Jérémie 46

¹ אֲשֶׁ֨ר הָיָ֧ה דְבַר־יְהוָ֛ה אֶל־יִרְמְיָ֥הוּ הַנָּבִ֖יא עַל־הַגֹּויִֽם׃ ʾasher hayah devar־yehwah ʾel־yiremeyahu hanaviyʾ ʿal־hagowyim׃

² לְמִצְרַ֗יִם עַל־חֵ֨יל פַּרְעֹ֤ה נְכֹו֙ מֶ֣לֶךְ מִצְרַ֔יִם אֲשֶׁר־הָיָ֥ה עַל־נְהַר־פְּרָ֖ת בְּכַרְכְּמִ֑שׁ אֲשֶׁ֣ר הִכָּ֗ה נְבֽוּכַדְרֶאצַּר֙ מֶ֣לֶךְ בָּבֶ֔ל בִּשְׁנַת֙ הָֽרְבִיעִ֔ית לִיהֹויָקִ֥ים בֶּן־יֹאשִׁיָּ֖הוּ מֶ֥לֶךְ יְהוּדָֽה׃ lemitserayim ʿal־ḥeyl pareʿoh nekhow melekhe mitserayim ʾasher־hayah ʿal־nehar־perat bekharekemish ʾasher hikah nevukhadereʾtsar melekhe bavel bishenat hareviyʿiyt liyhowyaqiym ben־yoʾshiyahu melekhe yehudah׃

³ עִרְכ֤וּ מָגֵן֙ וְצִנָּ֔ה וּגְשׁ֖וּ לַמִּלְחָמָֽה׃ ʿirekhu magen wetsinah ugeshu lamileḥamah׃

⁴ אִסְר֣וּ הַסּוּסִ֗ים וַֽעֲלוּ֙ הַפָּ֣רָשִׁ֔ים וְהִֽתְיַצְּב֖וּ בְּכֹ֥ובָעִ֑ים מִרְקוּ֙ הָֽרְמָחִ֔ים לִבְשׁ֖וּ הַסִּרְיֹנֹֽת׃ ʾiseru hasusiym waʿalu haparashiym wehiteyatsevu bekhowvaʿiym mirequ haremaḥiym liveshu hasireyonot׃

⁵ מַדּ֣וּעַ רָאִ֗יתִי הֵ֣מָּה חַתִּים֮ נְסֹגִ֣ים אָחֹור֒ וְגִבֹּורֵיהֶ֣ם יֻכַּ֔תּוּ וּמָנֹ֥וס נָ֖סוּ וְלֹ֣א הִפְנ֑וּ מָגֹ֥ור מִסָּבִ֖יב נְאֻם־יְהוָֽה׃ maduaʿ raʾiytiy hemah ḥatiym nesogiym ʾaḥowr wegibowreyhem yukatu umanows nasu weloʾ hifenu magowr misaviyv neʾum־yehwah׃

⁶ אַל־יָנ֣וּס הַקַּ֔ל וְאַל־יִמָּלֵ֖ט הַגִּבֹּ֑ור צָפֹ֙ונָה֙ עַל־יַ֣ד נְהַר־פְּרָ֔ת כָּשְׁל֖וּ וְנָפָֽלוּ׃ ʾal־yanus haqal weʾal־yimaleṭ hagibowr tsafownah ʿal־yad nehar־perat kashelu wenafalu׃

⁷ מִי־זֶ֖ה כַּיְאֹ֣ר יַֽעֲלֶ֑ה כַּנְּהָרֹ֕ות יִֽתְגָּעֲשׁ֖וּ מֵימָֽיו׃ miy־zeh kayeʾor yaʿaleh kaneharowt yitegaʿashu meymayw׃

⁸ מִצְרַ֙יִם֙ כַּיְאֹ֣ר יַֽעֲלֶ֔ה וְכַנְּהָרֹ֖ות יִתְגֹּ֣עֲשׁוּ מָ֑יִם וַיֹּ֗אמֶר אַֽעֲלֶה֙ אֲכַסֶּה־אֶ֔רֶץ אֹבִ֥ידָה עִ֖יר וְיֹ֥שְׁבֵי בָֽהּ׃ mitserayim kayeʾor yaʿaleh wekhaneharowt yitegoʿashu mayim wayoʾmer ʾaʿaleh ʾakhaseh־ʾerets ʾoviydah ʿiyr weyoshevey vah׃

