Nombres 4

¹ וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃ wayedaber yehwah ʾel־mosheh weʾel־ʾaharon leʾmor׃

² נָשֹׂ֗א אֶת־רֹאשׁ֙ בְּנֵ֣י קְהָ֔ת מִתֹּ֖וךְ בְּנֵ֣י לֵוִ֑י לְמִשְׁפְּחֹתָ֖ם לְבֵ֥ית אֲבֹתָֽם׃ nasoʾ ʾet־roʾsh beney qehat mitowkhe beney lewiy lemishepeḥotam leveyt ʾavotam׃

³ מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־בָּא֙ לַצָּבָ֔א לַעֲשֹׂ֥ות מְלָאכָ֖ה בְּאֹ֥הֶל מֹועֵֽד׃ miben sheloshiym shanah wamaʿelah weʿad ben־ḥamishiym shanah kal־baʾ latsavaʾ laʿasowt melaʾkhah beʾohel mowʿed׃

⁴ זֹ֛את עֲבֹדַ֥ת בְּנֵי־קְהָ֖ת בְּאֹ֣הֶל מֹועֵ֑ד קֹ֖דֶשׁ הַקֳּדָשִֽׁים׃ zoʾt ʿavodat beney־qehat beʾohel mowʿed qodesh haqodashiym׃

⁵ וּבָ֨א אַהֲרֹ֤ן וּבָנָיו֙ בִּנְסֹ֣עַ הַֽמַּחֲנֶ֔ה וְהֹורִ֕דוּ אֵ֖ת פָּרֹ֣כֶת הַמָּסָ֑ךְ וְכִ֨סּוּ־בָ֔הּ אֵ֖ת אֲרֹ֥ן הָעֵדֻֽת׃ uvaʾ ʾaharon uvanayw binesoaʿ hamaḥaneh wehowridu ʾet parokhet hamasakhe wekhisu־vah ʾet ʾaron haʿedut׃

⁶ וְנָתְנ֣וּ עָלָ֗יו כְּסוּי֙ עֹ֣ור תַּ֔חַשׁ וּפָרְשׂ֧וּ בֶֽגֶד־כְּלִ֛יל תְּכֵ֖לֶת מִלְמָ֑עְלָה וְשָׂמ֖וּ בַּדָּֽיו׃ wenatenu ʿalayw kesuy ʿowr taḥash ufaresu veged־keliyl tekhelet milemaʿelah wesamu badayw׃

⁷ וְעַ֣ל ׀ שֻׁלְחַ֣ן הַפָּנִ֗ים יִפְרְשׂוּ֮ בֶּ֣גֶד תְּכֵלֶת֒ וְנָתְנ֣וּ עָ֠לָיו אֶת־הַקְּעָרֹ֤ת וְאֶת־הַכַּפֹּת֙ וְאֶת־הַמְּנַקִּיֹּ֔ת וְאֵ֖ת קְשֹׂ֣ות הַנָּ֑סֶךְ וְלֶ֥חֶם הַתָּמִ֖יד עָלָ֥יו יִהְיֶֽה׃ weʿal ׀ shuleḥan hapaniym yiferesu beged tekhelet wenatenu ʿalayw ʾet־haqeʿarot weʾet־hakapot weʾet־hamenaqiyot weʾet qesowt hanasekhe weleḥem hatamiyd ʿalayw yiheyeh׃

⁸ וּפָרְשׂ֣וּ עֲלֵיהֶ֗ם בֶּ֚גֶד תֹּולַ֣עַת שָׁנִ֔י וְכִסּ֣וּ אֹתֹ֔ו בְּמִכְסֵ֖ה עֹ֣ור תָּ֑חַשׁ וְשָׂמ֖וּ אֶת־בַּדָּֽיו׃ ufaresu ʿaleyhem beged towlaʿat shaniy wekhisu ʾotow bemikheseh ʿowr taḥash wesamu ʾet־badayw׃

