1 וַֽיְהִי֙ בַּיָּמִ֣ים הָהֵ֔ם וַיִּקְבְּצ֨וּ פְלִשְׁתִּ֤ים אֶת־מַֽחֲנֵיהֶם֙ לַצָּבָ֔א לְהִלָּחֵ֖ם בְּיִשְׂרָאֵ֑ל וַיֹּ֤אמֶר אָכִישׁ֙ אֶל־דָּוִ֔ד יָדֹ֣עַ תֵּדַ֗ע כִּ֤י אִתִּי֙ תֵּצֵ֣א בַֽמַּחֲנֶ֔ה אַתָּ֖ה וַאֲנָשֶֽׁיךָ׃ wayehiy bayamiym hahem wayiqebetsu felishetiym ʾet־maḥaneyhem latsavaʾ lehilaḥem beyiseraʾel wayoʾmer ʾakhiysh ʾel־dawid yadoaʿ tedaʿ kiy ʾitiy tetseʾ vamaḥaneh ʾatah waʾanasheykha׃
2 וַיֹּ֤אמֶר דָּוִד֙ אֶל־אָכִ֔ישׁ לָכֵן֙ אַתָּ֣ה תֵדַ֔ע אֵ֥ת אֲשֶׁר־יַעֲשֶׂ֖ה עַבְדֶּ֑ךָ וַיֹּ֤אמֶר אָכִישׁ֙ אֶל־דָּוִ֔ד לָכֵ֗ן שֹׁמֵ֧ר לְרֹאשִׁ֛י אֲשִֽׂימְךָ֖ כָּל־הַיָּמִֽים׃ פ wayoʾmer dawid ʾel־ʾakhiysh lakhen ʾatah tedaʿ ʾet ʾasher־yaʿaseh ʿavedekha wayoʾmer ʾakhiysh ʾel־dawid lakhen shomer leroʾshiy ʾasiymekha kal־hayamiym׃ f
3 וּשְׁמוּאֵ֣ל מֵ֔ת וַיִּסְפְּדוּ־לֹו֙ כָּל־יִשְׂרָאֵ֔ל וַיִּקְבְּרֻ֥הוּ בָרָמָ֖ה וּבְעִירֹ֑ו וְשָׁא֗וּל הֵסִ֛יר הָאֹבֹ֥ות וְאֶת־הַיִּדְּעֹנִ֖ים מֵהָאָֽרֶץ׃ ushemuʾel met wayisepedu־low kal־yiseraʾel wayiqeberuhu varamah uveʿiyrow weshaʾul hesiyr haʾovowt weʾet־hayideʿoniym mehaʾarets׃
4 וַיִּקָּבְצ֣וּ פְלִשְׁתִּ֔ים וַיָּבֹ֖אוּ וַיַּחֲנ֣וּ בְשׁוּנֵ֑ם וַיִּקְבֹּ֤ץ שָׁאוּל֙ אֶת־כָּל־יִשְׂרָאֵ֔ל וַֽיַּחֲנ֖וּ בַּגִּלְבֹּֽעַ׃ wayiqavetsu felishetiym wayavoʾu wayaḥanu veshunem wayiqebots shaʾul ʾet־kal־yiseraʾel wayaḥanu bagileboaʿ׃
5 וַיַּ֥רְא שָׁא֖וּל אֶת־מַחֲנֵ֣ה פְלִשְׁתִּ֑ים וַיִּרָ֕א וַיֶּחֱרַ֥ד לִבֹּ֖ו מְאֹֽד׃ wayareʾ shaʾul ʾet־maḥaneh felishetiym wayiraʾ wayeḥerad libow meʾod׃
6 וַיִּשְׁאַ֤ל שָׁאוּל֙ בַּֽיהוָ֔ה וְלֹ֥א עָנָ֖הוּ יְהוָ֑ה גַּ֧ם בַּחֲלֹמֹ֛ות גַּ֥ם בָּאוּרִ֖ים גַּ֥ם בַּנְּבִיאִֽם׃ wayisheʾal shaʾul bayhwah weloʾ ʿanahu yehwah gam baḥalomowt gam baʾuriym gam baneviyʾim׃
7 וַיֹּ֨אמֶר שָׁא֜וּל לַעֲבָדָ֗יו בַּקְּשׁוּ־לִי֙ אֵ֣שֶׁת בַּעֲלַת־אֹ֔וב וְאֵלְכָ֥ה אֵלֶ֖יהָ וְאֶדְרְשָׁה־בָּ֑הּ וַיֹּאמְר֤וּ עֲבָדָיו֙ אֵלָ֔יו הִנֵּ֛ה אֵ֥שֶׁת בַּֽעֲלַת־אֹ֖וב בְּעֵ֥ין דֹּֽור׃ wayoʾmer shaʾul laʿavadayw baqeshu־liy ʾeshet baʿalat־ʾowv weʾelekhah ʾeleyha weʾedereshah־bah wayoʾmeru ʿavadayw ʾelayw hineh ʾeshet baʿalat־ʾowv beʿeyn dowr׃
