Psaumes 104

¹ בָּרֲכִ֥י נַפְשִׁ֗י אֶת־יְה֫וָ֥ה יְהוָ֣ה אֱ֭לֹהַי גָּדַ֣לְתָּ מְּאֹ֑ד הֹ֭וד וְהָדָ֣ר לָבָֽשְׁתָּ׃ barakhiy nafeshiy ʾet־yehwah yehwah ʾelohay gadaleta meʾod howd wehadar lavasheta׃

² עֹֽטֶה־אֹ֭ור כַּשַּׂלְמָ֑ה נֹוטֶ֥ה מַ֗יִם כַּיְרִיעָֽה׃ ʿoṭeh־ʾowr kasalemah nowṭeh mayim kayeriyʿah׃

³ הַ֥מְקָרֶֽה בַמַּ֗יִם עֲ‍ֽלִיֹּ֫ותָ֥יו הַשָּׂם־עָבִ֥ים רְכוּבֹ֑ו הַֽ֝מְהַלֵּ֗ךְ עַל־כַּנְפֵי־רֽוּחַ׃ hameqareh vamayim ע‍liyowtayw hasam־ʿaviym rekhuvow hamehalekhe ʿal־kanefey־ruaḥ׃

⁴ עֹשֶׂ֣ה מַלְאָכָ֣יו רוּחֹ֑ות מְ֝שָׁרְתָ֗יו אֵ֣שׁ לֹהֵֽט׃ ʿoseh maleʾakhayw ruḥowt mesharetayw ʾesh loheṭ׃

⁵ יָֽסַד־אֶ֭רֶץ עַל־מְכֹונֶ֑יהָ בַּל־תִּ֝מֹּ֗וט עֹולָ֥ם וָעֶֽד׃ yasad־ʾerets ʿal־mekhowneyha bal־timowṭ ʿowlam waʿed׃

⁶ תְּ֭הֹום כַּלְּב֣וּשׁ כִּסִּיתֹ֑ו עַל־הָ֝רִ֗ים יַֽעַמְדוּ־מָֽיִם׃ tehowm kalevush kisiytow ʿal־hariym yaʿamedu־mayim׃

⁷ מִן־גַּעֲרָ֣תְךָ֣ יְנוּס֑וּן מִן־קֹ֥ול רַֽ֝עַמְךָ֗ יֵחָפֵזֽוּן׃ min־gaʿaratekha yenusun min־qowl raʿamekha yeḥafezun׃

⁸ יַעֲל֣וּ הָ֭רִים יֵרְד֣וּ בְקָעֹ֑ות אֶל־מְ֝קֹ֗ום זֶ֤ה ׀ יָסַ֬דְתָּ לָהֶֽם׃ yaʿalu hariym yeredu veqaʿowt ʾel־meqowm zeh ׀ yasadeta lahem׃

⁹ גְּֽבוּלשַׂ֭־מְתָּ בַּל־יַֽעֲבֹר֑וּן בַּל־יְ֝שׁוּב֗וּן לְכַסֹּ֥ות הָאָֽרֶץ׃ gevulsa־meta bal־yaʿavorun bal־yeshuvun lekhasowt haʾarets׃

¹⁰ הַֽמְשַׁלֵּ֣חַ מַ֭עְיָנִים בַּנְּחָלִ֑ים בֵּ֥ין הָ֝רִ֗ים יְהַלֵּכֽוּן׃ hameshaleaḥ maʿeyaniym baneḥaliym beyn hariym yehalekhun׃

¹¹ יַ֭שְׁקוּ כָּל־חַיְתֹ֣ו שָׂדָ֑י יִשְׁבְּר֖וּ פְרָאִ֣ים צְמָאָֽם׃ yashequ kal־ḥayetow saday yisheberu feraʾiym tsemaʾam׃

¹² עֲ֭לֵיהֶם עֹוף־הַשָּׁמַ֣יִם יִשְׁכֹּ֑ון מִבֵּ֥ין עֳ֝פָאיִ֗ם יִתְּנוּ־קֹֽול׃ ʿaleyhem ʿowf־hashamayim yishekown mibeyn ʿofaʾyim yitenu־qowl׃