⁹ וְלָקְח֣וּ ׀ בֶּ֣גֶד תְּכֵ֗לֶת וְכִסּ֞וּ אֶת־מְנֹרַ֤ת הַמָּאֹור֙ וְאֶת־נֵ֣רֹתֶ֔יהָ וְאֶת־מַלְקָחֶ֖יהָ וְאֶת־מַחְתֹּתֶ֑יהָ וְאֵת֙ כָּל־כְּלֵ֣י שַׁמְנָ֔הּ אֲשֶׁ֥ר יְשָׁרְתוּ־לָ֖הּ בָּהֶֽם׃ welaqeḥu ׀ beged tekhelet wekhisu ʾet־menorat hamaʾowr weʾet־neroteyha weʾet־maleqaḥeyha weʾet־maḥetoteyha weʾet kal־keley shamenah ʾasher yesharetu־lah bahem׃

¹⁰ וְנָתְנ֤וּ אֹתָהּ֙ וְאֶת־כָּל־כֵּלֶ֔יהָ אֶל־מִכְסֵ֖ה עֹ֣ור תָּ֑חַשׁ וְנָתְנ֖וּ עַל־הַמֹּֽוט׃ wenatenu ʾotah weʾet־kal־keleyha ʾel־mikheseh ʿowr taḥash wenatenu ʿal־hamowṭ׃

¹¹ וְעַ֣ל ׀ מִזְבַּ֣ח הַזָּהָ֗ב יִפְרְשׂוּ֙ בֶּ֣גֶד תְּכֵ֔לֶת וְכִסּ֣וּ אֹתֹ֔ו בְּמִכְסֵ֖ה עֹ֣ור תָּ֑חַשׁ וְשָׂמ֖וּ אֶת־בַּדָּֽיו׃ weʿal ׀ mizebaḥ hazahav yiferesu beged tekhelet wekhisu ʾotow bemikheseh ʿowr taḥash wesamu ʾet־badayw׃

¹² וְלָקְחוּ֩ אֶת־כָּל־כְּלֵ֨י הַשָּׁרֵ֜ת אֲשֶׁ֧ר יְשָֽׁרְתוּ־בָ֣ם בַּקֹּ֗דֶשׁ וְנָֽתְנוּ֙ אֶל־בֶּ֣גֶד תְּכֵ֔לֶת וְכִסּ֣וּ אֹותָ֔ם בְּמִכְסֵ֖ה עֹ֣ור תָּ֑חַשׁ וְנָתְנ֖וּ עַל־הַמֹּֽוט׃ welaqeḥu ʾet־kal־keley hasharet ʾasher yesharetu־vam baqodesh wenatenu ʾel־beged tekhelet wekhisu ʾowtam bemikheseh ʿowr taḥash wenatenu ʿal־hamowṭ׃

¹³ וְדִשְּׁנ֖וּ אֶת־הַמִּזְבֵּ֑חַ וּפָרְשׂ֣וּ עָלָ֔יו בֶּ֖גֶד אַרְגָּמָֽן׃ wedishenu ʾet־hamizebeaḥ ufaresu ʿalayw beged ʾaregaman׃

¹⁴ וְנָתְנ֣וּ עָ֠לָיו אֶֽת־כָּל־כֵּלָ֞יו אֲשֶׁ֣ר יְֽשָׁרְת֧וּ עָלָ֣יו בָּהֶ֗ם אֶת־הַמַּחְתֹּ֤ת אֶת־הַמִּזְלָגֹת֙ וְאֶת־הַיָּעִ֣ים וְאֶת־הַמִּזְרָקֹ֔ת כֹּ֖ל כְּלֵ֣י הַמִּזְבֵּ֑חַ וּפָרְשׂ֣וּ עָלָ֗יו כְּס֛וּי עֹ֥ור תַּ֖חַשׁ וְשָׂמ֥וּ בַדָּֽיו׃ wenatenu ʿalayw ʾet־kal־kelayw ʾasher yesharetu ʿalayw bahem ʾet־hamaḥetot ʾet־hamizelagot weʾet־hayaʿiym weʾet־hamizeraqot kol keley hamizebeaḥ ufaresu ʿalayw kesuy ʿowr taḥash wesamu vadayw׃

