Michée 6

¹ שִׁמְעוּ־נָ֕א אֵ֥ת אֲשֶׁר־יְהוָ֖ה אֹמֵ֑ר ק֚וּם רִ֣יב אֶת־הֶהָרִ֔ים וְתִשְׁמַ֥עְנָה הַגְּבָעֹ֖ות קֹולֶֽךָ׃ shimeʿu־naʾ ʾet ʾasher־yehwah ʾomer qum riyv ʾet־hehariym wetishemaʿenah hagevaʿowt qowlekha׃

² שִׁמְע֤וּ הָרִים֙ אֶת־רִ֣יב יְהוָ֔ה וְהָאֵתָנִ֖ים מֹ֣סְדֵי אָ֑רֶץ כִּ֣י רִ֤יב לַֽיהוָה֙ עִם־עַמֹּ֔ו וְעִם־יִשְׂרָאֵ֖ל יִתְוַכָּֽח׃ shimeʿu hariym ʾet־riyv yehwah wehaʾetaniym mosedey ʾarets kiy riyv layhwah ʿim־ʿamow weʿim־yiseraʾel yitewakaḥ׃

³ עַמִּ֛י מֶה־עָשִׂ֥יתִי לְךָ֖ וּמָ֣ה הֶלְאֵתִ֑יךָ עֲנֵ֥ה בִֽי׃ ʿamiy meh־ʿasiytiy lekha umah heleʾetiykha ʿaneh viy׃

⁴ כִּ֤י הֶעֱלִתִ֙יךָ֙ מֵאֶ֣רֶץ מִצְרַ֔יִם וּמִבֵּ֥ית עֲבָדִ֖ים פְּדִיתִ֑יךָ וָאֶשְׁלַ֣ח לְפָנֶ֔יךָ אֶת־מֹשֶׁ֖ה אַהֲרֹ֥ן וּמִרְיָֽם׃ kiy heʿelitiykha meʾerets mitserayim umibeyt ʿavadiym pediytiykha waʾeshelaḥ lefaneykha ʾet־mosheh ʾaharon umireyam׃

⁵ עַמִּ֗י זְכָר־נָא֙ מַה־יָּעַ֗ץ בָּלָק֙ מֶ֣לֶךְ מֹואָ֔ב וּמֶה־עָנָ֥ה אֹתֹ֖ו בִּלְעָ֣ם בֶּן־בְּעֹ֑ור מִן־הַשִּׁטִּים֙ עַד־הַגִּלְגָּ֔ל לְמַ֕עַן דַּ֖עַת צִדְקֹ֥ות יְהוָֽה׃ ʿamiy zekhar־naʾ mah־yaʿats balaq melekhe mowʾav umeh־ʿanah ʾotow bileʿam ben־beʿowr min־hashiṭiym ʿad־hagilegal lemaʿan daʿat tsideqowt yehwah׃

⁶ בַּמָּה֙ אֲקַדֵּ֣ם יְהוָ֔ה אִכַּ֖ף לֵאלֹהֵ֣י מָרֹ֑ום הַאֲקַדְּמֶ֣נּוּ בְעֹולֹ֔ות בַּעֲגָלִ֖ים בְּנֵ֥י שָׁנָֽה׃ bamah ʾaqadem yehwah ʾikaf leʾlohey marowm haʾaqademenu veʿowlowt baʿagaliym beney shanah׃

⁷ הֲיִרְצֶ֤ה יְהוָה֙ בְּאַלְפֵ֣י אֵילִ֔ים בְּרִֽבְבֹ֖ות נַֽחֲלֵי־שָׁ֑מֶן הַאֶתֵּ֤ן בְּכֹורִי֙ פִּשְׁעִ֔י פְּרִ֥י בִטְנִ֖י חַטַּ֥את נַפְשִֽׁי׃ hayiretseh yehwah beʾalefey ʾeyliym berivevowt naḥaley־shamen haʾeten bekhowriy pisheʿiy periy viṭeniy ḥaṭaʾt nafeshiy׃

⁸ הִגִּ֥יד לְךָ֛ אָדָ֖ם מַה־טֹּ֑וב וּמָֽה־יְהוָ֞ה דֹּורֵ֣שׁ מִמְּךָ֗ כִּ֣י אִם־עֲשֹׂ֤ות מִשְׁפָּט֙ וְאַ֣הֲבַת חֶ֔סֶד וְהַצְנֵ֥עַ לֶ֖כֶת עִם־אֱלֹהֶֽיךָ׃ פ higiyd lekha ʾadam mah־ṭowv umah־yehwah dowresh mimekha kiy ʾim־ʿasowt mishepaṭ weʾahavat ḥesed wehatseneaʿ lekhet ʿim־ʾeloheykha׃ f

