Jérémie 1

¹ דִּבְרֵ֥י יִרְמְיָ֖הוּ בֶּן־חִלְקִיָּ֑הוּ מִן־הַכֹּֽהֲנִים֙ אֲשֶׁ֣ר בַּעֲנָתֹ֔ות בְּאֶ֖רֶץ בִּנְיָמִֽן׃ diverey yiremeyahu ben־ḥileqiyahu min־hakohaniym ʾasher baʿanatowt beʾerets bineyamin׃

² אֲשֶׁ֨ר הָיָ֤ה דְבַר־יְהוָה֙ אֵלָ֔יו בִּימֵ֛י יֹאשִׁיָּ֥הוּ בֶן־אָמֹ֖ון מֶ֣לֶךְ יְהוּדָ֑ה בִּשְׁלֹשׁ־עֶשְׂרֵ֥ה שָׁנָ֖ה לְמָלְכֹֽו׃ ʾasher hayah devar־yehwah ʾelayw biymey yoʾshiyahu ven־ʾamown melekhe yehudah bishelosh־ʿesereh shanah lemalekhow׃

³ וַיְהִ֗י בִּימֵ֨י יְהֹויָקִ֤ים בֶּן־יֹאשִׁיָּ֙הוּ֙ מֶ֣לֶךְ יְהוּדָ֔ה עַד־תֹּם֙ עַשְׁתֵּ֣י עֶשְׂרֵ֣ה שָׁנָ֔ה לְצִדְקִיָּ֥הוּ בֶן־יֹאשִׁיָּ֖הוּ מֶ֣לֶךְ יְהוּדָ֑ה עַד־גְּלֹ֥ות יְרוּשָׁלִַ֖ם בַּחֹ֥דֶשׁ הַחֲמִישִֽׁי׃ ס wayehiy biymey yehowyaqiym ben־yoʾshiyahu melekhe yehudah ʿad־tom ʿashetey ʿesereh shanah letsideqiyahu ven־yoʾshiyahu melekhe yehudah ʿad־gelowt yerushalim baḥodesh haḥamiyshiy׃ s

⁴ וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

⁵ בְּטֶ֨רֶם [אֶצֹּורְךָ כ] (אֶצָּרְךָ֤ ק) בַבֶּ֙טֶן֙ יְדַעְתִּ֔יךָ וּבְטֶ֛רֶם תֵּצֵ֥א מֵרֶ֖חֶם הִקְדַּשְׁתִּ֑יךָ נָבִ֥יא לַגֹּויִ֖ם נְתַתִּֽיךָ׃ beṭerem [ʾetsowrekha kh] (ʾetsarekha q) vabeṭen yedaʿetiykha uveṭerem tetseʾ mereḥem hiqedashetiykha naviyʾ lagowyim netatiykha׃

⁶ וָאֹמַ֗ר אֲהָהּ֙ אֲדֹנָ֣י יְהֹוִ֔ה הִנֵּ֥ה לֹא־יָדַ֖עְתִּי דַּבֵּ֑ר כִּי־נַ֖עַר אָנֹֽכִי׃ פ waʾomar ʾahah ʾadonay yehowih hineh loʾ־yadaʿetiy daber kiy־naʿar ʾanokhiy׃ f

⁷ וַיֹּ֤אמֶר יְהוָה֙ אֵלַ֔י אַל־תֹּאמַ֖ר נַ֣עַר אָנֹ֑כִי כִּ֠י עַֽל־כָּל־אֲשֶׁ֤ר אֶֽשְׁלָחֲךָ֙ תֵּלֵ֔ךְ וְאֵ֛ת כָּל־אֲשֶׁ֥ר אֲצַוְּךָ֖ תְּדַבֵּֽר׃ wayoʾmer yehwah ʾelay ʾal־toʾmar naʿar ʾanokhiy kiy ʿal־kal־ʾasher ʾeshelaḥakha telekhe weʾet kal־ʾasher ʾatsauekha tedaber׃

⁸ אַל־תִּירָ֖א מִפְּנֵיהֶ֑ם כִּֽי־אִתְּךָ֥ אֲנִ֛י לְהַצִּלֶ֖ךָ נְאֻם־יְהוָֽה׃ ʾal־tiyraʾ mipeneyhem kiy־ʾitekha ʾaniy lehatsilekha neʾum־yehwah׃

⁹ וַיִּשְׁלַ֤ח יְהוָה֙ אֶת־יָדֹ֔ו וַיַּגַּ֖ע עַל־פִּ֑י וַיֹּ֤אמֶר יְהוָה֙ אֵלַ֔י הִנֵּ֛ה נָתַ֥תִּי דְבָרַ֖י בְּפִֽיךָ׃ wayishelaḥ yehwah ʾet־yadow wayagaʿ ʿal־piy wayoʾmer yehwah ʾelay hineh natatiy devaray befiykha׃

¹⁰ רְאֵ֞ה הִפְקַדְתִּ֣יךָ ׀ הַיֹּ֣ום הַזֶּ֗ה עַל־הַגֹּויִם֙ וְעַל־הַמַּמְלָכֹ֔ות לִנְתֹ֥ושׁ וְלִנְתֹ֖וץ וּלְהַאֲבִ֣יד וְלַהֲרֹ֑וס לִבְנֹ֖ות וְלִנְטֹֽועַ׃ פ reʾeh hifeqadetiykha ׀ hayowm hazeh ʿal־hagowyim weʿal־hamamelakhowt linetowsh welinetowts ulehaʾaviyd welaharows livenowt welineṭowʿa׃ f

