2 Samuel 22

¹ וַיְדַבֵּ֤ר דָּוִד֙ לַֽיהוָ֔ה אֶת־דִּבְרֵ֖י הַשִּׁירָ֣ה הַזֹּ֑את בְּיֹום֩ הִצִּ֨יל יְהוָ֥ה אֹתֹ֛ו מִכַּ֥ף כָּל־אֹיְבָ֖יו וּמִכַּ֥ף שָׁאֽוּל׃ wayedaber dawid layhwah ʾet־diverey hashiyrah hazoʾt beyowm hitsiyl yehwah ʾotow mikaf kal־ʾoyevayw umikaf shaʾul׃

² וַיֹּאמַ֑ר יְהוָ֛ה סַֽלְעִ֥י וּמְצֻדָתִ֖י וּמְפַלְטִי־לִֽי׃ wayoʾmar yehwah saleʿiy umetsudatiy umefaleṭiy־liy׃

³ אֱלֹהֵ֥י צוּרִ֖י אֶחֱסֶה־בֹּ֑ו מָגִנִּ֞י וְקֶ֣רֶן יִשְׁעִ֗י מִשְׂגַּבִּי֙ וּמְנוּסִ֔י מֹשִׁעִ֕י מֵחָמָ֖ס תֹּשִׁעֵֽנִי׃ ʾelohey tsuriy ʾeḥeseh־bow maginiy weqeren yisheʿiy misegabiy umenusiy moshiʿiy meḥamas toshiʿeniy׃

⁴ מְהֻלָּ֖ל אֶקְרָ֣א יְהוָ֑ה וּמֵאֹיְבַ֖י אִוָּשֵֽׁעַ׃ mehulal ʾeqeraʾ yehwah umeʾoyevay ʾiuasheaʿ׃

⁵ כִּ֥י אֲפָפֻ֖נִי מִשְׁבְּרֵי־מָ֑וֶת נַחֲלֵ֥י בְלִיַּ֖עַל יְבַעֲתֻֽנִי׃ kiy ʾafafuniy misheberey־mawet naḥaley veliyaʿal yevaʿatuniy׃

⁶ חֶבְלֵ֥י שְׁאֹ֖ול סַבֻּ֑נִי קִדְּמֻ֖נִי מֹֽקְשֵׁי־מָֽוֶת׃ ḥeveley sheʾowl sabuniy qidemuniy moqeshey־mawet׃

⁷ בַּצַּר־לִי֙ אֶקְרָ֣א יְהוָ֔ה וְאֶל־אֱלֹהַ֖י אֶקְרָ֑א וַיִּשְׁמַ֤ע מֵהֵֽיכָלֹו֙ קֹולִ֔י וְשַׁוְעָתִ֖י בְּאָזְנָֽיו׃ batsar־liy ʾeqeraʾ yehwah weʾel־ʾelohay ʾeqeraʾ wayishemaʿ meheykhalow qowliy weshaweʿatiy beʾazenayw׃

⁸ [וַתְגָּעַשׁ כ] (וַיִּתְגָּעַ֤שׁ ק) וַתִּרְעַשׁ֙ הָאָ֔רֶץ מֹוסְדֹ֥ות הַשָּׁמַ֖יִם יִרְגָּ֑זוּ וַיִּֽתְגָּעֲשׁ֖וּ כִּֽי־חָ֥רָה לֹֽו׃ [wategaʿash kh] (wayitegaʿash q) watireʿash haʾarets mowsedowt hashamayim yiregazu wayitegaʿashu kiy־ḥarah low׃

⁹ עָלָ֤ה עָשָׁן֙ בְּאַפֹּ֔ו וְאֵ֥שׁ מִפִּ֖יו תֹּאכֵ֑ל גֶּחָלִ֖ים בָּעֲר֥וּ מִמֶּֽנּוּ׃ ʿalah ʿashan beʾapow weʾesh mipiyw toʾkhel geḥaliym baʿaru mimenu׃

¹⁰ וַיֵּ֥ט שָׁמַ֖יִם וַיֵּרַ֑ד וַעֲרָפֶ֖ל תַּ֥חַת רַגְלָֽיו׃ wayeṭ shamayim wayerad waʿarafel taḥat ragelayw׃

¹¹ וַיִּרְכַּ֥ב עַל־כְּר֖וּב וַיָּעֹ֑ף וַיֵּרָ֖א עַל־כַּנְפֵי־רֽוּחַ׃ wayirekav ʿal־keruv wayaʿof wayeraʾ ʿal־kanefey־ruaḥ׃