¹⁵ וְכִלָּ֣ה אַֽהֲרֹן־וּ֠בָנָיו לְכַסֹּ֨ת אֶת־הַקֹּ֜דֶשׁ וְאֶת־כָּל־כְּלֵ֣י הַקֹּדֶשׁ֮ בִּנְסֹ֣עַ הַֽמַּחֲנֶה֒ וְאַחֲרֵי־כֵ֗ן יָבֹ֤אוּ בְנֵי־קְהָת֙ לָשֵׂ֔את וְלֹֽא־יִגְּע֥וּ אֶל־הַקֹּ֖דֶשׁ וָמֵ֑תוּ אֵ֛לֶּה מַשָּׂ֥א בְנֵֽי־קְהָ֖ת בְּאֹ֥הֶל מֹועֵֽד׃ wekhilah ʾaharon־uvanayw lekhasot ʾet־haqodesh weʾet־kal־keley haqodesh binesoaʿ hamaḥaneh weʾaḥarey־khen yavoʾu veney־qehat laseʾt weloʾ־yigeʿu ʾel־haqodesh wametu ʾeleh masaʾ veney־qehat beʾohel mowʿed׃

¹⁶ וּפְקֻדַּ֞ת אֶלְעָזָ֣ר ׀ בֶּן־אַהֲרֹ֣ן הַכֹּהֵ֗ן שֶׁ֤מֶן הַמָּאֹור֙ וּקְטֹ֣רֶת הַסַּמִּ֔ים וּמִנְחַ֥ת הַתָּמִ֖יד וְשֶׁ֣מֶן הַמִּשְׁחָ֑ה פְּקֻדַּ֗ת כָּל־הַמִּשְׁכָּן֙ וְכָל־אֲשֶׁר־בֹּ֔ו בְּקֹ֖דֶשׁ וּבְכֵלָֽיו׃ ס ufequdat ʾeleʿazar ׀ ben־ʾaharon hakohen shemen hamaʾowr uqeṭoret hasamiym umineḥat hatamiyd weshemen hamisheḥah pequdat kal־hamishekan wekhal־ʾasher־bow beqodesh uvekhelayw׃ s

¹⁷ וַיְדַבֵּ֣ר יְהוָ֔ה אֶל־מֹשֶׁ֥ה וְאֶֽל־אַהֲרֹ֖ן לֵאמֹֽר׃ wayedaber yehwah ʾel־mosheh weʾel־ʾaharon leʾmor׃

¹⁸ אַל־תַּכְרִ֕יתוּ אֶת־שֵׁ֖בֶט מִשְׁפְּחֹ֣ת הַקְּהָתִ֑י מִתֹּ֖וךְ הַלְוִיִּֽם׃ ʾal־takheriytu ʾet־sheveṭ mishepeḥot haqehatiy mitowkhe halewiyim׃

¹⁹ וְזֹ֣את ׀ עֲשׂ֣וּ לָהֶ֗ם וְחָיוּ֙ וְלֹ֣א יָמֻ֔תוּ בְּגִשְׁתָּ֖ם אֶת־קֹ֣דֶשׁ הַקֳּדָשִׁ֑ים אַהֲרֹ֤ן וּבָנָיו֙ יָבֹ֔אוּ וְשָׂמ֣וּ אֹותָ֗ם אִ֥ישׁ אִ֛ישׁ עַל־עֲבֹדָתֹ֖ו וְאֶל־מַשָּׂאֹֽו׃ wezoʾt ׀ ʿasu lahem weḥayu weloʾ yamutu begishetam ʾet־qodesh haqodashiym ʾaharon uvanayw yavoʾu wesamu ʾowtam ʾiysh ʾiysh ʿal־ʿavodatow weʾel־masaʾow׃