⁹ קֹ֤ול יְהוָה֙ לָעִ֣יר יִקְרָ֔א וְתוּשִׁיָּ֖ה יִרְאֶ֣ה שְׁמֶ֑ךָ שִׁמְע֥וּ מַטֶּ֖ה וּמִ֥י יְעָדָֽהּ׃ qowl yehwah laʿiyr yiqeraʾ wetushiyah yireʾeh shemekha shimeʿu maṭeh umiy yeʿadah׃

¹⁰ עֹ֗וד הַאִשׁ֙ בֵּ֣ית רָשָׁ֔ע אֹצְרֹ֖ות רֶ֑שַׁע וְאֵיפַ֥ת רָזֹ֖ון זְעוּמָֽה׃ ʿowd haʾish beyt rashaʿ ʾotserowt reshaʿ weʾeyfat razown zeʿumah׃

¹¹ הַאֶזְכֶּ֖ה בְּמֹ֣אזְנֵי רֶ֑שַׁע וּבְכִ֖יס אַבְנֵ֥י מִרְמָֽה׃ haʾezekeh bemoʾzeney reshaʿ uvekhiys ʾaveney miremah׃

¹² אֲשֶׁ֤ר עֲשִׁירֶ֙יהָ֙ מָלְא֣וּ חָמָ֔ס וְיֹשְׁבֶ֖יהָ דִּבְּרוּ־שָׁ֑קֶר וּלְשֹׁונָ֖ם רְמִיָּ֥ה בְּפִיהֶֽם׃ ʾasher ʿashiyreyha maleʾu ḥamas weyosheveyha diberu־shaqer uleshownam remiyah befiyhem׃

¹³ וְגַם־אֲנִ֖י הֶחֱלֵ֣יתִי הַכֹּותֶ֑ךָ הַשְׁמֵ֖ם עַל־חַטֹּאתֶֽךָ׃ wegam־ʾaniy heḥeleytiy hakowtekha hashemem ʿal־ḥaṭoʾtekha׃

¹⁴ אַתָּ֤ה תֹאכַל֙ וְלֹ֣א תִשְׂבָּ֔ע וְיֶשְׁחֲךָ֖ בְּקִרְבֶּ֑ךָ וְתַסֵּג֙ וְלֹ֣א תַפְלִ֔יט וַאֲשֶׁ֥ר תְּפַלֵּ֖ט לַחֶ֥רֶב אֶתֵּֽן׃ ʾatah toʾkhal weloʾ tisebaʿ weyesheḥakha beqirebekha wetaseg weloʾ tafeliyṭ waʾasher tefaleṭ laḥerev ʾeten׃

¹⁵ אַתָּ֥ה תִזְרַ֖ע וְלֹ֣א תִקְצֹ֑ור אַתָּ֤ה תִדְרֹֽךְ־זַ֙יִת֙ וְלֹא־תָס֣וּךְ שֶׁ֔מֶן וְתִירֹ֖ושׁ וְלֹ֥א תִשְׁתֶּה־יָּֽיִן׃ ʾatah tizeraʿ weloʾ tiqetsowr ʾatah tiderokhe־zayit weloʾ־tasukhe shemen wetiyrowsh weloʾ tisheteh־yayin׃

¹⁶ וְיִשְׁתַּמֵּ֞ר חֻקֹּ֣ות עָמְרִ֗י וְכֹל֙ מַעֲשֵׂ֣ה בֵית־אַחְאָ֔ב וַתֵּלְכ֖וּ בְּמֹֽעֲצֹותָ֑ם לְמַעַן֩ תִּתִּ֨י אֹתְךָ֜ לְשַׁמָּ֗ה וְיֹשְׁבֶ֙יהָ֙ לִשְׁרֵקָ֔ה וְחֶרְפַּ֥ת עַמִּ֖י תִּשָּֽׂאוּ׃ פ weyishetamer ḥuqowt ʿameriy wekhol maʿaseh veyt־ʾaḥeʾav watelekhu bemoʿatsowtam lemaʿan titiy ʾotekha leshamah weyosheveyha lishereqah weḥerepat ʿamiy tisaʾu׃ f