1 וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃
2 בֶּן־אָדָ֗ם שִׂ֤ים פָּנֶ֙יךָ֙ דֶּ֣רֶךְ תֵּימָ֔נָה וְהַטֵּ֖ף אֶל־דָּרֹ֑ום וְהִנָּבֵ֛א אֶל־יַ֥עַר הַשָּׂדֶ֖ה נֶֽגֶב׃ ben־ʾadam siym paneykha derekhe teymanah wehaṭef ʾel־darowm wehinaveʾ ʾel־yaʿar hasadeh negev׃
3 וְאָֽמַרְתָּ֙ לְיַ֣עַר הַנֶּ֔גֶב שְׁמַ֖ע דְּבַר־יְהוָ֑ה כֹּֽה־אָמַ֣ר אֲדֹנָ֣י יְהוִ֡ה הִנְנִ֣י מַֽצִּית־בְּךָ֣ ׀ אֵ֡שׁ וְאָכְלָ֣ה בְךָ֣ כָל־עֵֽץ־לַח֩ וְכָל־עֵ֨ץ יָבֵ֤שׁ לֹֽא־תִכְבֶּה֙ לַהֶ֣בֶת שַׁלְהֶ֔בֶת וְנִצְרְבוּ־בָ֥הּ כָּל־פָּנִ֖ים מִנֶּ֥גֶב צָפֹֽונָה׃ weʾamareta leyaʿar hanegev shemaʿ devar־yehwah koh־ʾamar ʾadonay yehwih hineniy matsiyt־bekha ׀ ʾesh weʾakhelah vekha khal־ʿets־laḥ wekhal־ʿets yavesh loʾ־tikhebeh lahevet shalehevet wenitserevu־vah kal־paniym minegev tsafownah׃
4 וְרָאוּ֙ כָּל־בָּשָׂ֔ר כִּ֛י אֲנִ֥י יְהוָ֖ה בִּֽעַרְתִּ֑יהָ לֹ֖א תִּכְבֶּֽה׃ weraʾu kal־basar kiy ʾaniy yehwah biʿaretiyha loʾ tikhebeh׃
5 וָאֹמַ֕ר אֲהָ֖הּ אֲדֹנָ֣י יְהוִ֑ה הֵ֚מָּה אֹמְרִ֣ים לִ֔י הֲלֹ֛א מְמַשֵּׁ֥ל מְשָׁלִ֖ים הֽוּא׃ פ waʾomar ʾahah ʾadonay yehwih hemah ʾomeriym liy haloʾ memashel meshaliym huʾ׃ f
6 וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃
7 בֶּן־אָדָ֗ם שִׂ֤ים פָּנֶ֙יךָ֙ אֶל־יְר֣וּשָׁלִַ֔ם וְהַטֵּ֖ף אֶל־מִקְדָּשִׁ֑ים וְהִנָּבֵ֖א אֶל־אַדְמַ֥ת יִשְׂרָאֵֽל׃ ben־ʾadam siym paneykha ʾel־yerushalim wehaṭef ʾel־miqedashiym wehinaveʾ ʾel־ʾademat yiseraʾel׃
8 וְאָמַרְתָּ֞ לְאַדְמַ֣ת יִשְׂרָאֵ֗ל כֹּ֚ה אָמַ֣ר יְהוָ֔ה הִנְנִ֣י אֵלַ֔יִךְ וְהֹוצֵאתִ֥י חַרְבִּ֖י מִתַּעְרָ֑הּ וְהִכְרַתִּ֥י מִמֵּ֖ךְ צַדִּ֥יק וְרָשָֽׁע׃ weʾamareta leʾademat yiseraʾel koh ʾamar yehwah hineniy ʾelayikhe wehowtseʾtiy ḥarebiy mitaʿerah wehikheratiy mimekhe tsadiyq werashaʿ׃
