Jérémie 7

¹ הַדָּבָר֙ אֲשֶׁ֣ר הָיָ֣ה אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽר׃ hadavar ʾasher hayah ʾel־yiremeyahu meʾet yehwah leʾmor׃

² עֲמֹ֗ד בְּשַׁ֙עַר֙ בֵּ֣ית יְהוָ֔ה וְקָרָ֣אתָ שָּׁ֔ם אֶת־הַדָּבָ֖ר הַזֶּ֑ה וְאָמַרְתָּ֞ שִׁמְע֣וּ דְבַר־יְהוָ֗ה כָּל־יְהוּדָה֙ הַבָּאִים֙ בַּשְּׁעָרִ֣ים הָאֵ֔לֶּה לְהִֽשְׁתַּחֲוֹ֖ת לַיהוָֽה׃ ס ʿamod beshaʿar beyt yehwah weqaraʾta sham ʾet־hadavar hazeh weʾamareta shimeʿu devar־yehwah kal־yehudah habaʾiym basheʿariym haʾeleh lehishetaḥaot layhwah׃ s

³ כֹּֽה־אָמַ֞ר יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הֵיטִ֥יבוּ דַרְכֵיכֶ֖ם וּמַֽעַלְלֵיכֶ֑ם וַאֲשַׁכְּנָ֣ה אֶתְכֶ֔ם בַּמָּקֹ֥ום הַזֶּֽה׃ koh־ʾamar yehwah tsevaʾowt ʾelohey yiseraʾel heyṭiyvu darekheykhem umaʿaleleykhem waʾashakenah ʾetekhem bamaqowm hazeh׃

⁴ אַל־תִּבְטְח֣וּ לָכֶ֔ם אֶל־דִּבְרֵ֥י הַשֶּׁ֖קֶר לֵאמֹ֑ר הֵיכַ֤ל יְהוָה֙ הֵיכַ֣ל יְהוָ֔ה הֵיכַ֥ל יְהוָ֖ה הֵֽמָּה׃ ʾal־tiveṭeḥu lakhem ʾel־diverey hasheqer leʾmor heykhal yehwah heykhal yehwah heykhal yehwah hemah׃

⁵ כִּ֤י אִם־הֵיטֵיב֙ תֵּיטִ֔יבוּ אֶת־דַּרְכֵיכֶ֖ם וְאֶת־מַֽעַלְלֵיכֶ֑ם אִם־עָשֹׂ֤ו תַֽעֲשׂוּ֙ מִשְׁפָּ֔ט בֵּ֥ין אִ֖ישׁ וּבֵ֥ין רֵעֵֽהוּ׃ kiy ʾim־heyṭeyv teyṭiyvu ʾet־darekheykhem weʾet־maʿaleleykhem ʾim־ʿasow taʿasu mishepaṭ beyn ʾiysh uveyn reʿehu׃

⁶ גֵּ֣ר יָתֹ֤ום וְאַלְמָנָה֙ לֹ֣א תַֽעֲשֹׁ֔קוּ וְדָ֣ם נָקִ֔י אַֽל־תִּשְׁפְּכ֖וּ בַּמָּקֹ֣ום הַזֶּ֑ה וְאַחֲרֵ֨י אֱלֹהִ֧ים אֲחֵרִ֛ים לֹ֥א תֵלְכ֖וּ לְרַ֥ע לָכֶֽם׃ ger yatowm weʾalemanah loʾ taʿashoqu wedam naqiy ʾal־tishepekhu bamaqowm hazeh weʾaḥarey ʾelohiym ʾaḥeriym loʾ telekhu leraʿ lakhem׃

⁷ וְשִׁכַּנְתִּ֤י אֶתְכֶם֙ בַּמָּקֹ֣ום הַזֶּ֔ה בָּאָ֕רֶץ אֲשֶׁ֥ר נָתַ֖תִּי לַאֲבֹֽותֵיכֶ֑ם לְמִן־עֹולָ֖ם וְעַד־עֹולָֽם׃ weshikanetiy ʾetekhem bamaqowm hazeh baʾarets ʾasher natatiy laʾavowteykhem lemin־ʿowlam weʿad־ʿowlam׃

