Jérémie 15

¹ וַיֹּ֤אמֶר יְהוָה֙ אֵלַ֔י אִם־יַעֲמֹ֨ד מֹשֶׁ֤ה וּשְׁמוּאֵל֙ לְפָנַ֔י אֵ֥ין נַפְשִׁ֖י אֶל־הָעָ֣ם הַזֶּ֑ה שַׁלַּ֥ח מֵֽעַל־פָּנַ֖י וְיֵצֵֽאוּ׃ wayoʾmer yehwah ʾelay ʾim־yaʿamod mosheh ushemuʾel lefanay ʾeyn nafeshiy ʾel־haʿam hazeh shalaḥ meʿal־panay weyetseʾu׃

² וְהָיָ֛ה כִּֽי־יֹאמְר֥וּ אֵלֶ֖יךָ אָ֣נָה נֵצֵ֑א וְאָמַרְתָּ֨ אֲלֵיהֶ֜ם כֹּֽה־אָמַ֣ר יְהוָ֗ה אֲשֶׁ֨ר לַמָּ֤וֶת לַמָּ֙וֶת֙ וַאֲשֶׁ֤ר לַחֶ֙רֶב֙ לַחֶ֔רֶב וַאֲשֶׁ֤ר לָֽרָעָב֙ לָֽרָעָ֔ב וַאֲשֶׁ֥ר לַשְּׁבִ֖י לַשֶּֽׁבִי׃ wehayah kiy־yoʾmeru ʾeleykha ʾanah netseʾ weʾamareta ʾaleyhem koh־ʾamar yehwah ʾasher lamawet lamawet waʾasher laḥerev laḥerev waʾasher laraʿav laraʿav waʾasher lasheviy lasheviy׃

³ וּפָקַדְתִּ֨י עֲלֵיהֶ֜ם אַרְבַּ֤ע מִשְׁפָּחֹות֙ נְאֻם־יְהוָ֔ה אֶת־הַחֶ֣רֶב לַֽהֲרֹ֔ג וְאֶת־הַכְּלָבִ֖ים לִסְחֹ֑ב וְאֶת־עֹ֧וף הַשָּׁמַ֛יִם וְאֶת־בֶּהֱמַ֥ת הָאָ֖רֶץ לֶאֱכֹ֥ל וּלְהַשְׁחִֽית׃ ufaqadetiy ʿaleyhem ʾarebaʿ mishepaḥowt neʾum־yehwah ʾet־haḥerev laharog weʾet־hakelaviym liseḥov weʾet־ʿowf hashamayim weʾet־behemat haʾarets leʾekhol ulehasheḥiyt׃

⁴ וּנְתַתִּ֣ים [לִזְוָעָה כ] (לְזַֽעֲוָ֔ה ק) לְכֹ֖ל מַמְלְכֹ֣ות הָאָ֑רֶץ בִּ֠גְלַל מְנַשֶּׁ֤ה בֶן־יְחִזְקִיָּ֙הוּ֙ מֶ֣לֶךְ יְהוּדָ֔ה עַ֥ל אֲשֶׁר־עָשָׂ֖ה בִּירוּשָׁלִָֽם׃ unetatiym [lizewaʿah kh] (lezaʿawah q) lekhol mamelekhowt haʾarets bigelal menasheh ven־yeḥizeqiyahu melekhe yehudah ʿal ʾasher־ʿasah biyrushalim׃

⁵ כִּ֠י מִֽי־יַחְמֹ֤ל עָלַ֙יִךְ֙ יְר֣וּשָׁלִַ֔ם וּמִ֖י יָנ֣וּד לָ֑ךְ וּמִ֣י יָס֔וּר לִשְׁאֹ֥ל לְשָׁלֹ֖ם לָֽךְ׃ kiy miy־yaḥemol ʿalayikhe yerushalim umiy yanud lakhe umiy yasur lisheʾol leshalom lakhe׃

⁶ אַ֣תְּ נָטַ֥שְׁתְּ אֹתִ֛י נְאֻם־יְהוָ֖ה אָחֹ֣ור תֵּלֵ֑כִי וָאַ֨ט אֶת־יָדִ֤י עָלַ֙יִךְ֙ וָֽאַשְׁחִיתֵ֔ךְ נִלְאֵ֖יתִי הִנָּחֵֽם׃ ʾate naṭashete ʾotiy neʾum־yehwah ʾaḥowr telekhiy waʾaṭ ʾet־yadiy ʿalayikhe waʾasheḥiytekhe nileʾeytiy hinaḥem׃

