2 Rois 14

¹ בִּשְׁנַ֣ת שְׁתַּ֔יִם לְיֹואָ֥שׁ בֶּן־יֹואָחָ֖ז מֶ֣לֶךְ יִשְׂרָאֵ֑ל מָלַ֛ךְ אֲמַצְיָ֥הוּ בֶן־יֹואָ֖שׁ מֶ֥לֶךְ יְהוּדָֽה׃ bishenat shetayim leyowʾash ben־yowʾaḥaz melekhe yiseraʾel malakhe ʾamatseyahu ven־yowʾash melekhe yehudah׃

² בֶּן־עֶשְׂרִ֨ים וְחָמֵ֤שׁ שָׁנָה֙ הָיָ֣ה בְמָלְכֹ֔ו וְעֶשְׂרִ֤ים וָתֵ֙שַׁע֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו [יְהֹועַדִּין כ] (יְהֹֽועַדָּ֖ן ק) מִן־יְרוּשָׁלִָֽם׃ ben־ʿeseriym weḥamesh shanah hayah vemalekhow weʿeseriym wateshaʿ shanah malakhe biyrushalim weshem ʾimow [yehowʿadiyn kh] (yehowʿadan q) min־yerushalim׃

³ וַיַּ֤עַשׂ הַיָּשָׁר֙ בְּעֵינֵ֣י יְהוָ֔ה רַ֕ק לֹ֖א כְּדָוִ֣ד אָבִ֑יו כְּכֹ֧ל אֲשֶׁר־עָשָׂ֛ה יֹואָ֥שׁ אָבִ֖יו עָשָֽׂה׃ wayaʿas hayashar beʿeyney yehwah raq loʾ kedawid ʾaviyw kekhol ʾasher־ʿasah yowʾash ʾaviyw ʿasah׃

⁴ רַ֥ק הַבָּמֹ֖ות לֹא־סָ֑רוּ עֹ֥וד הָעָ֛ם מְזַבְּחִ֥ים וּֽמְקַטְּרִ֖ים בַּבָּמֹֽות׃ raq habamowt loʾ־saru ʿowd haʿam mezabeḥiym umeqaṭeriym babamowt׃

⁵ וַיְהִ֕י כַּאֲשֶׁ֛ר חָזְקָ֥ה הַמַּמְלָכָ֖ה בְּיָדֹ֑ו וַיַּךְ֙ אֶת־עֲבָדָ֔יו הַמַּכִּ֖ים אֶת־הַמֶּ֥לֶךְ אָבִֽיו׃ wayehiy kaʾasher ḥazeqah hamamelakhah beyadow wayakhe ʾet־ʿavadayw hamakiym ʾet־hamelekhe ʾaviyw׃

⁶ וְאֶת־בְּנֵ֥י הַמַּכִּ֖ים לֹ֣א הֵמִ֑ית כַּכָּת֣וּב בְּסֵ֣פֶר תֹּֽורַת־מֹ֠שֶׁה אֲשֶׁר־צִוָּ֨ה יְהוָ֜ה לֵאמֹ֗ר לֹא־יוּמְת֨וּ אָבֹ֤ות עַל־בָּנִים֙ וּבָנִים֙ לֹא־יוּמְת֣וּ עַל־אָבֹ֔ות כִּ֛י אִם־אִ֥ישׁ בְּחֶטְאֹ֖ו [יָמוּת כ] (יוּמָֽת׃ ק) weʾet־beney hamakiym loʾ hemiyt kakatuv besefer towrat־mosheh ʾasher־tsiuah yehwah leʾmor loʾ־yumetu ʾavowt ʿal־baniym uvaniym loʾ־yumetu ʿal־ʾavowt kiy ʾim־ʾiysh beḥeṭeʾow [yamut kh] (yumat׃ q)