8 וַיִּתְחַפֵּ֣שׂ שָׁא֗וּל וַיִּלְבַּשׁ֙ בְּגָדִ֣ים אֲחֵרִ֔ים וַיֵּ֣לֶךְ ה֗וּא וּשְׁנֵ֤י אֲנָשִׁים֙ עִמֹּ֔ו וַיָּבֹ֥אוּ אֶל־הָאִשָּׁ֖ה לָ֑יְלָה וַיֹּ֗אמֶר [קָסֹומִי־ כ] (קָֽסֳמִי־נָ֥א ק) לִי֙ בָּאֹ֔וב וְהַ֣עֲלִי לִ֔י אֵ֥ת אֲשֶׁר־אֹמַ֖ר אֵלָֽיִךְ׃ wayiteḥapes shaʾul wayilebash begadiym ʾaḥeriym wayelekhe huʾ usheney ʾanashiym ʿimow wayavoʾu ʾel־haʾishah layelah wayoʾmer [qasowmiy־ kh] (qasomiy־naʾ q) liy baʾowv wehaʿaliy liy ʾet ʾasher־ʾomar ʾelayikhe׃
9 וַתֹּ֨אמֶר הָֽאִשָּׁ֜ה אֵלָ֗יו הִנֵּ֨ה אַתָּ֤ה יָדַ֙עְתָּ֙ אֵ֣ת אֲשֶׁר־עָשָׂ֣ה שָׁא֔וּל אֲשֶׁ֥ר הִכְרִ֛ית אֶת־הָאֹבֹ֥ות וְאֶת־הַיִּדְּעֹנִ֖י מִן־הָאָ֑רֶץ וְלָמָ֥ה אַתָּ֛ה מִתְנַקֵּ֥שׁ בְּנַפְשִׁ֖י לַהֲמִיתֵֽנִי׃ watoʾmer haʾishah ʾelayw hineh ʾatah yadaʿeta ʾet ʾasher־ʿasah shaʾul ʾasher hikheriyt ʾet־haʾovowt weʾet־hayideʿoniy min־haʾarets welamah ʾatah mitenaqesh benafeshiy lahamiyteniy׃
10 וַיִּשָּׁ֤בַֽע לָהּ֙ שָׁא֔וּל בַּֽיהוָ֖ה לֵאמֹ֑ר חַי־יְהוָ֕ה אִֽם־יִקְּרֵ֥ךְ עָוֹ֖ן בַּדָּבָ֥ר הַזֶּֽה׃ wayishavaʿ lah shaʾul bayhwah leʾmor ḥay־yehwah ʾim־yiqerekhe ʿaon badavar hazeh׃
11 וַתֹּ֙אמֶר֙ הָֽאִשָּׁ֔ה אֶת־מִ֖י אַֽעֲלֶה־לָּ֑ךְ וַיֹּ֕אמֶר אֶת־שְׁמוּאֵ֖ל הַֽעֲלִי־לִֽי׃ watoʾmer haʾishah ʾet־miy ʾaʿaleh־lakhe wayoʾmer ʾet־shemuʾel haʿaliy־liy׃
12 וַתֵּ֤רֶא הָֽאִשָּׁה֙ אֶת־שְׁמוּאֵ֔ל וַתִּזְעַ֖ק בְּקֹ֣ול גָּדֹ֑ול וַתֹּאמֶר֩ הָאִשָּׁ֨ה אֶל־שָׁא֧וּל לֵאמֹ֛ר לָ֥מָּה רִמִּיתָ֖נִי וְאַתָּ֥ה שָׁאֽוּל׃ watereʾ haʾishah ʾet־shemuʾel watizeʿaq beqowl gadowl watoʾmer haʾishah ʾel־shaʾul leʾmor lamah rimiytaniy weʾatah shaʾul׃
13 וַיֹּ֨אמֶר לָ֥הּ הַמֶּ֛לֶךְ אַל־תִּֽירְאִ֖י כִּ֣י מָ֣ה רָאִ֑ית וַתֹּ֤אמֶר הָֽאִשָּׁה֙ אֶל־שָׁא֔וּל אֱלֹהִ֥ים רָאִ֖יתִי עֹלִ֥ים מִן־הָאָֽרֶץ׃ wayoʾmer lah hamelekhe ʾal־tiyreʾiy kiy mah raʾiyt watoʾmer haʾishah ʾel־shaʾul ʾelohiym raʾiytiy ʿoliym min־haʾarets׃
