Proverbes 8

¹ הֲלֹֽא־חָכְמָ֥ה תִקְרָ֑א וּ֝תְבוּנָ֗ה תִּתֵּ֥ן קֹולָֽהּ׃ haloʾ־ḥakhemah tiqeraʾ utevunah titen qowlah׃

² בְּרֹאשׁ־מְרֹומִ֥ים עֲלֵי־דָ֑רֶךְ בֵּ֖ית נְתִיבֹ֣ות נִצָּֽבָה׃ beroʾsh־merowmiym ʿaley־darekhe beyt netiyvowt nitsavah׃

³ לְיַד־שְׁעָרִ֥ים לְפִי־קָ֑רֶת מְבֹ֖וא פְתָחִ֣ים תָּרֹֽנָּה׃ leyad־sheʿariym lefiy־qaret mevowʾ fetaḥiym taronah׃

⁴ אֲלֵיכֶ֣ם אִישִׁ֣ים אֶקְרָ֑א וְ֝קֹולִ֗י אֶל־בְּנֵ֥י אָדָֽם׃ ʾaleykhem ʾiyshiym ʾeqeraʾ weqowliy ʾel־beney ʾadam׃

⁵ הָבִ֣ינוּ פְתָאיִ֣ם עָרְמָ֑ה וּ֝כְסִילִ֗ים הָבִ֥ינוּ לֵֽב׃ haviynu fetaʾyim ʿaremah ukhesiyliym haviynu lev׃

⁶ מְעוּ כִּֽי־נְגִידִ֣ים אֲדַבֵּ֑ר וּמִפְתַּ֥ח פָתַ֗י מֵישָׁרִֽים׃ meʿu kiy־negiydiym ʾadaber umifetaḥ fatay meyshariym׃

⁷ כִּֽי־אֱ֭מֶת יֶהְגֶּ֣ה חִכִּ֑י וְתֹועֲבַ֖ת שְׂפָתַ֣י רֶֽשַׁע׃ kiy־ʾemet yehegeh ḥikiy wetowʿavat sefatay reshaʿ׃

⁸ בְּצֶ֥דֶק כָּל־אִמְרֵי־פִ֑י אֵ֥ין בָּ֝הֶ֗ם נִפְתָּ֥ל וְעִקֵּֽשׁ׃ betsedeq kal־ʾimerey־fiy ʾeyn bahem nifetal weʿiqesh׃

⁹ כֻּלָּ֣ם נְ֭כֹחִים לַמֵּבִ֑ין וִֽ֝ישָׁרִ֗ים לְמֹ֣צְאֵי דָֽעַת׃ kulam nekhoḥiym lameviyn wiyshariym lemotseʾey daʿat׃

¹⁰ קְחֽוּ־מוּסָרִ֥י וְאַל־כָּ֑סֶף וְ֝דַ֗עַת מֵחָר֥וּץ נִבְחָֽר׃ qeḥu־musariy weʾal־kasef wedaʿat meḥaruts niveḥar׃

¹¹ כִּֽי־טֹובָ֣ה חָ֭כְמָה מִפְּנִינִ֑ים וְכָל־חֲ֝פָצִ֗ים לֹ֣א יִֽשְׁווּ־בָֽהּ׃ kiy־ṭowvah ḥakhemah mipeniyniym wekhal־ḥafatsiym loʾ yishewu־vah׃

¹² אֲ‍ֽנִי־חָ֭כְמָה שָׁכַ֣נְתִּי עָרְמָ֑ה וְדַ֖עַת מְזִמֹּ֣ות אֶמְצָֽא׃ א‍niy־ḥakhemah shakhanetiy ʿaremah wedaʿat mezimowt ʾemetsaʾ׃

¹³ יִֽרְאַ֣ת יְהוָה֮ שְֽׂנֹ֫את רָ֥ע גֵּ֘אָ֤ה וְגָאֹ֨ון ׀ וְדֶ֣רֶךְ רָ֭ע וּפִ֨י תַהְפֻּכֹ֬ות שָׂנֵֽאתִי׃ yireʾat yehwah senoʾt raʿ geʾah wegaʾown ׀ wederekhe raʿ ufiy tahepukhowt saneʾtiy׃

