Psaumes 73

¹ מִזְמֹ֗ור לְאָ֫סָ֥ף אַ֤ךְ טֹ֭וב לְיִשְׂרָאֵ֥ל אֱלֹהִ֗ים לְבָרֵ֥י לֵבָֽב׃ mizemowr leʾasaf ʾakhe ṭowv leyiseraʾel ʾelohiym levarey levav׃

² וַאֲנִ֗י כִּ֭מְעַט [נָטוּי כ] (נָטָ֣יוּ ק) רַגְלָ֑י כְּ֝אַ֗יִן [שֻׁפְּכָה כ] (שֻׁפְּכ֥וּ ק) אֲשֻׁרָֽי׃ waʾaniy kimeʿaṭ [naṭuy kh] (naṭayu q) ragelay keʾayin [shupekhah kh] (shupekhu q) ʾashuray׃

³ כִּֽי־קִ֭נֵּאתִי בַּֽהֹולְלִ֑ים שְׁלֹ֖ום רְשָׁעִ֣ים אֶרְאֶֽה׃ kiy־qineʾtiy bahowleliym shelowm reshaʿiym ʾereʾeh׃

⁴ כִּ֤י אֵ֖ין חַרְצֻבֹּ֥ות לְמֹותָ֗ם וּבָרִ֥יא אוּלָֽם׃ kiy ʾeyn ḥaretsubowt lemowtam uvariyʾ ʾulam׃

⁵ בַּעֲמַ֣ל אֱנֹ֣ושׁ אֵינֵ֑מֹו וְעִם־אָ֝דָ֗ם לֹ֣א יְנֻגָּֽעוּ׃ baʿamal ʾenowsh ʾeynemow weʿim־ʾadam loʾ yenugaʿu׃

⁶ לָ֭כֵן עֲנָקַ֣תְמֹו גַאֲוָ֑ה יַעֲטָףשִׁ֝֗־ית חָמָ֥ס לָֽמֹו׃ lakhen ʿanaqatemow gaʾawah yaʿaṭafshi־yt ḥamas lamow׃

⁷ יָ֭צָא מֵחֵ֣לֶב עֵינֵ֑מֹו עָ֝בְר֗וּ מַשְׂכִּיֹּ֥ות לֵבָֽב׃ yatsaʾ meḥelev ʿeynemow ʿaveru masekiyowt levav׃

⁸ יָמִ֤יקוּ ׀ וִידַבְּר֣וּ בְרָ֣ע עֹ֑שֶׁק מִמָּרֹ֥ום יְדַבֵּֽרוּ׃ yamiyqu ׀ wiydaberu veraʿ ʿosheq mimarowm yedaberu׃

⁹ שַׁתּ֣וּ בַשָּׁמַ֣יִם פִּיהֶ֑ם וּ֝לְשֹׁונָ֗ם תִּֽהֲלַ֥ךְ בָּאָֽרֶץ׃ shatu vashamayim piyhem uleshownam tihalakhe baʾarets׃

¹⁰ לָכֵ֤ן ׀ [יָשִׁיב כ] (יָשׁ֣וּב ק) עַמֹּ֣ו הֲלֹ֑ם וּמֵ֥י מָ֝לֵ֗א יִמָּ֥צוּ לָֽמֹו׃ lakhen ׀ [yashiyv kh] (yashuv q) ʿamow halom umey maleʾ yimatsu lamow׃

¹¹ וְֽאָמְר֗וּ אֵיכָ֥ה יָדַֽע־אֵ֑ל וְיֵ֖שׁ דֵּעָ֣ה בְעֶלְיֹֽון׃ weʾameru ʾeykhah yadaʿ־ʾel weyesh deʿah veʿeleyown׃

¹² הִנֵּה־אֵ֥לֶּה רְשָׁעִ֑ים וְשַׁלְוֵ֥י עֹ֝ולָ֗ם הִשְׂגּוּ־חָֽיִל׃ hineh־ʾeleh reshaʿiym weshalewey ʿowlam hisegu־ḥayil׃

¹³ אַךְ־רִ֭יק זִכִּ֣יתִי לְבָבִ֑י וָאֶרְחַ֖ץ בְּנִקָּיֹ֣ון כַּפָּֽי׃ ʾakhe־riyq zikiytiy levaviy waʾereḥats beniqayown kapay׃

¹⁴ וָאֱהִ֣י נָ֭גוּעַ כָּל־הַיֹּ֑ום וְ֝תֹוכַחְתִּ֗י לַבְּקָרִֽים׃ waʾehiy naguaʿ kal־hayowm wetowkhaḥetiy labeqariym׃