9 יַ֛עַן אֲשֶׁר־הִכְרַ֥תִּי מִמֵּ֖ךְ צַדִּ֣יק וְרָשָׁ֑ע לָ֠כֵן תֵּצֵ֨א חַרְבִּ֧י מִתַּעְרָ֛הּ אֶל־כָּל־בָּשָׂ֖ר מִנֶּ֥גֶב צָפֹֽון׃ yaʿan ʾasher־hikheratiy mimekhe tsadiyq werashaʿ lakhen tetseʾ ḥarebiy mitaʿerah ʾel־kal־basar minegev tsafown׃
10 וְיָֽדְעוּ֙ כָּל־בָּשָׂ֔ר כִּ֚י אֲנִ֣י יְהוָ֔ה הֹוצֵ֥אתִי חַרְבִּ֖י מִתַּעְרָ֑הּ לֹ֥א תָשׁ֖וּב עֹֽוד׃ ס weyadeʿu kal־basar kiy ʾaniy yehwah howtseʾtiy ḥarebiy mitaʿerah loʾ tashuv ʿowd׃ s
11 וְאַתָּ֥ה בֶן־אָדָ֖ם הֵֽאָנַ֑ח בְּשִׁבְרֹ֤ון מָתְנַ֙יִם֙ וּבִמְרִיר֔וּת תֵּֽאָנַ֖ח לְעֵינֵיהֶֽם׃ weʾatah ven־ʾadam heʾanaḥ beshiverown matenayim uvimeriyrut teʾanaḥ leʿeyneyhem׃
12 וְהָיָה֙ כִּֽי־יֹאמְר֣וּ אֵלֶ֔יךָ עַל־מָ֖ה אַתָּ֣ה נֶאֱנָ֑ח וְאָמַרְתָּ֡ אֶל־שְׁמוּעָ֣ה כִֽי־בָאָ֡ה וְנָמֵ֣ס כָּל־לֵב֩ וְרָפ֨וּ כָל־יָדַ֜יִם וְכִהֲתָ֣ה כָל־ר֗וּחַ וְכָל־בִּרְכַּ֙יִם֙ תֵּלַ֣כְנָה מַּ֔יִם הִנֵּ֤ה בָאָה֙ וְנִֽהְיָ֔תָה נְאֻ֖ם אֲדֹנָ֥י יְהוִֽה׃ פ wehayah kiy־yoʾmeru ʾeleykha ʿal־mah ʾatah neʾenaḥ weʾamareta ʾel־shemuʿah khiy־vaʾah wenames kal־lev werafu khal־yadayim wekhihatah khal־ruaḥ wekhal־birekayim telakhenah mayim hineh vaʾah weniheyatah neʾum ʾadonay yehwih׃ f
13 וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃
14 בֶּן־אָדָ֕ם הִנָּבֵא֙ וְאָ֣מַרְתָּ֔ כֹּ֖ה אָמַ֣ר אֲדֹנָ֑י אֱמֹ֕ר חֶ֥רֶב חֶ֛רֶב הוּחַ֖דָּה וְגַם־מְרוּטָֽה׃ ben־ʾadam hinaveʾ weʾamareta koh ʾamar ʾadonay ʾemor ḥerev ḥerev huḥadah wegam־meruṭah׃
15 לְמַ֨עַן טְבֹ֤חַ טֶ֙בַח֙ הוּחַ֔דָּה לְמַעַן־הֱיֵה־לָ֥הּ בָּ֖רָק מֹרָ֑טָּה אֹ֣ו נָשִׂ֔ישׂ שֵׁ֥בֶט בְּנִ֖י מֹאֶ֥סֶת כָּל־עֵֽץ׃ lemaʿan ṭevoaḥ ṭevaḥ huḥadah lemaʿan־heyeh־lah baraq moraṭah ʾow nasiys sheveṭ beniy moʾeset kal־ʿets׃
16 וַיִּתֵּ֥ן אֹתָ֛הּ לְמָרְטָ֖ה לִתְפֹּ֣שׂ בַּכָּ֑ף הִֽיא־הוּחַ֤דָּה חֶ֙רֶב֙ וְהִ֣יא מֹרָ֔טָּה לָתֵ֥ת אֹותָ֖הּ בְּיַד־הֹורֵֽג׃ wayiten ʾotah lemareṭah litepos bakaf hiyʾ־huḥadah ḥerev wehiyʾ moraṭah latet ʾowtah beyad־howreg׃
