Ésaïe 13

¹ מַשָּׂ֖א בָּבֶ֑ל אֲשֶׁ֣ר חָזָ֔ה יְשַׁעְיָ֖הוּ בֶּן־אָמֹֽוץ׃ masaʾ bavel ʾasher ḥazah yeshaʿeyahu ben־ʾamowts׃

² עַ֤ל הַר־נִשְׁפֶּה֙ שְֽׂאוּ־נֵ֔ס הָרִ֥ימוּ קֹ֖ול לָהֶ֑ם הָנִ֣יפוּ יָ֔ד וְיָבֹ֖אוּ פִּתְחֵ֥י נְדִיבִֽים׃ ʿal har־nishepeh seʾu־nes hariymu qowl lahem haniyfu yad weyavoʾu piteḥey nediyviym׃

³ אֲנִ֥י צִוֵּ֖יתִי לִמְקֻדָּשָׁ֑י גַּ֣ם קָרָ֤אתִי גִבֹּורַי֙ לְאַפִּ֔י עַלִּיזֵ֖י גַּאֲוָתִֽי׃ ʾaniy tsiueytiy limequdashay gam qaraʾtiy gibowray leʾapiy ʿaliyzey gaʾawatiy׃

⁴ קֹ֥ול הָמֹ֛ון בֶּֽהָרִ֖ים דְּמ֣וּת עַם־רָ֑ב קֹ֠ול שְׁאֹ֞ון מַמְלְכֹ֤ות גֹּויִם֙ נֶֽאֱסָפִ֔ים יְהוָ֣ה צְבָאֹ֔ות מְפַקֵּ֖ד צְבָ֥א מִלְחָמָֽה׃ qowl hamown behariym demut ʿam־rav qowl sheʾown mamelekhowt gowyim neʾesafiym yehwah tsevaʾowt mefaqed tsevaʾ mileḥamah׃

⁵ בָּאִ֛ים מֵאֶ֥רֶץ מֶרְחָ֖ק מִקְצֵ֣ה הַשָּׁמָ֑יִם יְהוָה֙ וּכְלֵ֣י זַעְמֹ֔ו לְחַבֵּ֖ל כָּל־הָאָֽרֶץ׃ baʾiym meʾerets mereḥaq miqetseh hashamayim yehwah ukheley zaʿemow leḥabel kal־haʾarets׃

⁶ הֵילִ֕ילוּ כִּ֥י קָרֹ֖וב יֹ֣ום יְהוָ֑ה כְּשֹׁ֖ד מִשַּׁדַּ֥י יָבֹֽוא׃ heyliylu kiy qarowv yowm yehwah keshod mishaday yavowʾ׃

⁷ עַל־כֵּ֖ן כָּל־יָדַ֣יִם תִּרְפֶּ֑ינָה וְכָל־לְבַ֥ב אֱנֹ֖ושׁ יִמָּֽס ׃ ʿal־ken kal־yadayim tirepeynah wekhal־levav ʾenowsh yimas ׃

⁸ וְֽנִבְהָ֓לוּ ׀ צִירִ֤ים וַֽחֲבָלִים֙ יֹֽאחֵז֔וּן כַּיֹּולֵדָ֖ה יְחִיל֑וּן אִ֤ישׁ אֶל־רֵעֵ֙הוּ֙ יִתְמָ֔הוּ פְּנֵ֥י לְהָבִ֖ים פְּנֵיהֶֽם׃ wenivehalu ׀ tsiyriym waḥavaliym yoʾḥezun kayowledah yeḥiylun ʾiysh ʾel־reʿehu yitemahu peney lehaviym peneyhem׃

⁹ הִנֵּ֤ה יֹום־יְהוָה֙ בָּ֔א אַכְזָרִ֥י וְעֶבְרָ֖ה וַחֲרֹ֣ון אָ֑ף לָשׂ֤וּם הָאָ֙רֶץ֙ לְשַׁמָּ֔ה וְחַטָּאֶ֖יהָ יַשְׁמִ֥יד מִמֶּֽנָּה׃ hineh yowm־yehwah baʾ ʾakhezariy weʿeverah waḥarown ʾaf lasum haʾarets leshamah weḥaṭaʾeyha yashemiyd mimenah׃

¹⁰ כִּֽי־כֹוכְבֵ֤י הַשָּׁמַ֙יִם֙ וּכְסִ֣ילֵיהֶ֔ם לֹ֥א יָהֵ֖לּוּ אֹורָ֑ם חָשַׁ֤ךְ הַשֶּׁ֙מֶשׁ֙ בְּצֵאתֹ֔ו וְיָרֵ֖חַ לֹֽא־יַגִּ֥יהַ אֹורֹֽו׃ kiy־khowkhevey hashamayim ukhesiyleyhem loʾ yahelu ʾowram ḥashakhe hashemesh betseʾtow weyareaḥ loʾ־yagiyha ʾowrow׃

¹¹ וּפָקַדְתִּ֤י עַל־תֵּבֵל֙ רָעָ֔ה וְעַל־רְשָׁעִ֖ים עֲוֹנָ֑ם וְהִשְׁבַּתִּי֙ גְּאֹ֣ון זֵדִ֔ים וְגַאֲוַ֥ת עָרִיצִ֖ים אַשְׁפִּֽיל׃ ufaqadetiy ʿal־tevel raʿah weʿal־reshaʿiym ʿaonam wehishebatiy geʾown zediym wegaʾawat ʿariytsiym ʾashepiyl׃

