1 וְעַתָּ֗ה אֲלֵיכֶ֛ם הַמִּצְוָ֥ה הַזֹּ֖את הַכֹּהֲנִֽים׃ weʿatah ʾaleykhem hamitsewah hazoʾt hakohaniym׃
2 אִם־לֹ֣א תִשְׁמְע֡וּ וְאִם־לֹא֩ תָשִׂ֨ימוּ עַל־לֵ֜ב לָתֵ֧ת כָּבֹ֣וד לִשְׁמִ֗י אָמַר֙ יְהוָ֣ה צְבָאֹ֔ות וְשִׁלַּחְתִּ֤י בָכֶם֙ אֶת־הַמְּאֵרָ֔ה וְאָרֹותִ֖י אֶת־בִּרְכֹֽותֵיכֶ֑ם וְגַם֙ אָרֹותִ֔יהָ כִּ֥י אֵינְכֶ֖ם שָׂמִ֥ים עַל־לֵֽב׃ ʾim־loʾ tishemeʿu weʾim־loʾ tasiymu ʿal־lev latet kavowd lishemiy ʾamar yehwah tsevaʾowt weshilaḥetiy vakhem ʾet־hameʾerah weʾarowtiy ʾet־birekhowteykhem wegam ʾarowtiyha kiy ʾeynekhem samiym ʿal־lev׃
3 הִנְנִ֨י גֹעֵ֤ר לָכֶם֙ אֶת־הַזֶּ֔רַע וְזֵרִ֤יתִי פֶ֙רֶשׁ֙ עַל־פְּנֵיכֶ֔ם פֶּ֖רֶשׁ חַגֵּיכֶ֑ם וְנָשָׂ֥א אֶתְכֶ֖ם אֵלָֽיו׃ hineniy goʿer lakhem ʾet־hazeraʿ wezeriytiy feresh ʿal־peneykhem peresh ḥageykhem wenasaʾ ʾetekhem ʾelayw׃
4 וִֽידַעְתֶּ֕ם כִּ֚י שִׁלַּ֣חְתִּי אֲלֵיכֶ֔ם אֵ֖ת הַמִּצְוָ֣ה הַזֹּ֑את לִֽהְיֹ֤ות בְּרִיתִי֙ אֶת־לֵוִ֔י אָמַ֖ר יְהוָ֥ה צְבָאֹֽות׃ wiydaʿetem kiy shilaḥetiy ʾaleykhem ʾet hamitsewah hazoʾt liheyowt beriytiy ʾet־lewiy ʾamar yehwah tsevaʾowt׃
5 בְּרִיתִ֣י ׀ הָיְתָ֣ה אִתֹּ֗ו הַֽחַיִּים֙ וְהַ֨שָּׁלֹ֔ום וָאֶתְּנֵֽם־לֹ֥ו מֹורָ֖א וַיִּֽירָאֵ֑נִי וּמִפְּנֵ֥י שְׁמִ֖י נִחַ֥ת הֽוּא׃ beriytiy ׀ hayetah ʾitow haḥayiym wehashalowm waʾetenem־low mowraʾ wayiyraʾeniy umipeney shemiy niḥat huʾ׃
6 תֹּורַ֤ת אֱמֶת֙ הָיְתָ֣ה בְּפִ֔יהוּ וְעַוְלָ֖ה לֹא־נִמְצָ֣א בִשְׂפָתָ֑יו בְּשָׁלֹ֤ום וּבְמִישֹׁור֙ הָלַ֣ךְ אִתִּ֔י וְרַבִּ֖ים הֵשִׁ֥יב מֵעָוֹֽן׃ towrat ʾemet hayetah befiyhu weʿawelah loʾ־nimetsaʾ visefatayw beshalowm uvemiyshowr halakhe ʾitiy werabiym heshiyv meʿaon׃
