1 וְאַתָּ֡ה הַקְרֵ֣ב אֵלֶיךָ֩ אֶת־אַהֲרֹ֨ן אָחִ֜יךָ וְאֶת־בָּנָ֣יו אִתֹּ֔ו מִתֹּ֛וךְ בְּנֵ֥י יִשְׂרָאֵ֖ל לְכַהֲנֹו־לִ֑י אַהֲרֹ֕ן נָדָ֧ב וַאֲבִיה֛וּא אֶלְעָזָ֥ר וְאִיתָמָ֖ר בְּנֵ֥י אַהֲרֹֽן׃ weʾatah haqerev ʾeleykha ʾet־ʾaharon ʾaḥiykha weʾet־banayw ʾitow mitowkhe beney yiseraʾel lekhahanow־liy ʾaharon nadav waʾaviyhuʾ ʾeleʿazar weʾiytamar beney ʾaharon׃
2 וְעָשִׂ֥יתָ בִגְדֵי־קֹ֖דֶשׁ לְאַהֲרֹ֣ן אָחִ֑יךָ לְכָבֹ֖וד וּלְתִפְאָֽרֶת׃ weʿasiyta vigedey־qodesh leʾaharon ʾaḥiykha lekhavowd uletifeʾaret׃
3 וְאַתָּ֗ה תְּדַבֵּר֙ אֶל־כָּל־חַכְמֵי־לֵ֔ב אֲשֶׁ֥ר מִלֵּאתִ֖יו ר֣וּחַ חָכְמָ֑ה וְעָשׂ֞וּ אֶת־בִּגְדֵ֧י אַהֲרֹ֛ן לְקַדְּשֹׁ֖ו לְכַהֲנֹו־לִֽי׃ weʾatah tedaber ʾel־kal־ḥakhemey־lev ʾasher mileʾtiyw ruaḥ ḥakhemah weʿasu ʾet־bigedey ʾaharon leqadeshow lekhahanow־liy׃
4 וְאֵ֨לֶּה הַבְּגָדִ֜ים אֲשֶׁ֣ר יַעֲשׂ֗וּ חֹ֤שֶׁן וְאֵפֹוד֙ וּמְעִ֔יל וּכְתֹ֥נֶת תַּשְׁבֵּ֖ץ מִצְנֶ֣פֶת וְאַבְנֵ֑ט וְעָשׂ֨וּ בִגְדֵי־קֹ֜דֶשׁ לְאַהֲרֹ֥ן אָחִ֛יךָ וּלְבָנָ֖יו לְכַהֲנֹו־לִֽי׃ weʾeleh habegadiym ʾasher yaʿasu ḥoshen weʾefowd umeʿiyl ukhetonet tashebets mitsenefet weʾaveneṭ weʿasu vigedey־qodesh leʾaharon ʾaḥiykha ulevanayw lekhahanow־liy׃
5 וְהֵם֙ יִקְח֣וּ אֶת־הַזָּהָ֔ב וְאֶת־הַתְּכֵ֖לֶת וְאֶת־הָֽאַרְגָּמָ֑ן וְאֶת־תֹּולַ֥עַת הַשָּׁנִ֖י וְאֶת־הַשֵּֽׁשׁ׃ פ wehem yiqeḥu ʾet־hazahav weʾet־hatekhelet weʾet־haʾaregaman weʾet־towlaʿat hashaniy weʾet־hashesh׃ f
6 וְעָשׂ֖וּ אֶת־הָאֵפֹ֑ד זָ֠הָב תְּכֵ֨לֶת וְאַרְגָּמָ֜ן תֹּולַ֧עַת שָׁנִ֛י וְשֵׁ֥שׁ מָשְׁזָ֖ר מַעֲשֵׂ֥ה חֹשֵֽׁב׃ weʿasu ʾet־haʾefod zahav tekhelet weʾaregaman towlaʿat shaniy weshesh mashezar maʿaseh ḥoshev׃
7 שְׁתֵּ֧י כְתֵפֹ֣ת חֹֽבְרֹ֗ת יִֽהְיֶה־לֹּ֛ו אֶל־שְׁנֵ֥י קְצֹותָ֖יו וְחֻבָּֽר׃ shetey khetefot ḥoverot yiheyeh־low ʾel־sheney qetsowtayw weḥubar׃
