1 וָאָשֻׁ֗ב וָאֶשָּׂ֤א עֵינַי֙ וָֽאֶרְאֶ֔ה וְהִנֵּ֨ה אַרְבַּ֤ע מַרְכָּבֹות֙ יֹֽצְאֹ֔ות מִבֵּ֖ין שְׁנֵ֣י הֶֽהָרִ֑ים וְהֶהָרִ֖ים הָרֵ֥י נְחֹֽשֶׁת׃ waʾashuv waʾesaʾ ʿeynay waʾereʾeh wehineh ʾarebaʿ marekavowt yotseʾowt mibeyn sheney hehariym wehehariym harey neḥoshet׃

2 בַּמֶּרְכָּבָ֥ה הָרִֽאשֹׁנָ֖ה סוּסִ֣ים אֲדֻמִּ֑ים וּבַמֶּרְכָּבָ֥ה הַשֵּׁנִ֖ית סוּסִ֥ים שְׁחֹרִֽים׃ bamerekavah hariʾshonah susiym ʾadumiym uvamerekavah hasheniyt susiym sheḥoriym׃

3 וּבַמֶּרְכָּבָ֥ה הַשְּׁלִשִׁ֖ית סוּסִ֣ים לְבָנִ֑ים וּבַמֶּרְכָּבָה֙ הָרְבִעִ֔ית סוּסִ֥ים בְּרֻדִּ֖ים אֲמֻצִּֽים׃ uvamerekavah hashelishiyt susiym levaniym uvamerekavah hareviʿiyt susiym berudiym ʾamutsiym׃

4 וָאַ֙עַן֙ וָֽאֹמַ֔ר אֶל־הַמַּלְאָ֖ךְ הַדֹּבֵ֣ר בִּ֑י מָה־אֵ֖לֶּה אֲדֹנִֽי׃ waʾaʿan waʾomar ʾel־hamaleʾakhe hadover biy mah־ʾeleh ʾadoniy׃

5 וַיַּ֥עַן הַמַּלְאָ֖ךְ וַיֹּ֣אמֶר אֵלָ֑י אֵ֗לֶּה אַרְבַּע֙ רֻחֹ֣ות הַשָּׁמַ֔יִם יֹוצְאֹ֕ות מֵֽהִתְיַצֵּ֖ב עַל־אֲדֹ֥ון כָּל־הָאָֽרֶץ׃ wayaʿan hamaleʾakhe wayoʾmer ʾelay ʾeleh ʾarebaʿ ruḥowt hashamayim yowtseʾowt mehiteyatsev ʿal־ʾadown kal־haʾarets׃

6 אֲשֶׁר־בָּ֞הּ הַסּוּסִ֣ים הַשְּׁחֹרִ֗ים יֹֽצְאִים֙ אֶל־אֶ֣רֶץ צָפֹ֔ון וְהַלְּבָנִ֔ים יָצְא֖וּ אֶל־אַֽחֲרֵיהֶ֑ם וְהַ֨בְּרֻדִּ֔ים יָצְא֖וּ אֶל־אֶ֥רֶץ הַתֵּימָֽן׃ ʾasher־bah hasusiym hasheḥoriym yotseʾiym ʾel־ʾerets tsafown wehalevaniym yatseʾu ʾel־ʾaḥareyhem wehaberudiym yatseʾu ʾel־ʾerets hateyman׃

7 וְהָאֲמֻצִּ֣ים יָצְא֗וּ וַיְבַקְשׁוּ֙ לָלֶ֙כֶת֙ לְהִתְהַלֵּ֣ך בָּאָ֔רֶץ וַיֹּ֕אמֶר לְכ֖וּ הִתְהַלְּכ֣וּ בָאָ֑רֶץ וַתִּתְהַלַּ֖כְנָה בָּאָֽרֶץ׃ wehaʾamutsiym yatseʾu wayevaqeshu lalekhet lehitehalekh baʾarets wayoʾmer lekhu hitehalekhu vaʾarets watitehalakhenah baʾarets׃

8 וַיַּזְעֵ֣ק אֹתִ֔י וַיְדַבֵּ֥ר אֵלַ֖י לֵאמֹ֑ר רְאֵ֗ה הַיֹּֽוצְאִים֙ אֶל־אֶ֣רֶץ צָפֹ֔ון הֵנִ֥יחוּ אֶת־רוּחִ֖י בְּאֶ֥רֶץ צָפֹֽון׃ ס wayazeʿeq ʾotiy wayedaber ʾelay leʾmor reʾeh hayowtseʾiym ʾel־ʾerets tsafown heniyḥu ʾet־ruḥiy beʾerets tsafown׃ s