⁹ עֲל֤וּ הַסּוּסִים֙ וְהִתְהֹלְל֣וּ הָרֶ֔כֶב וְיֵצְא֖וּ הַגִּבֹּורִ֑ים כּ֤וּשׁ וּפוּט֙ תֹּפְשֵׂ֣י מָגֵ֔ן וְלוּדִ֕ים תֹּפְשֵׂ֖י דֹּ֥רְכֵי קָֽשֶׁת׃ ʿalu hasusiym wehiteholelu harekhev weyetseʾu hagibowriym kush ufuṭ tofesey magen weludiym tofesey dorekhey qashet׃

¹⁰ וְֽהַיֹּ֨ום הַה֜וּא לַאדֹנָ֧י יְהוִ֣ה צְבָאֹ֗ות יֹ֤ום נְקָמָה֙ לְהִנָּקֵ֣ם מִצָּרָ֔יו וְאָכְלָ֥ה חֶ֙רֶב֙ וְשָׂ֣בְעָ֔ה וְרָוְתָ֖ה מִדָּמָ֑ם כִּ֣י זֶ֠בַח לַאדֹנָ֨י יְהוִ֧ה צְבָאֹ֛ות בְּאֶ֥רֶץ צָפֹ֖ון אֶל־נְהַר־פְּרָֽת׃ wehayowm hahuʾ laʾdonay yehwih tsevaʾowt yowm neqamah lehinaqem mitsarayw weʾakhelah ḥerev wesaveʿah werawetah midamam kiy zevaḥ laʾdonay yehwih tsevaʾowt beʾerets tsafown ʾel־nehar־perat׃

¹¹ עֲלִ֤י גִלְעָד֙ וּקְחִ֣י צֳרִ֔י בְּתוּלַ֖ת בַּת־מִצְרָ֑יִם לַשָּׁוְא֙ [הִרְבֵּיתִי כ] (הִרְבֵּ֣ית ק) רְפֻאֹ֔ות תְּעָלָ֖ה אֵ֥ין לָֽךְ׃ ʿaliy gileʿad uqeḥiy tsoriy betulat bat־mitserayim lashaweʾ [hirebeytiy kh] (hirebeyt q) refuʾowt teʿalah ʾeyn lakhe׃

¹² שָׁמְע֤וּ גֹויִם֙ קְלֹונֵ֔ךְ וְצִוְחָתֵ֖ךְ מָלְאָ֣ה הָאָ֑רֶץ כִּֽי־גִבֹּ֤ור בְּגִבֹּור֙ כָּשָׁ֔לוּ יַחְדָּ֖יו נָפְל֥וּ שְׁנֵיהֶֽם׃ פ shameʿu gowyim qelownekhe wetsiweḥatekhe maleʾah haʾarets kiy־gibowr begibowr kashalu yaḥedayw nafelu sheneyhem׃ f

¹³ הַדָּבָר֙ אֲשֶׁ֣ר דִּבֶּ֣ר יְהוָ֔ה אֶֽל־יִרְמְיָ֖הוּ הַנָּבִ֑יא לָבֹ֗וא נְבֽוּכַדְרֶאצַּר֙ מֶ֣לֶךְ בָּבֶ֔ל לְהַכֹּ֖ות אֶת־אֶ֥רֶץ מִצְרָֽיִם׃ hadavar ʾasher diber yehwah ʾel־yiremeyahu hanaviyʾ lavowʾ nevukhadereʾtsar melekhe bavel lehakowt ʾet־ʾerets mitserayim׃

¹⁴ הַגִּ֤ידוּ בְמִצְרַ֙יִם֙ וְהַשְׁמִ֣יעוּ בְמִגְדֹּ֔ול וְהַשְׁמִ֥יעוּ בְנֹ֖ף וּבְתַחְפַּנְחֵ֑ס אִמְר֗וּ הִתְיַצֵּב֙ וְהָכֵ֣ן לָ֔ךְ כִּֽי־אָכְלָ֥ה חֶ֖רֶב סְבִיבֶֽיךָ׃ hagiydu vemitserayim wehashemiyʿu vemigedowl wehashemiyʿu venof uvetaḥepaneḥes ʾimeru hiteyatsev wehakhen lakhe kiy־ʾakhelah ḥerev seviyveykha׃