¹² וַיָּ֥שֶׁת חֹ֛שֶׁךְ סְבִיבֹתָ֖יו סֻכֹּ֑ות חַֽשְׁרַת־מַ֖יִם עָבֵ֥י שְׁחָקִֽים׃ wayashet ḥoshekhe seviyvotayw sukowt ḥasherat־mayim ʿavey sheḥaqiym׃

¹³ מִנֹּ֖גַהּ נֶגְדֹּ֑ו בָּעֲר֖וּ גַּחֲלֵי־אֵֽשׁ׃ minogah negedow baʿaru gaḥaley־ʾesh׃

¹⁴ יַרְעֵ֥ם מִן־שָׁמַ֖יִם יְהוָ֑ה וְעֶלְיֹ֖ון יִתֵּ֥ן קֹולֹֽו׃ yareʿem min־shamayim yehwah weʿeleyown yiten qowlow׃

¹⁵ וַיִּשְׁלַ֥ח חִצִּ֖ים וַיְפִיצֵ֑ם בָּרָ֖ק [וַיְּהֻמֵּם כ] (וַיָּהֹֽם׃ ק) wayishelaḥ ḥitsiym wayefiytsem baraq [wayehumem kh] (wayahom׃ q)

¹⁶ וַיֵּֽרָאוּ֙ אֲפִ֣קֵי יָ֔ם יִגָּל֖וּ מֹסְדֹ֣ות תֵּבֵ֑ל בְּגַעֲרַ֣ת יְהוָ֔ה מִנִּשְׁמַ֖ת ר֥וּחַ אַפֹּֽו׃ wayeraʾu ʾafiqey yam yigalu mosedowt tevel begaʿarat yehwah minishemat ruaḥ ʾapow׃

¹⁷ יִשְׁלַ֥ח מִמָּרֹ֖ום יִקָּחֵ֑נִי יַֽמְשֵׁ֖נִי מִמַּ֥יִם רַבִּֽים׃ yishelaḥ mimarowm yiqaḥeniy yamesheniy mimayim rabiym׃

¹⁸ יַצִּילֵ֕נִי מֵאֹיְבִ֖י עָ֑ז מִשֹּׂ֣נְאַ֔י כִּ֥י אָמְצ֖וּ מִמֶּֽנִּי׃ yatsiyleniy meʾoyeviy ʿaz misoneʾay kiy ʾametsu mimeniy׃

¹⁹ יְקַדְּמֻ֖נִי בְּיֹ֣ום אֵידִ֑י וַיְהִ֧י יְהוָ֛ה מִשְׁעָ֖ן לִֽי׃ yeqademuniy beyowm ʾeydiy wayehiy yehwah misheʿan liy׃

²⁰ וַיֹּצֵ֥א לַמֶּרְחָ֖ב אֹתִ֑י יְחַלְּצֵ֖נִי כִּי־חָ֥פֵֽץ בִּֽי׃ wayotseʾ lamereḥav ʾotiy yeḥaletseniy kiy־ḥafets biy׃

²¹ יִגְמְלֵ֥נִי יְהוָ֖ה כְּצִדְקָתִ֑י כְּבֹ֥ר יָדַ֖י יָשִׁ֥יב לִֽי׃ yigemeleniy yehwah ketsideqatiy kevor yaday yashiyv liy׃

²² כִּ֥י שָׁמַ֖רְתִּי דַּרְכֵ֣י יְהוָ֑ה וְלֹ֥א רָשַׁ֖עְתִּי מֵאֱלֹהָֽי׃ kiy shamaretiy darekhey yehwah weloʾ rashaʿetiy meʾelohay׃

²³ כִּ֥י כָל־ [מִשְׁפֹּטֹו כ] (מִשְׁפָּטָ֖יו ק) לְנֶגְדִּ֑י וְחֻקֹּתָ֖יו לֹא־אָס֥וּר מִמֶּֽנָּה׃ kiy khal־ [mishepoṭow kh] (mishepaṭayw q) lenegediy weḥuqotayw loʾ־ʾasur mimenah׃

²⁴ וָאֶהְיֶ֥ה תָמִ֖ים לֹ֑ו וָאֶשְׁתַּמְּרָ֖ה מֵעֲוֹנִֽי׃ waʾeheyeh tamiym low waʾeshetamerah meʿaoniy׃