⁷ הוּא־הִכָּ֨ה אֶת־אֱדֹ֤ום בְּגֵיא־ [הַמֶּלַח כ] (מֶ֙לַח֙ ק) עֲשֶׂ֣רֶת אֲלָפִ֔ים וְתָפַ֥שׂ אֶת־הַסֶּ֖לַע בַּמִּלְחָמָ֑ה וַיִּקְרָ֤א אֶת־שְׁמָהּ֙ יָקְתְאֵ֔ל עַ֖ד הַיֹּ֥ום הַזֶּֽה׃ פ huʾ־hikah ʾet־ʾedowm begeyʾ־ [hamelaḥ kh] (melaḥ q) ʿaseret ʾalafiym wetafas ʾet־haselaʿ bamileḥamah wayiqeraʾ ʾet־shemah yaqeteʾel ʿad hayowm hazeh׃ f

⁸ אָ֣ז שָׁלַ֤ח אֲמַצְיָה֙ מַלְאָכִ֔ים אֶל־יְהֹואָ֨שׁ בֶּן־יְהֹואָחָ֧ז בֶּן־יֵה֛וּא מֶ֥לֶךְ יִשְׂרָאֵ֖ל לֵאמֹ֑ר לְכָ֖ה נִתְרָאֶ֥ה פָנִֽים׃ ʾaz shalaḥ ʾamatseyah maleʾakhiym ʾel־yehowʾash ben־yehowʾaḥaz ben־yehuʾ melekhe yiseraʾel leʾmor lekhah niteraʾeh faniym׃

⁹ וַיִּשְׁלַ֞ח יְהֹואָ֣שׁ מֶֽלֶךְ־יִשְׂרָאֵ֗ל אֶל־אֲמַצְיָ֣הוּ מֶֽלֶךְ־יְהוּדָה֮ לֵאמֹר֒ הַחֹ֜וחַ אֲשֶׁ֣ר בַּלְּבָנֹ֗ון לַח אֶל־הָאֶ֜רֶז אֲשֶׁ֤ר בַּלְּבָנֹון֙ לֵאמֹ֔ר תְּנָֽה־אֶת־בִּתְּךָ֥ לִבְנִ֖י לְאִשָּׁ֑ה וַֽתַּעֲבֹ֞ר חַיַּ֤ת הַשָּׂדֶה֙ אֲשֶׁ֣ר בַּלְּבָנֹ֔ון וַתִּרְמֹ֖ס אֶת־הַחֹֽוחַ׃ wayishelaḥ yehowʾash melekhe־yiseraʾel ʾel־ʾamatseyahu melekhe־yehudah leʾmor haḥowḥa ʾasher balevanown laḥ ʾel־haʾerez ʾasher balevanown leʾmor tenah־ʾet־bitekha liveniy leʾishah wataʿavor ḥayat hasadeh ʾasher balevanown watiremos ʾet־haḥowḥa׃

¹⁰ הַכֵּ֤ה הִכִּ֙יתָ֙ אֶת־אֱדֹ֔ום וּֽנְשָׂאֲךָ֖ לִבֶּ֑ךָ הִכָּבֵד֙ וְשֵׁ֣ב בְּבֵיתֶ֔ךָ וְלָ֤מָּה תִתְגָּרֶה֙ בְּרָעָ֔ה וְנָ֣פַלְתָּ֔ה אַתָּ֖ה וִיהוּדָ֥ה עִמָּֽךְ׃ hakeh hikiyta ʾet־ʾedowm unesaʾakha libekha hikaved weshev beveytekha welamah titegareh beraʿah wenafaletah ʾatah wiyhudah ʿimakhe׃

¹¹ וְלֹא־שָׁמַ֣ע אֲמַצְיָ֔הוּ וַיַּ֨עַל יְהֹואָ֤שׁ מֶֽלֶךְ־יִשְׂרָאֵל֙ וַיִּתְרָא֣וּ פָנִ֔ים ה֖וּא וַאֲמַצְיָ֣הוּ מֶֽלֶךְ־יְהוּדָ֑ה בְּבֵ֥ית שֶׁ֖מֶשׁ אֲשֶׁ֥ר לִיהוּדָֽה׃ weloʾ־shamaʿ ʾamatseyahu wayaʿal yehowʾash melekhe־yiseraʾel wayiteraʾu faniym huʾ waʾamatseyahu melekhe־yehudah beveyt shemesh ʾasher liyhudah׃