17 זְעַ֤ק וְהֵילֵל֙ בֶּן־אָדָ֔ם כִּי־הִיא֙ הָיתָ֣ה בְעַמִּ֔י הִ֖יא בְּכָל־נְשִׂיאֵ֣י יִשְׂרָאֵ֑ל מְגוּרֵ֤י אֶל־חֶ֙רֶב֙ הָי֣וּ אֶת־עַמִּ֔י לָכֵ֖ן סְפֹ֥ק אֶל־יָרֵֽךְ׃ zeʿaq weheylel ben־ʾadam kiy־hiyʾ haytah veʿamiy hiyʾ bekhal־nesiyʾey yiseraʾel megurey ʾel־ḥerev hayu ʾet־ʿamiy lakhen sefoq ʾel־yarekhe׃
18 כִּ֣י בֹ֔חַן וּמָ֕ה אִם־גַּם־שֵׁ֥בֶט מֹאֶ֖סֶת לֹ֣א יִֽהְיֶ֑ה נְאֻ֖ם אֲדֹנָ֥י יְהוִֽה׃ פ kiy voḥan umah ʾim־gam־sheveṭ moʾeset loʾ yiheyeh neʾum ʾadonay yehwih׃ f
19 וְאַתָּ֣ה בֶן־אָדָ֔ם הִנָּבֵ֕א וְהַ֖ךְ כַּ֣ף אֶל־כָּ֑ף וְתִכָּפֵ֞ל חֶ֤רֶב שְׁלִישִׁ֙תָה֙ חֶ֣רֶב חֲלָלִ֔ים הִ֗יא חֶ֚רֶב חָלָ֣ל הַגָּדֹ֔ול הַחֹדֶ֖רֶת לָהֶֽם׃ weʾatah ven־ʾadam hinaveʾ wehakhe kaf ʾel־kaf wetikafel ḥerev sheliyshitah ḥerev ḥalaliym hiyʾ ḥerev ḥalal hagadowl haḥoderet lahem׃
20 לְמַ֣עַן ׀ לָמ֣וּג לֵ֗ב וְהַרְבֵּה֙ הַמִּכְשֹׁלִ֔ים עַ֚ל כָּל־שַׁ֣עֲרֵיהֶ֔ם נָתַ֖תִּי אִבְחַת־חָ֑רֶב אָ֛ח עֲשׂוּיָ֥ה לְבָרָ֖ק מְעֻטָּ֥ה לְטָֽבַח׃ lemaʿan ׀ lamug lev weharebeh hamikhesholiym ʿal kal־shaʿareyhem natatiy ʾiveḥat־ḥarev ʾaḥ ʿasuyah levaraq meʿuṭah leṭavaḥ׃
21 הִתְאַחֲדִ֥י הֵימִ֖נִי הָשִׂ֣ימִי הַשְׂמִ֑ילִי אָ֖נָה פָּנַ֥יִךְ מֻעָדֹֽות׃ hiteʾaḥadiy heyminiy hasiymiy hasemiyliy ʾanah panayikhe muʿadowt׃
22 וְגַם־אֲנִ֗י אַכֶּ֤ה כַפִּי֙ אֶל־כַּפִּ֔י וַהֲנִחֹתִ֖י חֲמָתִ֑י אֲנִ֥י יְהוָ֖ה דִּבַּֽרְתִּי׃ פ wegam־ʾaniy ʾakeh khapiy ʾel־kapiy wahaniḥotiy ḥamatiy ʾaniy yehwah dibaretiy׃ f
23 וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃
24 וְאַתָּ֨ה בֶן־אָדָ֜ם שִׂים־לְךָ֣ ׀ שְׁנַ֣יִם דְּרָכִ֗ים לָבֹוא֙ חֶ֣רֶב מֶֽלֶךְ־בָּבֶ֔ל מֵאֶ֥רֶץ אֶחָ֖ד יֵצְא֣וּ שְׁנֵיהֶ֑ם וְיָ֣ד בָּרֵ֔א בְּרֹ֥אשׁ דֶּֽרֶךְ־עִ֖יר בָּרֵֽא׃ weʾatah ven־ʾadam siym־lekha ׀ shenayim derakhiym lavowʾ ḥerev melekhe־bavel meʾerets ʾeḥad yetseʾu sheneyhem weyad bareʾ beroʾsh derekhe־ʿiyr bareʾ׃