¹⁴ לִֽי־עֵ֭צָה וְתוּשִׁיָּ֑ה אֲנִ֥י בִ֝ינָ֗ה לִ֣י גְבוּרָֽה׃ liy־ʿetsah wetushiyah ʾaniy viynah liy gevurah׃

¹⁵ בִּ֭י מְלָכִ֣ים יִמְלֹ֑כוּ וְ֝רֹוזְנִ֗ים יְחֹ֣קְקוּ צֶֽדֶק׃ biy melakhiym yimelokhu werowzeniym yeḥoqequ tsedeq׃

¹⁶ בִּ֭י שָׂרִ֣ים יָשֹׂ֑רוּ וּ֝נְדִיבִ֗ים כָּל־שֹׁ֥פְטֵי צֶֽדֶק׃ biy sariym yasoru unediyviym kal־shofeṭey tsedeq׃

¹⁷ אֲ֭נִי [אֹהֲבֶיהָ כ] (אֹהֲבַ֣י ק) אֵהָ֑ב וּ֝מְשַׁחֲרַ֗י יִמְצָאֻֽנְנִי׃ ʾaniy [ʾohaveyha kh] (ʾohavay q) ʾehav umeshaḥaray yimetsaʾuneniy׃

¹⁸ עֹֽשֶׁר־וְכָבֹ֥וד אִתִּ֑י הֹ֥ון עָ֝תֵ֗ק וּצְדָקָֽה׃ ʿosher־wekhavowd ʾitiy hown ʿateq utsedaqah׃

¹⁹ טֹ֣וב פִּ֭רְיִי מֵחָר֣וּץ וּמִפָּ֑ז וּ֝תְבוּאָתִ֗י מִכֶּ֥סֶף נִבְחָֽר׃ ṭowv pireyiy meḥaruts umipaz utevuʾatiy mikesef niveḥar׃

²⁰ בְּאֹֽרַח־צְדָקָ֥ה אֲהַלֵּ֑ך בְּ֝תֹ֗וךְ נְתִיבֹ֥ות מִשְׁפָּֽט׃ beʾoraḥ־tsedaqah ʾahalekh betowkhe netiyvowt mishepaṭ׃

²¹ לְהַנְחִ֖יל אֹהֲבַ֥י ׀ יֵ֑שׁ וְאֹצְרֹ֖תֵיהֶ֣ם אֲמַלֵּֽא׃ פ lehaneḥiyl ʾohavay ׀ yesh weʾotseroteyhem ʾamaleʾ׃ f

²² יְֽהוָ֗ה קָ֭נָנִי רֵאשִׁ֣ית דַּרְכֹּ֑ו קֶ֖דֶם מִפְעָלָ֣יו מֵאָֽז׃ yehwah qananiy reʾshiyt darekow qedem mifeʿalayw meʾaz׃

²³ מֵ֭עֹולָם נִסַּ֥כְתִּי מֵרֹ֗אשׁ מִקַּדְמֵי־אָֽרֶץ׃ meʿowlam nisakhetiy meroʾsh miqademey־ʾarets׃

²⁴ בְּאֵין־תְּהֹמֹ֥ות חֹולָ֑לְתִּי בְּאֵ֥ין מַ֝עְיָנֹ֗ות נִכְבַּדֵּי־מָֽיִם׃ beʾeyn־tehomowt ḥowlaletiy beʾeyn maʿeyanowt nikhebadey־mayim׃

²⁵ בְּטֶ֣רֶם הָרִ֣ים הָטְבָּ֑עוּ לִפְנֵ֖י גְבָעֹ֣ות חֹולָֽלְתִּי׃ beṭerem hariym haṭebaʿu lifeney gevaʿowt ḥowlaletiy׃

