1 שִׁ֣ירוּ לַ֭יהוָה שִׁ֣יר חָדָ֑שׁ שִׁ֥ירוּ לַ֝יהוָ֗ה כָּל־הָאָֽרֶץ׃ shiyru layhwah shiyr ḥadash shiyru layhwah kal־haʾarets׃
2 שִׁ֣ירוּ לַ֭יהוָה בָּרֲכ֣וּ שְׁמֹ֑ו בַּשְּׂר֥וּ מִיֹּֽום־לְ֝יֹ֗ום יְשׁוּעָתֹֽו׃ shiyru layhwah barakhu shemow baseru miyowm־leyowm yeshuʿatow׃
3 סַפְּר֣וּ בַגֹּויִ֣ם כְּבֹודֹ֑ו בְּכָל־הָֽ֝עַמִּ֗ים נִפְלְאֹותָֽיו׃ saperu vagowyim kevowdow bekhal־haʿamiym nifeleʾowtayw׃
4 כִּ֥י גָ֘דֹ֤ול יְהוָ֣ה וּמְהֻלָּ֣ל מְאֹ֑ד נֹורָ֥א ה֝֗וּא עַל־כָּל־אֱלֹהִֽים׃ kiy gadowl yehwah umehulal meʾod nowraʾ huʾ ʿal־kal־ʾelohiym׃
5 כִּ֤י ׀ כָּל־אֱלֹהֵ֣י הָעַמִּ֣ים אֱלִילִ֑ים וַֽ֝יהוָ֗ה שָׁמַ֥יִם עָשָֽׂה׃ kiy ׀ kal־ʾelohey haʿamiym ʾeliyliym wayhwah shamayim ʿasah׃
6 הֹוד־וְהָדָ֥ר לְפָנָ֑יו עֹ֥ז וְ֝תִפְאֶ֗רֶת בְּמִקְדָּשֹֽׁו׃ howd־wehadar lefanayw ʿoz wetifeʾeret bemiqedashow׃
7 הָב֣וּ לַ֭יהוָה מִשְׁפְּחֹ֣ות עַמִּ֑ים הָב֥וּ לַ֝יהוָ֗ה כָּבֹ֥וד וָעֹֽז׃ havu layhwah mishepeḥowt ʿamiym havu layhwah kavowd waʿoz׃
8 הָב֣וּ לַ֭יהוָה כְּבֹ֣וד שְׁמֹ֑ו שְׂאֽוּ־מִ֝נְחָ֗ה וּבֹ֥אוּ לְחַצְרֹותָֽיו׃ havu layhwah kevowd shemow seʾu־mineḥah uvoʾu leḥatserowtayw׃
9 הִשְׁתַּחֲו֣וּ לַ֭יהוָה בְּהַדְרַת־קֹ֑דֶשׁ חִ֥ילוּ מִ֝פָּנָ֗יו כָּל־הָאָֽרֶץ׃ hishetaḥawu layhwah behaderat־qodesh ḥiylu mipanayw kal־haʾarets׃
10 אִמְר֤וּ בַגֹּויִ֨ם ׀ יְה֘וָ֤ה מָלָ֗ךְ אַף־תִּכֹּ֣ון תֵּ֭בֵל בַּל־תִּמֹּ֑וט יָדִ֥ין עַ֝מִּ֗ים בְּמֵישָׁרִֽים׃ ʾimeru vagowyim ׀ yehwah malakhe ʾaf־tikown tevel bal־timowṭ yadiyn ʿamiym bemeyshariym׃
11 יִשְׂמְח֣וּ הַ֭שָּׁמַיִם וְתָגֵ֣ל הָאָ֑רֶץ יִֽרְעַ֥ם הַ֝יָּ֗ם וּמְלֹאֹֽו׃ yisemeḥu hashamayim wetagel haʾarets yireʿam hayam umeloʾow׃
12 יַעֲלֹ֣ז דַי וְכָל־אֲשֶׁר־בֹּ֑ו אָ֥ז יְ֝רַנְּנ֗וּ כָּל־עֲצֵי־יָֽעַר׃ yaʿaloz day wekhal־ʾasher־bow ʾaz yeranenu kal־ʿatsey־yaʿar׃
13 לִפְנֵ֤י יְהוָ֨ה ׀ כִּ֬י בָ֗א כִּ֥י בָא֮ לִשְׁפֹּ֪ט הָ֫אָ֥רֶץ יִשְׁפֹּֽט־תֵּבֵ֥ל בְּצֶ֑דֶק וְ֝עַמִּ֗ים בֶּאֱמוּנָתֹֽו׃ lifeney yehwah ׀ kiy vaʾ kiy vaʾ lishepoṭ haʾarets yishepoṭ־tevel betsedeq weʿamiym beʾemunatow׃