⁸ הִנֵּ֤ה אַתֶּם֙ בֹּטְחִ֣ים לָכֶ֔ם עַל־דִּבְרֵ֖י הַשָּׁ֑קֶר לְבִלְתִּ֖י הֹועִֽיל׃ hineh ʾatem boṭeḥiym lakhem ʿal־diverey hashaqer leviletiy howʿiyl׃

⁹ הֲגָנֹ֤ב ׀ רָצֹ֙חַ֙ וְֽנָאֹ֗ף וְהִשָּׁבֵ֥עַ לַשֶּׁ֖קֶר וְקַטֵּ֣ר לַבָּ֑עַל וְהָלֹ֗ךְ אַחֲרֵ֛י אֱלֹהִ֥ים אֲחֵרִ֖ים אֲשֶׁ֥ר לֹֽא־יְדַעְתֶּֽם׃ haganov ׀ ratsoaḥ wenaʾof wehishaveaʿ lasheqer weqaṭer labaʿal wehalokhe ʾaḥarey ʾelohiym ʾaḥeriym ʾasher loʾ־yedaʿetem׃

¹⁰ וּבָאתֶ֞ם וַעֲמַדְתֶּ֣ם לְפָנַ֗י בַּבַּ֤יִת הַזֶּה֙ אֲשֶׁ֣ר נִקְרָא־שְׁמִ֣י עָלָ֔יו וַאֲמַרְתֶּ֖ם נִצַּ֑לְנוּ לְמַ֣עַן עֲשֹׂ֔ות אֵ֥ת כָּל־הַתֹּועֵבֹ֖ות הָאֵֽלֶּה׃ uvaʾtem waʿamadetem lefanay babayit hazeh ʾasher niqeraʾ־shemiy ʿalayw waʾamaretem nitsalenu lemaʿan ʿasowt ʾet kal־hatowʿevowt haʾeleh׃

¹¹ הַמְעָרַ֣ת פָּרִצִ֗ים הָיָ֨ה הַבַּ֧יִת הַזֶּ֛ה אֲשֶׁר־נִקְרָֽא־שְׁמִ֥י עָלָ֖יו בְּעֵינֵיכֶ֑ם גַּ֧ם אָנֹכִ֛י הִנֵּ֥ה רָאִ֖יתִי נְאֻם־יְהוָֽה׃ ס hameʿarat paritsiym hayah habayit hazeh ʾasher־niqeraʾ־shemiy ʿalayw beʿeyneykhem gam ʾanokhiy hineh raʾiytiy neʾum־yehwah׃ s

¹² כִּ֣י לְכוּ־נָ֗א אֶל־מְקֹומִי֙ אֲשֶׁ֣ר בְּשִׁילֹ֔ו אֲשֶׁ֨ר שִׁכַּ֧נְתִּֽי שְׁמִ֛י שָׁ֖ם בָּרִֽאשֹׁונָ֑ה וּרְאוּ֙ אֵ֣ת אֲשֶׁר־עָשִׂ֣יתִי לֹ֔ו מִפְּנֵ֕י רָעַ֖ת עַמִּ֥י יִשְׂרָאֵֽל׃ kiy lekhu־naʾ ʾel־meqowmiy ʾasher beshiylow ʾasher shikanetiy shemiy sham bariʾshownah ureʾu ʾet ʾasher־ʿasiytiy low mipeney raʿat ʿamiy yiseraʾel׃

