1 Samuel 16

¹ וַיֹּ֨אמֶר יְהוָ֜ה אֶל־שְׁמוּאֵ֗ל עַד־מָתַי֙ אַתָּה֙ מִתְאַבֵּ֣ל אֶל־שָׁא֔וּל וַאֲנִ֣י מְאַסְתִּ֔יו מִמְּלֹ֖ךְ עַל־יִשְׂרָאֵ֑ל מַלֵּ֨א קַרְנְךָ֜ שֶׁ֗מֶן וְלֵ֤ךְ אֶֽשְׁלָחֲךָ֙ אֶל־יִשַׁ֣י בֵּֽית־הַלַּחְמִ֔י כִּֽי־רָאִ֧יתִי בְּבָנָ֛יו לִ֖י מֶֽלֶךְ׃ wayoʾmer yehwah ʾel־shemuʾel ʿad־matay ʾatah miteʾabel ʾel־shaʾul waʾaniy meʾasetiyw mimelokhe ʿal־yiseraʾel maleʾ qarenekha shemen welekhe ʾeshelaḥakha ʾel־yishay beyt־halaḥemiy kiy־raʾiytiy bevanayw liy melekhe׃

² וַיֹּ֤אמֶר שְׁמוּאֵל֙ אֵ֣יךְ אֵלֵ֔ךְ וְשָׁמַ֥ע שָׁא֖וּל וַהֲרָגָ֑נִי ס וַיֹּ֣אמֶר יְהוָ֗ה עֶגְלַ֤ת בָּקָר֙ תִּקַּ֣ח בְּיָדֶ֔ךָ וְאָ֣מַרְתָּ֔ לִזְבֹּ֥חַ לַֽיהוָ֖ה בָּֽאתִי׃ wayoʾmer shemuʾel ʾeykhe ʾelekhe weshamaʿ shaʾul waharaganiy s wayoʾmer yehwah ʿegelat baqar tiqaḥ beyadekha weʾamareta lizeboaḥ layhwah baʾtiy׃

³ וְקָרָ֥אתָ לְיִשַׁ֖י בַּזָּ֑בַח וְאָֽנֹכִ֗י אֹודִֽיעֲךָ֙ אֵ֣ת אֲשֶֽׁר־תַּעֲשֶׂ֔ה וּמָשַׁחְתָּ֣ לִ֔י אֵ֥ת אֲשֶׁר־אֹמַ֖ר אֵלֶֽיךָ׃ weqaraʾta leyishay bazavaḥ weʾanokhiy ʾowdiyʿakha ʾet ʾasher־taʿaseh umashaḥeta liy ʾet ʾasher־ʾomar ʾeleykha׃

⁴ וַיַּ֣עַשׂ שְׁמוּאֵ֗ל אֵ֚ת אֲשֶׁ֣ר דִּבֶּ֣ר יְהוָ֔ה וַיָּבֹ֖א בֵּ֣ית לָ֑חֶם וַיֶּחֶרְד֞וּ זִקְנֵ֤י הָעִיר֙ לִקְרָאתֹ֔ו וַיֹּ֖אמֶר שָׁלֹ֥ם בֹּואֶֽךָ׃ wayaʿas shemuʾel ʾet ʾasher diber yehwah wayavoʾ beyt laḥem wayeḥeredu ziqeney haʿiyr liqeraʾtow wayoʾmer shalom bowʾekha׃

⁵ וַיֹּ֣אמֶר ׀ שָׁלֹ֗ום לִזְבֹּ֤חַ לַֽיהוָה֙ בָּ֔אתִי הִֽתְקַדְּשׁ֔וּ וּבָאתֶ֥ם אִתִּ֖י בַּזָּ֑בַח וַיְקַדֵּ֤שׁ אֶת־יִשַׁי֙ וְאֶת־בָּנָ֔יו וַיִּקְרָ֥א לָהֶ֖ם לַזָּֽבַח׃ wayoʾmer ׀ shalowm lizeboaḥ layhwah baʾtiy hiteqadeshu uvaʾtem ʾitiy bazavaḥ wayeqadesh ʾet־yishay weʾet־banayw wayiqeraʾ lahem lazavaḥ׃