²⁰ וְלֹא־יָבֹ֧אוּ לִרְאֹ֛ות כְּבַלַּ֥ע אֶת־הַקֹּ֖דֶשׁ וָמֵֽתוּ׃ פ weloʾ־yavoʾu lireʾowt kevalaʿ ʾet־haqodesh wametu׃ f

²¹ וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃

²² נָשֹׂ֗א אֶת־רֹ֛אשׁ בְּנֵ֥י גֵרְשֹׁ֖ון גַּם־הֵ֑ם לְבֵ֥ית אֲבֹתָ֖ם לְמִשְׁפְּחֹתָֽם׃ nasoʾ ʾet־roʾsh beney gereshown gam־hem leveyt ʾavotam lemishepeḥotam׃

²³ מִבֶּן֩ שְׁלֹשִׁ֨ים שָׁנָ֜ה וָמַ֗עְלָה עַ֛ד בֶּן־חֲמִשִּׁ֥ים שָׁנָ֖ה תִּפְקֹ֣ד אֹותָ֑ם כָּל־הַבָּא֙ לִצְבֹ֣א צָבָ֔א לַעֲבֹ֥ד עֲבֹדָ֖ה בְּאֹ֥הֶל מֹועֵֽד׃ miben sheloshiym shanah wamaʿelah ʿad ben־ḥamishiym shanah tifeqod ʾowtam kal־habaʾ litsevoʾ tsavaʾ laʿavod ʿavodah beʾohel mowʿed׃

²⁴ זֹ֣את עֲבֹדַ֔ת מִשְׁפְּחֹ֖ת הַגֵּרְשֻׁנִּ֑י לַעֲבֹ֖ד וּלְמַשָּֽׂא׃ zoʾt ʿavodat mishepeḥot hagereshuniy laʿavod ulemasaʾ׃

²⁵ וְנָ֨שְׂא֜וּ אֶת־יְרִיעֹ֤ת הַמִּשְׁכָּן֙ וְאֶת־אֹ֣הֶל מֹועֵ֔ד מִכְסֵ֕הוּ וּמִכְסֵ֛ה הַתַּ֥חַשׁ אֲשֶׁר־עָלָ֖יו מִלְמָ֑עְלָה וְאֶ֨ת־מָסַ֔ךְ פֶּ֖תַח אֹ֥הֶל מֹועֵֽד׃ wenaseʾu ʾet־yeriyʿot hamishekan weʾet־ʾohel mowʿed mikhesehu umikheseh hataḥash ʾasher־ʿalayw milemaʿelah weʾet־masakhe petaḥ ʾohel mowʿed׃

²⁶ וְאֵת֩ קַלְעֵ֨י הֶֽחָצֵ֜ר וְאֶת־מָסַ֣ךְ ׀ פֶּ֣תַח ׀ שַׁ֣עַר הֶחָצֵ֗ר אֲשֶׁ֨ר עַל־הַמִּשְׁכָּ֤ן וְעַל־הַמִּזְבֵּ֙חַ֙ סָבִ֔יב וְאֵת֙ מֵֽיתְרֵיהֶ֔ם וְאֶֽת־כָּל־כְּלֵ֖י עֲבֹדָתָ֑ם וְאֵ֨ת כָּל־אֲשֶׁ֧ר יֵעָשֶׂ֛ה לָהֶ֖ם וְעָבָֽדוּ׃ weʾet qaleʿey heḥatser weʾet־masakhe ׀ petaḥ ׀ shaʿar heḥatser ʾasher ʿal־hamishekan weʿal־hamizebeaḥ saviyv weʾet meytereyhem weʾet־kal־keley ʿavodatam weʾet kal־ʾasher yeʿaseh lahem weʿavadu׃

