1 בְּעֶשְׂרִ֣ים וְחָמֵ֣שׁ שָׁנָ֣ה לְ֠גָלוּתֵנוּ בְּרֹ֨אשׁ הַשָּׁנָ֜ה בֶּעָשֹׂ֣ור לַחֹ֗דֶשׁ בְּאַרְבַּ֤ע עֶשְׂרֵה֙ שָׁנָ֔ה אַחַ֕ר אֲשֶׁ֥ר הֻכְּתָ֖ה הָעִ֑יר בְּעֶ֣צֶם ׀ הַיֹּ֣ום הַזֶּ֗ה הָיְתָ֤ה עָלַי֙ יַד־יְהוָ֔ה וַיָּבֵ֥א אֹתִ֖י שָֽׁמָּה׃ beʿeseriym weḥamesh shanah legalutenu beroʾsh hashanah beʿasowr laḥodesh beʾarebaʿ ʿesereh shanah ʾaḥar ʾasher huketah haʿiyr beʿetsem ׀ hayowm hazeh hayetah ʿalay yad־yehwah wayaveʾ ʾotiy shamah׃
2 בְּמַרְאֹ֣ות אֱלֹהִ֔ים הֱבִיאַ֖נִי אֶל־אֶ֣רֶץ יִשְׂרָאֵ֑ל וַיְנִיחֵ֗נִי אֶל־הַ֤ר גָּבֹ֙הַּ֙ מְאֹ֔ד וְעָלָ֥יו כְּמִבְנֵה־עִ֖יר מִנֶּֽגֶב׃ bemareʾowt ʾelohiym heviyʾaniy ʾel־ʾerets yiseraʾel wayeniyḥeniy ʾel־har gavoah meʾod weʿalayw kemiveneh־ʿiyr minegev׃
3 וַיָּבֵ֨יא אֹותִ֜י שָׁ֗מָּה וְהִנֵּה־אִישׁ֙ מַרְאֵ֙הוּ֙ כְּמַרְאֵ֣ה נְחֹ֔שֶׁת וּפְתִיל־פִּשְׁתִּ֥ים בְּיָדֹ֖ו וּקְנֵ֣ה הַמִּדָּ֑ה וְה֥וּא עֹמֵ֖ד בַּשָּֽׁעַר׃ wayaveyʾ ʾowtiy shamah wehineh־ʾiysh mareʾehu kemareʾeh neḥoshet ufetiyl־pishetiym beyadow uqeneh hamidah wehuʾ ʿomed bashaʿar׃
4 וַיְדַבֵּ֨ר אֵלַ֜י הָאִ֗ישׁ בֶּן־אָדָ֡ם רְאֵ֣ה בְעֵינֶיךָ֩ וּבְאָזְנֶ֨יךָ שְּׁמָ֜ע וְשִׂ֣ים לִבְּךָ֗ לְכֹ֤ל אֲשֶׁר־אֲנִי֙ מַרְאֶ֣ה אֹותָ֔ךְ כִּ֛י לְמַ֥עַן הַרְאֹותְכָ֖ה הֻבָ֣אתָה הֵ֑נָּה הַגֵּ֛ד אֶת־כָּל־אֲשֶׁר־אַתָּ֥ה רֹאֶ֖ה לְבֵ֥ית יִשְׂרָאֵֽל׃ wayedaber ʾelay haʾiysh ben־ʾadam reʾeh veʿeyneykha uveʾazeneykha shemaʿ wesiym libekha lekhol ʾasher־ʾaniy mareʾeh ʾowtakhe kiy lemaʿan hareʾowtekhah huvaʾtah henah haged ʾet־kal־ʾasher־ʾatah roʾeh leveyt yiseraʾel׃
5 וְהִנֵּ֥ה חֹומָ֛ה מִח֥וּץ לַבַּ֖יִת סָבִ֣יב ׀ סָבִ֑יב וּבְיַ֨ד הָאִ֜ישׁ קְנֵ֣ה הַמִּדָּ֗ה שֵׁשׁ־אַמֹּ֤ות בָּֽאַמָּה֙ וָטֹ֔פַח וַיָּ֜מָד אֶת־רֹ֤חַב הַבִּנְיָן֙ קָנֶ֣ה אֶחָ֔ד וְקֹומָ֖ה קָנֶ֥ה אֶחָֽד׃ wehineh ḥowmah miḥuts labayit saviyv ׀ saviyv uveyad haʾiysh qeneh hamidah shesh־ʾamowt baʾamah waṭofaḥ wayamad ʾet־roḥav habineyan qaneh ʾeḥad weqowmah qaneh ʾeḥad׃