7 כִּֽי־שִׂפְתֵ֤י כֹהֵן֙ יִשְׁמְרוּ־דַ֔עַת וְתֹורָ֖ה יְבַקְשׁ֣וּ מִפִּ֑יהוּ כִּ֛י מַלְאַ֥ךְ יְהוָֽה־צְבָאֹ֖ות הֽוּא׃ kiy־sifetey khohen yishemeru־daʿat wetowrah yevaqeshu mipiyhu kiy maleʾakhe yehwah־tsevaʾowt huʾ׃
8 וְאַתֶּם֙ סַרְתֶּ֣ם מִן־הַדֶּ֔רֶךְ הִכְשַׁלְתֶּ֥ם רַבִּ֖ים בַּתֹּורָ֑ה שִֽׁחַתֶּם֙ בְּרִ֣ית הַלֵּוִ֔י אָמַ֖ר יְהוָ֥ה צְבָאֹֽות׃ weʾatem saretem min־haderekhe hikheshaletem rabiym batowrah shiḥatem beriyt halewiy ʾamar yehwah tsevaʾowt׃
9 וְגַם־אֲנִ֞י נָתַ֧תִּי אֶתְכֶ֛ם נִבְזִ֥ים וּשְׁפָלִ֖ים לְכָל־הָעָ֑ם כְּפִ֗י אֲשֶׁ֤ר אֵֽינְכֶם֙ שֹׁמְרִ֣ים אֶת־דְּרָכַ֔י וְנֹשְׂאִ֥ים פָּנִ֖ים בַּתֹּורָֽה׃ פ wegam־ʾaniy natatiy ʾetekhem niveziym ushefaliym lekhal־haʿam kefiy ʾasher ʾeynekhem shomeriym ʾet־derakhay wenoseʾiym paniym batowrah׃ f
10 הֲלֹ֨וא אָ֤ב אֶחָד֙ לְכֻלָּ֔נוּ הֲלֹ֛וא אֵ֥ל אֶֽחָ֖ד בְּרָאָ֑נוּ מַדּ֗וּעַ נִבְגַּד֙ אִ֣ישׁ בְּאָחִ֔יו לְחַלֵּ֖ל בְּרִ֥ית אֲבֹתֵֽינוּ׃ halowʾ ʾav ʾeḥad lekhulanu halowʾ ʾel ʾeḥad beraʾanu maduaʿ nivegad ʾiysh beʾaḥiyw leḥalel beriyt ʾavoteynu׃
11 בָּגְדָ֣ה יְהוּדָ֔ה וְתֹועֵבָ֛ה נֶעֶשְׂתָ֥ה בְיִשְׂרָאֵ֖ל וּבִירֽוּשָׁלִָ֑ם כִּ֣י ׀ חִלֵּ֣ל יְהוּדָ֗ה קֹ֤דֶשׁ יְהוָה֙ אֲשֶׁ֣ר אָהֵ֔ב וּבָעַ֖ל בַּת־אֵ֥ל נֵכָֽר׃ bagedah yehudah wetowʿevah neʿesetah veyiseraʾel uviyrushalim kiy ׀ ḥilel yehudah qodesh yehwah ʾasher ʾahev uvaʿal bat־ʾel nekhar׃
12 יַכְרֵ֨ת יְהוָ֜ה לָאִ֨ישׁ אֲשֶׁ֤ר יַעֲשֶׂ֙נָּה֙ עֵ֣ר וְעֹנֶ֔ה מֵאָהֳלֵ֖י יַֽעֲקֹ֑ב וּמַגִּ֣ישׁ מִנְחָ֔ה לַֽיהוָ֖ה צְבָאֹֽות׃ פ yakheret yehwah laʾiysh ʾasher yaʿasenah ʿer weʿoneh meʾaholey yaʿaqov umagiysh mineḥah layhwah tsevaʾowt׃ f