²⁵ וַיָּ֧שֶׁב יְהוָ֛ה לִ֖י כְּצִדְקָתִ֑י כְּבֹרִ֖י לְנֶ֥גֶד עֵינָֽיו׃ wayashev yehwah liy ketsideqatiy kevoriy leneged ʿeynayw׃

²⁶ עִם־חָסִ֖יד תִּתְחַסָּ֑ד עִם־גִּבֹּ֥ור תָּמִ֖ים תִּתַּמָּֽם׃ ʿim־ḥasiyd titeḥasad ʿim־gibowr tamiym titamam׃

²⁷ עִם־נָבָ֖ר תִּתָּבָ֑ר וְעִם־עִקֵּ֖שׁ תִּתַּפָּֽל׃ ʿim־navar titavar weʿim־ʿiqesh titapal׃

²⁸ וְאֶת־עַ֥ם עָנִ֖י תֹּושִׁ֑יעַ וְעֵינֶ֖יךָ עַל־רָמִ֥ים תַּשְׁפִּֽיל׃ weʾet־ʿam ʿaniy towshiyʿa weʿeyneykha ʿal־ramiym tashepiyl׃

²⁹ כִּֽי־אַתָּ֥ה נֵירִ֖י יְהוָ֑ה וַיהוָ֖ה יַגִּ֥יהַּ חָשְׁכִּֽי׃ kiy־ʾatah neyriy yehwah wayhwah yagiyha ḥashekiy׃

³⁰ כִּ֥י בְכָ֖ה אָר֣וּץ גְּד֑וּד בֵּאלֹהַ֖י אֲדַלֶּג־שֽׁוּר׃ kiy vekhah ʾaruts gedud beʾlohay ʾadaleg־shur׃

³¹ הָאֵ֖ל תָּמִ֣ים דַּרְכֹּ֑ו אִמְרַ֤ת יְהוָה֙ צְרוּפָ֔ה מָגֵ֣ן ה֔וּא לְכֹ֖ל הַחֹסִ֥ים בֹּֽו׃ haʾel tamiym darekow ʾimerat yehwah tserufah magen huʾ lekhol haḥosiym bow׃

³² כִּ֥י מִי־אֵ֖ל מִבַּלְעֲדֵ֣י יְהוָ֑ה וּמִ֥י צ֖וּר מִֽבַּלְעֲדֵ֥י אֱלֹהֵֽינוּ׃ kiy miy־ʾel mibaleʿadey yehwah umiy tsur mibaleʿadey ʾeloheynu׃

³³ הָאֵ֥ל מָעוּזִּ֖י חָ֑יִל וַיַּתֵּ֥ר תָּמִ֖ים [דַּרְכֹּו כ] (דַּרְכִּֽי׃ ק) haʾel maʿuziy ḥayil wayater tamiym [darekow kh] (darekiy׃ q)

³⁴ מְשַׁוֶּ֥ה [רַגְלָיו כ] (רַגְלַ֖י ק) כָּאַיָּלֹ֑ות וְעַ֥ל בָּמֹותַ֖י יַעֲמִדֵֽנִי׃ meshaueh [ragelayw kh] (ragelay q) kaʾayalowt weʿal bamowtay yaʿamideniy׃

³⁵ מְלַמֵּ֥ד יָדַ֖י לַמִּלְחָמָ֑ה וְנִחַ֥ת קֶֽשֶׁת־נְחוּשָׁ֖ה זְרֹעֹתָֽי׃ melamed yaday lamileḥamah weniḥat qeshet־neḥushah zeroʿotay׃

³⁶ וַתִּתֶּן־לִ֖י מָגֵ֣ן יִשְׁעֶ֑ךָ וַעֲנֹתְךָ֖ תַּרְבֵּֽנִי׃ watiten־liy magen yisheʿekha waʿanotekha tarebeniy׃

³⁷ תַּרְחִ֥יב צַעֲדִ֖י תַּחְתֵּ֑נִי וְלֹ֥א מָעֲד֖וּ קַרְסֻלָּֽי׃ tareḥiyv tsaʿadiy taḥeteniy weloʾ maʿadu qaresulay׃

³⁸ אֶרְדְּפָ֥ה אֹיְבַ֖י וָאַשְׁמִידֵ֑ם וְלֹ֥א אָשׁ֖וּב עַד־כַּלֹּותָֽם׃ ʾeredefah ʾoyevay waʾashemiydem weloʾ ʾashuv ʿad־kalowtam׃