¹³ וְעַתָּ֗ה יַ֧עַן עֲשֹׂותְכֶ֛ם אֶת־כָּל־הַמַּֽעֲשִׂ֥ים הָאֵ֖לֶּה נְאֻם־יְהוָ֑ה וָאֲדַבֵּ֨ר אֲלֵיכֶ֜ם הַשְׁכֵּ֤ם וְדַבֵּר֙ וְלֹ֣א שְׁמַעְתֶּ֔ם וָאֶקְרָ֥א אֶתְכֶ֖ם וְלֹ֥א עֲנִיתֶֽם׃ weʿatah yaʿan ʿasowtekhem ʾet־kal־hamaʿasiym haʾeleh neʾum־yehwah waʾadaber ʾaleykhem hashekem wedaber weloʾ shemaʿetem waʾeqeraʾ ʾetekhem weloʾ ʿaniytem׃

¹⁴ וְעָשִׂ֜יתִי לַבַּ֣יִת ׀ אֲשֶׁ֧ר נִֽקְרָא־שְׁמִ֣י עָלָ֗יו אֲשֶׁ֤ר אַתֶּם֙ בֹּטְחִ֣ים בֹּ֔ו וְלַ֨מָּקֹ֔ום אֲשֶׁר־נָתַ֥תִּי לָכֶ֖ם וְלַאֲבֹֽותֵיכֶ֑ם כַּאֲשֶׁ֥ר עָשִׂ֖יתִי לְשִׁלֹֽו׃ weʿasiytiy labayit ׀ ʾasher niqeraʾ־shemiy ʿalayw ʾasher ʾatem boṭeḥiym bow welamaqowm ʾasher־natatiy lakhem welaʾavowteykhem kaʾasher ʿasiytiy leshilow׃

¹⁵ וְהִשְׁלַכְתִּ֥י אֶתְכֶ֖ם מֵעַ֣ל פָּנָ֑י כַּאֲשֶׁ֤ר הִשְׁלַ֙כְתִּי֙ אֶת־כָּל־אֲחֵיכֶ֔ם אֵ֖ת כָּל־זֶ֥רַע אֶפְרָֽיִם׃ ס wehishelakhetiy ʾetekhem meʿal panay kaʾasher hishelakhetiy ʾet־kal־ʾaḥeykhem ʾet kal־zeraʿ ʾeferayim׃ s

¹⁶ וְאַתָּ֞ה אַל־תִּתְפַּלֵּ֣ל ׀ בְּעַד־הָעָ֣ם הַזֶּ֗ה וְאַל־תִּשָּׂ֧א בַעֲדָ֛ם רִנָּ֥ה וּתְפִלָּ֖ה וְאַל־תִּפְגַּע־בִּ֑י כִּי־אֵינֶ֥נִּי שֹׁמֵ֖עַ אֹתָֽךְ׃ weʾatah ʾal־titepalel ׀ beʿad־haʿam hazeh weʾal־tisaʾ vaʿadam rinah utefilah weʾal־tifegaʿ־biy kiy־ʾeyneniy shomeaʿ ʾotakhe׃

¹⁷ הַֽאֵינְךָ֣ רֹאֶ֔ה מָ֛ה הֵ֥מָּה עֹשִׂ֖ים בְּעָרֵ֣י יְהוּדָ֑ה וּבְחֻצֹ֖ות יְרוּשָׁלִָֽם׃ haʾeynekha roʾeh mah hemah ʿosiym beʿarey yehudah uveḥutsowt yerushalim׃

¹⁸ הַבָּנִ֞ים מְלַקְּטִ֣ים עֵצִ֗ים וְהָֽאָבֹות֙ מְבַעֲרִ֣ים אֶת־הָאֵ֔שׁ וְהַנָּשִׁ֖ים לָשֹׁ֣ות בָּצֵ֑ק לַעֲשֹׂ֨ות כַּוָּנִ֜ים לִמְלֶ֣כֶת הַשָּׁמַ֗יִם וְהַסֵּ֤ךְ נְסָכִים֙ לֵאלֹהִ֣ים אֲחֵרִ֔ים לְמַ֖עַן הַכְעִסֵֽנִי׃ habaniym melaqeṭiym ʿetsiym wehaʾavowt mevaʿariym ʾet־haʾesh wehanashiym lashowt batseq laʿasowt kauaniym limelekhet hashamayim wehasekhe nesakhiym leʾlohiym ʾaḥeriym lemaʿan hakheʿiseniy׃

