1 בִּשְׁנַ֤ת שְׁתַּ֙יִם֙ לְדָרְיָ֣וֶשׁ הַמֶּ֔לֶךְ בַּחֹ֙דֶשׁ֙ הַשִּׁשִּׁ֔י בְּיֹ֥ום אֶחָ֖ד לַחֹ֑דֶשׁ הָיָ֨ה דְבַר־יְהוָ֜ה בְּיַד־חַגַּ֣י הַנָּבִ֗יא אֶל־זְרֻבָּבֶ֤ל בֶּן־שְׁאַלְתִּיאֵל֙ פַּחַ֣ת יְהוּדָ֔ה וְאֶל־יְהֹושֻׁ֧עַ בֶּן־יְהֹוצָדָ֛ק הַכֹּהֵ֥ן הַגָּדֹ֖ול לֵאמֹֽר׃ bishenat shetayim ledareyawesh hamelekhe baḥodesh hashishiy beyowm ʾeḥad laḥodesh hayah devar־yehwah beyad־ḥagay hanaviyʾ ʾel־zerubavel ben־sheʾaletiyʾel paḥat yehudah weʾel־yehowshuaʿ ben־yehowtsadaq hakohen hagadowl leʾmor׃
2 כֹּ֥ה אָמַ֛ר יְהוָ֥ה צְבָאֹ֖ות לֵאמֹ֑ר הָעָ֤ם הַזֶּה֙ אָֽמְר֔וּ לֹ֥א עֶת־בֹּ֛א עֶת־בֵּ֥ית יְהוָ֖ה לְהִבָּנֹֽות׃ פ koh ʾamar yehwah tsevaʾowt leʾmor haʿam hazeh ʾameru loʾ ʿet־boʾ ʿet־beyt yehwah lehibanowt׃ f
3 וַֽיְהִי֙ דְּבַר־יְהוָ֔ה בְּיַד־חַגַּ֥י הַנָּבִ֖יא לֵאמֹֽר׃ wayehiy devar־yehwah beyad־ḥagay hanaviyʾ leʾmor׃
4 הַעֵ֤ת לָכֶם֙ אַתֶּ֔ם לָשֶׁ֖בֶת בְּבָתֵּיכֶ֣ם סְפוּנִ֑ים וְהַבַּ֥יִת הַזֶּ֖ה חָרֵֽב׃ haʿet lakhem ʾatem lashevet bevateykhem sefuniym wehabayit hazeh ḥarev׃
5 וְעַתָּ֕ה כֹּ֥ה אָמַ֖ר יְהוָ֣ה צְבָאֹ֑ות שִׂ֥ימוּ לְבַבְכֶ֖ם עַל־דַּרְכֵיכֶֽם׃ weʿatah koh ʾamar yehwah tsevaʾowt siymu levavekhem ʿal־darekheykhem׃
6 זְרַעְתֶּ֨ם הַרְבֵּ֜ה וְהָבֵ֣א מְעָ֗ט אָכֹ֤ול וְאֵין־לְשָׂבְעָה֙ שָׁתֹ֣ו וְאֵין־לְשָׁכְרָ֔ה לָבֹ֖ושׁ וְאֵין־לְחֹ֣ם לֹ֑ו וְהַ֨מִּשְׂתַּכֵּ֔ר מִשְׂתַּכֵּ֖ר אֶל־צְרֹ֥ור נָקֽוּב׃ פ zeraʿetem harebeh wehaveʾ meʿaṭ ʾakhowl weʾeyn־lesaveʿah shatow weʾeyn־leshakherah lavowsh weʾeyn־leḥom low wehamisetaker misetaker ʾel־tserowr naquv׃ f
7 כֹּ֥ה אָמַ֖ר יְהוָ֣ה צְבָאֹ֑ות שִׂ֥ימוּ לְבַבְכֶ֖ם עַל־דַּרְכֵיכֶֽם׃ koh ʾamar yehwah tsevaʾowt siymu levavekhem ʿal־darekheykhem׃
8 עֲל֥וּ הָהָ֛ר וַהֲבֵאתֶ֥ם עֵ֖ץ וּבְנ֣וּ הַבָּ֑יִת וְאֶרְצֶה־בֹּ֥ו [וְאֶכָּבֵד כ] (וְאֶכָּבְדָ֖ה ק) אָמַ֥ר יְהוָֽה׃ ʿalu hahar wahaveʾtem ʿets uvenu habayit weʾeretseh־bow [weʾekaved kh] (weʾekavedah q) ʾamar yehwah׃
9 פָּנֹ֤ה אֶל־הַרְבֵּה֙ וְהִנֵּ֣ה לִמְעָ֔ט וַהֲבֵאתֶ֥ם הַבַּ֖יִת וְנָפַ֣חְתִּי בֹ֑ו יַ֣עַן מֶ֗ה נְאֻם֙ יְהוָ֣ה צְבָאֹ֔ות יַ֗עַן בֵּיתִי֙ אֲשֶׁר־ה֣וּא חָרֵ֔ב וְאַתֶּ֥ם רָצִ֖ים אִ֥ישׁ לְבֵיתֹֽו׃ panoh ʾel־harebeh wehineh limeʿaṭ wahaveʾtem habayit wenafaḥetiy vow yaʿan meh neʾum yehwah tsevaʾowt yaʿan beytiy ʾasher־huʾ ḥarev weʾatem ratsiym ʾiysh leveytow׃