14 וַיֹּ֤אמֶר לָהּ֙ מַֽה־תָּאֳרֹ֔ו וַתֹּ֗אמֶר אִ֤ישׁ זָקֵן֙ עֹלֶ֔ה וְה֥וּא עֹטֶ֖ה מְעִ֑יל וַיֵּ֤דַע שָׁאוּל֙ כִּֽי־שְׁמוּאֵ֣ל ה֔וּא וַיִּקֹּ֥ד אַפַּ֛יִם אַ֖רְצָה וַיִּשְׁתָּֽחוּ׃ ס wayoʾmer lah mah־taʾorow watoʾmer ʾiysh zaqen ʿoleh wehuʾ ʿoṭeh meʿiyl wayedaʿ shaʾul kiy־shemuʾel huʾ wayiqod ʾapayim ʾaretsah wayishetaḥu׃ s
15 וַיֹּ֤אמֶר שְׁמוּאֵל֙ אֶל־שָׁא֔וּל לָ֥מָּה הִרְגַּזְתַּ֖נִי לְהַעֲלֹ֣ות אֹתִ֑י וַיֹּ֣אמֶר אוּל צַר־לִ֨י מְאֹ֜ד וּפְלִשְׁתִּ֣ים ׀ נִלְחָמִ֣ים בִּ֗י וֵֽאלֹהִ֞ים סָ֤ר מֵֽעָלַי֙ וְלֹֽא־עָנָ֣נִי עֹ֗וד גַּ֤ם בְּיַֽד־הַנְּבִיאִם֙ גַּם־בַּ֣חֲלֹמֹ֔ות וָאֶקְרָאֶ֣ה לְךָ֔ לְהֹודִיעֵ֖נִי מָ֥ה אֶעֱשֶֽׂה׃ ס wayoʾmer shemuʾel ʾel־shaʾul lamah hiregazetaniy lehaʿalowt ʾotiy wayoʾmer ʾul tsar־liy meʾod ufelishetiym ׀ nileḥamiym biy weʾlohiym sar meʿalay weloʾ־ʿananiy ʿowd gam beyad־haneviyʾim gam־baḥalomowt waʾeqeraʾeh lekha lehowdiyʿeniy mah ʾeʿeseh׃ s
16 וַיֹּ֣אמֶר שְׁמוּאֵ֔ל וְלָ֖מָּה תִּשְׁאָלֵ֑נִי וַיהוָ֛ה סָ֥ר מֵעָלֶ֖יךָ וַיְהִ֥י עָרֶֽךָ׃ wayoʾmer shemuʾel welamah tisheʾaleniy wayhwah sar meʿaleykha wayehiy ʿarekha׃
17 וַיַּ֤עַשׂ יְהוָה֙ לֹ֔ו כַּאֲשֶׁ֖ר דִּבֶּ֣ר בְּיָדִ֑י וַיִּקְרַ֨ע יְהוָ֤ה אֶת־הַמַּמְלָכָה֙ מִיָּדֶ֔ךָ וַֽיִּתְּנָ֖הּ לְרֵעֲךָ֥ לְדָוִֽד׃ wayaʿas yehwah low kaʾasher diber beyadiy wayiqeraʿ yehwah ʾet־hamamelakhah miyadekha wayitenah lereʿakha ledawid׃
18 כַּאֲשֶׁ֤ר לֹֽא־שָׁמַ֙עְתָּ֙ בְּקֹ֣ול יְהוָ֔ה וְלֹֽא־עָשִׂ֥יתָ חֲרֹון־אַפֹּ֖ו בַּעֲמָלֵ֑ק עַל־כֵּן֙ הַדָּבָ֣ר הַזֶּ֔ה עָשָֽׂה־לְךָ֥ יְהוָ֖ה הַיֹּ֥ום הַזֶּֽה׃ kaʾasher loʾ־shamaʿeta beqowl yehwah weloʾ־ʿasiyta ḥarown־ʾapow baʿamaleq ʿal־ken hadavar hazeh ʿasah־lekha yehwah hayowm hazeh׃
19 וְיִתֵּ֣ן יְ֠הוָה גַּ֣ם אֶת־יִשְׂרָאֵ֤ל עִמְּךָ֙ בְּיַד־פְּלִשְׁתִּ֔ים וּמָחָ֕ר אַתָּ֥ה וּבָנֶ֖יךָ עִמִּ֑י גַּ֚ם אֶת־מַחֲנֵ֣ה יִשְׂרָאֵ֔ל יִתֵּ֥ן יְהוָ֖ה בְּיַד־פְּלִשְׁתִּֽים׃ weyiten yehwah gam ʾet־yiseraʾel ʿimekha beyad־pelishetiym umaḥar ʾatah uvaneykha ʿimiy gam ʾet־maḥaneh yiseraʾel yiten yehwah beyad־pelishetiym׃
