Josué 13

¹ וִיהֹושֻׁ֣עַ זָקֵ֔ן בָּ֖א בַּיָּמִ֑ים וַיֹּ֨אמֶר יְהוָ֜ה אֵלָ֗יו אַתָּ֤ה זָקַ֙נְתָּה֙ בָּ֣אתָ בַיָּמִ֔ים וְהָאָ֛רֶץ נִשְׁאֲרָ֥ה הַרְבֵּֽה־מְאֹ֖ד לְרִשְׁתָּֽהּ׃ wiyhowshuaʿ zaqen baʾ bayamiym wayoʾmer yehwah ʾelayw ʾatah zaqanetah baʾta vayamiym wehaʾarets nisheʾarah harebeh־meʾod lerishetah׃

² זֹ֥את הָאָ֖רֶץ הַנִּשְׁאָ֑רֶת כָּל־גְּלִילֹ֥ות הַפְּלִשְׁתִּ֖ים וְכָל־הַגְּשׁוּרִֽי׃ zoʾt haʾarets hanisheʾaret kal־geliylowt hapelishetiym wekhal־hageshuriy׃

³ מִֽן־הַשִּׁיחֹ֞ור אֲשֶׁ֣ר ׀ עַל־פְּנֵ֣י מִצְרַ֗יִם וְעַ֨ד גְּב֤וּל עֶקְרֹון֙ צָפֹ֔ונָה לַֽכְּנַעֲנִ֖י תֵּחָשֵׁ֑ב חֲמֵ֣שֶׁת ׀ סַרְנֵ֣י פְלִשְׁתִּ֗ים הָעַזָּתִ֤י וְהָאַשְׁדֹּודִי֙ הָאֶשְׁקְלֹונִ֣י הַגִּתִּ֔י וְהָעֶקְרֹונִ֖י וְהָעַוִּֽים׃ min־hashiyḥowr ʾasher ׀ ʿal־peney mitserayim weʿad gevul ʿeqerown tsafownah lakenaʿaniy teḥashev ḥameshet ׀ sareney felishetiym haʿazatiy wehaʾashedowdiy haʾesheqelowniy hagitiy wehaʿeqerowniy wehaʿauiym׃

⁴ מִתֵּימָ֞ן כָּל־אֶ֣רֶץ הַֽכְּנַעֲנִ֗י וּמְעָרָ֛ה אֲשֶׁ֥ר לַצִּידֹנִ֖ים עַד־אֲפֵ֑קָה עַ֖ד גְּב֥וּל הָאֱמֹרִֽי׃ miteyman kal־ʾerets hakenaʿaniy umeʿarah ʾasher latsiydoniym ʿad־ʾafeqah ʿad gevul haʾemoriy׃

⁵ וְהָאָ֣רֶץ הַגִּבְלִ֗י וְכָל־הַלְּבָנֹון֙ מִזְרַ֣ח הַשֶּׁ֔מֶשׁ מִבַּ֣עַל גָּ֔ד תַּ֖חַת הַר־חֶרְמֹ֑ון עַ֖ד לְבֹ֥וא חֲמָֽת׃ wehaʾarets hagiveliy wekhal־halevanown mizeraḥ hashemesh mibaʿal gad taḥat har־ḥeremown ʿad levowʾ ḥamat׃

⁶ כָּל־יֹשְׁבֵ֣י הָ֠הָר מִֽן־הַלְּבָנֹ֞ון עַד־מִשְׂרְפֹ֥ת מַ֙יִם֙ כָּל־צִ֣ידֹנִ֔ים אָֽנֹכִי֙ אֹורִישֵׁ֔ם מִפְּנֵ֖י בְּנֵ֣י יִשְׂרָאֵ֑ל רַ֠ק הַפִּלֶ֤הָ לְיִשְׂרָאֵל֙ בְּֽנַחֲלָ֔ה כַּאֲשֶׁ֖ר צִוִּיתִֽיךָ׃ kal־yoshevey hahar min־halevanown ʿad־miserefot mayim kal־tsiydoniym ʾanokhiy ʾowriyshem mipeney beney yiseraʾel raq hapileah leyiseraʾel benaḥalah kaʾasher tsiuiytiykha׃