6 וַיָּבֹ֗וא אֶל־שַׁ֙עַר֙ אֲשֶׁ֤ר פָּנָיו֙ דֶּ֣רֶךְ הַקָּדִ֔ימָה וַיַּ֖עַל [בְּמַעֲלֹותֹו כ] (בְּמַֽעֲלֹותָ֑יו ק) וַיָּ֣מָד ׀ אֶת־סַ֣ף הַשַּׁ֗עַר קָנֶ֤ה אֶחָד֙ רֹ֔חַב וְאֵת֙ סַ֣ף אֶחָ֔ד קָנֶ֥ה אֶחָ֖ד רֹֽחַב׃ wayavowʾ ʾel־shaʿar ʾasher panayw derekhe haqadiymah wayaʿal [bemaʿalowtow kh] (bemaʿalowtayw q) wayamad ׀ ʾet־saf hashaʿar qaneh ʾeḥad roḥav weʾet saf ʾeḥad qaneh ʾeḥad roḥav׃
7 וְהַתָּ֗א קָנֶ֨ה אֶחָ֥ד אֹ֙רֶךְ֙ וְקָנֶ֤ה אֶחָד֙ רֹ֔חַב וּבֵ֥ין הַתָּאִ֖ים חָמֵ֣שׁ אַמֹּ֑ות וְסַ֣ף הַ֠שַּׁעַר מֵאֵ֨צֶל אוּלָ֥ם הַשַּׁ֛עַר מֵֽהַבַּ֖יִת קָנֶ֥ה אֶחָֽד׃ wehataʾ qaneh ʾeḥad ʾorekhe weqaneh ʾeḥad roḥav uveyn hataʾiym ḥamesh ʾamowt wesaf hashaʿar meʾetsel ʾulam hashaʿar mehabayit qaneh ʾeḥad׃
8 וַיָּ֜מָד אֶת־אֻלָ֥ם הַשַּׁ֛עַר מֵהַבַּ֖יִת קָנֶ֥ה אֶחָֽד׃ wayamad ʾet־ʾulam hashaʿar mehabayit qaneh ʾeḥad׃
9 וַיָּ֜מָד אֶת־אֻלָ֤ם הַשַּׁ֙עַר֙ שְׁמֹנֶ֣ה אַמֹּ֔ות [וְאֵילֹו כ] (וְאֵילָ֖יו ק) שְׁתַּ֣יִם אַמֹּ֑ות וְאֻלָ֥ם הַשַּׁ֖עַר מֵהַבָּֽיִת׃ wayamad ʾet־ʾulam hashaʿar shemoneh ʾamowt [weʾeylow kh] (weʾeylayw q) shetayim ʾamowt weʾulam hashaʿar mehabayit׃
10 וְתָאֵ֨י הַשַּׁ֜עַר דֶּ֣רֶךְ הַקָּדִ֗ים שְׁלֹשָׁ֤ה מִפֹּה֙ וּשְׁלֹשָׁ֣ה מִפֹּ֔ה מִדָּ֥ה אַחַ֖ת לִשְׁלָשְׁתָּ֑ם וּמִדָּ֥ה אַחַ֛ת לָאֵילִ֖ם מִפֹּ֥ה וּמִפֹּֽו׃ wetaʾey hashaʿar derekhe haqadiym sheloshah mipoh usheloshah mipoh midah ʾaḥat lishelashetam umidah ʾaḥat laʾeylim mipoh umipow׃
11 וַיָּ֛מָד אֶת־רֹ֥חַב פֶּֽתַח־הַשַּׁ֖עַר עֶ֣שֶׂר אַמֹּ֑ות אֹ֣רֶךְ הַשַּׁ֔עַר שְׁלֹ֥ושׁ עֶשְׂרֵ֖ה אַמֹּֽות׃ wayamad ʾet־roḥav petaḥ־hashaʿar ʿeser ʾamowt ʾorekhe hashaʿar shelowsh ʿesereh ʾamowt׃
12 וּגְב֞וּל לִפְנֵ֤י הַתָּאֹות֙ אַמָּ֣ה אֶחָ֔ת וְאַמָּה־אַחַ֥ת גְּב֖וּל מִפֹּ֑ה וְהַתָּ֕א שֵׁשׁ־אַמֹּ֣ות מִפֹּ֔ו וְשֵׁ֥שׁ אַמֹּ֖ות מִפֹּֽו׃ ugevul lifeney hataʾowt ʾamah ʾeḥat weʾamah־ʾaḥat gevul mipoh wehataʾ shesh־ʾamowt mipow weshesh ʾamowt mipow׃