¹² וַיִּנָּ֥גֶף יְהוּדָ֖ה לִפְנֵ֣י יִשְׂרָאֵ֑ל וַיָּנֻ֖סוּ אִ֥ישׁ [לְאָהֳלֹו כ] (לְאֹהָלָֽיו׃ ק) wayinagef yehudah lifeney yiseraʾel wayanusu ʾiysh [leʾaholow kh] (leʾohalayw׃ q)

¹³ וְאֵת֩ אֲמַצְיָ֨הוּ מֶֽלֶךְ־יְהוּדָ֜ה בֶּן־יְהֹואָ֣שׁ בֶּן־אֲחַזְיָ֗הוּ תָּפַ֛שׂ יְהֹואָ֥שׁ מֶֽלֶךְ־יִשְׂרָאֵ֖ל בְּבֵ֣ית שָׁ֑מֶשׁ [וַיָּבֹאוּ כ] (וַיָּבֹא֙ ק) יְר֣וּשָׁלִַ֔ם וַיִּפְרֹץ֩ בְּחֹומַ֨ת יְרוּשָׁלִַ֜ם בְּשַׁ֤עַר אֶפְרַ֙יִם֙ עַד־שַׁ֣עַר הַפִּנָּ֔ה אַרְבַּ֥ע מֵאֹ֖ות אַמָּֽה׃ weʾet ʾamatseyahu melekhe־yehudah ben־yehowʾash ben־ʾaḥazeyahu tafas yehowʾash melekhe־yiseraʾel beveyt shamesh [wayavoʾu kh] (wayavoʾ q) yerushalim wayiferots beḥowmat yerushalim beshaʿar ʾeferayim ʿad־shaʿar hapinah ʾarebaʿ meʾowt ʾamah׃

¹⁴ וְלָקַ֣ח אֶת־כָּל־הַזָּהָב־וְ֠הַכֶּסֶף וְאֵ֨ת כָּל־הַכֵּלִ֜ים הַנִּמְצְאִ֣ים בֵּית־יְהוָ֗ה וּבְאֹֽצְרֹות֙ בֵּ֣ית הַמֶּ֔לֶךְ וְאֵ֖ת בְּנֵ֣י הַתַּֽעֲרֻבֹ֑ות וַיָּ֖שָׁב שֹׁמְרֹֽונָה׃ welaqaḥ ʾet־kal־hazahav־wehakesef weʾet kal־hakeliym hanimetseʾiym beyt־yehwah uveʾotserowt beyt hamelekhe weʾet beney hataʿaruvowt wayashav shomerownah׃

¹⁵ וְיֶתֶר֩ דִּבְרֵ֨י יְהֹואָ֜שׁ אֲשֶׁ֤ר עָשָׂה֙ וּגְב֣וּרָתֹ֔ו וַאֲשֶׁ֣ר נִלְחַ֔ם עִ֖ם אֲמַצְיָ֣הוּ מֶֽלֶךְ־יְהוּדָ֑ה הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ weyeter diverey yehowʾash ʾasher ʿasah ugevuratow waʾasher nileḥam ʿim ʾamatseyahu melekhe־yehudah haloʾ־hem ketuviym ʿal־sefer diverey hayamiym lemalekhey yiseraʾel׃

¹⁶ וַיִּשְׁכַּ֤ב יְהֹואָשׁ֙ עִם־אֲבֹתָ֔יו וַיִּקָּבֵר֙ בְּשֹׁ֣מְרֹ֔ון עִ֖ם מַלְכֵ֣י יִשְׂרָאֵ֑ל וַיִּמְלֹ֛ךְ יָרָבְעָ֥ם בְּנֹ֖ו תַּחְתָּֽיו׃ פ wayishekav yehowʾash ʿim־ʾavotayw wayiqaver beshomerown ʿim malekhey yiseraʾel wayimelokhe yaraveʿam benow taḥetayw׃ f