⁷ וָאֶזְרֵ֥ם בְּמִזְרֶ֖ה בְּשַׁעֲרֵ֣י הָאָ֑רֶץ שִׁכַּ֤לְתִּי אִבַּ֙דְתִּי֙ אֶת־עַמִּ֔י מִדַּרְכֵיהֶ֖ם לֹוא־שָֽׁבוּ׃ waʾezerem bemizereh beshaʿarey haʾarets shikaletiy ʾibadetiy ʾet־ʿamiy midarekheyhem lowʾ־shavu׃

⁸ עָֽצְמוּ־לִ֤י אַלְמְנֹתָו֙ מֵחֹ֣ול יַמִּ֔ים הֵבֵ֨אתִי לָהֶ֥ם עַל־אֵ֛ם בָּח֖וּר שֹׁדֵ֣ד בַּֽצָּהֳרָ֑יִם הִפַּ֤לְתִּי עָלֶ֙יהָ֙ פִּתְאֹ֔ם עִ֖יר וּבֶהָלֹֽות׃ ʿatsemu־liy ʾalemenotaw meḥowl yamiym heveʾtiy lahem ʿal־ʾem baḥur shoded batsahorayim hipaletiy ʿaleyha piteʾom ʿiyr uvehalowt׃

⁹ אֻמְלְלָ֞ה יֹלֶ֣דֶת הַשִּׁבְעָ֗ה נָפְחָ֥ה נַפְשָׁ֛הּ [בָּאָה כ] (בָּ֥א ק) שִׁמְשָׁ֛הּ בְּעֹ֥ד יֹומָ֖ם בֹּ֣ושָׁה וְחָפֵ֑רָה וּשְׁאֵֽרִיתָ֗ם לַחֶ֧רֶב אֶתֵּ֛ן לִפְנֵ֥י אֹיְבֵיהֶ֖ם נְאֻם־יְהוָֽה׃ ס ʾumelelah yoledet hashiveʿah nafeḥah nafeshah [baʾah kh] (baʾ q) shimeshah beʿod yowmam bowshah weḥaferah usheʾeriytam laḥerev ʾeten lifeney ʾoyeveyhem neʾum־yehwah׃ s

¹⁰ אֹֽוי־לִ֣י אִמִּ֔י כִּ֣י יְלִדְתִּ֗נִי אִ֥ישׁ רִ֛יב וְאִ֥ישׁ מָדֹ֖ון לְכָל־הָאָ֑רֶץ לֹֽא־נָשִׁ֥יתִי וְלֹא־נָֽשׁוּ־בִ֖י כֻּלֹּ֥ה מְקַלְלַֽונִי׃ ס ʾowy־liy ʾimiy kiy yelidetiniy ʾiysh riyv weʾiysh madown lekhal־haʾarets loʾ־nashiytiy weloʾ־nashu־viy kuloh meqalelawniy׃ s

¹¹ אָמַ֣ר יְהוָ֔ה אִם־לֹ֥א [שָׁרֹותִךָ כ] (שֵֽׁרִיתִ֖יךָ ק) לְטֹ֑וב אִם־לֹ֣וא ׀ הִפְגַּ֣עְתִּֽי בְךָ֗ בְּעֵ֥ת־רָעָ֛ה וּבְעֵ֥ת צָרָ֖ה אֶת־הָאֹיֵֽב׃ ʾamar yehwah ʾim־loʾ [sharowtikha kh] (sheriytiykha q) leṭowv ʾim־lowʾ ׀ hifegaʿetiy vekha beʿet־raʿah uveʿet tsarah ʾet־haʾoyev׃

¹² הֲיָרֹ֨עַ בַּרְזֶ֧ל ׀ בַּרְזֶ֛ל מִצָּפֹ֖ון וּנְחֹֽשֶׁת׃ hayaroaʿ barezel ׀ barezel mitsafown uneḥoshet׃

¹³ חֵילְךָ֧ וְאֹוצְרֹותֶ֛יךָ לָבַ֥ז אֶתֵּ֖ן לֹ֣א בִמְחִ֑יר וּבְכָל־חַטֹּאותֶ֖יךָ וּבְכָל־גְּבוּלֶֽיךָ׃ ḥeylekha weʾowtserowteykha lavaz ʾeten loʾ vimeḥiyr uvekhal־ḥaṭoʾwteykha uvekhal־gevuleykha׃

¹⁴ וְהַֽעֲבַרְתִּי֙ אֶת־אֹ֣יְבֶ֔יךָ בְּאֶ֖רֶץ לֹ֣א יָדָ֑עְתָּ כִּֽי־אֵ֛שׁ קָדְחָ֥ה בְאַפִּ֖י עֲלֵיכֶ֥ם תּוּקָֽד׃ ס wehaʿavaretiy ʾet־ʾoyeveykha beʾerets loʾ yadaʿeta kiy־ʾesh qadeḥah veʾapiy ʿaleykhem tuqad׃ s