8 וְחֵ֤שֶׁב אֲפֻדָּתֹו֙ אֲשֶׁ֣ר עָלָ֔יו כְּמַעֲשֵׂ֖הוּ מִמֶּ֣נּוּ יִהְיֶ֑ה זָהָ֗ב תְּכֵ֧לֶת וְאַרְגָּמָ֛ן וְתֹולַ֥עַת שָׁנִ֖י וְשֵׁ֥שׁ מָשְׁזָֽר׃ weḥeshev ʾafudatow ʾasher ʿalayw kemaʿasehu mimenu yiheyeh zahav tekhelet weʾaregaman wetowlaʿat shaniy weshesh mashezar׃
9 וְלָ֣קַחְתָּ֔ אֶת־שְׁתֵּ֖י אַבְנֵי־שֹׁ֑הַם וּפִתַּחְתָּ֣ עֲלֵיהֶ֔ם שְׁמֹ֖ות בְּנֵ֥י יִשְׂרָאֵֽל׃ welaqaḥeta ʾet־shetey ʾaveney־shoham ufitaḥeta ʿaleyhem shemowt beney yiseraʾel׃
10 שִׁשָּׁה֙ מִשְּׁמֹתָ֔ם עַ֖ל הָאֶ֣בֶן הָאֶחָ֑ת וְאֶת־שְׁמֹ֞ות הַשִּׁשָּׁ֧ה הַנֹּותָרִ֛ים עַל־הָאֶ֥בֶן הַשֵּׁנִ֖ית כְּתֹולְדֹתָֽם׃ shishah mishemotam ʿal haʾeven haʾeḥat weʾet־shemowt hashishah hanowtariym ʿal־haʾeven hasheniyt ketowledotam׃
11 מַעֲשֵׂ֣ה חָרַשׁ֮ אֶבֶן֒ פִּתּוּחֵ֣י חֹתָ֗ם תְּפַתַּח֙ אֶת־שְׁתֵּ֣י הָאֲבָנִ֔ים עַל־שְׁמֹ֖ת בְּנֵ֣י יִשְׂרָאֵ֑ל מֻסַבֹּ֛ת מִשְׁבְּצֹ֥ות זָהָ֖ב תַּעֲשֶׂ֥ה אֹתָֽם׃ maʿaseh ḥarash ʾeven pituḥey ḥotam tefataḥ ʾet־shetey haʾavaniym ʿal־shemot beney yiseraʾel musabot mishebetsowt zahav taʿaseh ʾotam׃
12 וְשַׂמְתָּ֞ אֶת־שְׁתֵּ֣י הָאֲבָנִ֗ים עַ֚ל כִּתְפֹ֣ת הָֽאֵפֹ֔ד אַבְנֵ֥י זִכָּרֹ֖ן לִבְנֵ֣י יִשְׂרָאֵ֑ל וְנָשָׂא֩ אַהֲרֹ֨ן אֶת־שְׁמֹותָ֜ם לִפְנֵ֧י יְהוָ֛ה עַל־שְׁתֵּ֥י כְתֵפָ֖יו לְזִכָּרֹֽן׃ ס wesameta ʾet־shetey haʾavaniym ʿal kitefot haʾefod ʾaveney zikaron liveney yiseraʾel wenasaʾ ʾaharon ʾet־shemowtam lifeney yehwah ʿal־shetey khetefayw lezikaron׃ s
13 וְעָשִׂ֥יתָ מִשְׁבְּצֹ֖ת זָהָֽב׃ weʿasiyta mishebetsot zahav׃
14 וּשְׁתֵּ֤י שַׁרְשְׁרֹת֙ זָהָ֣ב טָהֹ֔ור מִגְבָּלֹ֛ת תַּעֲשֶׂ֥ה אֹתָ֖ם מַעֲשֵׂ֣ה עֲבֹ֑ת וְנָתַתָּ֛ה אֶת־שַׁרְשְׁרֹ֥ת הָעֲבֹתֹ֖ת עַל־הַֽמִּשְׁבְּצֹֽת׃ ס ushetey sharesherot zahav ṭahowr migebalot taʿaseh ʾotam maʿaseh ʿavot wenatatah ʾet־sharesherot haʿavotot ʿal־hamishebetsot׃ s