²⁷ עַל־פִּי֩ אַהֲרֹ֨ן וּבָנָ֜יו תִּהְיֶ֗ה כָּל־עֲבֹדַת֙ בְּנֵ֣י הַגֵּרְשֻׁנִּ֔י לְכָל־מַשָּׂאָ֔ם וּלְכֹ֖ל עֲבֹדָתָ֑ם וּפְקַדְתֶּ֤ם עֲלֵהֶם֙ בְּמִשְׁמֶ֔רֶת אֵ֖ת כָּל־מַשָּׂאָֽם׃ ʿal־piy ʾaharon uvanayw tiheyeh kal־ʿavodat beney hagereshuniy lekhal־masaʾam ulekhol ʿavodatam ufeqadetem ʿalehem bemishemeret ʾet kal־masaʾam׃

²⁸ זֹ֣את עֲבֹדַ֗ת מִשְׁפְּחֹ֛ת בְּנֵ֥י הַגֵּרְשֻׁנִּ֖י בְּאֹ֣הֶל מֹועֵ֑ד וּמִ֨שְׁמַרְתָּ֔ם בְּיַד֙ אִֽיתָמָ֔ר בֶּֽן־אַהֲרֹ֖ן הַכֹּהֵֽן׃ פ zoʾt ʿavodat mishepeḥot beney hagereshuniy beʾohel mowʿed umishemaretam beyad ʾiytamar ben־ʾaharon hakohen׃ f

²⁹ בְּנֵ֖י מְרָרִ֑י לְמִשְׁפְּחֹתָ֥ם לְבֵית־אֲבֹתָ֖ם תִּפְקֹ֥ד אֹתָֽם׃ beney merariy lemishepeḥotam leveyt־ʾavotam tifeqod ʾotam׃

³⁰ מִבֶּן֩ שְׁלֹשִׁ֨ים שָׁנָ֜ה וָמַ֗עְלָה וְעַ֛ד בֶּן־חֲמִשִּׁ֥ים שָׁנָ֖ה תִּפְקְדֵ֑ם כָּל־הַבָּא֙ לַצָּבָ֔א לַעֲבֹ֕ד אֶת־עֲבֹדַ֖ת אֹ֥הֶל מֹועֵֽד׃ miben sheloshiym shanah wamaʿelah weʿad ben־ḥamishiym shanah tifeqedem kal־habaʾ latsavaʾ laʿavod ʾet־ʿavodat ʾohel mowʿed׃

³¹ וְזֹאת֙ מִשְׁמֶ֣רֶת מַשָּׂאָ֔ם לְכָל־עֲבֹדָתָ֖ם בְּאֹ֣הֶל מֹועֵ֑ד קַרְשֵׁי֙ הַמִּשְׁכָּ֔ן וּבְרִיחָ֖יו וְעַמּוּדָ֥יו וַאֲדָנָֽיו׃ wezoʾt mishemeret masaʾam lekhal־ʿavodatam beʾohel mowʿed qareshey hamishekan uveriyḥayw weʿamudayw waʾadanayw׃

³² וְעַמּוּדֵי֩ הֶחָצֵ֨ר סָבִ֜יב וְאַדְנֵיהֶ֗ם וִֽיתֵדֹתָם֙ וּמֵ֣יתְרֵיהֶ֔ם לְכָל־כְּלֵיהֶ֔ם וּלְכֹ֖ל עֲבֹדָתָ֑ם וּבְשֵׁמֹ֣ת תִּפְקְד֔וּ אֶת־כְּלֵ֖י מִשְׁמֶ֥רֶת מַשָּׂאָֽם׃ weʿamudey heḥatser saviyv weʾadeneyhem wiytedotam umeytereyhem lekhal־keleyhem ulekhol ʿavodatam uveshemot tifeqedu ʾet־keley mishemeret masaʾam׃

³³ זֹ֣את עֲבֹדַ֗ת מִשְׁפְּחֹת֙ בְּנֵ֣י מְרָרִ֔י לְכָל־עֲבֹדָתָ֖ם בְּאֹ֣הֶל מֹועֵ֑ד בְּיַד֙ אִֽיתָמָ֔ר בֶּֽן־אַהֲרֹ֖ן הַכֹּהֵֽן׃ zoʾt ʿavodat mishepeḥot beney merariy lekhal־ʿavodatam beʾohel mowʿed beyad ʾiytamar ben־ʾaharon hakohen׃

