Daniel 11

¹ וַאֲנִי֙ בִּשְׁנַ֣ת אַחַ֔ת לְדָרְיָ֖וֶשׁ הַמָּדִ֑י עָמְדִ֛י לְמַחֲזִ֥יק וּלְמָעֹ֖וז לֹֽו׃ waʾaniy bishenat ʾaḥat ledareyawesh hamadiy ʿamediy lemaḥaziyq ulemaʿowz low׃

² וְעַתָּ֕ה אֱמֶ֖ת אַגִּ֣יד לָ֑ךְ הִנֵּה־עֹוד֩ שְׁלֹשָׁ֨ה מְלָכִ֜ים עֹמְדִ֣ים לְפָרַ֗ס וְהָֽרְבִיעִי֙ יַעֲשִׁ֤יר עֹֽשֶׁר־גָּדֹול֙ מִכֹּ֔ל וּכְחֶזְקָתֹ֣ו בְעָשְׁרֹ֔ו יָעִ֣יר הַכֹּ֔ל אֵ֖ת מַלְכ֥וּת יָוָֽן׃ weʿatah ʾemet ʾagiyd lakhe hineh־ʿowd sheloshah melakhiym ʿomediym lefaras wehareviyʿiy yaʿashiyr ʿosher־gadowl mikol ukheḥezeqatow veʿasherow yaʿiyr hakol ʾet malekhut yawan׃

³ וְעָמַ֖ד מֶ֣לֶךְ גִּבֹּ֑ור וּמָשַׁל֙ מִמְשָׁ֣ל רַ֔ב וְעָשָׂ֖ה כִּרְצֹונֹֽו׃ weʿamad melekhe gibowr umashal mimeshal rav weʿasah kiretsownow׃

⁴ וּכְעָמְדֹו֙ תִּשָּׁבֵ֣ר מַלְכוּתֹ֔ו וְתֵחָ֕ץ לְאַרְבַּ֖ע רוּחֹ֣ות הַשָּׁמָ֑יִם וְלֹ֣א לְאַחֲרִיתֹ֗ו וְלֹ֤א כְמָשְׁלֹו֙ אֲשֶׁ֣ר מָשָׁ֔ל כִּ֤י תִנָּתֵשׁ֙ מַלְכוּתֹ֔ו וְלַאֲחֵרִ֖ים מִלְּבַד־אֵֽלֶּה׃ ukheʿamedow tishaver malekhutow weteḥats leʾarebaʿ ruḥowt hashamayim weloʾ leʾaḥariytow weloʾ khemashelow ʾasher mashal kiy tinatesh malekhutow welaʾaḥeriym milevad־ʾeleh׃

⁵ וְיֶחֱזַ֥ק מֶֽלֶךְ־הַנֶּ֖גֶב וּמִן־שָׂרָ֑יו וְיֶחֱזַ֤ק עָלָיו֙ וּמָשָׁ֔ל מִמְשָׁ֥ל רַ֖ב מֶמְשַׁלְתֹּֽו׃ weyeḥezaq melekhe־hanegev umin־sarayw weyeḥezaq ʿalayw umashal mimeshal rav memeshaletow׃

⁶ וּלְקֵ֤ץ שָׁנִים֙ יִתְחַבָּ֔רוּ וּבַ֣ת מֶֽלֶךְ־הַנֶּ֗גֶב תָּבֹוא֙ אֶל־מֶ֣לֶךְ הַצָּפֹ֔ון לַעֲשֹׂ֖ות מֵישָׁרִ֑ים וְלֹֽא־תַעְצֹ֞ר כֹּ֣וחַ הַזְּרֹ֗ועַ וְלֹ֤א יַעֲמֹד֙ וּזְרֹעֹ֔ו וְתִנָּתֵ֨ן הִ֤יא וּמְבִיאֶ֙יהָ֙ וְהַיֹּ֣לְדָ֔הּ וּמַחֲזִקָ֖הּ בָּעִתִּֽים׃ uleqets shaniym yiteḥabaru uvat melekhe־hanegev tavowʾ ʾel־melekhe hatsafown laʿasowt meyshariym weloʾ־taʿetsor kowḥa hazerowʿa weloʾ yaʿamod uzeroʿow wetinaten hiyʾ umeviyʾeyha wehayoledah umaḥaziqah baʿitiym׃