15 וְעָשִׂ֜יתָ חֹ֤שֶׁן מִשְׁפָּט֙ מַעֲשֵׂ֣ה חֹשֵׁ֔ב כְּמַעֲשֵׂ֥ה אֵפֹ֖ד תַּעֲשֶׂ֑נּוּ זָ֠הָב תְּכֵ֨לֶת וְאַרְגָּמָ֜ן וְתֹולַ֧עַת שָׁנִ֛י וְשֵׁ֥שׁ מָשְׁזָ֖ר תַּעֲשֶׂ֥ה אֹתֹֽו׃ weʿasiyta ḥoshen mishepaṭ maʿaseh ḥoshev kemaʿaseh ʾefod taʿasenu zahav tekhelet weʾaregaman wetowlaʿat shaniy weshesh mashezar taʿaseh ʾotow׃
16 רָב֥וּעַ יִֽהְיֶ֖ה כָּפ֑וּל זֶ֥רֶת אָרְכֹּ֖ו וְזֶ֥רֶת רָחְבֹּֽו׃ ravuaʿ yiheyeh kaful zeret ʾarekow wezeret raḥebow׃
17 וּמִלֵּאתָ֥ בֹו֙ מִלֻּ֣אַת אֶ֔בֶן אַרְבָּעָ֖ה טוּרִ֣ים אָ֑בֶן ט֗וּר אֹ֤דֶם פִּטְדָה֙ וּבָרֶ֔קֶת הַטּ֖וּר הָאֶחָֽד׃ umileʾta vow miluʾat ʾeven ʾarebaʿah ṭuriym ʾaven ṭur ʾodem piṭedah uvareqet haṭur haʾeḥad׃
18 וְהַטּ֖וּר הַשֵּׁנִ֑י נֹ֥פֶךְ סַפִּ֖יר וְיָהֲלֹֽם׃ wehaṭur hasheniy nofekhe sapiyr weyahalom׃
19 וְהַטּ֖וּר הַשְּׁלִישִׁ֑י לֶ֥שֶׁם שְׁבֹ֖ו וְאַחְלָֽמָה׃ wehaṭur hasheliyshiy leshem shevow weʾaḥelamah׃
20 וְהַטּוּר֙ הָרְבִיעִ֔י תַּרְשִׁ֥ישׁ וְשֹׁ֖הַם וְיָשְׁפֵ֑ה מְשֻׁבָּצִ֥ים זָהָ֛ב יִהְי֖וּ בְּמִלּוּאֹתָֽם׃ wehaṭur hareviyʿiy tareshiysh weshoham weyashefeh meshubatsiym zahav yiheyu bemiluʾotam׃
21 וְ֠הָאֲבָנִים תִּֽהְיֶ֜יןָ עַל־שְׁמֹ֧ת בְּנֵֽי־יִשְׂרָאֵ֛ל שְׁתֵּ֥ים עֶשְׂרֵ֖ה עַל־שְׁמֹתָ֑ם פִּתּוּחֵ֤י חֹותָם֙ אִ֣ישׁ עַל־שְׁמֹ֔ו תִּֽהְיֶ֕יןָ לִשְׁנֵ֥י עָשָׂ֖ר שָֽׁבֶט׃ wehaʾavaniym tiheyeyna ʿal־shemot beney־yiseraʾel sheteym ʿesereh ʿal־shemotam pituḥey ḥowtam ʾiysh ʿal־shemow tiheyeyna lisheney ʿasar shaveṭ׃
22 וְעָשִׂ֧יתָ עַל־הַחֹ֛שֶׁן שַֽׁרְשֹׁ֥ת גַּבְלֻ֖ת מַעֲשֵׂ֣ה עֲבֹ֑ת זָהָ֖ב טָהֹֽור׃ weʿasiyta ʿal־haḥoshen shareshot gavelut maʿaseh ʿavot zahav ṭahowr׃
23 וְעָשִׂ֙יתָ֙ עַל־הַחֹ֔שֶׁן שְׁתֵּ֖י טַבְּעֹ֣ות זָהָ֑ב וְנָתַתָּ֗ אֶת־שְׁתֵּי֙ הַטַּבָּעֹ֔ות עַל־שְׁנֵ֖י קְצֹ֥ות הַחֹֽשֶׁן׃ weʿasiyta ʿal־haḥoshen shetey ṭabeʿowt zahav wenatata ʾet־shetey haṭabaʿowt ʿal־sheney qetsowt haḥoshen׃