³⁴ וַיִּפְקֹ֨ד מֹשֶׁ֧ה וְאַהֲרֹ֛ן וּנְשִׂיאֵ֥י הָעֵדָ֖ה אֶת־בְּנֵ֣י הַקְּהָתִ֑י לְמִשְׁפְּחֹתָ֖ם וּלְבֵ֥ית אֲבֹתָֽם׃ wayifeqod mosheh weʾaharon unesiyʾey haʿedah ʾet־beney haqehatiy lemishepeḥotam uleveyt ʾavotam׃

³⁵ מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־הַבָּא֙ לַצָּבָ֔א לַעֲבֹדָ֖ה בְּאֹ֥הֶל מֹועֵֽד׃ miben sheloshiym shanah wamaʿelah weʿad ben־ḥamishiym shanah kal־habaʾ latsavaʾ laʿavodah beʾohel mowʿed׃

³⁶ וַיִּהְי֥וּ פְקֻדֵיהֶ֖ם לְמִשְׁפְּחֹתָ֑ם אַלְפַּ֕יִם שְׁבַ֥ע מֵאֹ֖ות וַחֲמִשִּֽׁים׃ wayiheyu fequdeyhem lemishepeḥotam ʾalepayim shevaʿ meʾowt waḥamishiym׃

³⁷ אֵ֤לֶּה פְקוּדֵי֙ מִשְׁפְּחֹ֣ת הַקְּהָתִ֔י כָּל־הָעֹבֵ֖ד בְּאֹ֣הֶל מֹועֵ֑ד אֲשֶׁ֨ר פָּקַ֤ד מֹשֶׁה֙ וְאַהֲרֹ֔ן עַל־פִּ֥י יְהוָ֖ה בְּיַד־מֹשֶֽׁה׃ ס ʾeleh fequdey mishepeḥot haqehatiy kal־haʿoved beʾohel mowʿed ʾasher paqad mosheh weʾaharon ʿal־piy yehwah beyad־mosheh׃ s

³⁸ וּפְקוּדֵ֖י בְּנֵ֣י גֵרְשֹׁ֑ון לְמִשְׁפְּחֹותָ֖ם וּלְבֵ֥ית אֲבֹתָֽם׃ ufequdey beney gereshown lemishepeḥowtam uleveyt ʾavotam׃

³⁹ מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־הַבָּא֙ לַצָּבָ֔א לַעֲבֹדָ֖ה בְּאֹ֥הֶל מֹועֵֽד׃ miben sheloshiym shanah wamaʿelah weʿad ben־ḥamishiym shanah kal־habaʾ latsavaʾ laʿavodah beʾohel mowʿed׃

⁴⁰ וַיִּֽהְיוּ֙ פְּקֻ֣דֵיהֶ֔ם לְמִשְׁפְּחֹתָ֖ם לְבֵ֣ית אֲבֹתָ֑ם אַלְפַּ֕יִם וְשֵׁ֥שׁ מֵאֹ֖ות וּשְׁלֹשִֽׁים׃ wayiheyu pequdeyhem lemishepeḥotam leveyt ʾavotam ʾalepayim weshesh meʾowt usheloshiym׃

⁴¹ אֵ֣לֶּה פְקוּדֵ֗י מִשְׁפְּחֹת֙ בְּנֵ֣י גֵרְשֹׁ֔ון כָּל־הָעֹבֵ֖ד בְּאֹ֣הֶל מֹועֵ֑ד אֲשֶׁ֨ר פָּקַ֥ד מֹשֶׁ֛ה וְאַהֲרֹ֖ן עַל־פִּ֥י יְהוָֽה׃ ʾeleh fequdey mishepeḥot beney gereshown kal־haʿoved beʾohel mowʿed ʾasher paqad mosheh weʾaharon ʿal־piy yehwah׃