9 וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

10 לָקֹ֙וחַ֙ מֵאֵ֣ת הַגֹּולָ֔ה מֵחֶלְדַּ֕י וּמֵאֵ֥ת טֹובִיָּ֖ה וּמֵאֵ֣ת יְדַֽעְיָ֑ה וּבָאתָ֤ אַתָּה֙ בַּיֹּ֣ום הַה֔וּא וּבָ֗אתָ בֵּ֚ית יֹאשִׁיָּ֣ה בֶן־צְפַנְיָ֔ה אֲשֶׁר־בָּ֖אוּ מִבָּבֶֽל׃ laqowḥa meʾet hagowlah meḥeleday umeʾet ṭowviyah umeʾet yedaʿeyah uvaʾta ʾatah bayowm hahuʾ uvaʾta beyt yoʾshiyah ven־tsefaneyah ʾasher־baʾu mibavel׃

11 וְלָקַחְתָּ֥ כֶֽסֶף־וְזָהָ֖ב וְעָשִׂ֣יתָ עֲטָרֹ֑ות וְשַׂמְתָּ֗ בְּרֹ֛אשׁ יְהֹושֻׁ֥עַ בֶּן־יְהֹוצָדָ֖ק הַכֹּהֵ֥ן הַגָּדֹֽול׃ welaqaḥeta khesef־wezahav weʿasiyta ʿaṭarowt wesameta beroʾsh yehowshuaʿ ben־yehowtsadaq hakohen hagadowl׃

12 וְאָמַרְתָּ֤ אֵלָיו֙ לֵאמֹ֔ר כֹּ֥ה אָמַ֛ר יְהוָ֥ה צְבָאֹ֖ות לֵאמֹ֑ר הִנֵּה־אִ֞ישׁ צֶ֤מַח שְׁמֹו֙ וּמִתַּחְתָּ֣יו יִצְמָ֔ח וּבָנָ֖ה אֶת־הֵיכַ֥ל יְהוָֽה׃ weʾamareta ʾelayw leʾmor koh ʾamar yehwah tsevaʾowt leʾmor hineh־ʾiysh tsemaḥ shemow umitaḥetayw yitsemaḥ uvanah ʾet־heykhal yehwah׃

13 וְ֠הוּא יִבְנֶ֞ה אֶת־הֵיכַ֤ל יְהוָה֙ וְהֽוּא־יִשָּׂ֣א הֹ֔וד וְיָשַׁ֥ב וּמָשַׁ֖ל עַל־כִּסְאֹ֑ו וְהָיָ֤ה כֹהֵן֙ עַל־כִּסְאֹ֔ו וַעֲצַ֣ת שָׁלֹ֔ום תִּהְיֶ֖ה בֵּ֥ין שְׁנֵיהֶֽם׃ wehuʾ yiveneh ʾet־heykhal yehwah wehuʾ־yisaʾ howd weyashav umashal ʿal־kiseʾow wehayah khohen ʿal־kiseʾow waʿatsat shalowm tiheyeh beyn sheneyhem׃

14 וְהָעֲטָרֹ֗ת תִּֽהְיֶה֙ לְחֵ֙לֶם֙ וּלְטֹובִיָּ֣ה וְלִידַֽעְיָ֔ה וּלְחֵ֖ן בֶּן־צְפַנְיָ֑ה לְזִכָּרֹ֖ון בְּהֵיכַ֥ל יְהוָֽה׃ wehaʿaṭarot tiheyeh leḥelem uleṭowviyah weliydaʿeyah uleḥen ben־tsefaneyah lezikarown beheykhal yehwah׃

15 וּרְחֹוקִ֣ים ׀ יָבֹ֗אוּ וּבָנוּ֙ בְּהֵיכַ֣ל יְהוָ֔ה וִידַעְתֶּ֕ם כִּֽי־יְהוָ֥ה צְבָאֹ֖ות שְׁלָחַ֣נִי אֲלֵיכֶ֑ם וְהָיָה֙ אִם־שָׁמֹ֣ועַ תִּשְׁמְע֔וּן בְּקֹ֖ול יְהוָ֥ה אֱלֹהֵיכֶֽם׃ ס ureḥowqiym ׀ yavoʾu uvanu beheykhal yehwah wiydaʿetem kiy־yehwah tsevaʾowt shelaḥaniy ʾaleykhem wehayah ʾim־shamowʿa tishemeʿun beqowl yehwah ʾeloheykhem׃ s