¹⁵ אַתָּ֧ה יָדַ֣עְתָּ יְהוָ֗ה זָכְרֵ֤נִי וּפָקְדֵ֙נִי֙ וְהִנָּ֤קֶם לִי֙ מֵרֹ֣דְפַ֔י אַל־לְאֶ֥רֶךְ אַפְּךָ֖ תִּקָּחֵ֑נִי דַּ֕ע שְׂאֵתִ֥י עָלֶ֖יךָ חֶרְפָּֽה׃ ʾatah yadaʿeta yehwah zakhereniy ufaqedeniy wehinaqem liy merodefay ʾal־leʾerekhe ʾapekha tiqaḥeniy daʿ seʾetiy ʿaleykha ḥerepah׃

¹⁶ נִמְצְא֤וּ דְבָרֶ֙יךָ֙ וָאֹ֣כְלֵ֔ם וַיְהִ֤י [דְבָרֶיךָ כ] (דְבָֽרְךָ֙ ק) לִ֔י לְשָׂשֹׂ֖ון וּלְשִׂמְחַ֣ת לְבָבִ֑י כִּֽי־נִקְרָ֤א שִׁמְךָ֙ עָלַ֔י יְהוָ֖ה אֱלֹהֵ֥י צְבָאֹֽות׃ ס nimetseʾu devareykha waʾokhelem wayehiy [devareykha kh] (devarekha q) liy lesasown ulesimeḥat levaviy kiy־niqeraʾ shimekha ʿalay yehwah ʾelohey tsevaʾowt׃ s

¹⁷ לֹֽא־יָשַׁ֥בְתִּי בְסֹוד־מְשַׂחֲקִ֖ים וָֽאֶעְלֹ֑ז מִפְּנֵ֤י יָֽדְךָ֙ בָּדָ֣ד יָשַׁ֔בְתִּי כִּֽי־זַ֖עַם מִלֵּאתָֽנִי׃ ס loʾ־yashavetiy vesowd־mesaḥaqiym waʾeʿeloz mipeney yadekha badad yashavetiy kiy־zaʿam mileʾtaniy׃ s

¹⁸ לָ֣מָּה הָיָ֤ה כְאֵבִי֙ נֶ֔צַח וּמַכָּתִ֖י אֲנוּשָׁ֑ה֙ מֵֽאֲנָה֙ הֵֽרָפֵ֔א הָיֹ֨ו תִֽהְיֶ֥ה לִי֙ כְּמֹ֣ו אַכְזָ֔ב מַ֖יִם לֹ֥א נֶאֱמָֽנוּ׃ ס lamah hayah kheʾeviy netsaḥ umakatiy ʾanushah meʾanah herafeʾ hayow tiheyeh liy kemow ʾakhezav mayim loʾ neʾemanu׃ s

¹⁹ לָכֵ֞ן כֹּֽה־אָמַ֣ר יְהוָ֗ה אִם־תָּשׁ֤וּב וַאֲשִֽׁיבְךָ֙ לְפָנַ֣י תַּֽעֲמֹ֔ד וְאִם־תֹּוצִ֥יא יָקָ֛ר מִזֹּולֵ֖ל כְּפִ֣י תִֽהְיֶ֑ה יָשֻׁ֤בוּ הֵ֙מָּה֙ אֵלֶ֔יךָ וְאַתָּ֖ה לֹֽא־תָשׁ֥וּב אֲלֵיהֶֽם׃ lakhen koh־ʾamar yehwah ʾim־tashuv waʾashiyvekha lefanay taʿamod weʾim־towtsiyʾ yaqar mizowlel kefiy tiheyeh yashuvu hemah ʾeleykha weʾatah loʾ־tashuv ʾaleyhem׃

²⁰ וּנְתַתִּ֜יךָ לָעָ֣ם הַזֶּ֗ה לְחֹומַ֤ת נְחֹ֙שֶׁת֙ בְּצוּרָ֔ה וְנִלְחֲמ֥וּ אֵלֶ֖יךָ וְלֹא־י֣וּכְלוּ לָ֑ךְ כִּֽי־אִתְּךָ֥ אֲנִ֛י לְהֹושִֽׁיעֲךָ֥ וּלְהַצִּילֶ֖ךָ נְאֻם־יְהוָֽה׃ unetatiykha laʿam hazeh leḥowmat neḥoshet betsurah wenileḥamu ʾeleykha weloʾ־yukhelu lakhe kiy־ʾitekha ʾaniy lehowshiyʿakha ulehatsiylekha neʾum־yehwah׃

²¹ וְהִצַּלְתִּ֖יךָ מִיַּ֣ד רָעִ֑ים וּפְדִתִ֖יךָ מִכַּ֥ף עָרִצִֽים׃ פ wehitsaletiykha miyad raʿiym ufeditiykha mikaf ʿaritsiym׃ f