¹⁵ אִם־אָ֭מַרְתִּי אֲסַפְּרָ֥ה כְמֹ֑ו הִנֵּ֤ה דֹ֭ור בָּנֶ֣יךָ בָגָֽדְתִּי׃ ʾim־ʾamaretiy ʾasaperah khemow hineh dowr baneykha vagadetiy׃

¹⁶ וָֽ֭אֲחַשְּׁבָה לָדַ֣עַת זֹ֑את עָמָ֖ל [הִיא כ] (ה֣וּא ק) בְעֵינָֽי׃ waʾaḥashevah ladaʿat zoʾt ʿamal [hiyʾ kh] (huʾ q) veʿeynay׃

¹⁷ עַד־אָ֭בֹוא אֶל־מִקְדְּשֵׁי־אֵ֑ל אָ֝בִ֗ינָה לְאַחֲרִיתָֽם׃ ʿad־ʾavowʾ ʾel־miqedeshey־ʾel ʾaviynah leʾaḥariytam׃

¹⁸ אַ֣ךְ בַּ֭חֲלָקֹות תָּשִׁ֣ית לָ֑מֹו הִ֝פַּלְתָּ֗ם לְמַשּׁוּאֹֽות׃ ʾakhe baḥalaqowt tashiyt lamow hipaletam lemashuʾowt׃

¹⁹ אֵ֤יךְ הָי֣וּ לְשַׁמָּ֣ה כְרָ֑גַע סָ֥פוּ תַ֝֗מּוּ מִן־בַּלָּהֹֽות׃ ʾeykhe hayu leshamah kheragaʿ safu tamu min־balahowt׃

²⁰ כַּחֲלֹ֥ום מֵהָקִ֑יץ אֲ֝דֹנָי בָּעִ֤יר ׀ צַלְמָ֬ם תִּבְזֶֽה׃ kaḥalowm mehaqiyts ʾadonay baʿiyr ׀ tsalemam tivezeh׃

²¹ כִּ֭י יִתְחַמֵּ֣ץ לְבָבִ֑י וְ֝כִלְיֹותַ֗י אֶשְׁתֹּונָֽן׃ kiy yiteḥamets levaviy wekhileyowtay ʾeshetownan׃

²² וַאֲנִי־בַ֭עַר וְלֹ֣א אֵדָ֑ע בְּ֝הֵמֹ֗ות הָיִ֥יתִי עִמָּֽךְ׃ waʾaniy־vaʿar weloʾ ʾedaʿ behemowt hayiytiy ʿimakhe׃

²³ וַאֲנִ֣י תָמִ֣יד עִמָּ֑ךְ אָ֝חַ֗זְתָּ בְּיַד־יְמִינִֽי׃ waʾaniy tamiyd ʿimakhe ʾaḥazeta beyad־yemiyniy׃

²⁴ בַּעֲצָתְךָ֥ תַנְחֵ֑נִי וְ֝אַחַ֗ר כָּבֹ֥וד תִּקָּחֵֽנִי׃ baʿatsatekha taneḥeniy weʾaḥar kavowd tiqaḥeniy׃

²⁵ מִי־לִ֥י בַשָּׁמָ֑יִם וְ֝עִמְּךָ֗ לֹא־חָפַ֥צְתִּי בָאָֽרֶץ׃ miy־liy vashamayim weʿimekha loʾ־ḥafatsetiy vaʾarets׃

²⁶ כָּלָ֥ה שְׁאֵרִ֗י וּלְבָ֫בִ֥י צוּר־לְבָבִ֥י וְחֶלְקִ֗י אֱלֹהִ֥ים לְעֹולָֽם׃ kalah sheʾeriy ulevaviy tsur־levaviy weḥeleqiy ʾelohiym leʿowlam׃

²⁷ כִּֽי־הִנֵּ֣ה רְחֵקֶ֣יךָ יֹאבֵ֑דוּ הִ֝צְמַ֗תָּה כָּל־זֹונֶ֥ה מִמֶּֽךָּ׃ kiy־hineh reḥeqeykha yoʾvedu hitsematah kal־zowneh mimeka׃

²⁸ וַאֲנִ֤י ׀ קִֽרֲבַ֥ת אֱלֹהִ֗ים לִ֫י־טֹ֥וב שַׁתִּ֤י ׀ בַּאדֹנָ֣י יְהֹוִ֣ה מַחְסִ֑י לְ֝סַפֵּ֗ר כָּל־מַלְאֲכֹותֶֽיךָ׃ waʾaniy ׀ qiravat ʾelohiym liy־ṭowv shatiy ׀ baʾdonay yehowih maḥesiy lesaper kal־maleʾakhowteykha׃