¹⁹ הַאֹתִ֛י הֵ֥ם מַכְעִסִ֖ים נְאֻם־יְהוָ֑ה הֲלֹ֣וא אֹתָ֔ם לְמַ֖עַן בֹּ֥שֶׁת פְּנֵיהֶֽם׃ ס haʾotiy hem makheʿisiym neʾum־yehwah halowʾ ʾotam lemaʿan boshet peneyhem׃ s

²⁰ לָכֵ֞ן כֹּה־אָמַ֣ר ׀ אֲדֹנָ֣י יְהֹוִ֗ה הִנֵּ֨ה אַפִּ֤י וַֽחֲמָתִי֙ נִתֶּ֙כֶת֙ אֶל־הַמָּקֹ֣ום הַזֶּ֔ה עַל־הָֽאָדָם֙ וְעַל־הַבְּהֵמָ֔ה וְעַל־עֵ֥ץ הַשָּׂדֶ֖ה וְעַל־פְּרִ֣י הָֽאֲדָמָ֑ה וּבָעֲרָ֖ה וְלֹ֥א תִכְבֶּֽה׃ ס lakhen koh־ʾamar ׀ ʾadonay yehowih hineh ʾapiy waḥamatiy nitekhet ʾel־hamaqowm hazeh ʿal־haʾadam weʿal־habehemah weʿal־ʿets hasadeh weʿal־periy haʾadamah uvaʿarah weloʾ tikhebeh׃ s

²¹ כֹּ֥ה אָמַ֛ר יְהוָ֥ה צְבָאֹ֖ות אֱלֹהֵ֣י יִשְׂרָאֵ֑ל עֹלֹותֵיכֶ֛ם סְפ֥וּ עַל־זִבְחֵיכֶ֖ם וְאִכְל֥וּ בָשָֽׂר׃ koh ʾamar yehwah tsevaʾowt ʾelohey yiseraʾel ʿolowteykhem sefu ʿal־ziveḥeykhem weʾikhelu vasar׃

²² כִּ֠י לֹֽא־דִבַּ֤רְתִּי אֶת־אֲבֹֽותֵיכֶם֙ וְלֹ֣א צִוִּיתִ֔ים בְּיֹ֛ום [הֹוצִיא כ] (הֹוצִיאִ֥י ק) אֹותָ֖ם מֵאֶ֣רֶץ מִצְרָ֑יִם עַל־דִּבְרֵ֥י עֹולָ֖ה וָזָֽבַח׃ kiy loʾ־dibaretiy ʾet־ʾavowteykhem weloʾ tsiuiytiym beyowm [howtsiyʾ kh] (howtsiyʾiy q) ʾowtam meʾerets mitserayim ʿal־diverey ʿowlah wazavaḥ׃

²³ כִּ֣י אִֽם־אֶת־הַדָּבָ֣ר הַ֠זֶּה צִוִּ֨יתִי אֹותָ֤ם לֵאמֹר֙ שִׁמְע֣וּ בְקֹולִ֔י וְהָיִ֤יתִי לָכֶם֙ לֵֽאלֹהִ֔ים וְאַתֶּ֖ם תִּֽהְיוּ־לִ֣י לְעָ֑ם וַהֲלַכְתֶּ֗ם בְּכָל־הַדֶּ֙רֶךְ֙ אֲשֶׁ֣ר אֲצַוֶּ֣ה אֶתְכֶ֔ם לְמַ֖עַן יִיטַ֥ב לָכֶֽם׃ kiy ʾim־ʾet־hadavar hazeh tsiuiytiy ʾowtam leʾmor shimeʿu veqowliy wehayiytiy lakhem leʾlohiym weʾatem tiheyu־liy leʿam wahalakhetem bekhal־haderekhe ʾasher ʾatsaueh ʾetekhem lemaʿan yiyṭav lakhem׃