¹³ מַשְׁקֶ֣ה הָ֭רִים מֵעֲלִיֹּותָ֑יו מִפְּרִ֥י מַ֝עֲשֶׂ֗יךָ תִּשְׂבַּ֥ע הָאָֽרֶץ׃ masheqeh hariym meʿaliyowtayw miperiy maʿaseykha tisebaʿ haʾarets׃

¹⁴ מַצְמִ֤יחַ חָצִ֨יר ׀ לַבְּהֵמָ֗ה וְ֭עֵשֶׂב לַעֲבֹדַ֣ת הָאָדָ֑ם לְהֹ֥וצִיא לֶ֝֗חֶם מִן־הָאָֽרֶץ׃ matsemiyḥa ḥatsiyr ׀ labehemah weʿesev laʿavodat haʾadam lehowtsiyʾ leḥem min־haʾarets׃

¹⁵ וְיַ֤יִן ׀ יְשַׂמַּ֬ח לְֽבַב־אֱנֹ֗ושׁ לְהַצְהִ֣יל פָּנִ֣ים מִשָּׁ֑מֶן וְ֝לֶ֗חֶם לְֽבַב־אֱנֹ֥ושׁ יִסְעָֽד׃ weyayin ׀ yesamaḥ levav־ʾenowsh lehatsehiyl paniym mishamen weleḥem levav־ʾenowsh yiseʿad׃

¹⁶ יִ֭שְׂבְּעוּ עֲצֵ֣י יְהוָ֑ה אַֽרְזֵ֥י לְ֝בָנֹ֗ון אֲשֶׁ֣ר נָטָֽע׃ yisebeʿu ʿatsey yehwah ʾarezey levanown ʾasher naṭaʿ׃

¹⁷ אֲשֶׁרשָׁ֭־ם צִפֳּרִ֣ים יְקַנֵּ֑נוּ חֲ֝סִידָ֗ה בְּרֹושִׁ֥ים בֵּיתָֽהּ׃ ʾashersha־m tsiporiym yeqanenu ḥasiydah berowshiym beytah׃

¹⁸ הָרִ֣ים הַ֭גְּבֹהִים לַיְּעֵלִ֑ים סְ֝לָעִ֗ים מַחְסֶ֥ה לַֽשְׁפַנִּֽים׃ hariym hagevohiym layeʿeliym selaʿiym maḥeseh lashefaniym׃

¹⁹ עָשָׂ֣ה יָ֭רֵחַ לְמֹועֲדִ֑ים מֶשׁ יָדַ֥ע מְבֹואֹֽו׃ ʿasah yareaḥ lemowʿadiym mesh yadaʿ mevowʾow׃

²⁰ תָּֽשֶׁת־חֹ֭שֶׁךְ וִ֣יהִי לָ֑יְלָה בֹּֽו־תִ֝רְמֹ֗שׂ כָּל־חַיְתֹו־יָֽעַר׃ tashet־ḥoshekhe wiyhiy layelah bow־tiremos kal־ḥayetow־yaʿar׃

²¹ הַ֭כְּפִירִים שֹׁאֲגִ֣ים לַטָּ֑רֶף וּלְבַקֵּ֖שׁ מֵאֵ֣ל אָכְלָֽם׃ hakefiyriym shoʾagiym laṭaref ulevaqesh meʾel ʾakhelam׃

²² תִּזְרַ֣ח הַ֭שֶּׁמֶשׁ יֵאָסֵפ֑וּן וְאֶל־מְ֝עֹונֹתָ֗ם יִרְבָּצֽוּן׃ tizeraḥ hashemesh yeʾasefun weʾel־meʿownotam yirebatsun׃

²³ יֵצֵ֣א אָדָ֣ם לְפָעֳלֹ֑ו וְֽלַעֲבֹ֖דָתֹ֣ו עֲדֵי־עָֽרֶב׃ yetseʾ ʾadam lefaʿolow welaʿavodatow ʿadey־ʿarev׃

²⁴ מָֽה־רַבּ֬וּ מַעֲשֶׂ֨יךָ ׀ יְֽהוָ֗ה כֻּ֭לָּם בְּחָכְמָ֣ה עָשִׂ֑יתָ מָלְאָ֥ה הָ֝אָ֗רֶץ קִנְיָנֶֽךָ׃ mah־rabu maʿaseykha ׀ yehwah kulam beḥakhemah ʿasiyta maleʾah haʾarets qineyanekha׃