⁶ וַיְהִ֣י בְּבֹואָ֔ם וַיַּ֖רְא אֶת־אֱלִיאָ֑ב וַיֹּ֕אמֶר אַ֛ךְ נֶ֥גֶד יְהוָ֖ה מְשִׁיחֹֽו׃ wayehiy bevowʾam wayareʾ ʾet־ʾeliyʾav wayoʾmer ʾakhe neged yehwah meshiyḥow׃

⁷ וַיֹּ֨אמֶר יְהוָ֜ה אֶל־שְׁמוּאֵ֗ל אַל־תַּבֵּ֧ט אֶל־מַרְאֵ֛הוּ וְאֶל־גְּבֹ֥הַּ קֹומָתֹ֖ו כִּ֣י מְאַסְתִּ֑יהוּ כִּ֣י ׀ לֹ֗א אֲשֶׁ֤ר יִרְאֶה֙ הָאָדָ֔ם כִּ֤י הָֽאָדָם֙ יִרְאֶ֣ה לַעֵינַ֔יִם וַיהוָ֖ה יִרְאֶ֥ה לַלֵּבָֽב׃ wayoʾmer yehwah ʾel־shemuʾel ʾal־tabeṭ ʾel־mareʾehu weʾel־gevoah qowmatow kiy meʾasetiyhu kiy ׀ loʾ ʾasher yireʾeh haʾadam kiy haʾadam yireʾeh laʿeynayim wayhwah yireʾeh lalevav׃

⁸ וַיִּקְרָ֤א יִשַׁי֙ אֶל־אֲבִ֣ינָדָ֔ב וַיַּעֲבִרֵ֖הוּ לִפְנֵ֣י שְׁמוּאֵ֑ל וַיֹּ֕אמֶר גַּם־בָּזֶ֖ה לֹֽא־בָחַ֥ר יְהוָֽה׃ wayiqeraʾ yishay ʾel־ʾaviynadav wayaʿavirehu lifeney shemuʾel wayoʾmer gam־bazeh loʾ־vaḥar yehwah׃

⁹ וַיַּעֲבֵ֥ר יִשַׁ֖י שַׁמָּ֑ה וַיֹּ֕אמֶר גַּם־בָּזֶ֖ה לֹא־בָחַ֥ר יְהוָֽה׃ wayaʿaver yishay shamah wayoʾmer gam־bazeh loʾ־vaḥar yehwah׃

¹⁰ וַיַּעֲבֵ֥ר יִשַׁ֛י שִׁבְעַ֥ת בָּנָ֖יו לִפְנֵ֣י שְׁמוּאֵ֑ל וַיֹּ֤אמֶר שְׁמוּאֵל֙ אֶל־יִשַׁ֔י לֹא־בָחַ֥ר יְהוָ֖ה בָּאֵֽלֶּה׃ wayaʿaver yishay shiveʿat banayw lifeney shemuʾel wayoʾmer shemuʾel ʾel־yishay loʾ־vaḥar yehwah baʾeleh׃

¹¹ וַיֹּ֨אמֶר שְׁמוּאֵ֣ל אֶל־יִשַׁי֮ הֲתַ֣מּוּ הַנְּעָרִים֒ וַיֹּ֗אמֶר עֹ֚וד שָׁאַ֣ר הַקָּטָ֔ן וְהִנֵּ֥ה רֹעֶ֖ה בַּצֹּ֑אן וַיֹּ֨אמֶר שְׁמוּאֵ֤ל אֶל־יִשַׁי֙ שִׁלְחָ֣ה וְקָחֶ֔נּוּ כִּ֥י לֹא־נָסֹ֖ב עַד־בֹּאֹ֥ו פֹֽה׃ wayoʾmer shemuʾel ʾel־yishay hatamu haneʿariym wayoʾmer ʿowd shaʾar haqaṭan wehineh roʿeh batsoʾn wayoʾmer shemuʾel ʾel־yishay shileḥah weqaḥenu kiy loʾ־nasov ʿad־boʾow foh׃