²⁴ וְלֹ֤א שָֽׁמְעוּ֙ וְלֹֽא־הִטּ֣וּ אֶת־אָזְנָ֔ם וַיֵּֽלְכוּ֙ בְּמֹ֣עֵצֹ֔ות בִּשְׁרִר֖וּת לִבָּ֣ם הָרָ֑ע וַיִּהְי֥וּ לְאָחֹ֖ור וְלֹ֥א לְפָנִֽים׃ weloʾ shameʿu weloʾ־hiṭu ʾet־ʾazenam wayelekhu bemoʿetsowt bisherirut libam haraʿ wayiheyu leʾaḥowr weloʾ lefaniym׃

²⁵ לְמִן־הַיֹּ֗ום אֲשֶׁ֨ר יָצְא֤וּ אֲבֹֽותֵיכֶם֙ מֵאֶ֣רֶץ מִצְרַ֔יִם עַ֖ד הַיֹּ֣ום הַזֶּ֑ה וָאֶשְׁלַ֤ח אֲלֵיכֶם֙ אֶת־כָּל־עֲבָדַ֣י הַנְּבִיאִ֔ים יֹ֖ום הַשְׁכֵּ֥ם וְשָׁלֹֽחַ׃ lemin־hayowm ʾasher yatseʾu ʾavowteykhem meʾerets mitserayim ʿad hayowm hazeh waʾeshelaḥ ʾaleykhem ʾet־kal־ʿavaday haneviyʾiym yowm hashekem weshaloaḥ׃

²⁶ וְלֹ֤וא שָׁמְעוּ֙ אֵלַ֔י וְלֹ֥א הִטּ֖וּ אֶת־אָזְנָ֑ם וַיַּקְשׁוּ֙ אֶת־עָרְפָּ֔ם הֵרֵ֖עוּ מֵאֲבֹותָֽם׃ welowʾ shameʿu ʾelay weloʾ hiṭu ʾet־ʾazenam wayaqeshu ʾet־ʿarepam hereʿu meʾavowtam׃

²⁷ וְדִבַּרְתָּ֤ אֲלֵיהֶם֙ אֶת־כָּל־הַדְּבָרִ֣ים הָאֵ֔לֶּה וְלֹ֥א יִשְׁמְע֖וּ אֵלֶ֑יךָ וְקָרָ֥אתָ אֲלֵיהֶ֖ם וְלֹ֥א יַעֲנֽוּכָה׃ wedibareta ʾaleyhem ʾet־kal־hadevariym haʾeleh weloʾ yishemeʿu ʾeleykha weqaraʾta ʾaleyhem weloʾ yaʿanukhah׃

²⁸ וְאָמַרְתָּ֣ אֲלֵיהֶ֗ם זֶ֤ה הַגֹּוי֙ אֲשֶׁ֣ר לֹֽוא־שָׁמְע֗וּ בְּקֹול֙ יְהוָ֣ה אֱלֹהָ֔יו וְלֹ֥א לָקְח֖וּ מוּסָ֑ר אָֽבְדָה֙ הָֽאֱמוּנָ֔ה וְנִכְרְתָ֖ה מִפִּיהֶֽם׃ ס weʾamareta ʾaleyhem zeh hagowy ʾasher lowʾ־shameʿu beqowl yehwah ʾelohayw weloʾ laqeḥu musar ʾavedah haʾemunah wenikheretah mipiyhem׃ s