¹⁷ וַיְחִ֨י אֲמַצְיָ֤הוּ בֶן־יֹואָשׁ֙ מֶ֣לֶךְ יְהוּדָ֔ה אַֽחֲרֵ֣י מֹ֔ות יְהֹואָ֥שׁ בֶּן־יְהֹֽואָחָ֖ז מֶ֣לֶךְ יִשְׂרָאֵ֑ל חֲמֵ֥שׁ עֶשְׂרֵ֖ה שָׁנָֽה׃ wayeḥiy ʾamatseyahu ven־yowʾash melekhe yehudah ʾaḥarey mowt yehowʾash ben־yehowʾaḥaz melekhe yiseraʾel ḥamesh ʿesereh shanah׃

¹⁸ וְיֶ֖תֶר דִּבְרֵ֣י אֲמַצְיָ֑הוּ הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃ weyeter diverey ʾamatseyahu haloʾ־hem ketuviym ʿal־sefer diverey hayamiym lemalekhey yehudah׃

¹⁹ וַיִּקְשְׁר֨וּ עָלָ֥יו קֶ֛שֶׁר בִּירוּשָׁלִַ֖ם וַיָּ֣נָס לָכִ֑ישָׁה וַיִּשְׁלְח֤וּ אַֽחֲרָיו֙ לָכִ֔ישָׁה וַיְמִתֻ֖הוּ שָֽׁם׃ wayiqesheru ʿalayw qesher biyrushalim wayanas lakhiyshah wayisheleḥu ʾaḥarayw lakhiyshah wayemituhu sham׃

²⁰ וַיִּשְׂא֥וּ אֹתֹ֖ו עַל־הַסּוּסִ֑ים וַיִּקָּבֵ֧ר בִּירוּשָׁלִַ֛ם עִם־אֲבֹתָ֖יו בְּעִ֥יר דָּוִֽד׃ wayiseʾu ʾotow ʿal־hasusiym wayiqaver biyrushalim ʿim־ʾavotayw beʿiyr dawid׃

²¹ וַיִּקְח֞וּ כָּל־עַ֤ם יְהוּדָה֙ אֶת־עֲזַרְיָ֔ה וְה֕וּא בֶּן־שֵׁ֥שׁ עֶשְׂרֵ֖ה שָׁנָ֑ה וַיַּמְלִ֣כוּ אֹתֹ֔ו תַּ֖חַת אָבִ֥יו אֲמַצְיָֽהוּ׃ wayiqeḥu kal־ʿam yehudah ʾet־ʿazareyah wehuʾ ben־shesh ʿesereh shanah wayamelikhu ʾotow taḥat ʾaviyw ʾamatseyahu׃

²² ה֚וּא בָּנָ֣ה אֶת־אֵילַ֔ת וַיְשִׁבֶ֖הָ לִֽיהוּדָ֑ה אַחֲרֵ֥י שְׁכַֽב־הַמֶּ֖לֶךְ עִם־אֲבֹתָֽיו׃ פ huʾ banah ʾet־ʾeylat wayeshiveah liyhudah ʾaḥarey shekhav־hamelekhe ʿim־ʾavotayw׃ f

²³ בִּשְׁנַת֙ חֲמֵשׁ־עֶשְׂרֵ֣ה שָׁנָ֔ה לַאֲמַצְיָ֥הוּ בֶן־יֹואָ֖שׁ מֶ֣לֶךְ יְהוּדָ֑ה מָ֠לַךְ יָרָבְעָ֨ם בֶּן־יֹואָ֤שׁ מֶֽלֶךְ־יִשְׂרָאֵל֙ בְּשֹׁ֣מְרֹ֔ון אַרְבָּעִ֥ים וְאַחַ֖ת שָׁנָֽה׃ bishenat ḥamesh־ʿesereh shanah laʾamatseyahu ven־yowʾash melekhe yehudah malakhe yaraveʿam ben־yowʾash melekhe־yiseraʾel beshomerown ʾarebaʿiym weʾaḥat shanah׃