¹² וַיִּשְׁלַ֤ח וַיְבִיאֵ֙הוּ֙ וְה֣וּא אַדְמֹונִ֔י עִם־יְפֵ֥ה עֵינַ֖יִם וְטֹ֣וב רֹ֑אִי פ וַיֹּ֧אמֶר יְהוָ֛ה ק֥וּם מְשָׁחֵ֖הוּ כִּֽי־זֶ֥ה הֽוּא׃ wayishelaḥ wayeviyʾehu wehuʾ ʾademowniy ʿim־yefeh ʿeynayim weṭowv roʾiy f wayoʾmer yehwah qum meshaḥehu kiy־zeh huʾ׃

¹³ וַיִּקַּ֨ח שְׁמוּאֵ֜ל אֶת־קֶ֣רֶן הַשֶּׁ֗מֶן וַיִּמְשַׁ֣ח אֹתֹו֮ בְּקֶ֣רֶב אֶחָיו֒ וַתִּצְלַ֤ח רֽוּחַ־יְהוָה֙ אֶל־דָּוִ֔ד מֵהַיֹּ֥ום הַה֖וּא וָמָ֑עְלָה וַיָּ֣קָם שְׁמוּאֵ֔ל וַיֵּ֖לֶךְ הָרָמָֽתָה׃ ס wayiqaḥ shemuʾel ʾet־qeren hashemen wayimeshaḥ ʾotow beqerev ʾeḥayw watitselaḥ ruaḥ־yehwah ʾel־dawid mehayowm hahuʾ wamaʿelah wayaqam shemuʾel wayelekhe haramatah׃ s

¹⁴ וְר֧וּחַ יְהוָ֛ה סָ֖רָה מֵעִ֣ם שָׁא֑וּל וּבִֽעֲתַ֥תּוּ רֽוּחַ־רָעָ֖ה מֵאֵ֥ת יְהוָֽה׃ weruaḥ yehwah sarah meʿim shaʾul uviʿatatu ruaḥ־raʿah meʾet yehwah׃

¹⁵ וַיֹּאמְר֥וּ עַבְדֵֽי־שָׁא֖וּל אֵלָ֑יו הִנֵּה־נָ֧א רֽוּחַ־אֱלֹהִ֛ים רָעָ֖ה מְבַעִתֶּֽךָ׃ wayoʾmeru ʿavedey־shaʾul ʾelayw hineh־naʾ ruaḥ־ʾelohiym raʿah mevaʿitekha׃

¹⁶ יֹאמַר־נָ֤א אֲדֹנֵ֙נוּ֙ עֲבָדֶ֣יךָ לְפָנֶ֔יךָ יְבַקְשׁ֕וּ אִ֕ישׁ יֹדֵ֖עַ מְנַגֵּ֣ן בַּכִּנֹּ֑ור וְהָיָ֗ה בִּֽהְיֹ֨ות עָלֶ֤יךָ רֽוּחַ־אֱלֹהִים֙ רָעָ֔ה וְנִגֵּ֥ן בְּיָדֹ֖ו וְטֹ֥וב לָֽךְ׃ פ yoʾmar־naʾ ʾadonenu ʿavadeykha lefaneykha yevaqeshu ʾiysh yodeaʿ menagen bakinowr wehayah biheyowt ʿaleykha ruaḥ־ʾelohiym raʿah wenigen beyadow weṭowv lakhe׃ f

¹⁷ וַיֹּ֥אמֶר שָׁא֖וּל אֶל־עֲבָדָ֑יו רְאוּ־נָ֣א לִ֗י אִ֚ישׁ מֵיטִ֣יב לְנַגֵּ֔ן וַהֲבִיאֹותֶ֖ם אֵלָֽי׃ wayoʾmer shaʾul ʾel־ʿavadayw reʾu־naʾ liy ʾiysh meyṭiyv lenagen wahaviyʾowtem ʾelay׃