⁷ וְעָמַ֛ד מִנֵּ֥צֶר שָׁרָשֶׁ֖יהָ כַּנֹּ֑ו וְיָבֹ֣א אֶל־הַחַ֗יִל וְיָבֹא֙ בְּמָעֹוז֙ מֶ֣לֶךְ הַצָּפֹ֔ון וְעָשָׂ֥ה בָהֶ֖ם וְהֶחֱזִֽיק׃ weʿamad minetser sharasheyha kanow weyavoʾ ʾel־haḥayil weyavoʾ bemaʿowz melekhe hatsafown weʿasah vahem weheḥeziyq׃

⁸ וְגַ֣ם אֱ‍ֽלֹהֵיהֶ֡ם עִם־נְסִֽכֵיהֶם֩ עִם־כְּלֵ֨י חֶמְדָּתָ֜ם כֶּ֧סֶף וְזָהָ֛ב בַּשְּׁבִ֖י יָבִ֣א מִצְרָ֑יִם וְהוּא֙ שָׁנִ֣ים יַעֲמֹ֔ד מִמֶּ֖לֶךְ הַצָּפֹֽון ׃ wegam א‍loheyhem ʿim־nesikheyhem ʿim־keley ḥemedatam kesef wezahav basheviy yaviʾ mitserayim wehuʾ shaniym yaʿamod mimelekhe hatsafown ׃

⁹ וּבָ֗א בְּמַלְכוּת֙ מֶ֣לֶךְ הַנֶּ֔גֶב וְשָׁ֖ב אֶל־אַדְמָתֹֽו׃ uvaʾ bemalekhut melekhe hanegev weshav ʾel־ʾadematow׃

¹⁰ [וּבְנֹו כ] (וּבָנָ֣יו ק) יִתְגָּר֗וּ וְאָסְפוּ֙ הֲמֹון֙ חֲיָלִ֣ים רַבִּ֔ים וּבָ֥א בֹ֖וא וְשָׁטַ֣ף וְעָבָ֑ר וְיָשֹׁ֥ב [וְיִתְגָּרוּ כ] (וְיִתְגָּרֶ֖ה ק) עַד־ [מָעֻזָּה כ] (מָעֻזֹּֽו׃ ק) [uvenow kh] (uvanayw q) yitegaru weʾasefu hamown ḥayaliym rabiym uvaʾ vowʾ weshaṭaf weʿavar weyashov [weyitegaru kh] (weyitegareh q) ʿad־ [maʿuzah kh] (maʿuzow׃ q)

¹¹ וְיִתְמַרְמַר֙ מֶ֣לֶךְ הַנֶּ֔גֶב וְיָצָ֕א וְנִלְחַ֥ם עִמֹּ֖ו עִם־מֶ֣לֶךְ הַצָּפֹ֑ון וְהֶעֱמִיד֙ הָמֹ֣ון רָ֔ב וְנִתַּ֥ן הֶהָמֹ֖ון בְּיָדֹֽו׃ weyitemaremar melekhe hanegev weyatsaʾ wenileḥam ʿimow ʿim־melekhe hatsafown weheʿemiyd hamown rav wenitan hehamown beyadow׃

¹² וְנִשָּׂ֥א הֶהָמֹ֖ון [יָרוּם כ] (וְרָ֣ם ק) לְבָבֹ֑ו וְהִפִּ֛יל רִבֹּאֹ֖ות וְלֹ֥א יָעֹֽוז׃ wenisaʾ hehamown [yarum kh] (weram q) levavow wehipiyl riboʾowt weloʾ yaʿowz׃