13 וַיָּ֣מָד אֶת־הַשַּׁ֗עַר מִגַּ֤ג הַתָּא֙ לְגַגֹּ֔ו רֹ֕חַב עֶשְׂרִ֥ים וְחָמֵ֖שׁ אַמֹּ֑ות פֶּ֖תַח נֶ֥גֶד פָּֽתַח׃ wayamad ʾet־hashaʿar migag hataʾ legagow roḥav ʿeseriym weḥamesh ʾamowt petaḥ neged pataḥ׃
14 וַיַּ֥עַשׂ אֶת־אֵילִ֖ים שִׁשִּׁ֣ים אַמָּ֑ה וְאֶל־אֵיל֙ הֶֽחָצֵ֔ר הַשַּׁ֖עַר סָבִ֥יב ׀ סָבִֽיב׃ wayaʿas ʾet־ʾeyliym shishiym ʾamah weʾel־ʾeyl heḥatser hashaʿar saviyv ׀ saviyv׃
15 וְעַ֗ל פְּנֵי֙ הַשַּׁ֣עַר [הַיֹּאתֹון כ] (הָֽאִיתֹ֔ון ק) עַל־לִפְנֵ֕י אֻלָ֥ם הַשַּׁ֖עַר הַפְּנִימִ֑י חֲמִשִּׁ֖ים אַמָּֽה׃ weʿal peney hashaʿar [hayoʾtown kh] (haʾiytown q) ʿal־lifeney ʾulam hashaʿar hapeniymiy ḥamishiym ʾamah׃
16 וְחַלֹּנֹ֣ות אֲטֻמֹ֣ות אֶֽל־הַתָּאִ֡ים וְאֶל֩ אֵלֵיהֵ֨מָה לִפְנִ֤ימָה לַשַּׁ֙עַר֙ סָבִ֣יב ׀ סָבִ֔יב וְכֵ֖ן לָאֵֽלַמֹּ֑ות וְחַלֹּונֹ֞ות סָבִ֤יב ׀ סָבִיב֙ לִפְנִ֔ימָה וְאֶל־אַ֖יִל תִּמֹרִֽים׃ weḥalonowt ʾaṭumowt ʾel־hataʾiym weʾel ʾeleyhemah lifeniymah lashaʿar saviyv ׀ saviyv wekhen laʾelamowt weḥalownowt saviyv ׀ saviyv lifeniymah weʾel־ʾayil timoriym׃
17 וַיְבִיאֵ֗נִי אֶל־הֶֽחָצֵר֙ הַחִ֣יצֹונָ֔ה וְהִנֵּ֤ה לְשָׁכֹות֙ וְרִֽצְפָ֔ה עָשׂ֥וּי לֶחָצֵ֖ר סָבִ֣יב ׀ סָבִ֑יב שְׁלֹשִׁ֥ים לְשָׁכֹ֖ות אֶל־הָרִֽצְפָֽה׃ wayeviyʾeniy ʾel־heḥatser haḥiytsownah wehineh leshakhowt weritsefah ʿasuy leḥatser saviyv ׀ saviyv sheloshiym leshakhowt ʾel־haritsefah׃
18 וְהָרִֽצְפָה֙ אֶל־כֶּ֣תֶף הַשְּׁעָרִ֔ים לְעֻמַּ֖ת אֹ֣רֶךְ הַשְּׁעָרִ֑ים הָרִֽצְפָ֖ה הַתַּחְתֹּונָֽה׃ weharitsefah ʾel־ketef hasheʿariym leʿumat ʾorekhe hasheʿariym haritsefah hataḥetownah׃
19 וַיָּ֣מָד רֹ֡חַב מִלִּפְנֵי֩ הַשַּׁ֨עַר הַתַּחְתֹּ֜ונָה לִפְנֵ֨י הֶחָצֵ֧ר הַפְּנִימִ֛י מִח֖וּץ מֵאָ֣ה אַמָּ֑ה הַקָּדִ֖ים וְהַצָּפֹֽון׃ wayamad roḥav milifeney hashaʿar hataḥetownah lifeney heḥatser hapeniymiy miḥuts meʾah ʾamah haqadiym wehatsafown׃