²⁵ זֶ֤ה ׀ הַיָּ֥ם גָּדֹול֮ וּרְחַ֪ב יָ֫דָ֥יִם שָֽׁם־רֶ֭מֶשׂ וְאֵ֣ין מִסְפָּ֑ר חַיֹּ֥ות קְ֝טַנֹּ֗ות עִם־גְּדֹלֹֽות׃ zeh ׀ hayam gadowl ureḥav yadayim sham־remes weʾeyn misepar ḥayowt qeṭanowt ʿim־gedolowt׃

²⁶ ם אֳנִיֹּ֣ות יְהַלֵּכ֑וּן לִ֝וְיָתָ֗ן זֶֽה־יָצַ֥רְתָּ לְשַֽׂחֶק־בֹּֽו׃ m ʾoniyowt yehalekhun liweyatan zeh־yatsareta lesaḥeq־bow׃

²⁷ כֻּ֭לָּם אֵלֶ֣יךָ יְשַׂבֵּר֑וּן לָתֵ֖ת אָכְלָ֣ם בְּעִתֹּֽו׃ kulam ʾeleykha yesaberun latet ʾakhelam beʿitow׃

²⁸ תִּתֵּ֣ן לָ֭הֶם יִלְקֹט֑וּן תִּפְתַּ֥ח יָֽ֝דְךָ֗ יִשְׂבְּע֥וּן טֹֽוב׃ titen lahem yileqoṭun tifetaḥ yadekha yisebeʿun ṭowv׃

²⁹ תַּסְתִּ֥יר פָּנֶיךָ֮ יִֽבָּהֵ֫ל֥וּן תֹּסֵ֣ף ר֭וּחָם יִגְוָע֑וּן וְֽאֶל־עֲפָרָ֥ם יְשׁוּבֽוּן׃ tasetiyr paneykha yibahelun tosef ruḥam yigewaʿun weʾel־ʿafaram yeshuvun׃

³⁰ תְּשַׁלַּ֣ח ר֭וּחֲךָ יִבָּרֵא֑וּן וּ֝תְחַדֵּ֗שׁ פְּנֵ֣י אֲדָמָֽה׃ teshalaḥ ruḥakha yibareʾun uteḥadesh peney ʾadamah׃

³¹ יְהִ֤י כְבֹ֣וד יְהוָ֣ה לְעֹולָ֑ם יִשְׂמַ֖ח יְהוָ֣ה בְּמַעֲשָֽׂיו׃ yehiy khevowd yehwah leʿowlam yisemaḥ yehwah bemaʿasayw׃

³² הַמַּבִּ֣יט לָ֭אָרֶץ וַתִּרְעָ֑ד יִגַּ֖ע בֶּהָרִ֣ים וְֽיֶעֱשָֽׁנוּ׃ hamabiyṭ laʾarets watireʿad yigaʿ behariym weyeʿeshanu׃

³³ אָשִׁ֣ירָה לַיהוָ֣ה בְּחַיָּ֑י אֲזַמְּרָ֖ה לֵאלֹהַ֣י בְּעֹודִֽי׃ ʾashiyrah layhwah beḥayay ʾazamerah leʾlohay beʿowdiy׃

³⁴ יֶעֱרַ֣ב עָלָ֣יו שִׂיחִ֑י אָ֝נֹכִ֗י אֶשְׂמַ֥ח בַּיהוָֽה׃ yeʿerav ʿalayw siyḥiy ʾanokhiy ʾesemaḥ bayhwah׃

³⁵ יִתַּ֤מּוּ חַטָּאִ֨ים ׀ מִן־הָאָ֡רֶץ וּרְשָׁעִ֤ים ׀ עֹ֤וד אֵינָ֗ם בָּרֲכִ֣י נַ֭פְשִׁי אֶת־יְהוָ֗ה הַֽלְלוּ־יָֽהּ׃ yitamu ḥaṭaʾiym ׀ min־haʾarets ureshaʿiym ׀ ʿowd ʾeynam barakhiy nafeshiy ʾet־yehwah halelu־yah׃