¹³ וְשָׁב֙ מֶ֣לֶךְ הַצָּפֹ֔ון וְהֶעֱמִ֣יד הָמֹ֔ון רַ֖ב מִן־הָרִאשֹׁ֑ון וּלְקֵ֨ץ הָֽעִתִּ֤ים שָׁנִים֙ יָ֣בֹוא בֹ֔וא בְּחַ֥יִל גָּדֹ֖ול וּבִרְכ֥וּשׁ רָֽב׃ weshav melekhe hatsafown weheʿemiyd hamown rav min־hariʾshown uleqets haʿitiym shaniym yavowʾ vowʾ beḥayil gadowl uvirekhush rav׃

¹⁴ וּבָעִתִּ֣ים הָהֵ֔ם רַבִּ֥ים יַֽעַמְד֖וּ עַל־מֶ֣לֶךְ הַנֶּ֑גֶב וּבְנֵ֣י ׀ פָּרִיצֵ֣י עַמְּךָ֗ יִֽנַּשְּׂא֛וּ לְהַעֲמִ֥יד חָזֹ֖ון וְנִכְשָֽׁלוּ׃ uvaʿitiym hahem rabiym yaʿamedu ʿal־melekhe hanegev uveney ׀ pariytsey ʿamekha yinaseʾu lehaʿamiyd ḥazown wenikheshalu׃

¹⁵ וְיָבֹא֙ מֶ֣לֶךְ הַצָּפֹ֔ון וְיִשְׁפֹּךְ֙ סֹֽולֲלָ֔ה וְלָכַ֖ד עִ֣יר מִבְצָרֹ֑ות וּזְרֹעֹ֤ות הַנֶּ֙גֶב֙ לֹ֣א יַעֲמֹ֔דוּ וְעַם֙ מִבְחָרָ֔יו וְאֵ֥ין כֹּ֖חַ לַעֲמֹֽד׃ weyavoʾ melekhe hatsafown weyishepokhe sowlalah welakhad ʿiyr mivetsarowt uzeroʿowt hanegev loʾ yaʿamodu weʿam miveḥarayw weʾeyn koaḥ laʿamod׃

¹⁶ וְיַ֨עַשׂ הַבָּ֤א אֵלָיו֙ כִּרְצֹונֹ֔ו וְאֵ֥ין עֹומֵ֖ד לְפָנָ֑יו וְיַעֲמֹ֥ד בְּאֶֽרֶץ־הַצְּבִ֖י וְכָלָ֥ה בְיָדֹֽו׃ weyaʿas habaʾ ʾelayw kiretsownow weʾeyn ʿowmed lefanayw weyaʿamod beʾerets־hatseviy wekhalah veyadow׃

¹⁷ וְיָשֵׂ֣ם ׀ פָּ֠נָיו לָבֹ֞וא בְּתֹ֧קֶף כָּל־מַלְכוּתֹ֛ו וִישָׁרִ֥ים עִמֹּ֖ו וְעָשָׂ֑ה וּבַ֤ת הַנָּשִׁים֙ יִתֶּן־לֹ֣ו לְהַשְׁחִיתָ֔הּ וְלֹ֥א תַעֲמֹ֖ד וְלֹא־לֹ֥ו תִהְיֶֽה׃ weyasem ׀ panayw lavowʾ betoqef kal־malekhutow wiyshariym ʿimow weʿasah uvat hanashiym yiten־low lehasheḥiytah weloʾ taʿamod weloʾ־low tiheyeh׃

¹⁸ [וְיָשֵׁב כ] (וְיָשֵׂ֧ם ׀ ק) פָּנָ֛יו לְאִיִּ֖ים וְלָכַ֣ד רַבִּ֑ים וְהִשְׁבִּ֨ית קָצִ֤ין חֶרְפָּתֹו֙ לֹ֔ו בִּלְתִּ֥י חֶרְפָּתֹ֖ו יָשִׁ֥יב לֹֽו׃ [weyashev kh] (weyasem ׀ q) panayw leʾiyiym welakhad rabiym wehishebiyt qatsiyn ḥerepatow low biletiy ḥerepatow yashiyv low׃