24 וְנָתַתָּ֗ה אֶת־שְׁתֵּי֙ עֲבֹתֹ֣ת הַזָּהָ֔ב עַל־שְׁתֵּ֖י הַטַּבָּעֹ֑ת אֶל־קְצֹ֖ות הַחֹֽשֶׁן׃ wenatatah ʾet־shetey ʿavotot hazahav ʿal־shetey haṭabaʿot ʾel־qetsowt haḥoshen׃
25 וְאֵ֨ת שְׁתֵּ֤י קְצֹות֙ שְׁתֵּ֣י הָעֲבֹתֹ֔ת תִּתֵּ֖ן עַל־שְׁתֵּ֣י הַֽמִּשְׁבְּצֹ֑ות וְנָתַתָּ֛ה עַל־כִּתְפֹ֥ות הָאֵפֹ֖ד אֶל־מ֥וּל פָּנָֽיו׃ weʾet shetey qetsowt shetey haʿavotot titen ʿal־shetey hamishebetsowt wenatatah ʿal־kitefowt haʾefod ʾel־mul panayw׃
26 וְעָשִׂ֗יתָ שְׁתֵּי֙ טַבְּעֹ֣ות זָהָ֔ב וְשַׂמְתָּ֣ אֹתָ֔ם עַל־שְׁנֵ֖י קְצֹ֣ות הַחֹ֑שֶׁן עַל־שְׂפָתֹ֕ו אֲשֶׁ֛ר אֶל־עֵ֥בֶר הָאֵפֹ֖ד בָּֽיְתָה׃ weʿasiyta shetey ṭabeʿowt zahav wesameta ʾotam ʿal־sheney qetsowt haḥoshen ʿal־sefatow ʾasher ʾel־ʿever haʾefod bayetah׃
27 וְעָשִׂיתָ֮ שְׁתֵּ֣י טַבְּעֹ֣ות זָהָב֒ וְנָתַתָּ֣ה אֹתָ֡ם עַל־שְׁתֵּי֩ כִתְפֹ֨ות הָאֵפֹ֤וד מִלְּמַ֙טָּה֙ מִמּ֣וּל פָּנָ֔יו לְעֻמַּ֖ת מֶחְבַּרְתֹּ֑ו מִמַּ֕עַל לְחֵ֖שֶׁב הָאֵפֹֽוד׃ weʿasiyta shetey ṭabeʿowt zahav wenatatah ʾotam ʿal־shetey khitefowt haʾefowd milemaṭah mimul panayw leʿumat meḥebaretow mimaʿal leḥeshev haʾefowd׃
28 וְיִרְכְּס֣וּ אֶת־הַ֠חֹשֶׁן [מִטַּבְּעֹתֹו כ] (מִֽטַּבְּעֹתָ֞יו ק) אֶל־טַבְּעֹ֤ת הָאֵפֹד֙ בִּפְתִ֣יל תְּכֵ֔לֶת לִֽהְיֹ֖ות עַל־חֵ֣שֶׁב הָאֵפֹ֑וד וְלֹֽא־יִזַּ֣ח הַחֹ֔שֶׁן מֵעַ֖ל הָאֵפֹֽוד׃ weyirekesu ʾet־haḥoshen [miṭabeʿotow kh] (miṭabeʿotayw q) ʾel־ṭabeʿot haʾefod bifetiyl tekhelet liheyowt ʿal־ḥeshev haʾefowd weloʾ־yizaḥ haḥoshen meʿal haʾefowd׃
29 וְנָשָׂ֣א אַ֠הֲרֹן אֶת־שְׁמֹ֨ות בְּנֵֽי־יִשְׂרָאֵ֜ל בְּחֹ֧שֶׁן הַמִּשְׁפָּ֛ט עַל־לִבֹּ֖ו בְּבֹאֹ֣ו אֶל־הַקֹּ֑דֶשׁ לְזִכָּרֹ֥ן לִפְנֵֽי־יְהוָ֖ה תָּמִֽיד׃ wenasaʾ ʾaharon ʾet־shemowt beney־yiseraʾel beḥoshen hamishepaṭ ʿal־libow bevoʾow ʾel־haqodesh lezikaron lifeney־yehwah tamiyd׃