25 דֶּ֣רֶךְ תָּשִׂ֔ים לָבֹ֣וא חֶ֔רֶב אֵ֖ת רַבַּ֣ת בְּנֵֽי־עַמֹּ֑ון וְאֶת־יְהוּדָ֥ה בִירוּשָׁלִַ֖ם בְּצוּרָֽה׃ derekhe tasiym lavowʾ ḥerev ʾet rabat beney־ʿamown weʾet־yehudah viyrushalim betsurah׃
26 כִּֽי־עָמַ֨ד מֶלֶךְ־בָּבֶ֜ל אֶל־אֵ֣ם הַדֶּ֗רֶךְ בְּרֹ֛אשׁ שְׁנֵ֥י הַדְּרָכִ֖ים לִקְסָם־קָ֑סֶם קִלְקַ֤ל בַּֽחִצִּים֙ שָׁאַ֣ל בַּתְּרָפִ֔ים רָאָ֖ה בַּכָּבֵֽד׃ kiy־ʿamad melekhe־bavel ʾel־ʾem haderekhe beroʾsh sheney haderakhiym liqesam־qasem qileqal baḥitsiym shaʾal baterafiym raʾah bakaved׃
27 בִּֽימִינֹ֞ו הָיָ֣ה ׀ הַקֶּ֣סֶם יְרוּשָׁלִַ֗ם לָשׂ֤וּם כָּרִים֙ לִפְתֹּ֤חַ פֶּה֙ בְּרֶ֔צַח לְהָרִ֥ים קֹ֖ול בִּתְרוּעָ֑ה לָשׂ֤וּם כָּרִים֙ עַל־שְׁעָרִ֔ים לִשְׁפֹּ֥ךְ סֹלְלָ֖ה לִבְנֹ֥ות דָּיֵֽק׃ biymiynow hayah ׀ haqesem yerushalim lasum kariym lifetoaḥ peh beretsaḥ lehariym qowl biteruʿah lasum kariym ʿal־sheʿariym lishepokhe solelah livenowt dayeq׃
28 וְהָיָ֨ה לָהֶ֤ם [כִּקְסֹום־ כ] (כִּקְסָם־שָׁוְא֙ ק) בְּעֵ֣ינֵיהֶ֔ם שְׁבֻעֵ֥י שְׁבֻעֹ֖ות לָהֶ֑ם וְהֽוּא־מַזְכִּ֥יר עָוֹ֖ן לְהִתָּפֵֽשׂ׃ פ wehayah lahem [kiqesowm־ kh] (kiqesam־shaweʾ q) beʿeyneyhem shevuʿey shevuʿowt lahem wehuʾ־mazekiyr ʿaon lehitafes׃ f
29 לָכֵ֗ן כֹּֽה־אָמַר֮ אֲדֹנָ֣י יְהוִה֒ יַ֗עַן הַזְכַּרְכֶם֙ עֲוֹ֣נְכֶ֔ם בְּהִגָּלֹ֣ות פִּשְׁעֵיכֶ֗ם לְהֵֽרָאֹות֙ חַטֹּ֣אותֵיכֶ֔ם בְּכֹ֖ל עֲלִילֹֽותֵיכֶ֑ם יַ֚עַן הִזָּ֣כֶרְכֶ֔ם בַּכַּ֖ף תִּתָּפֵֽשׂוּ׃ פ lakhen koh־ʾamar ʾadonay yehwih yaʿan hazekarekhem ʿaonekhem behigalowt pisheʿeykhem leheraʾowt ḥaṭoʾwteykhem bekhol ʿaliylowteykhem yaʿan hizakherekhem bakaf titafesu׃ f
30 וְאַתָּה֙ חָלָ֣ל רָשָׁ֔ע נְשִׂ֖יא יִשְׂרָאֵ֑ל אֲשֶׁר־בָּ֣א יֹומֹ֔ו בְּעֵ֖ת עֲוֹ֥ן קֵֽץ׃ ס weʾatah ḥalal rashaʿ nesiyʾ yiseraʾel ʾasher־baʾ yowmow beʿet ʿaon qets׃ s