⁴² וּפְקוּדֵ֕י מִשְׁפְּחֹ֖ת בְּנֵ֣י מְרָרִ֑י לְמִשְׁפְּחֹתָ֖ם לְבֵ֥ית אֲבֹתָֽם׃ ufequdey mishepeḥot beney merariy lemishepeḥotam leveyt ʾavotam׃

⁴³ מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־הַבָּא֙ לַצָּבָ֔א לַעֲבֹדָ֖ה בְּאֹ֥הֶל מֹועֵֽד׃ miben sheloshiym shanah wamaʿelah weʿad ben־ḥamishiym shanah kal־habaʾ latsavaʾ laʿavodah beʾohel mowʿed׃

⁴⁴ וַיִּהְי֥וּ פְקֻדֵיהֶ֖ם לְמִשְׁפְּחֹתָ֑ם שְׁלֹ֥שֶׁת אֲלָפִ֖ים וּמָאתָֽיִם׃ wayiheyu fequdeyhem lemishepeḥotam sheloshet ʾalafiym umaʾtayim׃

⁴⁵ אֵ֣לֶּה פְקוּדֵ֔י מִשְׁפְּחֹ֖ת בְּנֵ֣י מְרָרִ֑י אֲשֶׁ֨ר פָּקַ֤ד מֹשֶׁה֙ וְאַהֲרֹ֔ן עַל־פִּ֥י יְהוָ֖ה בְּיַד־מֹשֶֽׁה׃ ʾeleh fequdey mishepeḥot beney merariy ʾasher paqad mosheh weʾaharon ʿal־piy yehwah beyad־mosheh׃

⁴⁶ כָּֽל־הַפְּקֻדִ֡ים אֲשֶׁר֩ פָּקַ֨ד מֹשֶׁ֧ה וְאַהֲרֹ֛ן וּנְשִׂיאֵ֥י יִשְׂרָאֵ֖ל אֶת־הַלְוִיִּ֑ם לְמִשְׁפְּחֹתָ֖ם וּלְבֵ֥ית אֲבֹתָֽם׃ kal־hapequdiym ʾasher paqad mosheh weʾaharon unesiyʾey yiseraʾel ʾet־halewiyim lemishepeḥotam uleveyt ʾavotam׃

⁴⁷ מִבֶּ֨ן שְׁלֹשִׁ֤ים שָׁנָה֙ וָמַ֔עְלָה וְעַ֖ד בֶּן־חֲמִשִּׁ֣ים שָׁנָ֑ה כָּל־הַבָּ֗א לַעֲבֹ֨ד עֲבֹדַ֧ת עֲבֹדָ֛ה וַעֲבֹדַ֥ת מַשָּׂ֖א בְּאֹ֥הֶל מֹועֵֽד׃ miben sheloshiym shanah wamaʿelah weʿad ben־ḥamishiym shanah kal־habaʾ laʿavod ʿavodat ʿavodah waʿavodat masaʾ beʾohel mowʿed׃

⁴⁸ וַיִּהְי֖וּ פְּקֻדֵיהֶ֑ם שְׁמֹנַ֣ת אֲלָפִ֔ים וַחֲמֵ֥שׁ מֵאֹ֖ות וּשְׁמֹנִֽים׃ wayiheyu pequdeyhem shemonat ʾalafiym waḥamesh meʾowt ushemoniym׃

⁴⁹ עַל־פִּ֨י יְהוָ֜ה פָּקַ֤ד אֹותָם֙ בְּיַד־מֹשֶׁ֔ה אִ֥ישׁ אִ֛ישׁ עַל־עֲבֹדָתֹ֖ו וְעַל־מַשָּׂאֹ֑ו וּפְקֻדָ֕יו אֲשֶׁר־צִוָּ֥ה יְהוָ֖ה אֶת־מֹשֶֽׁה׃ פ ʿal־piy yehwah paqad ʾowtam beyad־mosheh ʾiysh ʾiysh ʿal־ʿavodatow weʿal־masaʾow ufequdayw ʾasher־tsiuah yehwah ʾet־mosheh׃ f