20 וְהַשַּׁ֗עַר אֲשֶׁ֤ר פָּנָיו֙ דֶּ֣רֶךְ הַצָּפֹ֔ון לֶחָצֵ֖ר הַחִֽיצֹונָ֑ה מָדַ֥ד אָרְכֹּ֖ו וְרָחְבֹּֽו׃ wehashaʿar ʾasher panayw derekhe hatsafown leḥatser haḥiytsownah madad ʾarekow weraḥebow׃
21 [וְתָאֹו כ] (וְתָאָ֗יו ק) שְׁלֹושָׁ֤ה מִפֹּו֙ וּשְׁלֹשָׁ֣ה מִפֹּ֔ו [וְאֵילֹו כ] (וְאֵילָ֤יו ק) [וְאֵלַמֹּו כ] (וְאֵֽלַמָּיו֙ ק) הָיָ֔ה כְּמִדַּ֖ת הַשַּׁ֣עַר הָרִאשֹׁ֑ון חֲמִשִּׁ֤ים אַמָּה֙ אָרְכֹּ֔ו וְרֹ֕חַב חָמֵ֥שׁ וְעֶשְׂרִ֖ים בָּאַמָּֽה׃ [wetaʾow kh] (wetaʾayw q) shelowshah mipow usheloshah mipow [weʾeylow kh] (weʾeylayw q) [weʾelamow kh] (weʾelamayw q) hayah kemidat hashaʿar hariʾshown ḥamishiym ʾamah ʾarekow weroḥav ḥamesh weʿeseriym baʾamah׃
22 [וְחַלֹּונֹו כ] (וְחַלֹּונָ֤יו ק) [וְאֵלַמֹּו כ] (וְאֵֽלַמָּיו֙ ק) [וְתִמֹרֹו כ] (וְתִ֣מֹרָ֔יו ק) כְּמִדַּ֣ת הַשַּׁ֔עַר אֲשֶׁ֥ר פָּנָ֖יו דֶּ֣רֶךְ הַקָּדִ֑ים וּבְמַעֲלֹ֥ות שֶׁ֙בַע֙ יַֽעֲלוּ־בֹ֔ו [וְאֵילַמֹּו כ] (וְאֵֽילַמָּ֖יו ק) לִפְנֵיהֶֽם׃ [weḥalownow kh] (weḥalownayw q) [weʾelamow kh] (weʾelamayw q) [wetimorow kh] (wetimorayw q) kemidat hashaʿar ʾasher panayw derekhe haqadiym uvemaʿalowt shevaʿ yaʿalu־vow [weʾeylamow kh] (weʾeylamayw q) lifeneyhem׃
23 וְשַׁ֙עַר֙ לֶחָצֵ֣ר הַפְּנִימִ֔י נֶ֣גֶד הַשַּׁ֔עַר לַצָּפֹ֖ון וְלַקָּדִ֑ים וַיָּ֧מָד מִשַּׁ֛עַר אֶל־שַׁ֖עַר מֵאָ֥ה אַמָּֽה׃ weshaʿar leḥatser hapeniymiy neged hashaʿar latsafown welaqadiym wayamad mishaʿar ʾel־shaʿar meʾah ʾamah׃
24 וַיֹּולִכֵ֙נִי֙ דֶּ֣רֶךְ הַדָּרֹ֔ום וְהִנֵּה־שַׁ֖עַר דֶּ֣רֶךְ הַדָּרֹ֑ום וּמָדַ֤ד [אֵילֹו כ] (אֵילָיו֙ ק) [וְאֵילַמֹּו כ] (וְאֵ֣ילַמָּ֔יו ק) כַּמִּדֹּ֖ות הָאֵֽלֶּה׃ wayowlikheniy derekhe hadarowm wehineh־shaʿar derekhe hadarowm umadad [ʾeylow kh] (ʾeylayw q) [weʾeylamow kh] (weʾeylamayw q) kamidowt haʾeleh׃
25 וְחַלֹּונִ֨ים לֹ֤ו [וּלְאֵילַמֹּו כ] (וּלְאֵֽילַמָּיו֙ ק) סָבִ֣יב ׀ סָבִ֔יב כְּהַחֲלֹּנֹ֖ות הָאֵ֑לֶּה חֲמִשִּׁ֤ים אַמָּה֙ אֹ֔רֶךְ וְרֹ֕חַב חָמֵ֥שׁ וְעֶשְׂרִ֖ים אַמָּֽה׃ weḥalowniym low [uleʾeylamow kh] (uleʾeylamayw q) saviyv ׀ saviyv kehaḥalonowt haʾeleh ḥamishiym ʾamah ʾorekhe weroḥav ḥamesh weʿeseriym ʾamah׃