⁷ וְעַתָּ֗ה חַלֵּ֞ק אֶת־הָאָ֧רֶץ הַזֹּ֛את בְּנַחֲלָ֖ה לְתִשְׁעַ֣ת הַשְּׁבָטִ֑ים וַחֲצִ֖י הַשֵּׁ֥בֶט הַֽמְנַשֶּֽׁה׃ weʿatah ḥaleq ʾet־haʾarets hazoʾt benaḥalah letisheʿat hashevaṭiym waḥatsiy hasheveṭ hamenasheh׃

⁸ עִמֹּ֗ו הָרֽאוּבֵנִי֙ וְהַגָּדִ֔י לָקְח֖וּ נַחֲלָתָ֑ם אֲשֶׁר֩ נָתַ֨ן לָהֶ֜ם מֹשֶׁ֗ה בְּעֵ֤בֶר הַיַּרְדֵּן֙ מִזְרָ֔חָה כַּאֲשֶׁר֙ נָתַ֣ן לָהֶ֔ם מֹשֶׁ֖ה עֶ֥בֶד יְהוָֽה׃ ʿimow harʾuveniy wehagadiy laqeḥu naḥalatam ʾasher natan lahem mosheh beʿever hayareden mizeraḥah kaʾasher natan lahem mosheh ʿeved yehwah׃

⁹ מֵעֲרֹועֵ֡ר אֲשֶׁר֩ עַל־שְׂפַת־נַ֨חַל אַרְנֹ֜ון וְהָעִ֨יר אֲשֶׁ֧ר בְּתֹוךְ־הַנַּ֛חַל וְכָל־הַמִּישֹׁ֥ר מֵידְבָ֖א עַד־דִּיבֹֽון׃ meʿarowʿer ʾasher ʿal־sefat־naḥal ʾarenown wehaʿiyr ʾasher betowkhe־hanaḥal wekhal־hamiyshor meydevaʾ ʿad־diyvown׃

¹⁰ וְכֹ֗ל עָרֵי֙ סִיחֹון֙ מֶ֣לֶךְ הָאֱמֹרִ֔י אֲשֶׁ֥ר מָלַ֖ךְ בְּחֶשְׁבֹּ֑ון עַד־גְּב֖וּל בְּנֵ֥י עַמֹּֽון׃ wekhol ʿarey siyḥown melekhe haʾemoriy ʾasher malakhe beḥeshebown ʿad־gevul beney ʿamown׃

¹¹ וְהַגִּלְעָ֞ד וּגְב֧וּל הַגְּשׁוּרִ֣י וְהַמַּעֲכָתִ֗י וְכֹ֨ל הַ֥ר חֶרְמֹ֛ון וְכָל־הַבָּשָׁ֖ן עַד־סַלְכָֽה׃ wehagileʿad ugevul hageshuriy wehamaʿakhatiy wekhol har ḥeremown wekhal־habashan ʿad־salekhah׃

¹² כָּל־מַמְלְכ֥וּת עֹוג֙ בַּבָּשָׁ֔ן אֲשֶׁר־מָלַ֥ךְ בְּעַשְׁתָּרֹ֖ות וּבְאֶדְרֶ֑עִי ה֤וּא נִשְׁאַר֙ מִיֶּ֣תֶר הָרְפָאִ֔ים וַיַּכֵּ֥ם מֹשֶׁ֖ה וַיֹּרִשֵֽׁם׃ kal־mamelekhut ʿowg babashan ʾasher־malakhe beʿashetarowt uveʾedereʿiy huʾ nisheʾar miyeter harefaʾiym wayakem mosheh wayorishem׃