²⁴ וַיַּ֥עַשׂ הָרַ֖ע בְּעֵינֵ֣י יְהוָ֑ה לֹ֣א סָ֗ר מִכָּל־חַטֹּאות֙ יָרָבְעָ֣ם בֶּן־נְבָ֔ט אֲשֶׁ֥ר הֶחֱטִ֖יא אֶת־יִשְׂרָאֵֽל׃ wayaʿas haraʿ beʿeyney yehwah loʾ sar mikal־ḥaṭoʾwt yaraveʿam ben־nevaṭ ʾasher heḥeṭiyʾ ʾet־yiseraʾel׃

²⁵ ה֗וּא הֵשִׁיב֙ אֶת־גְּב֣וּל יִשְׂרָאֵ֔ל מִלְּבֹ֥וא חֲמָ֖ת עַד־יָ֣ם הָעֲרָבָ֑ה כִּדְבַ֤ר יְהוָה֙ אֱלֹהֵ֣י יִשְׂרָאֵ֔ל אֲשֶׁ֣ר דִּבֶּ֗ר בְּיַד־עַבְדֹּ֞ו יֹונָ֤ה בֶן־אֲמִתַּי֙ הַנָּבִ֔יא אֲשֶׁ֖ר מִגַּ֥ת הַחֵֽפֶר׃ huʾ heshiyv ʾet־gevul yiseraʾel milevowʾ ḥamat ʿad־yam haʿaravah kidevar yehwah ʾelohey yiseraʾel ʾasher diber beyad־ʿavedow yownah ven־ʾamitay hanaviyʾ ʾasher migat haḥefer׃

²⁶ כִּי־רָאָ֧ה יְהוָ֛ה אֶת־עֳנִ֥י יִשְׂרָאֵ֖ל מֹרֶ֣ה מְאֹ֑ד וְאֶ֤פֶס עָצוּר֙ וְאֶ֣פֶס עָז֔וּב וְאֵ֥ין עֹזֵ֖ר לְיִשְׂרָאֵֽל׃ kiy־raʾah yehwah ʾet־ʿoniy yiseraʾel moreh meʾod weʾefes ʿatsur weʾefes ʿazuv weʾeyn ʿozer leyiseraʾel׃

²⁷ וְלֹא־דִבֶּ֣ר יְהוָ֔ה לִמְחֹות֙ אֶת־שֵׁ֣ם יִשְׂרָאֵ֔ל מִתַּ֖חַת הַשָּׁמָ֑יִם וַיֹּ֣ושִׁיעֵ֔ם בְּיַ֖ד יָרָבְעָ֥ם בֶּן־יֹואָֽשׁ׃ weloʾ־diber yehwah limeḥowt ʾet־shem yiseraʾel mitaḥat hashamayim wayowshiyʿem beyad yaraveʿam ben־yowʾash׃

²⁸ וְיֶתֶר֩ דִּבְרֵ֨י יָרָבְעָ֜ם וְכָל־אֲשֶׁ֤ר עָשָׂה֙ וּגְבוּרָתֹ֣ו אֲשֶׁר־נִלְחָ֔ם וַאֲשֶׁ֨ר הֵשִׁ֜יב אֶת־דַּמֶּ֧שֶׂק וְאֶת־חֲמָ֛ת לִיהוּדָ֖ה בְּיִשְׂרָאֵ֑ל הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ weyeter diverey yaraveʿam wekhal־ʾasher ʿasah ugevuratow ʾasher־nileḥam waʾasher heshiyv ʾet־dameseq weʾet־ḥamat liyhudah beyiseraʾel haloʾ־hem ketuviym ʿal־sefer diverey hayamiym lemalekhey yiseraʾel׃

²⁹ וַיִּשְׁכַּ֤ב יָֽרָבְעָם֙ עִם־אֲבֹתָ֔יו עִ֖ם מַלְכֵ֣י יִשְׂרָאֵ֑ל וַיִּמְלֹ֛ךְ זְכַרְיָ֥ה בְנֹ֖ו תַּחְתָּֽיו׃ פ wayishekav yaraveʿam ʿim־ʾavotayw ʿim malekhey yiseraʾel wayimelokhe zekhareyah venow taḥetayw׃ f