26 וּמַעֲלֹ֤ות שִׁבְעָה֙ [עֹלֹותֹו כ] (עֹֽלֹותָ֔יו ק) [וְאֵלַמֹּו כ] (וְאֵֽלַמָּ֖יו ק) לִפְנֵיהֶ֑ם וְתִמֹרִ֣ים לֹ֗ו אֶחָ֥ד מִפֹּ֛ו וְאֶחָ֥ד מִפֹּ֖ו אֶל־ [אֵילֹו כ] (אֵילָֽיו׃ ק) umaʿalowt shiveʿah [ʿolowtow kh] (ʿolowtayw q) [weʾelamow kh] (weʾelamayw q) lifeneyhem wetimoriym low ʾeḥad mipow weʾeḥad mipow ʾel־ [ʾeylow kh] (ʾeylayw׃ q)
27 וְשַׁ֛עַר לֶחָצֵ֥ר הַפְּנִימִ֖י דֶּ֣רֶךְ הַדָּרֹ֑ום וַיָּ֨מָד מִשַּׁ֧עַר אֶל־הַשַּׁ֛עַר דֶּ֥רֶךְ הַדָּרֹ֖ום מֵאָ֥ה אַמֹּֽות׃ weshaʿar leḥatser hapeniymiy derekhe hadarowm wayamad mishaʿar ʾel־hashaʿar derekhe hadarowm meʾah ʾamowt׃
28 וַיְבִיאֵ֛נִי אֶל־חָצֵ֥ר הַפְּנִימִ֖י בְּשַׁ֣עַר הַדָּרֹ֑ום וַיָּ֙מָד֙ אֶת־הַשַּׁ֣עַר הַדָּרֹ֔ום כַּמִּדֹּ֖ות הָאֵֽלֶּה׃ wayeviyʾeniy ʾel־ḥatser hapeniymiy beshaʿar hadarowm wayamad ʾet־hashaʿar hadarowm kamidowt haʾeleh׃
29 [וְתָאֹו כ] (וְתָאָ֞יו ק) [וְאֵילֹו כ] (וְאֵילָ֤יו ק) [וְאֵלַמֹּו כ] (וְאֵֽלַמָּיו֙ ק) כַּמִּדֹּ֣ות הָאֵ֔לֶּה וְחַלֹּונֹ֥ות לֹ֛ו [וּלְאֵלַמֹּו כ] (וּלְאֵלַמָּ֖יו ק) סָבִ֣יב ׀ סָבִ֑יב חֲמִשִּׁ֤ים אַמָּה֙ אֹ֔רֶךְ וְרֹ֕חַב עֶשְׂרִ֥ים וְחָמֵ֖שׁ אַמֹּֽות׃ [wetaʾow kh] (wetaʾayw q) [weʾeylow kh] (weʾeylayw q) [weʾelamow kh] (weʾelamayw q) kamidowt haʾeleh weḥalownowt low [uleʾelamow kh] (uleʾelamayw q) saviyv ׀ saviyv ḥamishiym ʾamah ʾorekhe weroḥav ʿeseriym weḥamesh ʾamowt׃
30 וְאֵֽלַמֹּ֖ות סָבִ֣יב ׀ סָבִ֑יב אֹ֗רֶךְ חָמֵ֤שׁ וְעֶשְׂרִים֙ אַמָּ֔ה וְרֹ֖חַב חָמֵ֥שׁ אַמֹּֽות׃ weʾelamowt saviyv ׀ saviyv ʾorekhe ḥamesh weʿeseriym ʾamah weroḥav ḥamesh ʾamowt׃
31 וְאֵלַמָּ֗ו אֶל־חָצֵר֙ הַחִ֣צֹונָ֔ה וְתִמֹרִ֖ים אֶל־ [אֵילֹו כ] (אֵילָ֑יו ק) וּמַעֲלֹ֥ות שְׁמֹונֶ֖ה [מַעֲלֹו כ] (מַעֲלָֽיו׃ ק) weʾelamaw ʾel־ḥatser haḥitsownah wetimoriym ʾel־ [ʾeylow kh] (ʾeylayw q) umaʿalowt shemowneh [maʿalow kh] (maʿalayw׃ q)