¹¹ וַיְהִ֤י דְבַר־יְהוָה֙ אֵלַ֣י לֵאמֹ֔ר מָה־אַתָּ֥ה רֹאֶ֖ה יִרְמְיָ֑הוּ וָאֹמַ֕ר מַקֵּ֥ל שָׁקֵ֖ד אֲנִ֥י רֹאֶֽה׃ wayehiy devar־yehwah ʾelay leʾmor mah־ʾatah roʾeh yiremeyahu waʾomar maqel shaqed ʾaniy roʾeh׃

¹² וַיֹּ֧אמֶר יְהוָ֛ה אֵלַ֖י הֵיטַ֣בְתָּ לִרְאֹ֑ות כִּֽי־שֹׁקֵ֥ד אֲנִ֛י עַל־דְּבָרִ֖י לַעֲשֹׂתֹֽו׃ פ wayoʾmer yehwah ʾelay heyṭaveta lireʾowt kiy־shoqed ʾaniy ʿal־devariy laʿasotow׃ f

¹³ וַיְהִ֨י דְבַר־יְהוָ֤ה ׀ אֵלַי֙ שֵׁנִ֣ית לֵאמֹ֔ר מָ֥ה אַתָּ֖ה רֹאֶ֑ה וָאֹמַ֗ר סִ֤יר נָפ֙וּחַ֙ אֲנִ֣י רֹאֶ֔ה וּפָנָ֖יו מִפְּנֵ֥י צָפֹֽונָה׃ wayehiy devar־yehwah ׀ ʾelay sheniyt leʾmor mah ʾatah roʾeh waʾomar siyr nafuaḥ ʾaniy roʾeh ufanayw mipeney tsafownah׃

¹⁴ וַיֹּ֥אמֶר יְהוָ֖ה אֵלָ֑י מִצָּפֹון֙ תִּפָּתַ֣ח הָרָעָ֔ה עַ֥ל כָּל־יֹשְׁבֵ֖י הָאָֽרֶץ׃ wayoʾmer yehwah ʾelay mitsafown tipataḥ haraʿah ʿal kal־yoshevey haʾarets׃

¹⁵ כִּ֣י ׀ הִנְנִ֣י קֹרֵ֗א לְכָֽל־מִשְׁפְּחֹ֛ות מַמְלְכֹ֥ות צָפֹ֖ונָה נְאֻם־יְהוָ֑ה וּבָ֡אוּ וְֽנָתְנוּ֩ אִ֨ישׁ כִּסְאֹ֜ו פֶּ֣תַח ׀ שַׁעֲרֵ֣י יְרוּשָׁלִַ֗ם וְעַ֤ל כָּל־חֹומֹתֶ֙יהָ֙ סָבִ֔יב וְעַ֖ל כָּל־עָרֵ֥י יְהוּדָֽה׃ kiy ׀ hineniy qoreʾ lekhal־mishepeḥowt mamelekhowt tsafownah neʾum־yehwah uvaʾu wenatenu ʾiysh kiseʾow petaḥ ׀ shaʿarey yerushalim weʿal kal־ḥowmoteyha saviyv weʿal kal־ʿarey yehudah׃

¹⁶ וְדִבַּרְתִּ֤י מִשְׁפָּטַי֙ אֹותָ֔ם עַ֖ל כָּל־רָעָתָ֑ם אֲשֶׁ֣ר עֲזָב֗וּנִי וַֽיְקַטְּרוּ֙ לֵאלֹהִ֣ים אֲחֵרִ֔ים וַיִּֽשְׁתַּחֲו֖וּ לְמַעֲשֵׂ֥י יְדֵיהֶֽם׃ wedibaretiy mishepaṭay ʾowtam ʿal kal־raʿatam ʾasher ʿazavuniy wayeqaṭeru leʾlohiym ʾaḥeriym wayishetaḥawu lemaʿasey yedeyhem׃

¹⁷ וְאַתָּה֙ תֶּאְזֹ֣ר מָתְנֶ֔יךָ וְקַמְתָּ֙ וְדִבַּרְתָּ֣ אֲלֵיהֶ֔ם אֵ֛ת כָּל־אֲשֶׁ֥ר אָנֹכִ֖י אֲצַוֶּ֑ךָּ אַל־תֵּחַת֙ מִפְּנֵיהֶ֔ם פֶּֽן־אֲחִתְּךָ֖ לִפְנֵיהֶֽם׃ weʾatah teʾezor mateneykha weqameta wedibareta ʾaleyhem ʾet kal־ʾasher ʾanokhiy ʾatsaueka ʾal־teḥat mipeneyhem pen־ʾaḥitekha lifeneyhem׃

¹⁸ וַאֲנִ֞י הִנֵּ֧ה נְתַתִּ֣יךָ הַיֹּ֗ום לְעִ֨יר מִבְצָ֜ר וּלְעַמּ֥וּד בַּרְזֶ֛ל וּלְחֹמֹ֥ות נְחֹ֖שֶׁת עַל־כָּל־הָאָ֑רֶץ לְמַלְכֵ֤י יְהוּדָה֙ לְשָׂרֶ֔יהָ לְכֹהֲנֶ֖יהָ וּלְעַ֥ם הָאָֽרֶץ׃ waʾaniy hineh netatiykha hayowm leʿiyr mivetsar uleʿamud barezel uleḥomowt neḥoshet ʿal־kal־haʾarets lemalekhey yehudah lesareyha lekhohaneyha uleʿam haʾarets׃

¹⁹ וְנִלְחֲמ֥וּ אֵלֶ֖יךָ וְלֹא־י֣וּכְלוּ לָ֑ךְ כִּֽי־אִתְּךָ֥ אֲנִ֛י נְאֻם־יְהוָ֖ה לְהַצִּילֶֽךָ׃ פ wenileḥamu ʾeleykha weloʾ־yukhelu lakhe kiy־ʾitekha ʾaniy neʾum־yehwah lehatsiylekha׃ f