¹² אֹוקִ֥יר אֱנֹ֖ושׁ מִפָּ֑ז וְאָדָ֖ם מִכֶּ֥תֶם אֹופִֽיר׃ ʾowqiyr ʾenowsh mipaz weʾadam miketem ʾowfiyr׃

¹³ עַל־כֵּן֙ שָׁמַ֣יִם אַרְגִּ֔יז וְתִרְעַ֥שׁ הָאָ֖רֶץ מִמְּקֹומָ֑הּ בְּעֶבְרַת֙ יְהוָ֣ה צְבָאֹ֔ות וּבְיֹ֖ום חֲרֹ֥ון אַפֹּֽו׃ ʿal־ken shamayim ʾaregiyz wetireʿash haʾarets mimeqowmah beʿeverat yehwah tsevaʾowt uveyowm ḥarown ʾapow׃

¹⁴ וְהָיָה֙ כִּצְבִ֣י מֻדָּ֔ח וּכְצֹ֖אן וְאֵ֣ין מְקַבֵּ֑ץ אִ֤ישׁ אֶל־עַמֹּו֙ יִפְנ֔וּ וְאִ֥ישׁ אֶל־אַרְצֹ֖ו יָנֽוּסוּ׃ wehayah kitseviy mudaḥ ukhetsoʾn weʾeyn meqabets ʾiysh ʾel־ʿamow yifenu weʾiysh ʾel־ʾaretsow yanusu׃

¹⁵ כָּל־הַנִּמְצָ֖א יִדָּקֵ֑ר וְכָל־הַנִּסְפֶּ֖ה יִפֹּ֥ול בֶּחָֽרֶב׃ kal־hanimetsaʾ yidaqer wekhal־hanisepeh yipowl beḥarev׃

¹⁶ וְעֹלְלֵיהֶ֥ם יְרֻטְּשׁ֖וּ לְעֵֽינֵיהֶ֑ם יִשַּׁ֙סּוּ֙ בָּֽתֵּיהֶ֔ם וּנְשֵׁיהֶ֖ם [תִּשָּׁגַלְנָה כ] (תִּשָּׁכַֽבְנָה׃ ק) weʿoleleyhem yeruṭeshu leʿeyneyhem yishasu bateyhem unesheyhem [tishagalenah kh] (tishakhavenah׃ q)

¹⁷ הִנְנִ֛י מֵעִ֥יר עֲלֵיהֶ֖ם אֶת־מָדָ֑י אֲשֶׁר־כֶּ֙סֶף֙ לֹ֣א יַחְשֹׁ֔בוּ וְזָהָ֖ב לֹ֥א יַחְפְּצוּ־בֹֽו׃ hineniy meʿiyr ʿaleyhem ʾet־maday ʾasher־kesef loʾ yaḥeshovu wezahav loʾ yaḥepetsu־vow׃

¹⁸ וּקְשָׁתֹ֖ות נְעָרִ֣ים תְּרַטַּ֑שְׁנָה וּפְרִי־בֶ֙טֶן֙ לֹ֣א יְרַחֵ֔מוּ עַל־בָּנִ֖ים לֹֽא־תָח֥וּס עֵינָֽם׃ uqeshatowt neʿariym teraṭashenah uferiy־veṭen loʾ yeraḥemu ʿal־baniym loʾ־taḥus ʿeynam׃

¹⁹ וְהָיְתָ֤ה בָבֶל֙ צְבִ֣י מַמְלָכֹ֔ות תִּפְאֶ֖רֶת גְּאֹ֣ון כַּשְׂדִּ֑ים כְּמַהְפֵּכַ֣ת אֱלֹהִ֔ים אֶת־סְדֹ֖ם וְאֶת־עֲמֹרָֽה׃ wehayetah vavel tseviy mamelakhowt tifeʾeret geʾown kasediym kemahepekhat ʾelohiym ʾet־sedom weʾet־ʿamorah׃

²⁰ לֹֽא־תֵשֵׁ֣ב לָנֶ֔צַח וְלֹ֥א תִשְׁכֹּ֖ן עַד־דֹּ֣ור וָדֹ֑ור וְלֹֽא־יַהֵ֥ל שָׁם֙ עֲרָבִ֔י וְרֹעִ֖ים לֹא־יַרְבִּ֥צוּ שָֽׁם׃ loʾ־teshev lanetsaḥ weloʾ tishekon ʿad־dowr wadowr weloʾ־yahel sham ʿaraviy weroʿiym loʾ־yarebitsu sham׃

²¹ וְרָבְצוּ־שָׁ֣ם צִיִּ֔ים וּמָלְא֥וּ בָתֵּיהֶ֖ם אֹחִ֑ים וְשָׁ֤כְנוּ שָׁם֙ בְּנֹ֣ות יַֽעֲנָ֔ה וּשְׂעִירִ֖ים יְרַקְּדוּ־שָֽׁם׃ weravetsu־sham tsiyiym umaleʾu vateyhem ʾoḥiym weshakhenu sham benowt yaʿanah useʿiyriym yeraqedu־sham׃

²² וְעָנָ֤ה אִיִּים֙ בְּאַלְמנֹותָ֔יו וְתַנִּ֖ים בְּהֵ֣יכְלֵי עֹ֑נֶג וְקָרֹ֤וב לָבֹוא֙ עִתָּ֔הּ וְיָמֶ֖יהָ לֹ֥א יִמָּשֵֽׁכוּ׃ weʿanah ʾiyiym beʾalemnowtayw wetaniym beheykheley ʿoneg weqarowv lavowʾ ʿitah weyameyha loʾ yimashekhu׃