¹⁸ וַיַּעַן֩ אֶחָ֨ד מֵהַנְּעָרִ֜ים וַיֹּ֗אמֶר הִנֵּ֨ה רָאִ֜יתִי בֵּ֣ן לְיִשַׁי֮ בֵּ֣ית הַלַּחְמִי֒ יֹדֵ֣עַ נַ֠גֵּן וְגִבֹּ֨ור חַ֜יִל וְאִ֧ישׁ מִלְחָמָ֛ה וּנְבֹ֥ון דָּבָ֖ר וְאִ֣ישׁ תֹּ֑אַר וַיהוָ֖ה עִמֹּֽו׃ wayaʿan ʾeḥad mehaneʿariym wayoʾmer hineh raʾiytiy ben leyishay beyt halaḥemiy yodeaʿ nagen wegibowr ḥayil weʾiysh mileḥamah unevown davar weʾiysh toʾar wayhwah ʿimow׃

¹⁹ וַיִּשְׁלַ֥ח שָׁא֛וּל מַלְאָכִ֖ים אֶל־יִשָׁ֑י וַיֹּ֕אמֶר שִׁלְחָ֥ה אֵלַ֛י אֶת־דָּוִ֥ד בִּנְךָ֖ אֲשֶׁ֥ר בַּצֹּֽאן׃ wayishelaḥ shaʾul maleʾakhiym ʾel־yishay wayoʾmer shileḥah ʾelay ʾet־dawid binekha ʾasher batsoʾn׃

²⁰ וַיִּקַּ֨ח יִשַׁ֜י חֲמֹ֥ור לֶ֙חֶם֙ וְנֹ֣אד יַ֔יִן וּגְדִ֥י עִזִּ֖ים אֶחָ֑ד וַיִּשְׁלַ֛ח בְּיַד־דָּוִ֥ד בְּנֹ֖ו אֶל־שָׁאֽוּל׃ wayiqaḥ yishay ḥamowr leḥem wenoʾd yayin ugediy ʿiziym ʾeḥad wayishelaḥ beyad־dawid benow ʾel־shaʾul׃

²¹ וַיָּבֹ֤א דָוִד֙ אֶל־שָׁא֔וּל וַֽיַּעֲמֹ֖ד לְפָנָ֑יו וַיֶּאֱהָבֵ֣הֽוּ מְאֹ֔ד וַֽיְהִי־לֹ֖ו נֹשֵׂ֥א כֵלִֽים׃ wayavoʾ dawid ʾel־shaʾul wayaʿamod lefanayw wayeʾehavehu meʾod wayehiy־low noseʾ kheliym׃

²² וַיִּשְׁלַ֣ח שָׁא֔וּל אֶל־יִשַׁ֖י לֵאמֹ֑ר יַעֲמָד־נָ֤א דָוִד֙ לְפָנַ֔י כִּֽי־מָ֥צָא חֵ֖ן בְּעֵינָֽי׃ wayishelaḥ shaʾul ʾel־yishay leʾmor yaʿamad־naʾ dawid lefanay kiy־matsaʾ ḥen beʿeynay׃

²³ וְהָיָ֗ה בִּֽהְיֹ֤ות רֽוּחַ־אֱלֹהִים֙ אֶל־שָׁא֔וּל וְלָקַ֥ח דָּוִ֛ד אֶת־הַכִּנֹּ֖ור וְנִגֵּ֣ן בְּיָדֹ֑ו וְרָוַ֤ח לְשָׁאוּל֙ וְטֹ֣וב לֹ֔ו וְסָ֥רָה מֵעָלָ֖יו ר֥וּחַ הָרָעָֽה׃ פ wehayah biheyowt ruaḥ־ʾelohiym ʾel־shaʾul welaqaḥ dawid ʾet־hakinowr wenigen beyadow werawaḥ leshaʾul weṭowv low wesarah meʿalayw ruaḥ haraʿah׃ f