¹⁹ וְיָשֵׁ֣ב פָּנָ֔יו לְמָעוּזֵּ֖י אַרְצֹ֑ו וְנִכְשַׁ֥ל וְנָפַ֖ל וְלֹ֥א יִמָּצֵֽא׃ weyashev panayw lemaʿuzey ʾaretsow wenikheshal wenafal weloʾ yimatseʾ׃

²⁰ וְעָמַ֧ד עַל־כַּנֹּ֛ו מַעֲבִ֥יר נֹוגֵ֖שׂ הֶ֣דֶר מַלְכ֑וּת וּבְיָמִ֤ים אֲחָדִים֙ יִשָּׁבֵ֔ר וְלֹ֥א בְאַפַּ֖יִם וְלֹ֥א בְמִלְחָמָֽה׃ weʿamad ʿal־kanow maʿaviyr nowges heder malekhut uveyamiym ʾaḥadiym yishaver weloʾ veʾapayim weloʾ vemileḥamah׃

²¹ וְעָמַ֤ד עַל־כַּנֹּו֙ נִבְזֶ֔ה וְלֹא־נָתְנ֥וּ עָלָ֖יו הֹ֣וד מַלְכ֑וּת וּבָ֣א בְשַׁלְוָ֔ה וְהֶחֱזִ֥יק מַלְכ֖וּת בַּחֲלַקְלַקֹּֽות׃ weʿamad ʿal־kanow nivezeh weloʾ־natenu ʿalayw howd malekhut uvaʾ veshalewah weheḥeziyq malekhut baḥalaqelaqowt׃

²² וּזְרֹעֹ֥ות הַשֶּׁ֛טֶף יִשָּׁטְפ֥וּ מִלְּפָנָ֖יו וְיִשָּׁבֵ֑רוּ וְגַ֖ם נְגִ֥יד בְּרִֽית׃ uzeroʿowt hasheṭef yishaṭefu milefanayw weyishaveru wegam negiyd beriyt׃

²³ וּמִן־הִֽתְחַבְּר֥וּת אֵלָ֖יו יַעֲשֶׂ֣ה מִרְמָ֑ה וְעָלָ֥ה וְעָצַ֖ם בִּמְעַט־גֹּֽוי׃ umin־hiteḥaberut ʾelayw yaʿaseh miremah weʿalah weʿatsam bimeʿaṭ־gowy׃

²⁴ בְּשַׁלְוָ֞ה וּבְמִשְׁמַנֵּ֣י מְדִינָה֮ יָבֹוא֒ וְעָשָׂ֗ה אֲשֶׁ֨ר לֹא־עָשׂ֤וּ אֲבֹתָיו֙ וַאֲבֹ֣ות אֲבֹתָ֔יו בִּזָּ֧ה וְשָׁלָ֛ל וּרְכ֖וּשׁ לָהֶ֣ם יִבְזֹ֑ור וְעַ֧ל מִבְצָרִ֛ים יְחַשֵּׁ֥ב מַחְשְׁבֹתָ֖יו וְעַד־עֵֽת׃ beshalewah uvemishemaney mediynah yavowʾ weʿasah ʾasher loʾ־ʿasu ʾavotayw waʾavowt ʾavotayw bizah weshalal urekhush lahem yivezowr weʿal mivetsariym yeḥashev maḥeshevotayw weʿad־ʿet׃

²⁵ וְיָעֵר֩ כֹּחֹ֨ו וּלְבָבֹ֜ו עַל־מֶ֣לֶךְ הַנֶּגֶב֮ בְּחַ֣יִל גָּדֹול֒ וּמֶ֣לֶךְ הַנֶּ֗גֶב יִתְגָּרֶה֙ לַמִּלְחָמָ֔ה בְּחַֽיִל־גָּדֹ֥ול וְעָצ֖וּם עַד־מְאֹ֑ד וְלֹ֣א יַעֲמֹ֔ד כִּֽי־יַחְשְׁב֥וּ עָלָ֖יו מַחֲשָׁבֹֽות׃ weyaʿer koḥow ulevavow ʿal־melekhe hanegev beḥayil gadowl umelekhe hanegev yitegareh lamileḥamah beḥayil־gadowl weʿatsum ʿad־meʾod weloʾ yaʿamod kiy־yaḥeshevu ʿalayw maḥashavowt׃