32 וַיְבִיאֵ֛נִי אֶל־הֶחָצֵ֥ר הַפְּנִימִ֖י דֶּ֣רֶךְ הַקָּדִ֑ים וַיָּ֣מָד אֶת־הַשַּׁ֔עַר כַּמִּדֹּ֖ות הָאֵֽלֶּה׃ wayeviyʾeniy ʾel־heḥatser hapeniymiy derekhe haqadiym wayamad ʾet־hashaʿar kamidowt haʾeleh׃
33 [וְתָאֹו כ] (וְתָאָ֞יו ק) [וְאֵלֹו כ] (וְאֵלָ֤יו ק) [וְאֵלַמֹּו כ] (וְאֵֽלַמָּיו֙ ק) כַּמִּדֹּ֣ות הָאֵ֔לֶּה וְחַלֹּונֹ֥ות לֹ֛ו [וּלְאֵלַמֹּו כ] (וּלְאֵלַמָּ֖יו ק) סָבִ֣יב ׀ סָבִ֑יב אֹ֚רֶךְ חֲמִשִּׁ֣ים אַמָּ֔ה וְרֹ֕חַב חָמֵ֥שׁ וְעֶשְׂרִ֖ים אַמָּֽה׃ [wetaʾow kh] (wetaʾayw q) [weʾelow kh] (weʾelayw q) [weʾelamow kh] (weʾelamayw q) kamidowt haʾeleh weḥalownowt low [uleʾelamow kh] (uleʾelamayw q) saviyv ׀ saviyv ʾorekhe ḥamishiym ʾamah weroḥav ḥamesh weʿeseriym ʾamah׃
34 [וְאֵלַמֹּו כ] (וְאֵלַמָּ֗יו ק) לֶֽחָצֵר֙ הַחִ֣יצֹונָ֔ה וְתִמֹרִ֥ים אֶל־ [אֵלֹו כ] (אֵלָ֖יו ק) מִפֹּ֣ו וּמִפֹּ֑ו וּשְׁמֹנֶ֥ה מַעֲלֹ֖ות [מַעֲלֹו כ] (מַעֲלָֽיו׃ ק) [weʾelamow kh] (weʾelamayw q) leḥatser haḥiytsownah wetimoriym ʾel־ [ʾelow kh] (ʾelayw q) mipow umipow ushemoneh maʿalowt [maʿalow kh] (maʿalayw׃ q)
35 וַיְבִיאֵ֖נִי אֶל־שַׁ֣עַר הַצָּפֹ֑ון וּמָדַ֖ד כַּמִּדֹּ֥ות הָאֵֽלֶּה׃ wayeviyʾeniy ʾel־shaʿar hatsafown umadad kamidowt haʾeleh׃
36 [תָּאֹו כ] (תָּאָיו֙ ק) [אֵלֹו כ] (אֵלָ֣יו ק) [וְאֵלַמֹּו כ] (וְאֵֽלַמָּ֔יו ק) וְחַלֹּונֹ֥ות לֹ֖ו סָבִ֣יב ׀ סָבִ֑יב אֹ֚רֶךְ חֲמִשִּׁ֣ים אַמָּ֔ה וְרֹ֕חַב חָמֵ֥שׁ וְעֶשְׂרִ֖ים אַמָּֽה׃ [taʾow kh] (taʾayw q) [ʾelow kh] (ʾelayw q) [weʾelamow kh] (weʾelamayw q) weḥalownowt low saviyv ׀ saviyv ʾorekhe ḥamishiym ʾamah weroḥav ḥamesh weʿeseriym ʾamah׃
37 [וְאֵילֹו כ] (וְאֵילָ֗יו ק) לֶֽחָצֵר֙ הַחִ֣יצֹונָ֔ה וְתִמֹרִ֥ים אֶל־ [אֵילֹו כ] (אֵילָ֖יו ק) מִפֹּ֣ו וּמִפֹּ֑ו וּשְׁמֹנֶ֥ה מַעֲלֹ֖ות [מַעֲלֹו כ] (מַעֲלָֽיו׃ ק) [weʾeylow kh] (weʾeylayw q) leḥatser haḥiytsownah wetimoriym ʾel־ [ʾeylow kh] (ʾeylayw q) mipow umipow ushemoneh maʿalowt [maʿalow kh] (maʿalayw׃ q)