¹³ וְלֹ֤א הֹורִ֙ישׁוּ֙ בְּנֵ֣י יִשְׂרָאֵ֔ל אֶת־הַגְּשׁוּרִ֖י וְאֶת־הַמַּעֲכָתִ֑י וַיֵּ֨שֶׁב גְּשׁ֤וּר וּמַֽעֲכָת֙ בְּקֶ֣רֶב יִשְׂרָאֵ֔ל עַ֖ד הַיֹּ֥ום הַזֶּֽה׃ weloʾ howriyshu beney yiseraʾel ʾet־hageshuriy weʾet־hamaʿakhatiy wayeshev geshur umaʿakhat beqerev yiseraʾel ʿad hayowm hazeh׃

¹⁴ רַ֚ק לְשֵׁ֣בֶט הַלֵּוִ֔י לֹ֥א נָתַ֖ן נַחֲלָ֑ה אִשֵּׁ֨י יְהוָ֜ה אֱלֹהֵ֤י יִשְׂרָאֵל֙ ה֣וּא נַחֲלָתֹ֔ו כַּאֲשֶׁ֖ר דִּבֶּר־לֹֽו׃ ס raq lesheveṭ halewiy loʾ natan naḥalah ʾishey yehwah ʾelohey yiseraʾel huʾ naḥalatow kaʾasher diber־low׃ s

¹⁵ וַיִּתֵּ֣ן מֹשֶׁ֔ה לְמַטֵּ֥ה בְנֵֽי־רְאוּבֵ֖ן לְמִשְׁפְּחֹתָֽם׃ wayiten mosheh lemaṭeh veney־reʾuven lemishepeḥotam׃

¹⁶ וַיְהִ֨י לָהֶ֜ם הַגְּב֗וּל מֵעֲרֹועֵ֡ר אֲשֶׁר֩ עַל־שְׂפַת־נַ֨חַל אַרְנֹ֜ון וְהָעִ֨יר אֲשֶׁ֧ר בְּתֹוךְ־הַנַּ֛חַל וְכָל־הַמִּישֹׁ֖ר עַל־מֵידְבָֽא׃ wayehiy lahem hagevul meʿarowʿer ʾasher ʿal־sefat־naḥal ʾarenown wehaʿiyr ʾasher betowkhe־hanaḥal wekhal־hamiyshor ʿal־meydevaʾ׃

¹⁷ חֶשְׁבֹּ֥ון וְכָל־עָרֶ֖יהָ אֲשֶׁ֣ר בַּמִּישֹׁ֑ר דִּיבֹון֙ וּבָמֹ֣ות בַּ֔עַל וּבֵ֖ית בַּ֥עַל מְעֹֽון׃ ḥeshebown wekhal־ʿareyha ʾasher bamiyshor diyvown uvamowt baʿal uveyt baʿal meʿown׃

¹⁸ וְיַ֥הְצָה וּקְדֵמֹ֖ת וּמֵפָֽעַת׃ weyahetsah uqedemot umefaʿat׃

¹⁹ וְקִרְיָתַ֣יִם וְשִׂבְמָ֔ה וְצֶ֥רֶת הַשַּׁ֖חַר בְּהַ֥ר הָעֵֽמֶק׃ weqireyatayim wesivemah wetseret hashaḥar behar haʿemeq׃

²⁰ וּבֵ֥ית פְּעֹ֛ור וְאַשְׁדֹּ֥ות הַפִּסְגָּ֖ה וּבֵ֥ית הַיְשִׁמֹֽות׃ uveyt peʿowr weʾashedowt hapisegah uveyt hayeshimowt׃