¹⁵ מַדּ֖וּעַ נִסְחַ֣ף אַבִּירֶ֑יךָ לֹ֣א עָמַ֔ד כִּ֥י יְהוָ֖ה הֲדָפֹֽו׃ maduaʿ niseḥaf ʾabiyreykha loʾ ʿamad kiy yehwah hadafow׃

¹⁶ הִרְבָּ֖ה כֹּושֵׁ֑ל גַּם־נָפַ֞ל אִ֣ישׁ אֶל־רֵעֵ֗הוּ וַיֹּֽאמְרוּ֙ ק֣וּמָה ׀ וְנָשֻׁ֣בָה אֶל־עַמֵּ֗נוּ וְאֶל־אֶ֙רֶץ֙ מֹֽולַדְתֵּ֔נוּ מִפְּנֵ֖י חֶ֥רֶב הַיֹּונָֽה׃ hirebah kowshel gam־nafal ʾiysh ʾel־reʿehu wayoʾmeru qumah ׀ wenashuvah ʾel־ʿamenu weʾel־ʾerets mowladetenu mipeney ḥerev hayownah׃

¹⁷ קָרְא֖וּ שָׁ֑ם פַּרְעֹ֤ה מֶֽלֶךְ־מִצְרַ֙יִם֙ שָׁאֹ֔ון הֶעֱבִ֖יר הַמֹּועֵֽד׃ qareʾu sham pareʿoh melekhe־mitserayim shaʾown heʿeviyr hamowʿed׃

¹⁸ חַי־אָ֙נִי֙ נְאֻם־הַמֶּ֔לֶךְ יְהוָ֥ה צְבָאֹ֖ות שְׁמֹ֑ו כִּ֚י כְּתָבֹ֣ור בֶּֽהָרִ֔ים וּכְכַרְמֶ֖ל בַּיָּ֥ם יָבֹֽוא׃ ḥay־ʾaniy neʾum־hamelekhe yehwah tsevaʾowt shemow kiy ketavowr behariym ukhekharemel bayam yavowʾ׃

¹⁹ כְּלֵ֤י גֹולָה֙ עֲשִׂ֣י לָ֔ךְ יֹושֶׁ֖בֶת בַּת־מִצְרָ֑יִם כִּֽי־נֹף֙ לְשַׁמָּ֣ה תִֽהְיֶ֔ה וְנִצְּתָ֖ה מֵאֵ֥ין יֹושֵֽׁב׃ ס keley gowlah ʿasiy lakhe yowshevet bat־mitserayim kiy־nof leshamah tiheyeh wenitsetah meʾeyn yowshev׃ s

²⁰ עֶגְלָ֥ה יְפֵֽה־פִיָּ֖ה מִצְרָ֑יִם קֶ֥רֶץ מִצָּפֹ֖ון בָּ֥א בָֽא׃ ʿegelah yefeh־fiyah mitserayim qerets mitsafown baʾ vaʾ׃

²¹ גַּם־שְׂכִרֶ֤יהָ בְקִרְבָּהּ֙ כְּעֶגְלֵ֣י מַרְבֵּ֔ק כִּֽי־גַם־הֵ֧מָּה הִפְנ֛וּ נָ֥סוּ יַחְדָּ֖יו לֹ֣א עָמָ֑דוּ כִּ֣י יֹ֥ום אֵידָ֛ם בָּ֥א עֲלֵיהֶ֖ם עֵ֥ת פְּקֻדָּתָֽם׃ gam־sekhireyha veqirebah keʿegeley marebeq kiy־gam־hemah hifenu nasu yaḥedayw loʾ ʿamadu kiy yowm ʾeydam baʾ ʿaleyhem ʿet pequdatam׃

²² קֹולָ֖הּ כַּנָּחָ֣שׁ יֵלֵ֑ךְ כִּֽי־בְחַ֣יִל יֵלֵ֔כוּ וּבְקַרְדֻּמֹּות֙ בָּ֣אוּ לָ֔הּ כְּחֹטְבֵ֖י עֵצִֽים׃ qowlah kanaḥash yelekhe kiy־veḥayil yelekhu uveqaredumowt baʾu lah keḥoṭevey ʿetsiym׃