20 וַיְמַהֵ֣ר שָׁא֗וּל וַיִּפֹּ֤ל מְלֹא־קֹֽומָתֹו֙ אַ֔רְצָה וַיִּרָ֥א מְאֹ֖ד מִדִּבְרֵ֣י שְׁמוּאֵ֑ל גַּם־כֹּ֙חַ֙ לֹא־הָ֣יָה בֹ֔ו כִּ֣י לֹ֤א אָכַל֙ לֶ֔חֶם כָּל־הַיֹּ֖ום וְכָל־הַלָּֽיְלָה׃ wayemaher shaʾul wayipol meloʾ־qowmatow ʾaretsah wayiraʾ meʾod midiverey shemuʾel gam־koaḥ loʾ־hayah vow kiy loʾ ʾakhal leḥem kal־hayowm wekhal־halayelah׃
21 וַתָּבֹ֤וא הָֽאִשָּׁה֙ אֶל־שָׁא֔וּל וַתֵּ֖רֶא כִּי־נִבְהַ֣ל מְאֹ֑ד וַתֹּ֣אמֶר אֵלָ֗יו הִנֵּ֨ה שָׁמְעָ֤ה שִׁפְחָֽתְךָ֙ בְּקֹולֶ֔ךָ וָאָשִׂ֤ים נַפְשִׁי֙ בְּכַפִּ֔י וָֽאֶשְׁמַע֙ אֶת־דְּבָרֶ֔יךָ אֲשֶׁ֥ר דִּבַּ֖רְתָּ אֵלָֽי׃ watavowʾ haʾishah ʾel־shaʾul watereʾ kiy־nivehal meʾod watoʾmer ʾelayw hineh shameʿah shifeḥatekha beqowlekha waʾasiym nafeshiy bekhapiy waʾeshemaʿ ʾet־devareykha ʾasher dibareta ʾelay׃
22 וְעַתָּ֗ה שְׁמַֽע־נָ֤א גַם־אַתָּה֙ בְּקֹ֣ול שִׁפְחָתֶ֔ךָ וְאָשִׂ֧מָה לְפָנֶ֛יךָ פַּת־לֶ֖חֶם וֶאֱכֹ֑ול וִיהִ֤י בְךָ֙ כֹּ֔חַ כִּ֥י תֵלֵ֖ךְ בַּדָּֽרֶךְ׃ weʿatah shemaʿ־naʾ gam־ʾatah beqowl shifeḥatekha weʾasimah lefaneykha pat־leḥem weʾekhowl wiyhiy vekha koaḥ kiy telekhe badarekhe׃
23 וַיְמָאֵ֗ן וַיֹּ֙אמֶר֙ לֹ֣א אֹכַ֔ל וַיִּפְרְצוּ־בֹ֤ו עֲבָדָיו֙ וְגַם־הָ֣אִשָּׁ֔ה וַיִּשְׁמַ֖ע לְקֹלָ֑ם וַיָּ֙קָם֙ מֵֽהָאָ֔רֶץ וַיֵּ֖שֶׁב אֶל־הַמִּטָּֽה׃ wayemaʾen wayoʾmer loʾ ʾokhal wayiferetsu־vow ʿavadayw wegam־haʾishah wayishemaʿ leqolam wayaqam mehaʾarets wayeshev ʾel־hamiṭah׃
24 וְלָאִשָּׁ֤ה עֵֽגֶל־מַרְבֵּק֙ בַּבַּ֔יִת וַתְּמַהֵ֖ר וַתִּזְבָּחֵ֑הוּ וַתִּקַּח־קֶ֣מַח וַתָּ֔לָשׁ וַתֹּפֵ֖הוּ מַצֹּֽות׃ welaʾishah ʿegel־marebeq babayit watemaher watizebaḥehu watiqaḥ־qemaḥ watalash watofehu matsowt׃
25 וַתַּגֵּ֧שׁ לִפְנֵֽי־שָׁא֛וּל וְלִפְנֵ֥י עֲבָדָ֖יו וַיֹּאכֵ֑לוּ וַיָּקֻ֥מוּ וַיֵּלְכ֖וּ בַּלַּ֥יְלָה הַהֽוּא׃ פ watagesh lifeney־shaʾul welifeney ʿavadayw wayoʾkhelu wayaqumu wayelekhu balayelah hahuʾ׃ f