²¹ וְכֹל֙ עָרֵ֣י הַמִּישֹׁ֔ר וְכָֽל־מַמְלְכ֗וּת סִיחֹון֙ מֶ֣לֶךְ הָאֱמֹרִ֔י אֲשֶׁ֥ר מָלַ֖ךְ בְּחֶשְׁבֹּ֑ון אֲשֶׁר֩ הִכָּ֨ה מֹשֶׁ֜ה אֹתֹ֣ו ׀ וְאֶת־נְשִׂיאֵ֣י מִדְיָ֗ן אֶת־אֱוִ֤י וְאֶת־רֶ֙קֶם֙ וְאֶת־צ֤וּר וְאֶת־חוּר֙ וְאֶת־רֶ֔בַע נְסִיכֵ֣י סִיחֹ֔ון יֹשְׁבֵ֖י הָאָֽרֶץ׃ wekhol ʿarey hamiyshor wekhal־mamelekhut siyḥown melekhe haʾemoriy ʾasher malakhe beḥeshebown ʾasher hikah mosheh ʾotow ׀ weʾet־nesiyʾey mideyan ʾet־ʾewiy weʾet־reqem weʾet־tsur weʾet־ḥur weʾet־revaʿ nesiykhey siyḥown yoshevey haʾarets׃

²² וְאֶת־בִּלְעָ֥ם בֶּן־בְּעֹ֖ור הַקֹּוסֵ֑ם הָרְג֧וּ בְנֵֽי־יִשְׂרָאֵ֛ל בַּחֶ֖רֶב אֶל־חַלְלֵיהֶֽם׃ weʾet־bileʿam ben־beʿowr haqowsem haregu veney־yiseraʾel baḥerev ʾel־ḥaleleyhem׃

²³ וַיְהִ֗י גְּבוּל֙ בְּנֵ֣י רְאוּבֵ֔ן הַיַּרְדֵּ֖ן וּגְב֑וּל זֹ֣את נַחֲלַ֤ת בְּנֵֽי־רְאוּבֵן֙ לְמִשְׁפְּחֹתָ֔ם הֶעָרִ֖ים וְחַצְרֵיהֶֽן׃ פ wayehiy gevul beney reʾuven hayareden ugevul zoʾt naḥalat beney־reʾuven lemishepeḥotam heʿariym weḥatsereyhen׃ f

²⁴ וַיִּתֵּ֤ן מֹשֶׁה֙ לְמַטֵּה־גָ֔ד לִבְנֵי־גָ֖ד לְמִשְׁפְּחֹתָֽם׃ wayiten mosheh lemaṭeh־gad liveney־gad lemishepeḥotam׃

²⁵ וַיְהִ֤י לָהֶם֙ הַגְּב֔וּל יַעְזֵר֙ וְכָל־עָרֵ֣י הַגִּלְעָ֔ד וַחֲצִ֕י אֶ֖רֶץ בְּנֵ֣י עַמֹּ֑ון עַד־עֲרֹועֵ֕ר אֲשֶׁ֖ר עַל־פְּנֵ֥י רַבָּֽה׃ wayehiy lahem hagevul yaʿezer wekhal־ʿarey hagileʿad waḥatsiy ʾerets beney ʿamown ʿad־ʿarowʿer ʾasher ʿal־peney rabah׃

²⁶ וּמֵחֶשְׁבֹּ֛ון עַד־רָמַ֥ת הַמִּצְפֶּ֖ה וּבְטֹנִ֑ים וּמִֽמַּחֲנַ֖יִם עַד־גְּב֥וּל לִדְבִֽר׃ umeḥeshebown ʿad־ramat hamitsepeh uveṭoniym umimaḥanayim ʿad־gevul lidevir׃

