ֖ו אֶת־אֹ֣הֶל מֹועֵ֑ד וְאֵ֖ת אֲרֹ֥ון הָעֵדֻֽת׃ umashaḥeta vow ʾet־ʾohel mowʿed weʾet ʾarown haʿedut׃
27 וְאֶת־הַשֻּׁלְחָן֙ וְאֶת־כָּל־כֵּלָ֔יו וְאֶת־הַמְּנֹרָ֖ה וְאֶת־כֵּלֶ֑יהָ וְאֵ֖ת מִזְבַּ֥ח הַקְּטֹֽרֶת׃ weʾet־hashuleḥan weʾet־kal־kelayw weʾet־hamenorah weʾet־keleyha weʾet mizebaḥ haqeṭoret׃
28 וְאֶת־מִזְבַּ֥ח הָעֹלָ֖ה וְאֶת־כָּל־כֵּלָ֑יו וְאֶת־הַכִּיֹּ֖ר וְאֶת־כַּנֹּֽו׃ weʾet־mizebaḥ haʿolah weʾet־kal־kelayw weʾet־hakiyor weʾet־kanow׃
29 וְקִדַּשְׁתָּ֣ אֹתָ֔ם וְהָי֖וּ קֹ֣דֶשׁ קָֽדָשִׁ֑ים כָּל־הַנֹּגֵ֥עַ בָּהֶ֖ם יִקְדָּֽשׁ׃ weqidasheta ʾotam wehayu qodesh qadashiym kal־hanogeaʿ bahem yiqedash׃
30 וְאֶת־אַהֲרֹ֥ן וְאֶת־בָּנָ֖יו תִּמְשָׁ֑ח וְקִדַּשְׁתָּ֥ אֹתָ֖ם לְכַהֵ֥ן לִֽי׃ weʾet־ʾaharon weʾet־banayw timeshaḥ weqidasheta ʾotam lekhahen liy׃
31 וְאֶל־בְּנֵ֥י יִשְׂרָאֵ֖ל תְּדַבֵּ֣ר לֵאמֹ֑ר מֶן מִשְׁחַת־קֹ֨דֶשׁ יִהְיֶ֥ה זֶ֛ה לִ֖י לְדֹרֹתֵיכֶֽם׃ weʾel־beney yiseraʾel tedaber leʾmor men misheḥat־qodesh yiheyeh zeh liy ledoroteykhem׃
32 עַל־בְּשַׂ֤ר אָדָם֙ לֹ֣א יִיסָ֔ךְ וּבְמַ֨תְכֻּנְתֹּ֔ו לֹ֥א תַעֲשׂ֖וּ כָּמֹ֑הוּ קֹ֣דֶשׁ ה֔וּא קֹ֖דֶשׁ יִהְיֶ֥ה לָכֶֽם׃ ʿal־besar ʾadam loʾ yiysakhe uvematekunetow loʾ taʿasu kamohu qodesh huʾ qodesh yiheyeh lakhem׃
33 אִ֚ישׁ אֲשֶׁ֣ר יִרְקַ֣ח כָּמֹ֔הוּ וַאֲשֶׁ֥ר יִתֵּ֛ן מִמֶּ֖נּוּ עַל־זָ֑ר וְנִכְרַ֖ת מֵעַמָּֽיו׃ ס ʾiysh ʾasher yireqaḥ kamohu waʾasher yiten mimenu ʿal־zar wenikherat meʿamayw׃ s
34 וַיֹּאמֶר֩ יְהוָ֨ה אֶל־מֹשֶׁ֜ה קַח־לְךָ֣ סַמִּ֗ים נָטָ֤ף ׀ וּשְׁחֵ֙לֶת֙ וְחֶלְבְּנָ֔ה סַמִּ֖ים וּלְבֹנָ֣ה זַכָּ֑ה בַּ֥ד בְּבַ֖ד יִהְיֶֽה׃ wayoʾmer yehwah ʾel־mosheh qaḥ־lekha samiym naṭaf ׀ usheḥelet weḥelebenah samiym ulevonah zakah bad bevad yiheyeh׃
35 וְעָשִׂ֤יתָ אֹתָהּ֙ קְטֹ֔רֶת רֹ֖קַח מַעֲשֵׂ֣ה רֹוקֵ֑חַ מְמֻלָּ֖ח טָהֹ֥ור קֹֽדֶשׁ׃ weʿasiyta ʾotah qeṭoret roqaḥ maʿaseh rowqeaḥ memulaḥ ṭahowr qodesh׃
36 וְשָֽׁחַקְתָּ֣ מִמֶּנָּה֮ הָדֵק֒ וְנָתַתָּ֨ה מִמֶּ֜נָּה לִפְנֵ֤י הָעֵדֻת֙ בְּאֹ֣הֶל מֹועֵ֔ד אֲשֶׁ֛ר אִוָּעֵ֥ד לְךָ֖ שָׁ֑מָּה קֹ֥דֶשׁ קָֽדָשִׁ֖ים תִּהְיֶ֥ה לָכֶֽם׃ weshaḥaqeta mimenah hadeq wenatatah mimenah lifeney haʿedut beʾohel mowʿed ʾasher ʾiuaʿed lekha shamah qodesh qadashiym tiheyeh lakhem׃
37 וְהַקְּטֹ֙רֶת֙ אֲשֶׁ֣ר תַּעֲשֶׂ֔ה בְּמַ֨תְכֻּנְתָּ֔הּ לֹ֥א תַעֲשׂ֖וּ לָכֶ֑ם קֹ֛דֶשׁ תִּהְיֶ֥ה לְךָ֖ לַיהוָֽה׃ wehaqeṭoret ʾasher taʿaseh bematekunetah loʾ taʿasu lakhem qodesh tiheyeh lekha layhwah׃
38 אִ֛ישׁ אֲשֶׁר־יַעֲשֶׂ֥ה כָמֹ֖והָ לְהָרִ֣יחַ בָּ֑הּ וְנִכְרַ֖ת מֵעַמָּֽיו׃ ס ʾiysh ʾasher־yaʿaseh khamowha lehariyḥa bah wenikherat meʿamayw׃ s