²⁶ וְאֹכְלֵ֧י פַת־בָּגֹ֛ו יִשְׁבְּר֖וּהוּ וְחֵילֹ֣ו יִשְׁטֹ֑וף וְנָפְל֖וּ חֲלָלִ֥ים רַבִּֽים׃ weʾokheley fat־bagow yisheberuhu weḥeylow yisheṭowf wenafelu ḥalaliym rabiym׃

²⁷ וּשְׁנֵיהֶ֤ם הַמְּלָכִים֙ לְבָבָ֣ם לְמֵרָ֔ע וְעַל־שֻׁלְחָ֥ן אֶחָ֖ד כָּזָ֣ב יְדַבֵּ֑רוּ וְלֹ֣א תִצְלָ֔ח כִּי־עֹ֥וד קֵ֖ץ לַמֹּועֵֽד׃ usheneyhem hamelakhiym levavam lemeraʿ weʿal־shuleḥan ʾeḥad kazav yedaberu weloʾ titselaḥ kiy־ʿowd qets lamowʿed׃

²⁸ וְיָשֹׁ֤ב אַרְצֹו֙ בִּרְכ֣וּשׁ גָּדֹ֔ול וּלְבָבֹ֖ו עַל־בְּרִ֣ית קֹ֑דֶשׁ וְעָשָׂ֖ה וְשָׁ֥ב לְאַרְצֹֽו׃ weyashov ʾaretsow birekhush gadowl ulevavow ʿal־beriyt qodesh weʿasah weshav leʾaretsow׃

²⁹ לַמֹּועֵ֥ד יָשׁ֖וּב וּבָ֣א בַנֶּ֑גֶב וְלֹֽא־תִהְיֶ֥ה כָרִאשֹׁנָ֖ה וְכָאַחֲרֹנָֽה׃ lamowʿed yashuv uvaʾ vanegev weloʾ־tiheyeh khariʾshonah wekhaʾaḥaronah׃

³⁰ וּבָ֨אוּ בֹ֜ו צִיִּ֤ים כִּתִּים֙ וְנִכְאָ֔ה וְשָׁ֛ב וְזָעַ֥ם עַל־בְּרִֽית־קֹ֖ודֶשׁ וְעָשָׂ֑ה וְשָׁ֣ב וְיָבֵ֔ן עַל־עֹזְבֵ֖י בְּרִ֥ית קֹֽדֶשׁ׃ uvaʾu vow tsiyiym kitiym wenikheʾah weshav wezaʿam ʿal־beriyt־qowdesh weʿasah weshav weyaven ʿal־ʿozevey beriyt qodesh׃

³¹ וּזְרֹעִ֖ים מִמֶּ֣נּוּ יַעֲמֹ֑דוּ וְחִלְּל֞וּ הַמִּקְדָּ֤שׁ הַמָּעֹוז֙ וְהֵסִ֣ירוּ הַתָּמִ֔יד וְנָתְנ֖וּ הַשִּׁקּ֥וּץ מְשֹׁומֵֽם׃ uzeroʿiym mimenu yaʿamodu weḥilelu hamiqedash hamaʿowz wehesiyru hatamiyd wenatenu hashiquts meshowmem׃

³² וּמַרְשִׁיעֵ֣י בְרִ֔ית יַחֲנִ֖יף בַּחֲלַקֹּ֑ות וְעַ֛ם יֹדְעֵ֥י אֱלֹהָ֖יו יַחֲזִ֥קוּ וְעָשֽׂוּ׃ umareshiyʿey veriyt yaḥaniyf baḥalaqowt weʿam yodeʿey ʾelohayw yaḥaziqu weʿasu׃