²⁷ וּבָעֵ֡מֶק בֵּ֣ית הָרָם֩ וּבֵ֨ית נִמְרָ֜ה וְסֻכֹּ֣ות וְצָפֹ֗ון יֶ֚תֶר מַמְלְכ֗וּת סִיחֹון֙ מֶ֣לֶךְ חֶשְׁבֹּ֔ון הַיַּרְדֵּ֖ן וּגְבֻ֑ל עַד־קְצֵה֙ יָם־כִּנֶּ֔רֶת עֵ֥בֶר הַיַּרְדֵּ֖ן מִזְרָֽחָה׃ uvaʿemeq beyt haram uveyt nimerah wesukowt wetsafown yeter mamelekhut siyḥown melekhe ḥeshebown hayareden ugevul ʿad־qetseh yam־kineret ʿever hayareden mizeraḥah׃

²⁸ זֹ֛את נַחֲלַ֥ת בְּנֵי־גָ֖ד לְמִשְׁפְּחֹתָ֑ם הֶעָרִ֖ים וְחַצְרֵיהֶֽם׃ zoʾt naḥalat beney־gad lemishepeḥotam heʿariym weḥatsereyhem׃

²⁹ וַיִּתֵּ֣ן מֹשֶׁ֔ה לַחֲצִ֖י שֵׁ֣בֶט מְנַשֶּׁ֑ה וַיְהִ֗י לַחֲצִ֛י מַטֵּ֥ה בְנֵֽי־מְנַשֶּׁ֖ה לְמִשְׁפְּחֹותָֽם׃ wayiten mosheh laḥatsiy sheveṭ menasheh wayehiy laḥatsiy maṭeh veney־menasheh lemishepeḥowtam׃

³⁰ וַיְהִ֣י גְבוּלָ֗ם מִמַּחֲנַ֨יִם כָּֽל־הַבָּשָׁ֜ן כָּֽל־מַמְלְכ֣וּת ׀ עֹ֣וג מֶֽלֶךְ־הַבָּשָׁ֗ן וְכָל־חַוֹּ֥ת יָאִ֛יר אֲשֶׁ֥ר בַּבָּשָׁ֖ן שִׁשִּׁ֥ים עִֽיר׃ wayehiy gevulam mimaḥanayim kal־habashan kal־mamelekhut ׀ ʿowg melekhe־habashan wekhal־ḥaot yaʾiyr ʾasher babashan shishiym ʿiyr׃

³¹ וַחֲצִ֤י הַגִּלְעָד֙ וְעַשְׁתָּרֹ֣ות וְאֶדְרֶ֔עִי עָרֵ֛י מַמְלְכ֥וּת עֹ֖וג בַּבָּשָׁ֑ן לִבְנֵ֤י מָכִיר֙ בֶּן־מְנַשֶּׁ֔ה לַחֲצִ֥י בְנֵֽי־מָכִ֖יר לְמִשְׁפְּחֹותָֽם׃ waḥatsiy hagileʿad weʿashetarowt weʾedereʿiy ʿarey mamelekhut ʿowg babashan liveney makhiyr ben־menasheh laḥatsiy veney־makhiyr lemishepeḥowtam׃

³² אֵ֕לֶּה אֲשֶׁר־נִחַ֥ל מֹשֶׁ֖ה בְּעַֽרְבֹ֣ות מֹואָ֑ב מֵעֵ֛בֶר לְיַרְדֵּ֥ן יְרִיחֹ֖ו מִזְרָֽחָה׃ ס ʾeleh ʾasher־niḥal mosheh beʿarevowt mowʾav meʿever leyareden yeriyḥow mizeraḥah׃ s

³³ וּלְשֵׁ֙בֶט֙ הַלֵּוִ֔י לֹֽא־נָתַ֥ן מֹשֶׁ֖ה נַחֲלָ֑ה יְהוָ֞ה אֱלֹהֵ֤י יִשְׂרָאֵל֙ ה֣וּא נַחֲלָתָ֔ם כַּאֲשֶׁ֖ר דִּבֶּ֥ר לָהֶֽם׃ ulesheveṭ halewiy loʾ־natan mosheh naḥalah yehwah ʾelohey yiseraʾel huʾ naḥalatam kaʾasher diber lahem׃