13 וְזֹאת֙ שֵׁנִ֣ית תַּֽעֲשׂ֔וּ כַּסֹּ֤ות דִּמְעָה֙ אֶת־מִזְבַּ֣ח יְהוָ֔ה בְּכִ֖י וַֽאֲנָקָ֑ה מֵאֵ֣ין עֹ֗וד פְּנֹות֙ אֶל־הַמִּנְחָ֔ה וְלָקַ֥חַת רָצֹ֖ון מִיֶּדְכֶֽם׃ wezoʾt sheniyt taʿasu kasowt dimeʿah ʾet־mizebaḥ yehwah bekhiy waʾanaqah meʾeyn ʿowd penowt ʾel־hamineḥah welaqaḥat ratsown miyedekhem׃
14 וַאֲמַרְתֶּ֖ם עַל־מָ֑ה עַ֡ל כִּי־יְהוָה֩ הֵעִ֨יד בֵּינְךָ֜ וּבֵ֣ין ׀ אֵ֣שֶׁת נְעוּרֶ֗יךָ אֲשֶׁ֤ר אַתָּה֙ בָּגַ֣דְתָּה בָּ֔הּ וְהִ֥יא חֲבֶרְתְּךָ֖ וְאֵ֥שֶׁת בְּרִיתֶֽךָ׃ waʾamaretem ʿal־mah ʿal kiy־yehwah heʿiyd beynekha uveyn ׀ ʾeshet neʿureykha ʾasher ʾatah bagadetah bah wehiyʾ ḥaveretekha weʾeshet beriytekha׃
15 וְלֹא־אֶחָ֣ד עָשָׂ֗ה וּשְׁאָ֥ר ר֙וּחַ֙ לֹ֔ו וּמָה֙ הָֽאֶחָ֔ד מְבַקֵּ֖שׁ זֶ֣רַע אֱלֹהִ֑ים וְנִשְׁמַרְתֶּם֙ בְּר֣וּחֲכֶ֔ם וּבְאֵ֥שֶׁת נְעוּרֶ֖יךָ אַל־יִבְגֹּֽד׃ weloʾ־ʾeḥad ʿasah usheʾar ruaḥ low umah haʾeḥad mevaqesh zeraʿ ʾelohiym wenishemaretem beruḥakhem uveʾeshet neʿureykha ʾal־yivegod׃
16 כִּֽי־שָׂנֵ֣א שַׁלַּ֗ח אָמַ֤ר יְהוָה֙ אֱלֹהֵ֣י יִשְׂרָאֵ֔ל וְכִסָּ֤ה חָמָס֙ עַל־לְבוּשֹׁ֔ו אָמַ֖ר יְהוָ֣ה צְבָאֹ֑ות וְנִשְׁמַרְתֶּ֥ם בְּרוּחֲכֶ֖ם וְלֹ֥א תִבְגֹּֽדוּ׃ ס kiy־saneʾ shalaḥ ʾamar yehwah ʾelohey yiseraʾel wekhisah ḥamas ʿal־levushow ʾamar yehwah tsevaʾowt wenishemaretem beruḥakhem weloʾ tivegodu׃ s
17 הֹוגַעְתֶּ֤ם יְהוָה֙ בְּדִבְרֵיכֶ֔ם וַאֲמַרְתֶּ֖ם בַּמָּ֣ה הֹוגָ֑עְנוּ בֶּאֱמָרְכֶ֗ם כָּל־עֹ֨שֵׂה רָ֜ע טֹ֣וב ׀ בְּעֵינֵ֣י יְהוָ֗ה וּבָהֶם֙ ה֣וּא חָפֵ֔ץ אֹ֥ו אַיֵּ֖ה אֱלֹהֵ֥י הַמִּשְׁפָּֽט׃ howgaʿetem yehwah bedivereykhem waʾamaretem bamah howgaʿenu beʾemarekhem kal־ʿoseh raʿ ṭowv ׀ beʿeyney yehwah uvahem huʾ ḥafets ʾow ʾayeh ʾelohey hamishepaṭ׃