³³ וּמַשְׂכִּ֣ילֵי עָ֔ם יָבִ֖ינוּ לָֽרַבִּ֑ים וְנִכְשְׁל֞וּ בְּחֶ֧רֶב וּבְלֶהָבָ֛ה בִּשְׁבִ֥י וּבְבִזָּ֖ה יָמִֽים׃ umasekiyley ʿam yaviynu larabiym wenikheshelu beḥerev uvelehavah bisheviy uvevizah yamiym׃

³⁴ וּבְהִכָּ֣שְׁלָ֔ם יֵעָזְר֖וּ עֵ֣זֶר מְעָ֑ט וְנִלְו֧וּ עֲלֵיהֶ֛ם רַבִּ֖ים בַּחֲלַקְלַקֹּֽות׃ uvehikashelam yeʿazeru ʿezer meʿaṭ wenilewu ʿaleyhem rabiym baḥalaqelaqowt׃

³⁵ וּמִן־הַמַּשְׂכִּילִ֣ים יִכָּֽשְׁל֗וּ לִצְרֹ֥וף בָּהֶ֛ם וּלְבָרֵ֥ר וְלַלְבֵּ֖ן עַד־עֵ֣ת קֵ֑ץ כִּי־עֹ֖וד לַמֹּועֵֽד׃ umin־hamasekiyliym yikashelu litserowf bahem ulevarer welaleben ʿad־ʿet qets kiy־ʿowd lamowʿed׃

³⁶ וְעָשָׂ֨ה כִרְצֹונֹ֜ו הַמֶּ֗לֶךְ וְיִתְרֹומֵ֤ם וְיִתְגַּדֵּל֙ עַל־כָּל־אֵ֔ל וְעַל֙ אֵ֣ל אֵלִ֔ים יְדַבֵּ֖ר נִפְלָאֹ֑ות וְהִצְלִ֙יחַ֙ עַד־כָּ֣לָה זַ֔עַם כִּ֥י נֶחֱרָצָ֖ה נֶעֱשָֽׂתָה׃ weʿasah khiretsownow hamelekhe weyiterowmem weyitegadel ʿal־kal־ʾel weʿal ʾel ʾeliym yedaber nifelaʾowt wehitseliyḥa ʿad־kalah zaʿam kiy neḥeratsah neʿesatah׃

³⁷ וְעַל־אֱלֹהֵ֤י אֲבֹתָיו֙ לֹ֣א יָבִ֔ין וְעַל־חֶמְדַּ֥ת נָשִׁ֛ים וְעַֽל־כָּל־אֱלֹ֖והַּ לֹ֣א יָבִ֑ין כִּ֥י עַל־כֹּ֖ל יִתְגַּדָּֽל׃ weʿal־ʾelohey ʾavotayw loʾ yaviyn weʿal־ḥemedat nashiym weʿal־kal־ʾelowha loʾ yaviyn kiy ʿal־kol yitegadal׃

³⁸ וְלֶאֱלֹ֙הַּ֙ מָֽעֻזִּ֔ים עַל־כַּנֹּ֖ו יְכַבֵּ֑ד וְלֶאֱלֹ֜והַּ אֲשֶׁ֧ר לֹא־יְדָעֻ֣הוּ אֲבֹתָ֗יו יְכַבֵּ֛ד בְּזָהָ֥ב וּבְכֶ֛סֶף וּבְאֶ֥בֶן יְקָרָ֖ה וּבַחֲמֻדֹֽות׃ weleʾeloah maʿuziym ʿal־kanow yekhabed weleʾelowha ʾasher loʾ־yedaʿuhu ʾavotayw yekhabed bezahav uvekhesef uveʾeven yeqarah uvaḥamudowt׃