10 עַל־כֵּ֣ן עֲלֵיכֶ֔ם כָּלְא֥וּ שָׁמַ֖יִם מִטָּ֑ל וְהָאָ֖רֶץ כָּלְאָ֥ה יְבוּלָֽהּ׃ ʿal־ken ʿaleykhem kaleʾu shamayim miṭal wehaʾarets kaleʾah yevulah׃
11 וָאֶקְרָ֨א חֹ֜רֶב עַל־הָאָ֣רֶץ וְעַל־הֶהָרִ֗ים וְעַל־הַדָּגָן֙ וְעַל־הַתִּירֹ֣ושׁ וְעַל־הַיִּצְהָ֔ר וְעַ֛ל אֲשֶׁ֥ר תֹּוצִ֖יא הָאֲדָמָ֑ה וְעַל־הָֽאָדָם֙ וְעַל־הַבְּהֵמָ֔ה וְעַ֖ל כָּל־יְגִ֥יעַ כַּפָּֽיִם׃ ס waʾeqeraʾ ḥorev ʿal־haʾarets weʿal־hehariym weʿal־hadagan weʿal־hatiyrowsh weʿal־hayitsehar weʿal ʾasher towtsiyʾ haʾadamah weʿal־haʾadam weʿal־habehemah weʿal kal־yegiyʿa kapayim׃ s
12 וַיִּשְׁמַ֣ע זְרֻבָּבֶ֣ל ׀ בֶּֽן־שַׁלְתִּיאֵ֡ל וִיהֹושֻׁ֣עַ בֶּן־יְהֹוצָדָק֩ הַכֹּהֵ֨ן הַגָּדֹ֜ול וְכֹ֣ל ׀ שְׁאֵרִ֣ית הָעָ֗ם בְּקֹול֙ יְהוָ֣ה אֱלֹֽהֵיהֶ֔ם וְעַל־דִּבְרֵי֙ חַגַּ֣י הַנָּבִ֔יא כַּאֲשֶׁ֥ר שְׁלָחֹ֖ו יְהוָ֣ה אֱלֹהֵיהֶ֑ם וַיִּֽירְא֥וּ הָעָ֖ם מִפְּנֵ֥י יְהוָֽה׃ wayishemaʿ zerubavel ׀ ben־shaletiyʾel wiyhowshuaʿ ben־yehowtsadaq hakohen hagadowl wekhol ׀ sheʾeriyt haʿam beqowl yehwah ʾeloheyhem weʿal־diverey ḥagay hanaviyʾ kaʾasher shelaḥow yehwah ʾeloheyhem wayiyreʾu haʿam mipeney yehwah׃
13 וַ֠יֹּאמֶר חַגַּ֞י מַלְאַ֧ךְ יְהוָ֛ה בְּמַלְאֲכ֥וּת יְהוָ֖ה לָעָ֣ם לֵאמֹ֑ר אֲנִ֥י אִתְּכֶ֖ם נְאֻם־יְהוָֽה׃ wayoʾmer ḥagay maleʾakhe yehwah bemaleʾakhut yehwah laʿam leʾmor ʾaniy ʾitekhem neʾum־yehwah׃
14 וַיָּ֣עַר יְהוָ֡ה אֶת־רוּחַ֩ זְרֻבָּבֶ֨ל בֶּן־שַׁלְתִּיאֵ֜ל פַּחַ֣ת יְהוּדָ֗ה וְאֶת־ר֙וּחַ֙ יְהֹושֻׁ֤עַ בֶּן־יְהֹוצָדָק֙ הַכֹּהֵ֣ן הַגָּדֹ֔ול וְֽאֶת־ר֔וּחַ כֹּ֖ל שְׁאֵרִ֣ית הָעָ֑ם וַיָּבֹ֙אוּ֙ וַיַּעֲשׂ֣וּ מְלָאכָ֔ה בְּבֵית־יְהוָ֥ה צְבָאֹ֖ות אֱלֹהֵיהֶֽם׃ פ wayaʿar yehwah ʾet־ruaḥ zerubavel ben־shaletiyʾel paḥat yehudah weʾet־ruaḥ yehowshuaʿ ben־yehowtsadaq hakohen hagadowl weʾet־ruaḥ kol sheʾeriyt haʿam wayavoʾu wayaʿasu melaʾkhah beveyt־yehwah tsevaʾowt ʾeloheyhem׃ f
15 בְּיֹ֨ום עֶשְׂרִ֧ים וְאַרְבָּעָ֛ה לַחֹ֖דֶשׁ בַּשִּׁשִּׁ֑י בִּשְׁנַ֥ת שְׁתַּ֖יִם לְדָרְיָ֥וֶשׁ הַמֶּֽלֶךְ׃ beyowm ʿeseriym weʾarebaʿah laḥodesh bashishiy bishenat shetayim ledareyawesh hamelekhe׃