38 וְלִשְׁכָּ֣ה וּפִתְחָ֔הּ בְּאֵילִ֖ים הַשְּׁעָרִ֑ים שָׁ֖ם יָדִ֥יחוּ אֶת־הָעֹלָֽה׃ welishekah ufiteḥah beʾeyliym hasheʿariym sham yadiyḥu ʾet־haʿolah׃
39 וּבְאֻלָ֣ם הַשַּׁ֗עַר שְׁנַ֤יִם שֻׁלְחָנֹות֙ מִפֹּ֔ו וּשְׁנַ֥יִם שֻׁלְחָנֹ֖ות מִפֹּ֑ה לִשְׁחֹ֤וט אֲלֵיהֶם֙ הָעֹולָ֔ה וְהַחַטָּ֖את וְהָאָשָֽׁם׃ uveʾulam hashaʿar shenayim shuleḥanowt mipow ushenayim shuleḥanowt mipoh lisheḥowṭ ʾaleyhem haʿowlah wehaḥaṭaʾt wehaʾasham׃
40 וְאֶל־הַכָּתֵ֣ף מִח֗וּצָה לָעֹולֶה֙ לְפֶ֙תַח֙ הַשַּׁ֣עַר הַצָּפֹ֔ונָה שְׁנַ֖יִם שֻׁלְחָנֹ֑ות וְאֶל־הַכָּתֵ֣ף הָאַחֶ֗רֶת אֲשֶׁר֙ לְאֻלָ֣ם הַשַּׁ֔עַר שְׁנַ֖יִם שֻׁלְחָנֹֽות׃ weʾel־hakatef miḥutsah laʿowleh lefetaḥ hashaʿar hatsafownah shenayim shuleḥanowt weʾel־hakatef haʾaḥeret ʾasher leʾulam hashaʿar shenayim shuleḥanowt׃
41 אַרְבָּעָ֨ה שֻׁלְחָנֹ֜ות מִפֹּ֗ה וְאַרְבָּעָ֧ה שֻׁלְחָנֹ֛ות מִפֹּ֖ה לְכֶ֣תֶף הַשָּׁ֑עַר שְׁמֹונָ֥ה שֻׁלְחָנֹ֖ות אֲלֵיהֶ֥ם יִשְׁחָֽטוּ׃ ʾarebaʿah shuleḥanowt mipoh weʾarebaʿah shuleḥanowt mipoh lekhetef hashaʿar shemownah shuleḥanowt ʾaleyhem yisheḥaṭu׃
42 וְאַרְבָּעָה֩ שֻׁלְחָנֹ֨ות לָעֹולָ֜ה אַבְנֵ֣י גָזִ֗ית אֹרֶךְ֩ אַמָּ֨ה אַחַ֤ת וָחֵ֙צִי֙ וְרֹ֨חַב אַמָּ֤ה אַחַת֙ וָחֵ֔צִי וְגֹ֖בַהּ אַמָּ֣ה אֶחָ֑ת אֲלֵיהֶ֗ם וְיַנִּ֤יחוּ אֶת־הַכֵּלִים֙ אֲשֶׁ֨ר יִשְׁחֲט֧וּ אֶת־הָעֹולָ֛ה בָּ֖ם וְהַזָּֽבַח׃ weʾarebaʿah shuleḥanowt laʿowlah ʾaveney gaziyt ʾorekhe ʾamah ʾaḥat waḥetsiy weroḥav ʾamah ʾaḥat waḥetsiy wegovah ʾamah ʾeḥat ʾaleyhem weyaniyḥu ʾet־hakeliym ʾasher yisheḥaṭu ʾet־haʿowlah bam wehazavaḥ׃
43 וְהַֽשְׁפַתַּ֗יִם טֹ֧פַח אֶחָ֛ד מוּכָנִ֥ים בַּבַּ֖יִת סָבִ֣יב ׀ סָבִ֑יב וְאֶל־הַשֻּׁלְחָנֹ֖ות בְּשַׂ֥ר הַקָּרְבָֽן׃ wehashefatayim ṭofaḥ ʾeḥad mukhaniym babayit saviyv ׀ saviyv weʾel־hashuleḥanowt besar haqarevan׃