³⁹ וָאֲכַלֵּ֥ם וָאֶמְחָצֵ֖ם וְלֹ֣א יְקוּמ֑וּן וַֽיִּפְּל֖וּ תַּ֥חַת רַגְלָֽי׃ waʾakhalem waʾemeḥatsem weloʾ yequmun wayipelu taḥat ragelay׃

⁴⁰ וַתַּזְרֵ֥נִי חַ֖יִל לַמִּלְחָמָ֑ה תַּכְרִ֥יעַ קָמַ֖י תַּחְתֵּֽנִי׃ watazereniy ḥayil lamileḥamah takheriyʿa qamay taḥeteniy׃

⁴¹ וְאֹ֣יְבַ֔י תַּ֥תָּה לִּ֖י עֹ֑רֶף מְשַׂנְאַ֖י וָאַצְמִיתֵֽם׃ weʾoyevay tatah liy ʿoref mesaneʾay waʾatsemiytem׃

⁴² יִשְׁע֖וּ וְאֵ֣ין מֹשִׁ֑יעַ אֶל־יְהוָ֖ה וְלֹ֥א עָנָֽם׃ yisheʿu weʾeyn moshiyʿa ʾel־yehwah weloʾ ʿanam׃

⁴³ וְאֶשְׁחָקֵ֖ם כַּעֲפַר־אָ֑רֶץ כְּטִיט־חוּצֹ֥ות אֲדִקֵּ֖ם אֶרְקָעֵֽם׃ weʾesheḥaqem kaʿafar־ʾarets keṭiyṭ־ḥutsowt ʾadiqem ʾereqaʿem׃

⁴⁴ וַֽתְּפַלְּטֵ֔נִי מֵרִיבֵ֖י עַמִּ֑י תִּשְׁמְרֵ֙נִי֙ לְרֹ֣אשׁ גֹּויִ֔ם עַ֥ם לֹא־יָדַ֖עְתִּי יַעַבְדֻֽנִי׃ watefaleṭeniy meriyvey ʿamiy tishemereniy leroʾsh gowyim ʿam loʾ־yadaʿetiy yaʿaveduniy׃

⁴⁵ בְּנֵ֥י נֵכָ֖ר יִתְכַּֽחֲשׁוּ־לִ֑י לִשְׁמֹ֥ועַ אֹ֖זֶן יִשָּׁ֥מְעוּ לִֽי׃ beney nekhar yitekaḥashu־liy lishemowʿa ʾozen yishameʿu liy׃

⁴⁶ בְּנֵ֥י נֵכָ֖ר יִבֹּ֑לוּ וְיַחְגְּר֖וּ מִמִּסְגְּרֹותָֽם׃ beney nekhar yibolu weyaḥegeru mimisegerowtam׃

⁴⁷ חַי־יְהוָ֖ה וּבָר֣וּךְ צוּרִ֑י וְיָרֻ֕ם אֱלֹהֵ֖י צ֥וּר יִשְׁעִֽי׃ ḥay־yehwah uvarukhe tsuriy weyarum ʾelohey tsur yisheʿiy׃

⁴⁸ הָאֵ֕ל הַנֹּתֵ֥ן נְקָמֹ֖ת לִ֑י וּמֹורִ֥יד עַמִּ֖ים תַּחְתֵּֽנִי׃ haʾel hanoten neqamot liy umowriyd ʿamiym taḥeteniy׃

⁴⁹ וּמֹוצִיאִ֖י מֵאֹֽיְבָ֑י וּמִקָּמַי֙ תְּרֹ֣ומְמֵ֔נִי מֵאִ֥ישׁ חֲמָסִ֖ים תַּצִּילֵֽנִי׃ umowtsiyʾiy meʾoyevay umiqamay terowmemeniy meʾiysh ḥamasiym tatsiyleniy׃

⁵⁰ עַל־כֵּ֛ן אֹודְךָ֥ יְהוָ֖ה בַּגֹּויִ֑ם וּלְשִׁמְךָ֖ אֲזַמֵּֽר׃ ʿal־ken ʾowdekha yehwah bagowyim uleshimekha ʾazamer׃

⁵¹ [מִגְדִיל כ] (מִגְדֹּ֖ול ק) יְשׁוּעֹ֣ות מַלְכֹּ֑ו וְעֹֽשֶׂה־חֶ֧סֶד לִמְשִׁיחֹ֛ו לְדָוִ֥ד וּלְזַרְעֹ֖ו עַד־עֹולָֽם׃ ף [migediyl kh] (migedowl q) yeshuʿowt malekow weʿoseh־ḥesed limeshiyḥow ledawid ulezareʿow ʿad־ʿowlam׃ f