²³ כָּרְת֤וּ יַעְרָהּ֙ נְאֻם־יְהוָ֔ה כִּ֖י לֹ֣א יֵֽחָקֵ֑ר כִּ֤י רַבּוּ֙ מֵֽאַרְבֶּ֔ה וְאֵ֥ין לָהֶ֖ם מִסְפָּֽר׃ karetu yaʿerah neʾum־yehwah kiy loʾ yeḥaqer kiy rabu meʾarebeh weʾeyn lahem misepar׃

²⁴ הֹבִ֖ישָׁה בַּת־מִצְרָ֑יִם נִתְּנָ֖ה בְּיַ֥ד עַם־צָפֹֽון׃ hoviyshah bat־mitserayim nitenah beyad ʿam־tsafown׃

²⁵ אָמַר֩ יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל הִנְנִ֤י פֹוקֵד֙ אֶל־אָמֹ֣ון מִנֹּ֔א וְעַל־פַּרְעֹה֙ וְעַל־מִצְרַ֔יִם וְעַל־אֱלֹהֶ֖יהָ וְעַל־מְלָכֶ֑יהָ וְעַ֨ל־פַּרְעֹ֔ה וְעַ֥ל הַבֹּטְחִ֖ים בֹּֽו׃ ʾamar yehwah tsevaʾowt ʾelohey yiseraʾel hineniy fowqed ʾel־ʾamown minoʾ weʿal־pareʿoh weʿal־mitserayim weʿal־ʾeloheyha weʿal־melakheyha weʿal־pareʿoh weʿal haboṭeḥiym bow׃

²⁶ וּנְתַתִּ֗ים בְּיַד֙ מְבַקְשֵׁ֣י נַפְשָׁ֔ם וּבְיַ֛ד נְבֽוּכַדְרֶאצַּ֥ר מֶֽלֶךְ־בָּבֶ֖ל וּבְיַד־עֲבָדָ֑יו וְאַחֲרֵי־כֵ֛ן תִּשְׁכֹּ֥ן כִּֽימֵי־קֶ֖דֶם נְאֻם־יְהוָֽה׃ ס unetatiym beyad mevaqeshey nafesham uveyad nevukhadereʾtsar melekhe־bavel uveyad־ʿavadayw weʾaḥarey־khen tishekon kiymey־qedem neʾum־yehwah׃ s

²⁷ וְ֠אַתָּה אַל־תִּירָ֞א עַבְדִּ֤י יַֽעֲקֹב֙ וְאַל־תֵּחַ֣ת יִשְׂרָאֵ֔ל כִּ֠י הִנְנִ֤י מֹושִֽׁעֲךָ֙ מֵֽרָחֹ֔וק וְאֶֽת־זַרְעֲךָ֖ מֵאֶ֣רֶץ שִׁבְיָ֑ם וְשָׁ֧ב יַעֲקֹ֛וב וְשָׁקַ֥ט וְשַׁאֲנַ֖ן וְאֵ֥ין מַחֲרִֽיד׃ ס weʾatah ʾal־tiyraʾ ʿavediy yaʿaqov weʾal־teḥat yiseraʾel kiy hineniy mowshiʿakha meraḥowq weʾet־zareʿakha meʾerets shiveyam weshav yaʿaqowv weshaqaṭ weshaʾanan weʾeyn maḥariyd׃ s

²⁸ אַ֠תָּה אַל־תִּירָ֞א עַבְדִּ֤י יַֽעֲקֹב֙ נְאֻם־יְהוָ֔ה כִּ֥י אִתְּךָ֖ אָ֑נִי כִּי֩ אֶעֱשֶׂ֨ה כָלָ֜ה בְּכָֽל־הַגֹּויִ֣ם ׀ אֲשֶׁ֧ר הִדַּחְתִּ֣יךָ שָׁ֗מָּה וְאֹֽתְךָ֙ לֹא־אֶעֱשֶׂ֣ה כָלָ֔ה וְיִסַּרְתִּ֙יךָ֙ לַמִּשְׁפָּ֔ט וְנַקֵּ֖ה לֹ֥א אֲנַקֶּֽךָּ׃ ס ʾatah ʾal־tiyraʾ ʿavediy yaʿaqov neʾum־yehwah kiy ʾitekha ʾaniy kiy ʾeʿeseh khalah bekhal־hagowyim ׀ ʾasher hidaḥetiykha shamah weʾotekha loʾ־ʾeʿeseh khalah weyisaretiykha lamishepaṭ wenaqeh loʾ ʾanaqeka׃ s