³⁹ וְעָשָׂ֞ה לְמִבְצְרֵ֤י מָֽעֻזִּים֙ עִם־אֱלֹ֣והַּ נֵכָ֔ר אֲשֶׁ֥ר [הִכִּיר כ] (יַכִּ֖יר ק) יַרְבֶּ֣ה כָבֹ֑וד וְהִמְשִׁילָם֙ בָּֽרַבִּ֔ים וַאֲדָמָ֖ה יְחַלֵּ֥ק בִּמְחִֽיר׃ weʿasah lemivetserey maʿuziym ʿim־ʾelowha nekhar ʾasher [hikiyr kh] (yakiyr q) yarebeh khavowd wehimeshiylam barabiym waʾadamah yeḥaleq bimeḥiyr׃

⁴⁰ וּבְעֵ֣ת קֵ֗ץ יִתְנַגַּ֤ח עִמֹּו֙ מֶ֣לֶךְ הַנֶּ֔גֶב וְיִשְׂתָּעֵ֨ר עָלָ֜יו מֶ֣לֶךְ הַצָּפֹ֗ון בְּרֶ֙כֶב֙ וּבְפָ֣רָשִׁ֔ים וּבָאֳנִיֹּ֖ות רַבֹּ֑ות וּבָ֥א בַאֲרָצֹ֖ות וְשָׁטַ֥ף וְעָבָֽר׃ uveʿet qets yitenagaḥ ʿimow melekhe hanegev weyisetaʿer ʿalayw melekhe hatsafown berekhev uvefarashiym uvaʾoniyowt rabowt uvaʾ vaʾaratsowt weshaṭaf weʿavar׃

⁴¹ וּבָא֙ בְּאֶ֣רֶץ הַצְּבִ֔י וְרַבֹּ֖ות יִכָּשֵׁ֑לוּ וְאֵ֙לֶּה֙ יִמָּלְט֣וּ מִיָּדֹ֔ו אֱדֹ֣ום וּמֹואָ֔ב וְרֵאשִׁ֖ית בְּנֵ֥י עַמֹּֽון׃ uvaʾ beʾerets hatseviy werabowt yikashelu weʾeleh yimaleṭu miyadow ʾedowm umowʾav wereʾshiyt beney ʿamown׃

⁴² וְיִשְׁלַ֥ח יָדֹ֖ו בַּאֲרָצֹ֑ות וְאֶ֣רֶץ מִצְרַ֔יִם לֹ֥א תִהְיֶ֖ה לִפְלֵיטָֽה׃ weyishelaḥ yadow baʾaratsowt weʾerets mitserayim loʾ tiheyeh lifeleyṭah׃

⁴³ וּמָשַׁ֗ל בְּמִכְמַנֵּי֙ הַזָּהָ֣ב וְהַכֶּ֔סֶף וּבְכֹ֖ל חֲמֻדֹ֣ות מִצְרָ֑יִם וְלֻבִ֥ים וְכֻשִׁ֖ים בְּמִצְעָדָֽיו׃ umashal bemikhemaney hazahav wehakesef uvekhol ḥamudowt mitserayim weluviym wekhushiym bemitseʿadayw׃

⁴⁴ וּשְׁמֻעֹ֣ות יְבַהֲלֻ֔הוּ מִמִּזְרָ֖ח וּמִצָּפֹ֑ון וְיָצָא֙ בְּחֵמָ֣א גְדֹלָ֔ה לְהַשְׁמִ֥יד וּֽלְהַחֲרִ֖ים רַבִּֽים׃ ushemuʿowt yevahaluhu mimizeraḥ umitsafown weyatsaʾ beḥemaʾ gedolah lehashemiyd ulehaḥariym rabiym׃

⁴⁵ וְיִטַּע֙ אָהֳלֶ֣י אַפַּדְנֹ֔ו בֵּ֥ין יַמִּ֖ים לְהַר־צְבִי־קֹ֑דֶשׁ וּבָא֙ עַד־קִצֹּ֔ו וְאֵ֥ין עֹוזֵ֖ר לֹֽו׃ weyiṭaʿ ʾaholey ʾapadenow beyn yamiym lehar־tseviy־qodesh uvaʾ ʿad־qitsow weʾeyn ʿowzer low׃