²⁶ עַד־לֹ֣א עָ֭שָׂה אֶ֣רֶץ וְחוּצֹ֑ות וְ֝רֹ֗אשׁ עָפְרֹ֥ות תֵּבֵֽל׃ ʿad־loʾ ʿasah ʾerets weḥutsowt weroʾsh ʿaferowt tevel׃

²⁷ בַּהֲכִינֹ֣ו מַיִם שָׁ֣ם אָ֑נִי בְּח֥וּקֹו ח֝֗וּג עַל־פְּנֵ֥י תְהֹֽום׃ bahakhiynow mayim sham ʾaniy beḥuqow ḥug ʿal־peney tehowm׃

²⁸ בְּאַמְּצֹ֣ו שְׁחָקִ֣ים מִמָּ֑עַל בַּ֝עֲזֹ֗וז עִינֹ֥ות תְּהֹום ׃ beʾametsow sheḥaqiym mimaʿal baʿazowz ʿiynowt tehowm ׃

²⁹ בְּשׂ֘וּמֹ֤ו לַיָּ֨ם ׀ חֻקֹּ֗ו וּ֭מַיִם לֹ֣א יַֽעַבְרוּ־פִ֑יו בְּ֝חוּקֹ֗ו מֹ֣וסְדֵי אָֽרֶץ׃ besumow layam ׀ ḥuqow umayim loʾ yaʿaveru־fiyw beḥuqow mowsedey ʾarets׃

³⁰ וָֽאֶהְיֶ֥ה אֶצְלֹ֗ו אָ֫מֹ֥ון וָֽאֶהְיֶ֣ה עֲשֻׁעִים יֹ֤ום ׀ יֹ֑ום מְשַׂחֶ֖קֶת לְפָנָ֣יו בְּכָל־עֵֽת׃ waʾeheyeh ʾetselow ʾamown waʾeheyeh ʿashuʿiym yowm ׀ yowm mesaḥeqet lefanayw bekhal־ʿet׃

³¹ מְ֭שַׂחֶקֶת בְּתֵבֵ֣ל אַרְצֹ֑ו וְ֝שַׁעֲשֻׁעַ֗י אֶת־בְּנֵ֥י אָדָֽם׃ פ mesaḥeqet betevel ʾaretsow weshaʿashuʿay ʾet־beney ʾadam׃ f

³² וְעַתָּ֣ה בָ֭נִים שִׁמְעוּ־לִ֑י וְ֝אַשְׁרֵ֗י דְּרָכַ֥י יִשְׁמֹֽרוּ׃ weʿatah vaniym shimeʿu־liy weʾasherey derakhay yishemoru׃

³³ שִׁמְע֖וּ מוּסָ֥ר וַחֲכָ֗מוּ וְאַל־תִּפְרָֽעוּ׃ shimeʿu musar waḥakhamu weʾal־tiferaʿu׃

³⁴ אַ֥שְֽׁרֵי אָדָם֮ שֹׁמֵ֪עַֽ֫ לִ֥י לִשְׁקֹ֣ד עַל־דַּ֭לְתֹתַי יֹ֤ום ׀ יֹ֑ום לִ֝שְׁמֹ֗ר מְזוּזֹ֥ת פְּתָחָֽי׃ ʾasherey ʾadam shomeaʿ liy lisheqod ʿal־daletotay yowm ׀ yowm lishemor mezuzot petaḥay׃

³⁵ כִּ֣י מֹ֭צְאִי [מֹצְאֵי כ] (מָצָ֣א ק) חַיִּ֑ים וַיָּ֥פֶק רָ֝צֹ֗ון מֵיְהוָֽה׃ kiy motseʾiy [motseʾey kh] (matsaʾ q) ḥayiym wayafeq ratsown meyehwah׃

³⁶ וְֽ֭חֹטְאִי חֹמֵ֣ס נַפְשֹׁ֑ו כָּל־מְ֝שַׂנְאַ֗י אָ֣הֲבוּ מָֽוֶת׃ פ weḥoṭeʾiy ḥomes nafeshow kal־mesaneʾay ʾahavu mawet׃ f