²⁹ גָּזִּ֤י נִזְרֵךְ֙ וְֽהַשְׁלִ֔יכִי וּשְׂאִ֥י עַל־שְׁפָיִ֖ם קִינָ֑ה כִּ֚י מָאַ֣ס יְהוָ֔ה וַיִּטֹּ֖שׁ אֶת־דֹּ֥ור עֶבְרָתֹֽו׃ gaziy nizerekhe wehasheliykhiy useʾiy ʿal־shefayim qiynah kiy maʾas yehwah wayiṭosh ʾet־dowr ʿeveratow׃

³⁰ כִּֽי־עָשׂ֨וּ בְנֵי־יְהוּדָ֥ה הָרַ֛ע בְּעֵינַ֖י נְאֻום־יְהוָ֑ה שָׂ֣מוּ שִׁקּֽוּצֵיהֶ֗ם בַּבַּ֛יִת אֲשֶׁר־נִקְרָא־שְׁמִ֥י עָלָ֖יו לְטַמְּאֹֽו׃ kiy־ʿasu veney־yehudah haraʿ beʿeynay neʾuwm־yehwah samu shiqutseyhem babayit ʾasher־niqeraʾ־shemiy ʿalayw leṭameʾow׃

³¹ וּבָנ֞וּ בָּמֹ֣ות הַתֹּ֗פֶת אֲשֶׁר֙ בְּגֵ֣יא בֶן־הִנֹּ֔ם לִשְׂרֹ֛ף אֶת־בְּנֵיהֶ֥ם וְאֶת־בְּנֹתֵיהֶ֖ם בָּאֵ֑שׁ אֲשֶׁר֙ לֹ֣א צִוִּ֔יתִי וְלֹ֥א עָלְתָ֖ה עַל־לִבִּֽי׃ ס uvanu bamowt hatofet ʾasher begeyʾ ven־hinom liserof ʾet־beneyhem weʾet־benoteyhem baʾesh ʾasher loʾ tsiuiytiy weloʾ ʿaletah ʿal־libiy׃ s

³² לָכֵ֞ן הִנֵּֽה־יָמִ֤ים בָּאִים֙ נְאֻם־יְהוָ֔ה וְלֹא־יֵאָמֵ֨ר עֹ֤וד הַתֹּ֙פֶת֙ וְגֵ֣יא בֶן־הִנֹּ֔ם כִּ֖י אִם־גֵּ֣יא הַהֲרֵגָ֑ה וְקָבְר֥וּ בְתֹ֖פֶת מֵאֵ֥ין מָקֹֽום׃ lakhen hineh־yamiym baʾiym neʾum־yehwah weloʾ־yeʾamer ʿowd hatofet wegeyʾ ven־hinom kiy ʾim־geyʾ haharegah weqaveru vetofet meʾeyn maqowm׃

³³ וְֽהָ֨יְתָ֜ה נִבְלַ֨ת הָעָ֤ם הַזֶּה֙ לְמַֽאֲכָ֔ל לְעֹ֥וף הַשָּׁמַ֖יִם וּלְבֶהֱמַ֣ת הָאָ֑רֶץ וְאֵ֖ין מַחֲרִֽיד׃ wehayetah nivelat haʿam hazeh lemaʾakhal leʿowf hashamayim ulevehemat haʾarets weʾeyn maḥariyd׃

³⁴ וְהִשְׁבַּתִּ֣י ׀ מֵעָרֵ֣י יְהוּדָ֗ה וּמֵֽחֻצֹות֙ יְר֣וּשָׁלִַ֔ם קֹ֤ול שָׂשֹׂון֙ וְקֹ֣ול שִׂמְחָ֔ה קֹ֥ול חָתָ֖ן וְקֹ֣ול כַּלָּ֑ה כִּ֥י לְחָרְבָּ֖ה תִּהְיֶ֥ה הָאָֽרֶץ׃ wehishebatiy ׀ meʿarey yehudah umeḥutsowt yerushalim qowl sasown weqowl simeḥah qowl ḥatan weqowl kalah kiy leḥarebah tiheyeh haʾarets׃