44 וּמִחוּצָה֩ לַשַּׁ֨עַר הַפְּנִימִ֜י לִֽשְׁכֹ֣ות שָׁרִ֗ים בֶּחָצֵ֤ר הַפְּנִימִי֙ אֲשֶׁ֗ר אֶל־כֶּ֙תֶף֙ שַׁ֣עַר הַצָּפֹ֔ון וּפְנֵיהֶ֖ם דֶּ֣רֶךְ הַדָּרֹ֑ום אֶחָ֗ד אֶל־כֶּ֙תֶף֙ שַׁ֣עַר הַקָּדִ֔ים פְּנֵ֖י דֶּ֥רֶךְ הַצָּפֹֽן׃ umiḥutsah lashaʿar hapeniymiy lishekhowt shariym beḥatser hapeniymiy ʾasher ʾel־ketef shaʿar hatsafown ufeneyhem derekhe hadarowm ʾeḥad ʾel־ketef shaʿar haqadiym peney derekhe hatsafon׃
45 וַיְדַבֵּ֖ר אֵלָ֑י זֹ֣ה הַלִּשְׁכָּ֗ה אֲשֶׁ֤ר פָּנֶ֙יהָ֙ דֶּ֣רֶךְ הַדָּרֹ֔ום לַכֹּ֣הֲנִ֔ים שֹׁמְרֵ֖י מִשְׁמֶ֥רֶת הַבָּֽיִת׃ wayedaber ʾelay zoh halishekah ʾasher paneyha derekhe hadarowm lakohaniym shomerey mishemeret habayit׃
46 וְהַלִּשְׁכָּ֗ה אֲשֶׁ֤ר פָּנֶ֙יהָ֙ דֶּ֣רֶךְ הַצָּפֹ֔ון לַכֹּ֣הֲנִ֔ים שֹׁמְרֵ֖י מִשְׁמֶ֣רֶת הַמִּזְבֵּ֑חַ הֵ֣מָּה בְנֵֽי־צָדֹ֗וק הַקְּרֵבִ֧ים מִבְּנֵֽי־לֵוִ֛י אֶל־יְהוָ֖ה לְשָׁרְתֹֽו׃ wehalishekah ʾasher paneyha derekhe hatsafown lakohaniym shomerey mishemeret hamizebeaḥ hemah veney־tsadowq haqereviym mibeney־lewiy ʾel־yehwah lesharetow׃
47 וַיָּ֨מָד אֶת־הֶחָצֵ֜ר אֹ֣רֶךְ ׀ מֵאָ֣ה אַמָּ֗ה וְרֹ֛חַב מֵאָ֥ה אַמָּ֖ה מְרֻבָּ֑עַת וְהַמִּזְבֵּ֖חַ לִפְנֵ֥י הַבָּֽיִת׃ wayamad ʾet־heḥatser ʾorekhe ׀ meʾah ʾamah weroḥav meʾah ʾamah merubaʿat wehamizebeaḥ lifeney habayit׃
48 וַיְבִאֵנִי֮ אֶל־אֻלָ֣ם הַבַּיִת֒ וַיָּ֙מָד֙ אֵ֣ל אֻלָ֔ם חָמֵ֤שׁ אַמֹּות֙ מִפֹּ֔ה וְחָמֵ֥שׁ אַמֹּ֖ות מִפֹּ֑ה וְרֹ֣חַב הַשַּׁ֔עַר שָׁלֹ֤שׁ אַמֹּות֙ מִפֹּ֔ו וְשָׁלֹ֥שׁ אַמֹּ֖ות מִפֹּֽו׃ wayeviʾeniy ʾel־ʾulam habayit wayamad ʾel ʾulam ḥamesh ʾamowt mipoh weḥamesh ʾamowt mipoh weroḥav hashaʿar shalosh ʾamowt mipow weshalosh ʾamowt mipow׃
49 אֹ֣רֶךְ הָאֻלָ֞ם עֶשְׂרִ֣ים אַמָּ֗ה וְרֹ֙חַב֙ עַשְׁתֵּ֣י עֶשְׂרֵ֣ה אַמָּ֔ה וּבַֽמַּעֲלֹ֔ות אֲשֶׁ֥ר יַעֲל֖וּ אֵלָ֑יו וְעַמֻּדִים֙ אֶל־הָ֣אֵילִ֔ים אֶחָ֥ד מִפֹּ֖ה וְאֶחָ֥ד מִפֹּֽה׃ ʾorekhe haʾulam ʿeseriym ʾamah weroḥav ʿashetey ʿesereh ʾamah uvamaʿalowt ʾasher yaʿalu ʾelayw weʿamudiym ʾel־haʾeyliym ʾeḥad mipoh weʾeḥad mipoh׃