30 וְנָתַתָּ֞ אֶל־חֹ֣שֶׁן הַמִּשְׁפָּ֗ט אֶת־הָאוּרִים֙ וְאֶת־הַתֻּמִּ֔ים וְהָיוּ֙ עַל־לֵ֣ב אַהֲרֹ֔ן בְּבֹאֹ֖ו לִפְנֵ֣י יְהוָ֑ה וְנָשָׂ֣א אַ֠הֲרֹן אֶת־מִשְׁפַּ֨ט בְּנֵי־יִשְׂרָאֵ֧ל עַל־לִבֹּ֛ו לִפְנֵ֥י יְהוָ֖ה תָּמִֽיד׃ ס wenatata ʾel־ḥoshen hamishepaṭ ʾet־haʾuriym weʾet־hatumiym wehayu ʿal־lev ʾaharon bevoʾow lifeney yehwah wenasaʾ ʾaharon ʾet־mishepaṭ beney־yiseraʾel ʿal־libow lifeney yehwah tamiyd׃ s
31 וְעָשִׂ֛יתָ אֶת־מְעִ֥יל הָאֵפֹ֖וד כְּלִ֥יל תְּכֵֽלֶת׃ weʿasiyta ʾet־meʿiyl haʾefowd keliyl tekhelet׃
32 וְהָיָ֥ה פִֽי־רֹאשֹׁ֖ו בְּתֹוכֹ֑ו שָׂפָ֡ה יִֽהְיֶה֩ לְפִ֨יו סָבִ֜יב מַעֲשֵׂ֣ה אֹרֵ֗ג כְּפִ֥י תַחְרָ֛א יִֽהְיֶה־לֹּ֖ו לֹ֥א יִקָּרֵֽעַ׃ wehayah fiy־roʾshow betowkhow safah yiheyeh lefiyw saviyv maʿaseh ʾoreg kefiy taḥeraʾ yiheyeh־low loʾ yiqareaʿ׃
33 וְעָשִׂ֣יתָ עַל־שׁוּלָ֗יו רִמֹּנֵי֙ תְּכֵ֤לֶת וְאַרְגָּמָן֙ וְתֹולַ֣עַת שָׁנִ֔י עַל־שׁוּלָ֖יו סָבִ֑יב וּפַעֲמֹנֵ֥י זָהָ֛ב בְּתֹוכָ֖ם סָבִֽיב׃ weʿasiyta ʿal־shulayw rimoney tekhelet weʾaregaman wetowlaʿat shaniy ʿal־shulayw saviyv ufaʿamoney zahav betowkham saviyv׃
34 פַּעֲמֹ֤ן זָהָב֙ וְרִמֹּ֔ון פַּֽעֲמֹ֥ן זָהָ֖ב וְרִמֹּ֑ון עַל־שׁוּלֵ֥י הַמְּעִ֖יל סָבִֽיב׃ paʿamon zahav werimown paʿamon zahav werimown ʿal־shuley hameʿiyl saviyv׃
35 וְהָיָ֥ה עַֽל־אַהֲרֹ֖ן לְשָׁרֵ֑ת וְנִשְׁמַ֣ע קֹ֠ולֹו בְּבֹאֹ֨ו אֶל־הַקֹּ֜דֶשׁ לִפְנֵ֧י יְהוָ֛ה וּבְצֵאתֹ֖ו וְלֹ֥א יָמֽוּת׃ ס wehayah ʿal־ʾaharon lesharet wenishemaʿ qowlow bevoʾow ʾel־haqodesh lifeney yehwah uvetseʾtow weloʾ yamut׃ s
36 וְעָשִׂ֥יתָ צִּ֖יץ זָהָ֣ב טָהֹ֑ור וּפִתַּחְתָּ֤ עָלָיו֙ פִּתּוּחֵ֣י חֹתָ֔ם קֹ֖דֶשׁ לַֽיהוָֽה׃ weʿasiyta tsiyts zahav ṭahowr ufitaḥeta ʿalayw pituḥey ḥotam qodesh layhwah׃
37 וְשַׂמְתָּ֤ אֹתֹו֙ עַל־פְּתִ֣יל תְּכֵ֔לֶת וְהָיָ֖ה עַל־הַמִּצְנָ֑פֶת אֶל־מ֥וּל פְּנֵֽי־הַמִּצְנֶ֖פֶת יִהְיֶֽה׃ wesameta ʾotow ʿal־petiyl tekhelet wehayah ʿal־hamitsenafet ʾel־mul peney־hamitsenefet yiheyeh׃