31 כֹּ֤ה אָמַר֙ אֲדֹנָ֣י יְהוִ֔ה הָסִיר֙ הַמִּצְנֶ֔פֶת וְהָרִ֖ים הָֽעֲטָרָ֑ה זֹ֣את לֹא־זֹ֔את הַשָּׁפָ֣לָה הַגְבֵּ֔הַ וְהַגָּבֹ֖הַ הַשְׁפִּֽיל׃ koh ʾamar ʾadonay yehwih hasiyr hamitsenefet wehariym haʿaṭarah zoʾt loʾ־zoʾt hashafalah hagebeah wehagavoah hashepiyl׃
32 עַוָּ֥ה עַוָּ֖ה עַוָּ֣ה אֲשִׂימֶ֑נָּה גַּם־זֹאת֙ לֹ֣א הָיָ֔ה עַד־בֹּ֛א אֲשֶׁר־לֹ֥ו הַמִּשְׁפָּ֖ט וּנְתַתִּֽיו׃ פ ʿauah ʿauah ʿauah ʾasiymenah gam־zoʾt loʾ hayah ʿad־boʾ ʾasher־low hamishepaṭ unetatiyw׃ f
33 וְאַתָּ֣ה בֶן־אָדָ֗ם הִנָּבֵ֤א וְאָֽמַרְתָּ֙ כֹּ֤ה אָמַר֙ אֲדֹנָ֣י יְהֹוִ֔ה אֶל־בְּנֵ֥י עַמֹּ֖ון וְאֶל־חֶרְפָּתָ֑ם וְאָמַרְתָּ֗ חֶ֣רֶב חֶ֤רֶב פְּתוּחָה֙ לְטֶ֣בַח מְרוּטָ֔ה לְהָכִ֖יל לְמַ֥עַן בָּרָֽק׃ weʾatah ven־ʾadam hinaveʾ weʾamareta koh ʾamar ʾadonay yehowih ʾel־beney ʿamown weʾel־ḥerepatam weʾamareta ḥerev ḥerev petuḥah leṭevaḥ meruṭah lehakhiyl lemaʿan baraq׃
34 בַּחֲזֹ֥ות לָךְ֙ שָׁ֔וְא בִּקְסָם־לָ֖ךְ כָּזָ֑ב לָתֵ֣ת אֹותָ֗ךְ אֶֽל־צַוְּארֵי֙ חַֽלְלֵ֣י רְשָׁעִ֔ים אֲשֶׁר־בָּ֣א יֹומָ֔ם בְּעֵ֖ת עֲוֹ֥ן קֵֽץ׃ baḥazowt lakhe shaweʾ biqesam־lakhe kazav latet ʾowtakhe ʾel־tsaueʾrey ḥaleley reshaʿiym ʾasher־baʾ yowmam beʿet ʿaon qets׃
35 הָשַׁ֖ב אֶל־תַּעְרָ֑הּ בִּמְקֹ֧ום אֲשֶׁר־נִבְרֵ֛את בְּאֶ֥רֶץ מְכֻרֹותַ֖יִךְ אֶשְׁפֹּ֥ט אֹתָֽךְ׃ hashav ʾel־taʿerah bimeqowm ʾasher־nivereʾt beʾerets mekhurowtayikhe ʾeshepoṭ ʾotakhe׃
36 וְשָׁפַכְתִּ֤י עָלַ֙יִךְ֙ זַעְמִ֔י בְּאֵ֥שׁ עֶבְרָתִ֖י אָפִ֣יחַ עָלָ֑יִךְ וּנְתַתִּ֗יךְ בְּיַד֙ אֲנָשִׁ֣ים בֹּֽעֲרִ֔ים חָרָשֵׁ֖י מַשְׁחִֽית׃ weshafakhetiy ʿalayikhe zaʿemiy beʾesh ʿeveratiy ʾafiyḥa ʿalayikhe unetatiykhe beyad ʾanashiym boʿariym ḥarashey masheḥiyt׃
37 לָאֵ֤שׁ תִּֽהְיֶה֙ לְאָכְלָ֔ה דָּמֵ֥ךְ יִהְיֶ֖ה בְּתֹ֣וךְ הָאָ֑רֶץ לֹ֣א תִזָּכֵ֔רִי כִּ֛י אֲנִ֥י יְהוָ֖ה דִּבַּֽרְתִּי׃ פ laʾesh tiheyeh leʾakhelah damekhe yiheyeh betowkhe haʾarets loʾ tizakheriy kiy ʾaniy yehwah dibaretiy׃ f