38 וְהָיָה֮ עַל־מֵ֣צַח אַהֲרֹן֒ וְנָשָׂ֨א אַהֲרֹ֜ן אֶת־עֲוֹ֣ן הַקֳּדָשִׁ֗ים אֲשֶׁ֤ר יַקְדִּ֙ישׁוּ֙ בְּנֵ֣י יִשְׂרָאֵ֔ל לְכָֽל־מַתְּנֹ֖ת קָדְשֵׁיהֶ֑ם וְהָיָ֤ה עַל־מִצְחֹו֙ תָּמִ֔יד לְרָצֹ֥ון לָהֶ֖ם לִפְנֵ֥י יְהוָֽה׃ wehayah ʿal־metsaḥ ʾaharon wenasaʾ ʾaharon ʾet־ʿaon haqodashiym ʾasher yaqediyshu beney yiseraʾel lekhal־matenot qadesheyhem wehayah ʿal־mitseḥow tamiyd leratsown lahem lifeney yehwah׃
39 וְשִׁבַּצְתָּ֙ הַכְּתֹ֣נֶת שֵׁ֔שׁ וְעָשִׂ֖יתָ מִצְנֶ֣פֶת שֵׁ֑שׁ וְאַבְנֵ֥ט תַּעֲשֶׂ֖ה מַעֲשֵׂ֥ה רֹקֵֽם׃ weshibatseta haketonet shesh weʿasiyta mitsenefet shesh weʾaveneṭ taʿaseh maʿaseh roqem׃
40 וְלִבְנֵ֤י אַהֲרֹן֙ תַּעֲשֶׂ֣ה כֻתֳּנֹ֔ת וְעָשִׂ֥יתָ לָהֶ֖ם אַבְנֵטִ֑ים וּמִגְבָּעֹות֙ תַּעֲשֶׂ֣ה לָהֶ֔ם לְכָבֹ֖וד וּלְתִפְאָֽרֶת׃ weliveney ʾaharon taʿaseh khutonot weʿasiyta lahem ʾaveneṭiym umigebaʿowt taʿaseh lahem lekhavowd uletifeʾaret׃
41 וְהִלְבַּשְׁתָּ֤ אֹתָם֙ אֶת־אַהֲרֹ֣ן אָחִ֔יךָ וְאֶת־בָּנָ֖יו אִתֹּ֑ו וּמָשַׁחְתָּ֨ אֹתָ֜ם וּמִלֵּאתָ֧ אֶת־יָדָ֛ם וְקִדַּשְׁתָּ֥ אֹתָ֖ם וְכִהֲנ֥וּ לִֽי׃ wehilebasheta ʾotam ʾet־ʾaharon ʾaḥiykha weʾet־banayw ʾitow umashaḥeta ʾotam umileʾta ʾet־yadam weqidasheta ʾotam wekhihanu liy׃
42 וַעֲשֵׂ֤ה לָהֶם֙ מִכְנְסֵי־בָ֔ד לְכַסֹּ֖ות בְּשַׂ֣ר עֶרְוָ֑ה מִמָּתְנַ֥יִם וְעַד־יְרֵכַ֖יִם יִהְיֽוּ׃ waʿaseh lahem mikhenesey־vad lekhasowt besar ʿerewah mimatenayim weʿad־yerekhayim yiheyu׃
43 וְהָיוּ֩ עַל־אַהֲרֹ֨ן וְעַל־בָּנָ֜יו בְּבֹאָ֣ם ׀ אֶל־אֹ֣הֶל מֹועֵ֗ד אֹ֣ו בְגִשְׁתָּ֤ם אֶל־הַמִּזְבֵּ֙חַ֙ לְשָׁרֵ֣ת בַּקֹּ֔דֶשׁ וְלֹא־יִשְׂא֥וּ עָוֹ֖ן וָמֵ֑תוּ חֻקַּ֥ת עֹולָ֛ם לֹ֖ו וּלְזַרְעֹ֥ו אַחֲרָֽיו׃ ס wehayu ʿal־ʾaharon weʿal־banayw bevoʾam ׀ ʾel־ʾohel mowʿed ʾow vegishetam ʾel־hamizebeaḥ lesharet baqodesh weloʾ־yiseʾu ʿaon wametu ḥuqat ʿowlam low ulezareʿow ʾaḥarayw׃ s